المطبااااااااااااااااااات بتعملو ايه فى المطب المستخبى

[midooo_119]

الحمد لله مع اللمض التونجسرام مفيش اى حاجه بتستخبى قدامى انصحك بيها

[hessenp]

مأساه كل مواطن مصرى راكب عربية ...
على العموم هى كلمة مافيش غيرها ....














حسبى ونعم الوكيل ....

[asom_6]

فى بلادنا الحبيبة أشكال وأنواع من المطبات هدية لكل سائقى السيارات الملاكى بالذات حيث ان باقى الانواع لاتتأثر مثلنا بالمطبات.
تشكيلة رائعة تناسب جميع الأذواق :-

-مطبات حكومية متتالية من البلاستيك او الاسفلت طويلة ومتتالية مثل المكرونة الاسباجيتى تكسر ضهرك بس الميزة لوخدتها بسرعة وانت غافل عنها تأثيرها طفيف.

-مطبات حكومية عالية مهرمة لو اكلتها بهدووووووء وعلى المايل فليس هناك من شر ولكن لو أكلتها بسرعة ... ياللا الله يرحمها كانت عفشة كويسة وبنت ناس

-مطبات حكومية عيون قط تأكلها بسرعة تأكلها بالراحة سلملى على الكاوتش ... تحس انه هيتفرتك

-مطبات اهلية ((وما اجملها )) مهرمة مصنوعة من الخامات المحلية من زلط وطوب ومخلفات بناء ..((بنفسى رأيت ناس بعد الانتهاء من صب سقف خرسانى لعمارة ولوجود فائض من الخرسانة قاموا بعمل مطب فى الشارع كنوع من عمل الخير وخدمة المجتمع)) وهى عبارة عن اجتهاد شخصى من السادة المقيمين بالشارع لتحويل حياة قائدى السيارات الى جحيم مقيم وعذاب سيزيفى ... ((وهما يعدوا من شارعنا ليه مايشوفولهم شارع تانى يعدوا منه)) ... وهذا النوع من المطبات لا يصلح معه الهدوء ولا السرعة ولا القيادة على المايل ولا اى حاجة أبداً ... الدعاء فقط .. هتحك يعنى هتحك ويتمزق فؤادك مع صوت التمزيق والاحتكاك وممكن الشرار من اسفل العربية وهى تئن متوجعة ومستجيرة بك من ظلم البشر للجماد

-مطبات اهلية برضه عبارة عن تفريغ فى اسفلت الشارع اما لمرور ماسورة مياة او صرف ... او صدق ولا تصدق لاجبار السيارات على تخفيف السرعة وخصوصا عند مداخل الجراجات بعرض الشارع ... والفكرة اللذوذه هى ان المطب العالى يتأكل مع الوقت اما المحفور بالأرض فتتوارثة الأجيال ... هذا النوع مدمر للمساعدين والعفشة حسب عمقه وسرعتك وانت تأكله ... فالتعامل معه يكون بهدوء وطوله بال وعدم الالتفات الى من خلفك لأن تقليب النور والكلاكسات لن تتوقف وانت تمر من على المطب وبمجرد مرورك تفاجأ بأن من كان خلفك يستعجلك يأخذ وقته بالكامل فى المرور على المطب بكل راحة ورضا عن النفس.

-مطبات لاهى حكومية ولا اهلية نتجت من عوامل التعرية ودون تدخل من أحد وهى عبارة عن نقر وتفتت الاسفلت وشروخ وكسر فى الطريق وهبوط واحيانا ارتفاعات فى الاسفلت وتموجات نتيجة مرور النقل الثقيل وغيره وغيره وغيره ((المسبب الاساسى هو نقص الصيانة وانعدام الضمير فى التنفيذ وعدم التصميم الجيد لاحمال الطرق)) وهذا النوع موجود بوفره غير عادية وفى كل مكان وزمان وأوان.

المفروض انه لا يوجد شىء اسمه مطبات بدون داعى وضرورة حتمية وحتى عند عمل مطب يجب الالتزام بتصميمات عالمية متعارف عليها للحفاظ على السيارات وركابها وتنبيه السائقين قبل مسافة مناسبة من المطبات.

مرحباً بكم فى مصر ... بس حاسبوا من المطبات

[hessenp]

انت فى بلد 100 مليون مطب ..... نورت مصر

[Dr Kento]

ربنا يسترها معانا جميعا ويحمينا من شرور المطبات والنقر ولاحول ولا قوة الا بالله العلى العظيم

[Dr Kento]

اللمض التونجسرام دى بتيجى منين وبكام ؟

[shaddadfalcon1]

لو طريق معرفوش ياببمشي براحه يعني مش بعدي ال 50 او 60 طبعا الكلام ده بالليل
او بشوف اي حد يكون نقل مثلا بس يكون عربيه جديده عشان القديم بيكسرو وبيجرو وخلاص ولو لقيته بيجري يبقي حافظ الطريق وبلبس وراه علي طوول

اما لو لبست مطب فكل اللي بعمله انه بحسبن :)

اصلي كنت مره راجع من القاهره وجت عند مدخل ابو المطامير اللي عند الكيلو 71 من الأسكندريه وقلت اخد طريق مختصر ولقيت الطريق حلو ومفيش مطبات وطاير علي 130 وشويه 120 وهووووووووووب لبست مطب زي السد العالي وحسيت ان كل مسمار اتخلع وبعدها هديت ل 90 عشان اشوف حاجه حصلت ولا لآ وهوووووووووووووب السد التاني :) ومش هقول بقي انا عملت ايه

[midooo_119]

اللمض التونجسرام دى بتيجى منين وبكام ؟

الابيارى فالتوفيقية ب35 جنية ده موضوع عنها
مقارنه القرن (تونجسرام 140/100 ) vs (نيرفا 100/90)

[Dr Kento]

يا ساتر يارب تلاقى قلبك وقع فى رجليك...الموضوع يخض فعلا وربنا يتسرها علينا الناس دى مش حاسه بالتعب اللى تعبناه عشان نركب عربية ولا حاسين بالفلوس اللى بتنفق على اصلاح السيارات واللى من الممكن توجيهها لحاجه تانيه افضل....حسبى الله ونعم الوكيل

[elnakshabandy]

ونفسى افهم الله لايسامح اللى يعمل مطب على كوبرى هيستفيد ايه
يعنى لا شارع ولامدرسه
ده كوبرى
وعلى طريق سريع يابشر خلاص الواحد هيتجنن

[Dr Kento]

ههههه والله ما قصرت استر علينا يارب

[Elawany13]

هيه ديه مصر ... هو ده حالنا
وهوه ده شكل العربية لما بتلبس المطب المتين

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/

/


[img3]http://img831.imageshack.us/img831/6152/s0cfca1.jpg[/img3]

[tutankhamoun]

في التآني السلامة .
السرعة ملهاش لازمة ..... التركيز على الطريق بيزيد مع سرعة منخفضة ... و بكدا تقدر تتفادى أي مطب .
طريق تعرفه أو ما تعرفوش ........ عربيتك مش هاتعرف يعني أي مطبات .

مرة آخرى في التآني السلامة و في العجلة الندامة و ربنا يستر طريقكم و طريقنا و يهدينا جميعا .

[tutankhamoun]

المطبات بتتعمل في مصر لأنها أرخص طريقة للحكومة من تقليل السرعات على الطرق .
بصراحة أحنا لو محترمين في سواقتنا ... مكنتش الحكومة هاتعمل مطبات .
بغض النظر أن المطيات معمولة صح أو غلط أو بدراسة أو لاءة .

إنما السرعات اللي الناس بتسوق بها ............. غير مقبولة بالمرة .
و سامحوني لو كلامي مش عاجبكم .

[shaddadfalcon1]

المطبات بتتعمل في مصر لأنها أرخص طريقة للحكومة من تقليل السرعات على الطرق .
بصراحة أحنا لو محترمين في سواقتنا ... مكنتش الحكومة هاتعمل مطبات .
بغض النظر أن المطيات معمولة صح أو غلط أو بدراسة أو لاءة .

إنما السرعات اللي الناس بتسوق بها ............. غير مقبولة بالمرة .
و سامحوني لو كلامي مش عاجبكم .

متفق معاك مليون في الميه بالنسبه للمطبات اللي جوه البلد والناس فعلا كل مابتلاقي الطريق سالك بتجري اسرع لكن الزراعي المفروض انه طريق سريع ليه يبقي مليان مطبات دلوقتي
كل كيلو بتلاقي 5 او 10 مطبات صغيرين ورا بعض وفعليا مش بتحلق تدي العربيه الرابع