إعـــــــلان

Collapse

.

,
See more
See less

ايه اغرب موقف شوفته و انت سايق ؟

Collapse
X
 
  • Filter
  • الوقت
  • Show
Clear All
new posts

  • #16
    مرة كنت راكب مع جارى عربيته
    واحنا داخلين على العمارة
    قابل زوجته وعاها بتها قال لها رايحة فينللت له مستنيه اى داجة عشان البنت تعبانة وهوديها ﻷدكتور
    قالها طيب
    وبعدين سابها ومشى
    وبعد كده قال لى طب انا ما وصلتهاش ليه
    كان المفروض اوصلها
    وقال فرعون ذرونى اقتل موسى وليدع ربه انى اخاف ان يبدل دينكم او ان يظهر فى الارض الفساد " يا سلام على ايمان وورع فرعون وفعلا صدقوه ....وبرده كانوا مصريين

    Comment


    • #17
      من كام يوم. . . حصلت حاجة غريبة اول مرة تحصلى. . . كل سنة فى الشتا م ومع الهوا عادى تروح سامع طخ فى الربريز طوبة او ظلطة. . . الجديد بقى انى المرة دى انا شوفت الطوبة جاية عليا و كأن حد ضربها من بندقية عشان تيجى فى وشى. . و شوفتها لجزء من الثانية و هى جاية عليا لغاية ما ضربت فى الربريز لدرجة انى لفيت وشى من كتر ما حسيت انها هتخبط وشى. . . كانت حاجة غريبة صراحة

      Comment


      • #18
        نفس الحكاية حصلت معايا mahora

        سبحان الله ولو ماشي بسرعى حتتخض منها وكأنها ضربتك على وشك وبتحاول تتفاداها !!!!!

        تخيل لو راكب موتسيكل من غير خوذة زي ناس كثيرة حيكون موقفك اييييييه

        Comment


        • #19
          هههههههههههههههههههههههههههههههههههههههههههههههههه هههههههههههههههههههههههههههههههه

          بجد يا جماعة انا خرجت من مود السياسة و القرف لما قريت المشاركات الي زي العسل دي

          ربنا يكرمكوا
          [gdwl]ادمن صفحة فوتوشبيات
          www.facebook.com/Photoshopyat[/gdwl]

          Comment


          • #20
            مرة كنت سايق على الدائري و فجأة لاقيت العربية اللي قدامي بتروح يمين و شمال بشكل جامد زي ما الشباب بتعمل في الافراح كده....الهم شديت شوية علشان اشوف فيه ايه جايز اللي سايق يكون جراله حاجة... لاقيت اللي سايق و اللي قاعد جنبه نازلين في بعض ضرب و خناق و مش بيهرجوا...كانت خناقة بجد :)
            و طبعاً جريت منهم و قلت يا فكيك
            [CENTER][SIGPIC][/SIGPIC][/CENTER]

            Comment


            • #21
              المشاركة الأصلية كتبت بواسطة Mostafa.Mahran مشاهدة المشاركة
              صاحبى ركن عربيته الفيرنا السلفر قدام كارفور و الكلام ده الصبح بدرى علشان كنا مسافريين القاهرة مع ناس تانيين و علمنا مكان العربية و كله تمام و لما رجعنا بليل قعدنا ندور اكتر من ساعة عليها و حسيت ان مصر كلها راكبة فيرنا سيلفر

              كان لازم الفيرنا السلفر تبقى معاهم
              [COLOR=Black]الحمد لله عدد ما احصى كتابه و الحمد لله على ما احصى كتابه
              الحمد لله ملء ما فى السموات و ملء ما فى الارض و ملء ما بينهما [/COLOR]
              [img2]http://nileup.com/up/uploads/nilemotors_13651184541.jpg[/img2][COLOR=Black]
              [SIZE=4] You decide on your speed. Physics decides whether you live or die(بأمر الله طبعا)[/SIZE][/COLOR]

              Comment


              • #22
                موقف تاني للداتشيا نوفا.....زالعربية كانت فرامل اليد الوير مقطوع وطبعا ملهاش قطع غيار ....المهم:::
                كنا برضوه في المنيا الجديدة واللي يعرف المنيا الجديدة اكيد عارف انها فوق هضبة عالية وليها طريق بزاوية تقريبا 30-35 درجة بس قبل ماتوصل لبوابة المدينة في حتة ممكن تشوف المنيا كلها من فوق زي المقطم كده طبعا كنا لسه طلبة وفرحانين بنفسنا وقررنا نتصور كلنا قدام العربية ومنظر البلد من ورانا ...وقفنا العربية طبعا واحد صاحبي عمل عريف زمانه وقالي غلط تخلي العربية علي الغيار والحمل علي ترس الغيار الاول وممكن تتكسر السنان (علي اساس انه ترس بلاستيك) المهم نزل جري وجاب حجر ضغير وقرر انه يحجر العربية وانا من كتر الرغي قولتلوا ارحمني واعمل اللي عايزه واصر اني امور العربية....نزلنا كلنا ووقفنا كلنا وخدنا كام صورة و في صورة من الصور تقربيا كلنا ريحنا جامد علي الكبوت ...العربية هوب ركبت علي الحجر وراحت نازلة طبعا العربية اتحركت وبدات تزيد سرعتها عشان الطريق بجد مايل جدا ....المهم في اللي وقع علي ضهره اول ما العربية اتحركت وفي اللي ابتدا يجري ورا العربية ....طبعا بعد تقريبا 4 ثواني العربية بقيت سريعة نسبيا وكنا بنجري وراها وطبعا عبقرينو صاحب فكرة الحجر برضوه مصمم انه يجيب حجر برضوه ويرميه ورا العجلة ...انا كنت بحاول افتح الباب بس مع نزول العربية مش عارف افتح الباب واركب لان العربية نازلة بضهرا طبعا متخيلين وبعد عذاب بجد عذاب قدرت افتح الباب ولسه هنط جوه العربية ....الزفت عبقرينو(انا اسف طبعا في اللفظ) راح رامي حجر ورا العجلة راحت العربية طبعا نطة من فوق الحجر والباب اللي انا فاتحه راح خبطني لاني العربية حدفت جامد والحمد لله انه رجلي مجتش تحت العجل او اني اتكسرت لانه بجد الخبطة كانت جامدة جدا لدرجة اني وقعت علي الارض والحمد لله انه العربية عالية والباب عالي من علي الارض عدي من فوق دماغي من غير اصابات...والعربية طبعا بقيت نازلة بميل متجه الي الرصيف اللي في النص بين الرايح واللي جاي وهوب العربية لبست بالورب في الرصيف والطاسة اتدششت وحكت شويا في الرصيف لحد ما وقفت......طبعا الموقف كان كوميدي بس لو في عربية جاية او انا اتعورت كان مش هيبقي كوميدي نهائي......بس الحمد الله قدر ولطف.......طبعا متخيلين منظر 5 اشخاص بيجرو ورا عربية مش عارفين يوقفوها ...
                ملحوظة:::::رجعنا المنيا الحمد لله بالسلامة كلنا معاده عبقرينو كلنا بالاجماع قررنا نسيبه فوق يبقي يدور علي موصلات....بس للاسف رجع بعدينا ب 3 ساعات لانه خدها مشي لتحت حوالي 3 كيلو مشي.....بس انا زعلت لانه متخطفش وخلصنا منه..هههههه
                لاتثقل صدرك بالهموم فالرب قادر علي كل شيئ[SIZE="3"][/SIZE]

                Comment


                • #23
                  المشاركة الأصلية كتبت بواسطة kimokaim مشاهدة المشاركة
                  نفس الحكاية حصلت معايا mahora

                  سبحان الله ولو ماشي بسرعى حتتخض منها وكأنها ضربتك على وشك وبتحاول تتفاداها !!!!!

                  تخيل لو راكب موتسيكل من غير خوذة زي ناس كثيرة حيكون موقفك اييييييه
                  ده مش انا لوحدى اهه اللى بيضرب عليا مقذوفات :-) ياريت على رأيك الاخوة بتوع الموتوسيكلات لا يستهينوا بالخوذة و كمان مش اى خوذة دى لازم تكون من اللى ليها الغطا الشفاف اللى بيبقى على الوش عشان حاجة زى كده لو حصلت لحد من غير خوذة ممكن تطير عينه او على الاقل تعوره لا قدر الله

                  Comment


                  • #24
                    المنظر ده بالظبط شوفته عالدائري و المخبول كان ماشي 80/90 !!
                    [youtube]https://www.youtube.com/watch?v=nHnkZSdl0Yw[/youtube]
                    Fear Less, Hope More
                    Whine Less, Breathe More
                    Talk Less, Say More
                    Hate Less, Love More
                    And All Good Things Are Yours..

                    Comment


                    • #25
                      المشاركة الأصلية كتبت بواسطة hesham_91 مشاهدة المشاركة
                      المنظر ده بالظبط شوفته عالدائري و المخبول كان ماشي 80/90 !!
                      [youtube]https://www.youtube.com/watch?v=nhnkzsdl0yw[/youtube]
                      ربنا يشفى. . سواء اللى فى الفيلم او اللى عندنا . . منتهى الاستهانة بأرواح الناس

                      Comment


                      • #26
                        كنا داخلين تقاطع اللي فيه اشارتين واحده في اول التقاطع. قبل ما تعدي وواحده في اخره وواحده امورة راكبه اكسنت ماشيه قدامي دخلت على الاشاره كانت خضرا بس بدا النور الاصفر يشتغل. .. المهم هي عدت وهوب الاشاره بقت احمر هي شافت الاشارة قلبت احمر وراحت ماسكه فرامل جامده ووقفت في نص التقاطع. .. وفضلت دقيقه كامله مش عارفه تعمل ايه
                        ولو اجتمعوا على ان يضروك بشيء لن يضروك الا بشيء قد كتبه الله لك

                        Comment


                        • #27
                          كنت بالعربية القديمة كانت 128 وانا فى الكلية وكنا 4 انا واصحابى فى العربية وانا اللى سايق وكان قاعد جنبى واحد صاحبى يدوبك بيسوق وشايفنى بعمل غرز شمال ويمين و فراح قايلى انا عايز اعرف انت بتعمل الغرز دية ازاى , قولتلة بسيطة اتفرج , وكنا فى العيد الساعة 12 الظهر والطريق فاضى مافيش قدامى غير سيارة تاكسى لادا , المهم وانا جاى سريع على سرعة 70 وباخد الغرزة فجأة لقيت بتاع التاكسى راح داخل معايا فى نفس الحارة اللى انا رايحلها , المهم مش عارف اية اللى حصل , لقيت نفسى عديت من غير اى خدوش بس تقريبا التاكسى رما عكس الاتجاة وعربيتة عومت منة , طبعا احنا كنا هنلبس لبسة سودة , ووقفنا على جنب شوية نريح لقينا بتاع التاكسى جاى وعايز يتخانق معانا
                          طبعا ماقولكوش بقى انا واصحابى ماشاء الله كلنا طوال واقل واحد فينا طولة 185 سم , وفجأءة لقا الاربع الابواب اتفتحوا ونزلنا منهم , وحسنا انة اتفاجىء كدة وقال اهدى الموضوع بدل ماتغدغ رايح قايلنا يارجالة انتوا كويسين , مش تخلوا بالكوا ربنا يستر طريقكوا , بس بلاش السرعة , مش عايزين اى حاجة سلام عليكم

                          احنا موتنا على نفسنا من الضحك ساعتها وطبعا بهدلت صاحبى قولتلة الله يخربيتك على بيت الغرز كنا هنضيع وهنضيع العربية , عنك ماتعلمتها ولا سوقت اصلا
                          [CENTER][SIZE=6]SEMSEM KANE سابقا[/SIZE][/CENTER]

                          [img2]http://nileup.com/up/uploads/nilemotors_13635570671.jpg[/img2]

                          Comment


                          • #28
                            مره كنت في صلاح سالم ماشي 100 تقريبا

                            وفجاه ببص يميني لقيت رجل شمال طالع من سباك تاكسي شاهين

                            البيه رجله الشمال مطلعها من الشباك وسايق حوالي 120 140 وبيجري وبياخد غرز بششششششششششششششعه جدا وانا هلكت من الضحك على نفسي

                            ومره على طريق سوهاق قنا الزراعي

                            لقتي عربيه 131 صاحبها سايبها تمشي ونايم على الطاره نوم عمييييييييييييييييييق مش فاهم ازاي لحد دلوقتي هو كان مقضيها كده انا كنت وراه قعدت ازمر لا حياه لمن تنادي لما جيت جنيه لقيت المنظر ده هربت طبعا

                            Comment


                            • #29
                              اشتريت عربيه ونسيت افكر هركنها فين فى الشارع لانه مليان عربيات هههههه
                              ahmed air سابقا

                              Comment


                              • #30
                                المشاركة الأصلية كتبت بواسطة mahora مشاهدة المشاركة
                                من كام يوم. . . حصلت حاجة غريبة اول مرة تحصلى. . . كل سنة فى الشتا م ومع الهوا عادى تروح سامع طخ فى الربريز طوبة او ظلطة. . . الجديد بقى انى المرة دى انا شوفت الطوبة جاية عليا و كأن حد ضربها من بندقية عشان تيجى فى وشى. . و شوفتها لجزء من الثانية و هى جاية عليا لغاية ما ضربت فى الربريز لدرجة انى لفيت وشى من كتر ما حسيت انها هتخبط وشى. . . كانت حاجة غريبة صراحة
                                انا حصللى نفس الموقف + ان زجاج البربريز اتدشدش :)
                                الحمد لله

                                Comment

                                Working...
                                X