سرقه سياره بطريقه النصب (تحذير)

[طارق _عبد السلام]

مش انا والله
ياريت حضرتك تقولنا قصة أحمد كورسير ده برضو

آسف والله حصل لبس عندى
دى كانت قصه عربيه مسروقه وكان كورسير مشترك فى استردادها من الحراميه مع زميل لنا فى المنتدى

[طارق _عبد السلام]

ربنا يعوض عليه

في خدمة شغاله بقالها فتره مش عارف من امتي

ممكن تستعلم بيها عن بيانات أي عربيه وتتأكد من صحتها

خدمة الاستعلام عن بيانات رخصة تسيير بوابة الحكومة المصرية - أشخاص

الخدمه دى مفيده جدا
بس لازم استخدام الرقم القومى الصحيح لمالك السياره
يعنى لازم تاخد منه صوره البطاقه او الرقم القومى الصحيح
انا بعد ماكتبت الموضوع ده كنت بسجل عربيتى وانقل ملكيتها مش عايز اقول لك لان الظابط وقف الورق على ختم مش واضح كميه القلق الواقع على من الخميس للسبت مكنش عارف انام لحد مارحت المرور وعملت الرخصه
بجد الايام دى لاااااااااااازم الاحتراس الشديد عند شراء المستعمل

[طارق _عبد السلام]

ياجماعه البيع و الشراء فى الاول و فى الاخر نصيب
بمعنى لو ربنا ارادانك تاخد العربيه هتاخدها
يعنى لما تعجبك عربيه و عاوز تشتريها
لازم تنفذ الشروط دى و ده قلى بقوله لاى حد هيشترى العربيه
اولا تاخد رقم العربيه فى ورقه
ثانيا تطلب الرخصه و تشوفها و تلمح بعينك مرور ايه و بأسم مين
تانى يوم تروح تسال فى المرور لما تديلو الاسم و الرقم فى ورقه و تقوله انا عاوز اتاكد من البيانات دى علشان هشتريها مش هيقولك حاجه
ثالثا لو بتوكيل لازم تروح تسجل العربيه فى نفس الشهر العقارى قلى صادر منه التوكيل علشان لو مضروب هما هيعرفو على طول لانهم عارفين امضاءات بعض و تخلى عينك على بطاقة البايع لما يديها للموظف
رابعا خلى الموضوع سلم و استلم فى الشهر العقارى خد فلوسك هات العربيه طبعا بعد القصه قلى انا شرحتها
كده انتا تضمن انى ميتلعبش بيك

كلام صحيح 100%
جزاك الله خير يابشمهندس

[A.Saad]

للرفع للتجديد

[tito29]

هو فعلا نصاب ذكي جدا

لكن لازم يكون فيه غلطة أو طرف خيط سايبه وراه
يعني مثلا هل في السوق كان بيتكلم مع حد معين كتير؟ أقصد هل فيه حد شكله يعرفه؟
هل تم عمل تتبع لتليفونه للأرقام أللي كلمته قبل عملية النصب؟
هل معاك صورة بطاقته (هي أكيد مزورة) بس علي الأقل فيها صورته؟
المجرم دائما يحوم حول مكان الجريمة يعني أكيد حايجرب انه يكرر الموضوع تاني بس ممكن في سوق عربيات تاني.
و ممكن برضه أن تقوم بتوزيع أوصافه أو صورة ليه للتجار أللي في السوق و هما أكيد لو شافوه حايقومه معاه بالواجب الصح و يسلموه للبوليس.
حاول تفتكر أي حاجة من كلامه عن مكان معين مثلا أو واقعة قديمة توصلك لطرف خيط


عموما ربنا يعوض عليك و ينتقم من الظالم و كل واحد يحاول يشتري من حد يعرفه كويس حتي لو أغلي شوية بس من غير أي مخاطرة.

[طارق _عبد السلام]

ربنا يعوض عليه فعلا

لان الموضوع ترك اثر سلبى كبير عليه لفتره كبيره وكان كل فتره ينزل السوق فى القاهره ...بيتمنى ان يقابله بعد فتره

لان الفلوس بالنسبه له مكنتش جايه بالسهل

[Anaslbda]

أعوذ بالله :(

[mbx4e]

نصابين ولاد تيت

[ahmedazabreno]

دة زى ما يكون صنعة اشكال زبالة