سرقه سياره بطريقه النصب (تحذير)

[طارق _عبد السلام]

ده الموضوع متخطط له بدقه جدا وحرفيه عاليه اوى!!!

ذكاء خارق
لو استخدمه فى الخير والحلال هيكون انسان كويس جدا
لكن الحرام والعياذ بالله

[طارق _عبد السلام]

يا نهار ده نصب بطريقة
متخليش حد يشتري مستعمل ..

طبعا لازم يكون فيه حذر شديد اثناء الشراء
وبالذات من السوق
ربنا يبعدهم عنا جميعا

[طارق _عبد السلام]

الواحد بيتعلم طبعا من القصص دي ولازم نطلع بدروس مستفادة من قصة زي دي
ان الواحد لازم يشيك على رقم الموتور والشاسيه ويطابقهم مع الرخصة او شهادة البيانات
وان الافضل تكون العربية باسم المشتري وعدم وجود توكيلات
وانك لو هتسلم له جزأ من المبلغ قبل عملية الشراء تعرف عنوانه وتتقابل عند او في بيته

محدش ينخدع بصورة البائع وشخصيته مهما كانت
من القصة الناس انبهروا طبعا بشخصية البائع وحسوا انه منزه عن اي شئ
ونفس الكلام حصل معايا لما جيت اشتري عربية وثقت في اللي بيبيع كان مدير بنك وبتاع
لكن اكتشفت انه كان بيكدب علي في اي سؤال اسأله
طبعا كانت حاجات عبيطة مثلا الريموت السنتر مش شغال يقولي هتلاقيه بطارية والسنتر كان بيعلق اصلا
يقولي العربية نمبر وان اجيب ميكانيكي يقولي مغيرة كبوت وفيها خبطة
فرجاءا الشخص اللي بتشتري منه لا تتعامل معاه بثقة ابدا وبنفس الوقت مش تخونه
يعني زي ما بيقولوا كده حرص ولا تخون

موضوع التخوين ده كمان لما جيت ابيع عربيتي ربنا رزقني بكم شخصية كده عجب
منهم مشتري فضل معايا اسبوع يكلمني ونظبط مع بعض نروح الشهر العقاري نخلص
لا يفقه اي شئ في البيع والشراء ومعاملات المرور ارفني بجد
كان بيطالبني باني اوثق فيه وبنفس الوقت كان فاقد الثقة تماما في مع اني كنت ذوق جدا معاه
لدرجة اننا كتبنا عقد باستلام المبلغ كله واديته العقد بدون استلام فلوس وبعد كده كتبنا عقد تاني
والموضوع اتاجل فاصر يلغي العقد مع اني مش خدت منه اي فلوس :)

طبعا بيحصل كتير
والغش فى البيع اكتر
والله كنت بتفرج على عربيه فانتازيا عند تاجر
والعربيه واضح انها رشه
واقول له العربيه فيها دهان يحلف بالله مايعرف وانه شاريها فبريكه
تاجر وشارى عربيه ومش عارف انها رشه (استعباط)

[طارق _عبد السلام]

ياااااااااااااااااااااااا خبر
ده نصاب و محترف كمان

ده المفروض يدرسوا طريقته دى فى مدارس النصب
ربنا يقينا شرهم يارب

[طارق _عبد السلام]

تشترى مستعمل تلاقى ناس بتنصب

تروح تجيب جديد تلاقى العربية مرشوشة

اية القرف اللى الناس بقت فية دة

حسبى الله و نعم الوكيل

وتلاقى الراجل عقبال لما جمهع 18000 طلع %$^%$% علشان يعرف يجيبهم

ربنا يبنتقم منه هو و اشكالة و ميتهناش بقرش وحد من الفلوس دى
قولوا امين

آمين
فعلا الواحد لازم بعد مايسلم على الناس دى يعد صوابعه
ربنا يهديهم
لان الناس بتتعب وبتجيب الفلوس دى من دمها

[sha2e]

ده نصاب محترف
الرخصه الي كان مديهالهم ظابط مسكها وأكيد دقق فيها لما قالولو احنا لسه شاريين العربيه ورايحين نسجلها دلوقتي ومع ذلك مخدش باله ان الرخصه الى ايده مضروبه

يحمدوا ربنا انهم متمسكوش بالعربيه كانو هيلبسوا قضيه سرقه وتزوير وكده كده الفلوس راحت عليهم

بس محاولوش يوصلوا للحرامي ليه عن طريق رقم موبيله ؟
لان زي ما حضرتك زكرت انه اتصل بيهم يوم السوق عشان يقولهم ان العربيه متباعتش

ملحوظه : حضرتك قولت ان الموبيل والمفاتيح وقفوا عليهم ب 18000 جنيه ونسيت تمن المخالفه الى دفعوها كمان

[mazagngi2010]

انا وقفت بيع عربيتى علشان ورق الموتور اتاخر عن معاده وطول
مع ان الرخصه متجدده ومحدش هياخد باله وجالى اكتر من زبون يخلص
ومش هبيعها الا لما اثبت الموتور على الرخصه
ناس معندهاش دم اعوذ بالله

[Elawany13]

ياساتر يارب
اللهم انتقم من هذا الشيطان إبن الحرام

[فادى محمد]

العربيه ورق مش فلوس يا جماعه

[طارق _عبد السلام]

معلش
يستعوض ربنا
ويثق تماما ان الحرامي ده مش هيتهنى
لادنيا
ولا اخره

ان شاء الله ربنا هيوقعه فى ايد اللى مابيرحم

[طارق _عبد السلام]

ده نصاب محترف
الرخصه الي كان مديهالهم ظابط مسكها وأكيد دقق فيها لما قالولو احنا لسه شاريين العربيه ورايحين نسجلها دلوقتي ومع ذلك مخدش باله ان الرخصه الى ايده مضروبه

يحمدوا ربنا انهم متمسكوش بالعربيه كانو هيلبسوا قضيه سرقه وتزوير وكده كده الفلوس راحت عليهم

بس محاولوش يوصلوا للحرامي ليه عن طريق رقم موبيله ؟
لان زي ما حضرتك زكرت انه اتصل بيهم يوم السوق عشان يقولهم ان العربيه متباعتش

ملحوظه : حضرتك قولت ان الموبيل والمفاتيح وقفوا عليهم ب 18000 جنيه ونسيت تمن المخالفه الى دفعوها كمان

حضرتك واحد نصاب بالذكاء ده هيسيب رقم موبايله الاصلى عادى كده
وبعدين الخط ببلاش
يعنى هيكون مرتب كل ده وهيغلط فى خط موبيل بجنيهات قليله
ده لو اتمسك او صديقى ده قابله تانى ؟؟!!!!!!!!!!!
انت ماتعرف المراره اللى هو كان فيها
ربنا يبعد عن الهم والحزن

[ali_333]

ربنا يعوضه وان شاء الله الحرامي ده حيتمسك ومش حيتهنى دنيا ولا اخرة

انا بقالي فترة طويلة كنت عاوز افتح موضوع احذر اي حد عاوز يشتري اي حاجة عربية او شقة

يتأكد من البطاقة الشخصية

[طارق _عبد السلام]

انا وقفت بيع عربيتى علشان ورق الموتور اتاخر عن معاده وطول
مع ان الرخصه متجدده ومحدش هياخد باله وجالى اكتر من زبون يخلص
ومش هبيعها الا لما اثبت الموتور على الرخصه
ناس معندهاش دم اعوذ بالله

ربنا يبارك لك
اصل الامانه دى فى الدم وطريقه التربيه
اقسم لك بالله يا اخى الفاضل
كنت ببيع عربيه بولو من فتره عن طريق الانترنت واتصل واحد بى قال انه محامى من القاهره وعايش فى الغردقه
ومعجب بصور العربيه ومستأمنى جدا من بعد كلامنا فى الموبايل اكثر من مره
وقال لى هيحول المبلغ 34 الف جنيه على رقم حسابى فى البنك وهيبعت واحد ياخد العربيه منى واعمل له التوكيل
اقسم لك بالله انا اعترضت ولم اوافق نهائى والرجل يقول لى انه هو مئتمنى وانا قلت له
افرض انك حولت المبلغ
وانا قابلت الرفيق الاعلى فى نفس اليوم مين هيرجعلك فلوسك
الحمد لله ربنا يغنيها بالحلال

[طارق _عبد السلام]

ياساتر يارب
اللهم انتقم من هذا الشيطان إبن الحرام

اللهم آمين
وندعوا له ربنا يهديه
ويرد المظالم
لانه لن ينفعه شىء يوم الحساب

[طارق _عبد السلام]

العربيه ورق مش فلوس يا جماعه

فعلا والله كلامك صحيح
على فكره انا بدات اقلق على نفسى
انا بسجل عربيتى وخلصت كل شىء بسهوله وقالو لى روح الكمبيوتر استلم الرخصه وبعدين سلم النمر
وانتظرت اكثر من ساعتين ورحت للموظف قال لى انه بعت الملف بنفسه للظابط ليؤشر لدخوله الكمبيوتر
ولما رحت للظابط اسئله عن سبب التأخير
قال لى ان فيه عربيات من اسكندريه بتيجى والورق مش مظبوط
وورانى اختام العقد المسجل لى الاختام سايحه على بعضها
طبعا انا طلبت من البائع يعمل لى عقد مسجل وانا مامضيت مشترى
فالظابط قال لى بدل ماهبعتك تانى لتأكيد الاختام تعال يوم السبت واحنا هنتصل بالشهر العقارى وهنستفسر من رقم العقد ولو قالوا العقد من عندهم عادى هنسلمك الرخصه قلت له تمام ومشيت
وبعد الردود منكم بدأت اقلق ادعولى ربنا ييسر الامر