المطبااااااااااااااااااات بتعملو ايه فى المطب المستخبى

[Dr Kento]

حسبى الله ونعم الوكيل
فى البلد وفى الناس وفى البشر اللى بيعملو المطبات بدون اى قواعد وعندهم اموال وارواح الناس لعبة... وانا ماشى بالليل على طريق اول مرة امشى عليه لقيت مطب فى وشى فجأة ولبست المطب والعربيه نطت وقلبى وقف وطبعا المطب ملوش علامات على الطريق ولا ملونينه ولا اى حاجه يعنى لابس لابس وعشان كدا نفس اشارك معاكم الموقف المحزن دا وتقولولى بتعملو ايه فى الموقف دا لا قدر الله وبتعملو ايه فى السواقة على الطرق اللى اول مرة تمشو عليها وكمان وياترى فوانيس الشبورة بتفرق لانى تعبت وطبعا حاسس العربيه هتتفرتك منى لان دى تانى مرة تحصلى.....بتدوسو فرامل لاقصى درجة ولا ايه ؟

[mohamed_selim]

طريق جديد يبقى تمشى بالراحه وانت و حظك
طريق حافظه بمطباته تمشى متوسط تحسبا لمطب جديد اتحط و برضه انت و حظك
انسب حل تمشى بالراحه لحد ما عربيه تعديك ... تفوت ١٠٠ متر و تفتح وراه ... لما يهدى تهدى و لما يلبس المطب برضه تهدى وانت و حظك :)

[zerox2010]

هههههه
نفس المشكله عند اى حد

[EngAhmedSakr]

كلنا حصلنا مواقف زي دي للأسف

عموما نصيحتي ليك كالأتي

امشي علي مهلك وخليك حريص مادام الطريق انت مش حافظه او ان كانت الإضاءه ضعيفه فيه
عايز تمشي اسرع شويه ... يبقي تشوف اي ميكروباص تويوتا او حتي نص نقل حلو كدا وتقطره وتمشي علي خطاه مع مراعاه مسافه 30 متر بينكم عالأقل

اما بخصوص المفاجأت فإوعي تاخد مطب وانت كابس فرامل لأن الاضرار هتكون اشد
إكبس جامد اول ما تلمح المطب ولكن قبل ما عجلك يلمسه سيب الفرامل وطير من عليه علشان عربيتك مش تتأذي بزياده .

وربنا يسترها معانا كلنا .

[Mostafa.Mahran]

الطريق الجديد تمشى فيه براحة و على مهلك و الافضل تخلى عربية او اى حاجة ماشية قدامك و تهدى معاها و تسرع معاها

ولو لا قدر الله قدامك مطب و ملحقتش تهدى عليه بلاش تفرمل جامد و عديه و ربنا يستر

[amr.elsayed]

فوانيس الشبورة بتفرق طبعا لان انت طالما لبست المطب بيكون بنسبة كبيرة الدنيا ضلمة والاضاءة عندك مش اد كدة
وبالتالى لم تراه من على بعد
.......
فيه مطب بقى تشوف عليه البدع عندنا فى اسكندرية فى شارع مصطفى كامل
المطب موجود قبل اليوتيرن بس فكرته حلوة انه مش بطول الشارع يعنى انت لو فى الحارة اليمين والدنيا امامك وردى وشارع واسع
لو عايز تدخل اليوتيرن على الشمال تفاجأ بنص مطب قبل اليوتيرن بحبة حلوين والبس يا معلم المطب مع شوية شقلبظات واكروبات
زى ما يكون مخترع الكاميرا الخفية هو اللى عامله ... وربنا يستر على الجميع

[truss]

بنعمل ايه فى المطبات .. بنلبسها مش اكتر

نور الشبورة مش هيعمل معاك حاجة هو وظيفته انه يبين عربيتك فى الشبورة

طبعاً و انت ماشى تمسح الطريق بعينيك و بلاش تجرى خصوصاً لو اول مرة تمشى فيه و يفضل انك تسيب مسافة مابينك و بين عربية قدامك عشان لو فيه مطب ما تتفاجأش

زى الاعضاء ما قالولك لو فرملت جامد و زحفت تسيب الفرملة و انت بتاخد المطب

نصيحة هتفرق معاك جامد : لو ما كشفتش نظر بقالك فترة تروح تكشف و تعمل نظارة على مقاس الكشف , صدقنى الموضوع دة فرق معايا اوى خصوصا فى موضوع المطبات

[MohammedAladel]

من كام يوم حصل لى نفس الموقف ..... هتلبس يعنى هتلبس ههههههههه .... بس لازم يكون عندك سرعة بديهة .... تفرمل قبل المطب بأٌقصى قوة أول ما تلاقى نفسك خلاص دخلت ع المطب أرفع رجلك فورا من على الفرامل ..... العربية هتعدى بسلام .... لو فضلت دايس فرامل العربية هتحمل بكل تقلها على المطب

فعلا فى التأنى السلامة .... لكن المطبات فى مصر ملهاش حل مش هينفع أمشى بطة ع الطريق .... يعنى أنا أغرب مطب شفته فى مدخل مدينة مطاى عندنا

لسة عاملين جديد يوم ما اتعمل كنت هلبس فيه بس لحقت نفسى لأنى مش متعود على وجوده

الغريب إنى لقيتهم حاطين كام حجر فى النص .... من الغباء الشديد .. وعسكرى مرور واقف دا فى أول الأمر

دلوقتى مفيش عسكرى والحجارة موجودة يعنى لا قدر الله ممكن حد غريب ... مش هياكل المطب وبس لأ ممكن ياكل الحجارة اللى فى النص

بدل ما يلونوه أو حتى يحطوا أشارتين

حسبى الله ونعم الوكيل

[MohammedAladel]

من كام يوم حصل لى نفس الموقف ..... هتلبس يعنى هتلبس ههههههههه .... بس لازم يكون عندك سرعة بديهة .... تفرمل قبل المطب بأٌقصى قوة أول ما تلاقى نفسك خلاص دخلت ع المطب أرفع رجلك فورا من على الفرامل ..... العربية هتعدى بسلام .... لو فضلت دايس فرامل العربية هتحمل بكل تقلها على المطب

فعلا فى التأنى السلامة .... لكن المطبات فى مصر ملهاش حل مش هينفع أمشى بطة ع الطريق .... يعنى أنا أغرب مطب شفته فى مدخل مدينة مطاى عندنا

لسة عاملين جديد يوم ما اتعمل كنت هلبس فيه بس لحقت نفسى لأنى مش متعود على وجوده

الغريب إنى لقيتهم حاطين كام حجر فى النص .... من الغباء الشديد .. وعسكرى مرور واقف دا فى أول الأمر

دلوقتى مفيش عسكرى والحجارة موجودة يعنى لا قدر الله ممكن حد غريب ... مش هياكل المطب وبس لأ ممكن ياكل الحجارة اللى فى النص

بدل ما يلونوه أو حتى يحطوا أشارتين

حسبى الله ونعم الوكيل

[MohammedAladel]

بنعمل ايه فى المطبات .. بنلبسها مش اكتر :e_braces[1]:

نور الشبورة مش هيعمل معاك حاجة هو وظيفته انه يبين عربيتك فى الشبورة

طبعاً و انت ماشى تمسح الطريق بعينيك و بلاش تجرى خصوصاً لو اول مرة تمشى فيه و يفضل انك تسيب مسافة مابينك و بين عربية قدامك عشان لو فيه مطب ما تتفاجأش

زى الاعضاء ما قالولك لو فرملت جامد و زحفت تسيب الفرملة و انت بتاخد المطب

نصيحة هتفرق معاك جامد : لو ما كشفتش نظر بقالك فترة تروح تكشف و تعمل نظارة على مقاس الكشف , صدقنى الموضوع دة فرق معايا اوى خصوصا فى موضوع المطبات

هو إيه فكرةعمل فوانيس الشبورة

أنا شايف يعنى بما إن وضعها من تحت فهى بتضرب فى الأسفلت أكتر ولا الشبورة تحت بتبقى أضعف مثلا

دا من كام يوم فاتوا كان فيه حتة شبورة مينفعش معاها غير الأشعة تحت الحمراء والله

[Dr Kento]

انا بعمل كدا لا اراديا بدوس فرامل وبعدين بسيب العربيه تعدى المطب بسرعتها برضو وبحاول امشى ورا عربيه بس ملقتش عربيه امشى وراها و المطب دا اى بنى ادم ممكن يلبس فيه وفيه واحد ورايه على طول وانا موقف العربيه بطمن عليها سمعت صوت فرمله جامده لان المطب فى مكان ضلمه جدا ومفيش اى اشارة ولا علامه ولا حتى المنطقه مأهوله بالسكان والمفروض انه طريق سريع وبعدين مشكلتى انى مبشفشى المطبات لانها بنفس لون الاسفلت ومبحسش بفرق غير من قريب وسؤال على الماشى الجنوط 14 ترفع العربيه معايه لان العربيه واطيه بجد لدرجة انى اشتكيت لعسكرى المرور بتاع نقطة التفتيش بعدها كيلو تقريبا وقلتله حطو اشارة او اى علامه قام قلى خلى بالك فى مطبين كمان قدامك بشويه والله يا جماعه فى اماكن ضلمه جدا وبرضو من غير علامات ومش فاهم سبب وضعهم بالشكل دا ليه وياريت معمولين بطريقه علميه هما الناس دى بيعملو فينا كدا ليه دا الواحد قلبه بيقف من الفزع

[dr_hady4447]

عادى جدا

لما بنلاقى مطب مستخبى

بنركب المراجيح :)

[S O P H O S]

الاستسلام اكيد للموقف ..

[truss]

هو إيه فكرةعمل فوانيس الشبورة

أنا شايف يعنى بما إن وضعها من تحت فهى بتضرب فى الأسفلت أكتر ولا الشبورة تحت بتبقى أضعف مثلا

دا من كام يوم فاتوا كان فيه حتة شبورة مينفعش معاها غير الأشعة تحت الحمراء والله

فوانيس الشبورة لو بصيت عليها من برة هتلاقها شديدة و مركزة, انما لو فتحتها و انت جوة العربية مش هتحس بفرق فى الاضاءة و هى معمولة للعربيات اللى جاية فى طريقك عشان يشوفوا عربيتك فى الشبورة

[Abo.Moazz]

يعنى مش هاييجى زى نقرة لبستها على الدايرى ومكنتش بجرى كمان .. النقرة كانت على الشمال وكنت ماشى على 90 كم/س وقدامى عربية دبابة .. لبست هيه النقرة وأنا وراها عدل ... الكاوتش فرقع .. معرفتش أركن على جنب من كتر العربيات اللى راكنة بتغير فرد كاوتش .. والله أكتر من 15 عربية