ايه اغرب موقف شوفته و انت سايق ؟

[kimotop]

السلام عليكم
انطلاقا من حملة حبة فرفشة وضحكني و اضحكك الي منطلقتش لغاية دلوقت

احكلنا اغرب او الذ موقف حصلك و انت تقود على جنبات الطرق او رأيته و انت تسير بشرط ان يكون موقف مضحك او غريب يعني بلاش تحكلينا الحوادث ربنا يخليك و يكرمك حاكم في ناس بتحب الدراما و الصراحة مش طالبة .

مع تمنياتي بوقت ممتع .

[kimokaim]

المواقف كثييييرة ويشيب لها شعر الولدان

بس موقف طريف جدا شفته مرة وهو: واحد راكب موتسيكل ومعاه مراته واربع اوﻻد !!! الصراحة اتخضيت وخفت عليهم يوقعوا

وقلت في نفسي في البلد دي مافيش فرق بين الموتسيكل والعربية المﻻكي كله بيشيل خمسة !!!!!

[kimotop]

المواقف كثييييرة ويشيب لها شعر الولدان

بس موقف طريف جدا شفته مرة وهو: واحد راكب موتسيكل ومعاه مراته واربع اوﻻد !!! الصراحة اتخضيت وخفت عليهم يوقعوا

وقلت في نفسي في البلد دي مافيش فرق بين الموتسيكل والعربية المﻻكي كله بيشيل خمسة !!!!!

lol

[houras1010]

شوفت واحد ملتزم بقواعد المرور

[kimotop]

شوفت واحد ملتزم بقواعد المرور

هههههههههههههههههههههههههههههههههههههههههههههههههه هههههههههههه

[S O P H O S]

واحد بمرسديس عالية جدا وكنت بالفيات ومعايا 4
والعربية صغيرة جه جمبي وعجبه المنظر اوي وحب يشد
وبالفعل شديت وكان بيسبنا نقرب منه وبعدين يلمس البنزين
كنت بسمع صوت فقط بس ممكن متلحقش تشوف العربية وهي بتجري من جمبك
وكان شئ من الهزار علي طريق المطار ..

[egyptodentist]

احلي موقف كوميدي حصلي زمان (دلوقتي اللي بيحصل كله دراما ودراما رخيصة كمان)
المهم كان معايا عربية داتشيا نوفا ....وكان في واحد صاحبي عايز يتعلم السواقة ...المهم كنا في المنيا في الوقت ده اثناء الدراسة.....فقررنا نطلع المنيا الجديدة و طبعا اللي يعرف المنيا الجديدة يعرف انها احسن مكان لتعليم السواقة الدنيا فاضية والشوارع واسعة .....المهم بعد اكتر من 4 ساعات صاحبي اصبح شبه متمكن من نقل الغيارات والتحكم في الطارة بس للاسف يعتبر متعلمش الفرامل لانه الدنيا كانت فاضية لدرجة انه لما كنا بنقف كان بيجيب n ويسبها توقف تقريبا من غير ما يدوس فرامل....المهم قرر انه يطلع علي طريق سريع بس فاضي برضوه(بين المنيا الجديدة والطريق الصحرواي الشرقي) ...المهم سحب اول تاني تالت وفجاءة ظهر مطب كبير جدا بجد جبل مش مطب ...انا:::حاسب حاسب حاسب مطب مطب مطب.....وهوب طيرنا في الهوا واترزعنا علي الارض.......طبعا وقفنا ونزلت ابص علي الاكصدام ...فلق من مكانه وضرب بوز.....فضلت ازعق واقوله يا اخي عامل اقولك مطب حاسب حاسب حاسب وانتا زي ال.....
اكلته ايه؟؟؟؟؟؟ طبعا كنت منفعل جدا ...لقيته بيرود عليا يوقلي انت عمال تزعق وتقول مطب وحاسب ومقولتليش اعمل ايه.....................حسبي الله ونعم الوكيل.

[kimokaim]

ههههههههههههههه egyptodentist

انت مش تقوله فرااااااااااااامل بدل حاسب ديه كان طلعلك الفلوس واداك حساب السواقة والتعليم D

[Evo]

الشارع المصرى ما هو اللا موقف غريب بتشوفه و انت سايق

[د.محمود صلاح]

عندما ركنت سيارتي ونسيت ركنتها فين

وفضلت ابحث واسأل الناس معارفي عنها لحد ما دلني واحد صديقي عن مكانها

[Survival]

انا بسافر كتير و بسيب العربية مع اخويا عشان يدورها من وقت للتانى
اخر مرة لاقيت الريموت بتاع العربية ناقص منه مسمارين استغربت جدا
عرفت بعد كده ان اخويا كان بيحاول بيفتح العربية و مش رايضه تتفح و شك فى الريموت و غيرله البطارية
الحمد لله انه ما كسرش الازاز عشان طلعت مش عربيتى طلعت واحدة شابها بالظبط و راكنه فى نفس الشارع.

[Sehsss]

سيدة فاضلة رمت عليا في مدخل شارع طلعت حرب من ميدان التحرير ولما جيت جنبها لقيتها بتصلح مكياجها في مراية الصالون

[Ammar yOsrii]

كنت بعمل U turn وماشي ف الحارة القانونية ( اللي جمب الرصيف )
لقيت واحد جه جمبي وعايز يلف وبعد ما لفينا لقيت زنق عليا ف قمت مديله كلاكس طبعا هوا غلطان 100 / 100 والشارع كان فاضي أصلا
لقيته بشوح ف قمت طالعله لقيته بقلي انت شكلك واخد الرخصة بالتليفون ضحكتله وقلتله أنت شكلك فاهم السواقة غلط ربنا يشفيك :'D وقمت سايبه وماشي

[eslamsubaru]

ممكن تفول برسيم 80

[Mostafa.Mahran]

صاحبى ركن عربيته الفيرنا السلفر قدام كارفور و الكلام ده الصبح بدرى علشان كنا مسافريين القاهرة مع ناس تانيين و علمنا مكان العربية و كله تمام و لما رجعنا بليل قعدنا ندور اكتر من ساعة عليها و حسيت ان مصر كلها راكبة فيرنا سيلفر