هل بتتحول لما تركب عربيتك؟

[ahmedfawzy14]

طبعا اكيد بتحول اول ما اركب العربية بس لما بكون لوحدى

لما بيكون معايا حد التحول بيبقى بسيط

يعنى من باب الاحترام للى معايا

غير كده بقى حدث ولا حرج على كمية المشاكل والعراك اللى عملتها من سواقين الميكروباص والتاكسى والنقل كمان

[amr mokhtar]

انا مشكلتى غريبة شوية
الحمد لله انا مش بتحول إلا لما حد يستفزنى بقلة أدب ... و اصحابى بيستغربوا على هدوئى فى السواقة و النقلات براحة و مش بجرى بعكس بعضهم

بس مشكلتى ان دايمآ لازم حد يتفزنى لمرحلة التحول فى حالة واحدة بس و هى ان والدى او والدتى معايا فى العربية لدرجة انهم فاكرين سواقتى كده على طول

بس بصراحة لما بسوق فى الشتاء نادرآ جدآ لما بتحول إنما فى الصيف ببقى ماشى ماسك أعصابى بكل الطرق

[marsguy]

أنا عن نفسي نادراً جداً لما باتحول وباتنرفز

بس كتير لما بابدأ أتحول، بعد 10 ثواني كده صوت العقل بيناديني وبالم نفسي تاني وبافكر في النتائج الوخيمه اللي ممكن تترتب على التحول :)

[Ahmed Selim]

انا وسط ما بين الاتنين شوية عصبية و شوية برود:d عشان لو عصبية علي طول همسك سواق مكروباص ولا حاجة و اربطه في العربية من ورا و امشي بيه:d بجد بجد شوارع مصر دماااااااااااااااار

محمد يا أبيزا مش عارف ليه فكرتنى بفيلم الأرض :)

أنا طريقى كل يوم الدائرى من مدينة نصر الى المنيب والعكس ولو متحولتش حيحصلى حاجة......يعنى لازم أتحول

بس عادة لو راكب معايا حد بنقعد نرغى وبتعمد أطنش

[galilio_mad]

انا ساعات باحس ان التحول مطلوب عشان تمشى فى الشوارع
انا ساكن فى مصر الجديدة و ايام ما كنت شغال فى المهندسين كنت باخد كوبرى اكتوبر رايح جاى
ايامها كان ليه معايا ال 128 الله يرحم ايامها , و بصراحة العربية قعدت معايا 3 سنين و طول المدة دى كنت عايز ارشها و ما رشتهاش لحد ما بعت
و بالتالى ما كنتش خايف عليها , كنت متحول على طول
الصبح كنت باروح فى 20-30 دقيقة وانا مروح كانت 45 دقيقة بالكتير قوى
الوالد مرة شتمنى فى الشارع و انا باركن , كلمتة من المكتب الساعة 4:50 و كنت قدام البيت 5:12

دلوقتى بقى العقل و الهدوء هما الغالبين , بس مفيش مانع من التحول و قلة الادب و القيادة الانتحارية عشان اخلص
بالمناسبة انا امبارح كان عندى مشوار فى الزمالك , رحت فى حوالى ساعة و رجعت فى ساعتين و نص و من غير تحول :)

[محمدايهاب]

كان زمان حاليا أنا ليا قدرة أكبر كتيير على كبت الغضب و لكن إذا ظهر بيكون جامد خاصة إني حاليا سائق ممتاز و أخطائي أقل بكتيييييييييييير عن زمان و بالتالي عصبيتي قلت

[mohamed ibiza]

محمد يا أبيزا مش عارف ليه فكرتنى بفيلم الأرض :)

أنا طريقى كل يوم الدائرى من مدينة نصر الى المنيب والعكس ولو متحولتش حيحصلى حاجة......يعنى لازم أتحول

بس عادة لو راكب معايا حد بنقعد نرغى وبتعمد أطنش

انت متعرفش انا مخرج فيلم الارض :D:D:D:D

انا برضه اغلب سواقتي في نفس طريقك بس من المريوطية للبحر الاعظم او كورنيش مصر القديمة انا بي لو حد راكب معايا و اعد يرغي يا اما هزعأ فيه و اقوله اخرسسسسسسسسسسسسسسسسسسسسس يا اما هعمل فيه زي سواق الميكروباص :D:D:D مبحبش الرغي و انا سايق الا لو الطريق زحمه موت موت و برضه مش رغي جامد خف تعوم يعني :)

[kareem_Ashmawy]

أنا جربت مليون مرة انى اسوق بهدوء
و كل مرة أفشل قبل ما أوصل لأول شارع فيصل
بس الحمد لله تقريبا من غير شتيمة و لا زعيق
سيرك و أكروبات و اللى قليل الأدب بظبطوا تزنيق و غرز
و سواقين الميكروباصات بكل أنواعها حبايبى
بروقهم تزنيق و مزاج عندى أعطلهم ورايا أو أقفل عليهم الجارة اليمين اوى
اللى هى يبقى ماشى عجلة على الأسفلت و عجلة على الرصيف
و فجأه تلاقيه طالع منك و بقى قدامك
كله ده بقفلوا عليهم
و على طول غرز يمين و شمال
بس و الله العظيم من غير ما أضايق حد من الناس اللى ماشية محترمة فى الشارع
على قد ما أقدر يعنى....بحاول أخد الغرزة من قدامه لما الدنيا تيبقى واسعة شوية
مش لازم أخليه يدوس فرامل
..
.
.
من الأخر اللى راكب جنبى و مركز فى الشارع هيلاقى العربية بتلعب أكروبات

[MoToRiZeR]

انا اللي بيخنقني هي الناس اللي بتتحول و تديها غرز و قيادة الأفلام الأمريكاني و التزنيق بتاع سواقين الميكروباصات و بيخلوني اتحول برده .. أصل القاهرة عاملة زي مدينة من ال zombies او مصاصين الدماء .. كل واحد بينقل الفيرس للتاني و يخليه يتحول .. و مبعرفش للأسف متعصبش لأن انا بقي من النوع اللي ممكن لو حد قل أدبه عليا الغي كل مشاريع اليوم و افضاله .. و بعد ما اتخانق و اشتم واتشتم .. اتعصب أكتر ان انا اتخانقت !! اقوم اتعصب زيادة عالناس و ابقي مستني حد يدوسلي علي طرف ! .. عندي حالة road rage مستعصية .. بجد مش عارف اعمل ايه

[fahd_628]

انا حسب المود ممكن تلاقينى عصبى جدا و ممكن متلاقيش ابرد منى :)

[ahmedfawzy14]

الصراحة السواقة فى القاهرة عاوزة المتحولون

يعنى عندنا فى اسكندرية مش كل الاوقات ولا كل الطرق زحمة
ومفيش عندنا الغرز ده الا فى سواقة الشباب والميكروبصات
بس الطبيعى عندنا الكل يمشى فى طابور ولو تخطيت حد بأى طريقة يبصلك بصه غريبة كده اكنك شتمته مثلا

اما فى القاهرة انا بموت فيها عشان سواقة الملاهى بتاعة القاهروية
بحس انى فى سبق كبير كله بيسابق كله

ودى اصلا سواقتى فبعيش احلى اوقات ليا وانا بسوق عادى وسط القاهرة

انا ليا مقوله كل ما انزل القاهرة اقول الناس دى متحبش تضيع وقتها
فعشان كده كله بيجرى ناس منجزة الصراحة

مش المرض اللى عندنا فى اسكندرية

[MoToRiZeR]

فعلا مبيحبوش يضيعوا وقت فا بيسوقوا بسرعة و يعملوا غرز فا تحصل حوادث يموتوا فيها و ينجزوا .

[tamim]

ايوة انا بتحول بخلع لومؤاخزة الجزمة وبسوق حافى القدمين

[MoToRiZeR]

ايوة انا بتحول بخلع لومؤاخزة الجزمة وبسوق حافى القدمين

تصدق حاولت اعملها معرفتش :) ولا بعرف اسوق بالشبشب حتي

[marsguy]

1- الكاسيت ميعلاش
2- الأغانى فى المعظم رومانسى و هادى و كلاسيك
لو مبتسمعش أغانى اذاعة القرءان الكريم بديل أفضل طبعا
3- عند الاحساس ببداية التحول بحاول أنظم نفسى "شهيق و زفير" قبل ما أخرج عن الحالة الجميلة اللى بدأت القيادة عليها
4- بحاول أعد لحد 100 قبل مشتم أى حد أو اتنرفز عليه "فى سرى طبعا"
5- لو عندك تكييف فى العربية متستخسروش فى نفسك سواء صباحا أو مساء
6- تذكر حديث الرسول الكريم-صلى الله عليه وسلم- "وهل يكب الناس فى النار على وجوههم الا حصائد السنتهم" ودى ممكن تكتبها و تعلقها فى مكان ظاهر ليك فى العربية لو حالتك متقدمة يعنى
7-كل متطبق عدد أكثر من النقاط السابقة بيبقى تأثيرها زى الكومبو كدا يعنى لما تطبق اتنين غير ثلاثة غير خمسة

شكرا لكم و اتمنى اننا جميعا نحاول على قد منقدر نتخلص من العادة السيئة دى

نصائح قيمه ومفيده فعلا

جزاك الله خيراُ