لما الموتور يكون مساعدك........و العفشة تعكنن عليك

[mahmoudselim]

العربيات الياباني ثمانينات وتسعينات وبداية الالفية كمان

العربية تحس انها مافيهاش عفشه أصلا , يعني انت ماشي بالعربية كانك قاعد في مولد وطبل ودف ومزمار!!

بل انا حرمت اركب ياباني ثاني وخاصة نيسان عشان العفشه

كان معايا صني 2006 وبعتها ومش حجيب اي عربية زي كذا

طبعا لايعلى على الالماني في راحة العفشة . تصدق انا معايا كوري بس سوناتا عفشتها تبارك الرحمن

ممتازة ناعمة جدا الحمد لله على الراحة وانا معايا كوري والماني وحاسس ان الكوري مش وحش خالص

بس طبعا الفئة بتفرق جامد في الموضوع ده.

اهو خلاص انت راجع مصر وحتركب اوروبي وترتاح من العفشة وحتحس بفرق جاااااامد

بس المانيا مالهاش حل ابدا في العفشة

بس عايز أسأل خبراء العفشة أفضل وانعم عفشة نوعها ايه ؟

ياباشا الفترة دي تحديدا اللي انت بتتكلم عليها اليابان عملت عربيات في الوقت ضربت بيها كل الماركات التانية. دي كنت افضل فترة لليابان علي الاطلاق لكل الفئات كمان من سيدان لل 4*4 وعربيات الرياضية وفي سباقات الراللي اليابان صنعت في الوقت دا مواتيير تعتبر من انجح المواتير في العالم لحد دلوقتي. وكانت فترة من انجح فترات الماركات اغلب اليابانبة تويوتا وميتسوبيشي وهوندا ومازدا ونيسان وسوبارو وباعت اكبر عدد عربيات في العالم الكورلا بس باعت اكتر من 35مليون عربية ودخلت بيهم موسوعة جينيس للارقام القياسية. انا بجيبلك واقع وحقائق مش اراء شخصية وهديلك كذا مثال
ظهور تويوتا سوبرا نيسان سكاي لاين هوندا s2000 سوبارو STI لانسر EVO و Acura واللاند كروزر والباترول والانفينتي والليكزس, وغيرهم كتير المازدا والموتور الروتاري السوبارو والموتور البوكسر والدفع الرباعي للعربيات السيدان وافضل واحسن وقت لسباق الرالايات في العالم في التمانينات والتسعينات كانت الشركات اليابانية رقم واحد في الوقت وعملوا انجازات صعب انها تتكرر تاني. هي عامتا الفترة تعتبر من انجح فترات صناعة السياارت في العالم. انت معاك سوناتا زي ما حضرتك بتقول بس لما تجرب تركب الليجاسي ولا الكامري ولا الهوندا الاكورد ان شاء الله فكرتك هتتغير.

[mahmoudselim]

...

[kimokaim]

mahmoudselim

ياباشا والله ركبت الكامري وسوقتها بنفسي والاكورد والمازدا 6 والمازدا 3 والمكسيما والهيونداي ازيرا والسانتافي

وركبت كمان التيوتا تاندرا والهايلوكس !!! أغلب العربيات الياباني المعروفة مجربها من غير مبالغة

وكل العربيات ديه ركبتها فترات طويلة خاصة الكامري والمازدا

واكيد معانا ناس هنا بتشتغل في الخليج والدول العربية وامريكا وكندا وركبت العربيات ديه عادي جدا وجربتها كمان

انا بتكلم عن العفشششششششششششششششششششششششششششة مش الموتور واعتمادية العربيات

و أكيد ولحد دلوقتي اليابانيين هما اكثر مبيعات في العالم خاصة تويوتا وبعدين نيسان

والكوريين كمان داخلين بقوة وحياخذوا الشعلة من اليابانيين .

انا بتكلم على نقطة محددة جدا جدا وهي العفشة وماجبتش سيرة موتور او مبيعات عربيات

ياريت ياجماعة نركز شوية في النقطة الي بنتكلم عليها

العفشة الياباني أو الكوري أسوء مافي السيارة من حيث الراحة ونعومية العفشة وخاصة في الفئات المتوسطة

والصغيرة .

[mahmoudselim]

mahmoudselim

ياباشا ركبت الكامري والاكورد والمازدا 6 والمازدا 3

وركبت كمان التيوتا تاندرا !!!

انا بتكلم عن العفشششششششششششششششششششششششششششة مش الموتور واعتمادية العربيات

و أكيد ولحد دلوقتي اليابانيين هما اكثر مبيعات في العالم خاصة تويوتا وبعدين نيسان

والكوريين كمان داخلين بقوة وحياخذوا الشعلة من اليابانيين .

انا بتكلم على نقطة محددة جدا جدا وهي العفشة وماجبتش سيرة موتور او مبيعات عربيات

ياريت ياجماعة نركز شوية في النقطة الي بنتكلم عليها

العفشة الياباني أو الكوري أسوء مافي السيارة من حيث الراحة ونعومية العفشة وخاصة في الفئات المتوسطة

والصغيرة

ولما هي العفشة وحشة كدا لية الكورولا والنيسان عملت اكتر مبيعات في العالم ولية الشركات اليابانية كانت رقم واحد في العالم في فترة من الفترات. انت عارف ان الكورولا الملكة 92 -97 واللاند والباترول والكرسيدا والكامري اكتر مبيعاتها في البلاد الجبلية ولسة رقم واحد في البلاد دي لحد دلوقتي زي باكستان وافغانستان واليمن والسعودية "والجيش المصري" بس الجديدة ان الكامري والاكورد عفشتهم وحشة اصل انا عشت في دول الخليج اكتر من نص عمري ودوست في كل العربيات دي والحمدلله ولما لاقيت الكوري جربتة برضوا

[O.M.S]

السلام عليكم

والله يا رجاله انا معايا تيوتا كورولا 97 كانت 1300cc وكنت بطير بيها وكانت بتجيب 180 ساعات (في حتا اسمها بين الجبلين على الاوتوستراد ) وكنت بلف على السرعه دي من غير ما اهدي ومكنتش بحس باي حاجه بصراحه عفشه متزنه 100% وتاني حاجه كل ما تكون العفشه نشفه كل ما تكون متزنه اكتر دي العفشه الرياضيه نشفه موووت :)

[kimokaim]

الجديدة مش الكامري لا الـbmw2011 عفشته وحشة !!!

وكل ماتكلم على العفشة انت بتقول ليه مبيعاتها عالية !!!!! وانا مالي بمبيعاتها عالية ولا لا

مش رخص الثمن هو المخلي الحاجة منتشرة مع اعتمادية محرك ممتازة وعربيات سهلة مش معقدة ميكانيكيا

الياباني العفشته وحشة خاصة في العربيات المتوسطة والصغيرة ممكن تكون الفئات العالية عفشته ناعمة

وانا قولت ان السوناتا مثلا عفشتها ناعمة ومريحة ومامينعش ان يكون في عربيات عفشتها كويسة

طبعا مقارنة بالالماني اكيد عفشة السوناتا مش زي عافشة 525 الفئة الخامسة مثلا مفيش مقارنة اصلا

بس مقارنة بالعربيات الياباني مثلا عفشتها في اعلى مستوى

اغلب العربيات الياباني وخاصة المتصنعة في الثمانينات والتسعينات عفشتهم تعبانة

وانا مش حقعد معاك للفجر احكيلك واعيد وازيد من غير فايدة

دي وجهة نظري وانت شايف غير كده وان المازدا 323 و 626

والنيسان 108 والهوندا سيفيك المكوى بتاعات اخر الثمانيات واول التسعينات عفشتهم حلوة وممتازة د رأيك

وانت حر فيه .

ملاحظة : اللاند كروزر دي عربية الصحراء الاولى مش الجبل !!!

[mahmoudselim]

الجديدة مش الكامري لا الـbmw2011 عفشته وحشة !!!

الياباني العفشته وحشة العربيات المتوسطة والصغيرة ممكن تكون الفئات العالية عفشته ناعمة

وانا قولت ان السوناتا مثلا عفشتها ناعمة ومريحة وماينعش ان يكون في عربيات عفشتها كويسة

بس اغلب العربيات الياباني وخاصة المتصنعة في الثمانينات والتسعينات عفشتهم تعبانة

وانا مش حقعد معاك للفجر احكيلك دي وجهة نظري وانت شايف غير كده وان المازدا 323 و 626

والنيسان 108 والهوندا سيفيك المكوى بتاعات اخر الثمانيات واول التسعينات عفشتهم حلوة وممتازة د رأيك

وانتر حر فيه بقى !!

صح هو الموضوع اراء وارقام

[S O P H O S]

انا رأي بالنسبة للتويوتا ان ده ثمن العفشة الناعمة المريحة
وحتي الثبات بردوا ثمن لذلك
محدش هياخد كل شئ فالعربية ..

[amrelsaqqa]

انا ملاحظ ان في ناس عمالة تقول عفشة كذا وحشة و ناشفة

انا رأيي ان قوة تحمل العفشة و جودتها مالهاش علاقة بالنعومة ولا النشوفية
في عفشة محترمة ماسكة نفسها على طول سواء ناعمة او ناشفة وبتحافظ على ثبات العربية و تحسسك ان في عربية فخمة

وفي عفشة ضعيفة و مشاكلها كتير او بتفك بسرعة او مش بتدعم ثبات العربية اواصواتها مزعجة او عمرها قصير ..


كل ده مالوش علاقة بناشفة او ناعمة

رغم ان القاعدة العامة ان كل ما العفشة نشفت كل ما كان ثبات العربية اكبر وغالبا عمر العفشة اكبر بس عمر ما كانت النشوفية والنعومة مقياس للجودة

انا ماجربتش السيارات الالمانية تجربة فعلية بالقدر الكافى من حيث العفشة عشان احكم مين افضل من مين ، بس انا في رأيي الماركات دى كلها (يابانى واوروبى ) فيها عربيات محترمة high-end وفيها عربيات اقتصادية فئة اقل ، وكله بتمنه في الاتنين ،وغالبا في اليابانى بالذات احنا ما شفناش عربيات ، لأن الالمانى بينزل عربيات محترمة في رينج الـ 1600 سي سي على عكس اليابانى


واولا واخيرا الالمانى متفوق وله الريادة في مجال العربيات كله بلا شك ، فمنطقيا له الريادة في انظمة التعليق برضه ، وده لا يقلل من شأن عربيات كتير يابانى محترمة ، من الاخر، فيه اول وفيه تانى و ما ينفعش اتنين يطلعوا الاول ، ده رأيي ، انا ممكن اركب عربية كورى تعجبنى عفشتها (من حيث النعومة مثلا) ، بس اييش عرفنى هتبقى عاملة ازاى كمان سنتين ؟ وهل مدية العربية ثبات زي اليابانى او زي الالمانى

هو ده الفرق

[Ahmed Selim]

يا رجالة الموضوع مش للخناق............أنا بحذركم أهو :)

انا مش من انصار القديم حتى لو هاركب حاجه عاليه , لو حاجه احدث شويه وفئة أقل هاتبقى اريح بكتير

الظروف هى اللى حكمت بكده يا معلم :)

العربية بتاعتي اللى بعتها كانت نيسان و كنت جايبها زيرو و كانت كويسة بصراحة.........بايعها ماشية 67 ألف كيلو.

عموما انت ممكن يكون معاك مشكله في الكاوتشات مثلا وانسى ان اي عربيه العفشه بتاعتها تمشي حلو من غير كاوتشات

وموضوع تربيط العفشه بيبقى محتاج التوكيل دايما عشان هو الي بيعمل تربيط العفشه الصح وبتقعد معاك فتره حلوه جدا عفشتها ماسكه نفسها

وطبعا فرق الموديل والبلد المصنعه حاجه

ومحدش ينكر ان تويوتا ابدعت في موديلات كتييييير اوي

وطبعا الالمان عربياتهم احلى عربيات برضو

يا باشا الكاوتش متغير من سنة أو أقل حاجة بسيطة.......و ده مش بمزاج صاحب العربية هنا......

العربيات القديمة بيتعمل لها فحص كل سنة و من أهم الحاجات اللى بيبصو عليها هى الكاوتش لو مش تمام مش بيرخصلك........تغيره و ترجع تفحص تاني.

العربية اللى معايا ياباني الصنع 100%

و الكلام برضه مش على الإبداع..........الموتور ماشي ما يقرب من ال 300 ألف كيلو و زي الفل.....بياكل شوية زيت بس مش أكتر من كده..........جري تلاقي و تسارع تلاقي يعني كتر خيرها برضه.

التوكيل علشان أروح له يربط عفشة بعربية زي دي هيقولي غير كذا و كذا........و يكفي أقولك أن المساعدين الأمامي عند واحد موزع معتمد من التوكيل الواحد بحوالي 550 درهم و أنا جايب الأتنين من برة بحوالي 380 أو 400 درهم............يعني أقل من سعر مساعد واحد.

فى الاول اقولك ان فعلا النيسان ويليها تويوتا ..... عفشة فاشلة
بس متسوبيشى عافشة جيدة جدا

بس فية هـــوندا من اقدم الموديلات حتى الان العفشة مختلفة تماما عن اى عربية تانية تصميم مختلف يشبة النصف نقل
عفشة مصممة لاقصى الظروف و اصعب ردود الفعل على سرعات مرتفعة وكونها جر امامى يخليها كمان اكثر دقة فى التحكم

اللى كانت معايا نيسان و عفشتها كانت حلوة بصراحة......يعني مش ناشفة أوي و مش مريحة قوي...و كانت 4*4

محدش يجيب سيرة نيسان اديني بقلكم اهوووووووه ههههههههههههه

متقلقش يا باشا.........انا نيساناوي قديم برضه

معلش انا بس عايز اعرف عفشة المانى اية اللى كويسة , انا ركبت bmw 320 2011 وكانت العفشة ناشفة , مرسيدس c class ونفس نشوفية العفشة بس احن شوية من ال bmw

bmw موديل 1997 وعفشتها زفت وكانت عربية والله كل صيانتها فى التوكيل وكانت لسة خارجة مغيرة اربع مساعدين ومقصين وحاجات كتير حتى البوجيهات بتتغير هناك

معلش ياجماعة الموضوع مش كدة خالص

يعنى الحمد لله الهوندا عفشتها من اثبت العفشات الموجودة فى السيارات , ومن اقوى العفشات تحمل لاقصى الظروف , وكل دة والحمد لله ناعمة جداا ومريحة

معلش ياجماعة الموضوع نسبى مابين عربية وعربية مش كل اليابانى كويس ومش كل اليابانى وحش ومش كل الالمانى كويس ومش كل الالمانى وحش

يا سم سم باشا معروف أن الثبات = عفشة ناشفة

العفشة الناشفة فى حد ذاتها مش بتعيب العربية............إلا فى شوارع مصر المحروسة علشان النقر و الحفر و المطبات........و ده مش عيب عربية.

يعني على سبيل المثال.........أنا سوقت هنا 320 و سوقت 540 ال e39 متحسش بحاجة غير ثبات.......لأن ببساطة مفيش حفر و نقر و مطبات غريبة.

أنا سوفت أكورد برضه هنا..........ثباتها كويس طبعاً بس ال 320 أثبت.

[Ahmed Selim]

ايه يا اخواننا هو الراجل عامل الموضوع بيقول اللي معاه عربية ياباني يطلع لي ؟

الراجل ما قالش لا الماركة ولا العربية عشان ماحدش يزعل , يقوم كل اللي راكبين ياباني يزعلوا ؟ :)

قولهم يا حاج تامر...........أمال لو قولت العربية نوعها أيه............هيعملوا أيه :)

ياباشا الفترة دي تحديدا اللي انت بتتكلم عليها اليابان عملت عربيات في الوقت ضربت بيها كل الماركات التانية. دي كنت افضل فترة لليابان علي الاطلاق لكل الفئات كمان من سيدان لل 4*4 وعربيات الرياضية وفي سباقات الراللي اليابان صنعت في الوقت دا مواتيير تعتبر من انجح المواتير في العالم لحد دلوقتي. وكانت فترة من انجح فترات الماركات اغلب اليابانبة تويوتا وميتسوبيشي وهوندا ومازدا ونيسان وسوبارو وباعت اكبر عدد عربيات في العالم الكورلا بس باعت اكتر من 35مليون عربية ودخلت بيهم موسوعة جينيس للارقام القياسية. انا بجيبلك واقع وحقائق مش اراء شخصية وهديلك كذا مثال
ظهور تويوتا سوبرا نيسان سكاي لاين هوندا s2000 سوبارو sti لانسر evo و acura واللاند كروزر والباترول والانفينتي والليكزس, وغيرهم كتير المازدا والموتور الروتاري السوبارو والموتور البوكسر والدفع الرباعي للعربيات السيدان وافضل واحسن وقت لسباق الرالايات في العالم في التمانينات والتسعينات كانت الشركات اليابانية رقم واحد في الوقت وعملوا انجازات صعب انها تتكرر تاني. هي عامتا الفترة تعتبر من انجح فترات صناعة السياارت في العالم. انت معاك سوناتا زي ما حضرتك بتقول بس لما تجرب تركب الليجاسي ولا الكامري ولا الهوندا الاكورد ان شاء الله فكرتك هتتغير.

يا باشا أنا و الحمد لله جربت و ركبت.........و العربية اللى بتكلم عليها دي اعلى من الكامري و من الأكورد.

و أنا تحديداً جربت غير العربية دي الأكورد و الألتيما و الليجاسي و الليجاسي تحديداً جربتها فى مصر........و جربت غيرهم كتير و الحمد لله.

و مفيش شك أن اليابان ليها إختراعات محدش يقدر ينكرها بس أنا كلامي هنا عن العفشة و على المدى الطويل مش عفشة عربية جديدة .

ولما هي العفشة وحشة كدا لية الكورولا والنيسان عملت اكتر مبيعات في العالم ولية الشركات اليابانية كانت رقم واحد في العالم في فترة من الفترات. انت عارف ان الكورولا الملكة 92 -97 واللاند والباترول والكرسيدا والكامري اكتر مبيعاتها في البلاد الجبلية ولسة رقم واحد في البلاد دي لحد دلوقتي زي باكستان وافغانستان واليمن والسعودية "والجيش المصري" بس الجديدة ان الكامري والاكورد عفشتهم وحشة اصل انا عشت في دول الخليج اكتر من نص عمري ودوست في كل العربيات دي والحمدلله ولما لاقيت الكوري جربتة برضوا

السعر له عامل كبير.......و برضه طريقة السواقة ليها عامل أكبر

يعني تعالى لواحد مش عاوز غير عربية توصله و ترجعه من مكان للتاني و خلاص.........ده لو قولتله عفشة مش قد كده هيقولك مش فارقة معايا........أنا مش بعدي ال 100 أو ال 120.

تاني...........الكلام على عفشة على المدى الطويل......و إن مع التغييرات اللى عملتها فيها مفيش تحسن ملحوظ...........على عكس البي أم القديمة اللى كانت معايا..........جوز مساعدين عمل فرق كويس جداً

انا ملاحظ ان في ناس عمالة تقول عفشة كذا وحشة و ناشفة

انا رأيي ان قوة تحمل العفشة و جودتها مالهاش علاقة بالنعومة ولا النشوفية
في عفشة محترمة ماسكة نفسها على طول سواء ناعمة او ناشفة وبتحافظ على ثبات العربية و تحسسك ان في عربية فخمة

وفي عفشة ضعيفة و مشاكلها كتير او بتفك بسرعة او مش بتدعم ثبات العربية اواصواتها مزعجة او عمرها قصير ..


كل ده مالوش علاقة بناشفة او ناعمة

رغم ان القاعدة العامة ان كل ما العفشة نشفت كل ما كان ثبات العربية اكبر وغالبا عمر العفشة اكبر بس عمر ما كانت النشوفية والنعومة مقياس للجودة

انا ماجربتش السيارات الالمانية تجربة فعلية بالقدر الكافى من حيث العفشة عشان احكم مين افضل من مين ، بس انا في رأيي الماركات دى كلها (يابانى واوروبى ) فيها عربيات محترمة high-end وفيها عربيات اقتصادية فئة اقل ، وكله بتمنه في الاتنين ،وغالبا في اليابانى بالذات احنا ما شفناش عربيات ، لأن الالمانى بينزل عربيات محترمة في رينج الـ 1600 سي سي على عكس اليابانى


واولا واخيرا الالمانى متفوق وله الريادة في مجال العربيات كله بلا شك ، فمنطقيا له الريادة في انظمة التعليق برضه ، وده لا يقلل من شأن عربيات كتير يابانى محترمة ، من الاخر، فيه اول وفيه تانى و ما ينفعش اتنين يطلعوا الاول ، ده رأيي ، انا ممكن اركب عربية كورى تعجبنى عفشتها (من حيث النعومة مثلا) ، بس اييش عرفنى هتبقى عاملة ازاى كمان سنتين ؟ وهل مدية العربية ثبات زي اليابانى او زي الالمانى

هو ده الفرق

الله ينور عليك..........العفشة سواء ناعمة أو ناشفة مش مقياس للجودة و التحمل أوي.

[SAMEH_FOUAD]

يا سم سم باشا معروف أن الثبات = عفشة ناشفة

العفشة الناشفة فى حد ذاتها مش بتعيب العربية............إلا فى شوارع مصر المحروسة علشان النقر و الحفر و المطبات........و ده مش عيب عربية.

يعني على سبيل المثال.........أنا سوقت هنا 320 و سوقت 540 ال e39 متحسش بحاجة غير ثبات.......لأن ببساطة مفيش حفر و نقر و مطبات غريبة.

أنا سوفت أكورد برضه هنا..........ثباتها كويس طبعاً بس ال 320 أثبت.

تمام , بس طالما حضرتك قولت المعادلة دية يبقى محدش يقول ان ال bmw عفشة مريحة لان ال bmw من اثبت السيارات فى فئتها صح وكلنا عارفين كدة يبقى اكيد ناشفة يبقى انا كلامى صح

لكن ازاى بقى تقولى مثلا عفشة ال bmw حرير وثبات تحفة ,اكيد الكلام دة غير منطقى

وبعدين ياباشا احنا معانا فى الشغل هنا audi a4 موديل 2000 , بركبها كتير فبقول للسواق هية العربية دية عفشتها مش مظبوطة ماتوديها التوكيل قالى لسة معملوها صيانة هناك ومغيرة حاجات فى العفشة , قالى هية العربيات الالمانى كدة عفشتها ناشفة عشان بتبقى طوبة على الطريقة
فقالى اليابانى انعم منها بكتير لان السواق كان معاة قبل كدة تويوتا كورولا 2003 فى الشركة عندنا وبيقولى فرق السما والارض فى العفشة بس الثبات رايح بعد 120 وانا عارف الكلام دة

ودة اللى انا بتكلم فية , السيارات الالمانى ثبات عالى جدا + جنوط كبيرة مقاس 16-17 واحيانا 18 على كاوتش low profile + واطية وقريبة جدا من الارض = كل دة وعايز العفشة تبقى ناعمة طيب ازااااااااااااااااااااااااااااااااااااااى

هقولك حاجة حلوة اركب bmw 320 بال run flat tyre وانت تعرف يعنى عفشة ناشفة

الالمانى فى وجهة نظرى ممتاز جدا ( كرفاهية - امان - فخامة - اوبشن - ثبات ) ومحدش يقدر يتفوق علية فى النقاط دية

لكن يعيبة الاتى ( العربية مش ناعمة - محركات استهلاكها للبنزين عالى بعكس اليابانى - تكلفة صيانتها غالية - تكييفها مش بقوة اليابانى - سيارات مش واسعة وخصوصا الكنبة الخلفية )

وانا ركبت مرسيدس كتيييييييييير بفئتها كلها ( e200 موديل 2002 كتير - e200 موديل 2010 - e280 موديل 2011 وكانت عفشتها انشف على فكرة - s class 2009 - bmw 7 series 2009 - bmw 3 series 2000/2008-2011

وعارف فرق السنين كويس بيعمل اية فى العفشة , انا ممكن اوديك لميكانيكى شغال فى bmw 2002 مغيرلها حاجات كتير جدا فى العفشة مع انة راجل كبير مش بتاع جرى ولا لعب واستخدامة نظيف جدا انا عارفة معرفة شخصية , بس خلاص عفشتها جابت لحد كدة تعالى بقى شوق نظيرتها من الفئات اليابانية هتلاقيهم زى الفل

[amrelsaqqa]

محركات استهلاكها للبنزين عالى بعكس اليابانى

ادينى امثلة !
حضرتك عشان راكب هوندا فبتقول كدة
الهوندا بس عشان تكنولوجيا الـ vtec استهلاكها مثالى للبنزين

والتويوتا واللانسر عندهم تكنولوجى حلو برضه ، بس اصلا عربيات خفيفة ، مش في نفس وزن العربيات الالمانى
يعنى لما تلاقى عربية في وزن الاوكتافيا مثلا واستهلاكها 240 في الصفيحة ولا حتى 200 ، ده ممتاز جدا جدا !
ومش عايزين نتكلم عن استهلاك البنزين في النيسان صنى


- تكلفة صيانتها غالية
ماشى ، والموضوع نسبى ودلوقتى ما بقاش في فروق زي زمان ، الكورى نفسه بقت صيانته في التوكيل وقطع غياره غالية

- تكييفها مش بقوة اليابانى
مش في كله ، وقوة التكييف في اليابانى ساعات بحس انه مبالغ فيها يعنى انا مرة سقت نيسان صنى حسيت انها تكييف وطالعله عربية ودلوقتى اغلب الاوروبى تكييفه قوى جدا لايقل عن العربيات اليابانى او هو اصلا تكييف يابانى

- سيارات مش واسعة وخصوصا الكنبة الخلفية )
مش قاعدة عامة ، عندك النيسان صنى مش فاهم طلعت من المصنع ازاى كدة اصلا :D بجد اضيق كنبة شفتها في حياتى على حجم العربية

الاوكتافيا a4 كنبتها ضيقة حاجة بسيطة جدا مش زي الصنى مقابل شنطة قد بتاعت الصنى مرتين
الاوبل فكترا كنبة ضيقة بس برضه مش زي الصنى ( حالات فردية ما ينفعش تعممها )
التويوتا كورولا شكل 2003 قعدة الكنبة بتاعتها مش مريحة والعربية دى معايا وعارفها
الجولف عربية واسعة جدا جدا

القصد ان حتة ضيق الكنبة دى بالذات ما ينفعش اعمم واقول اليابانى كذا والالمانى كذا ..



وعلى فكرة انت نسيت تقول ان العربيات الالمانى بتسخن :D

[dr.hazem]

مش مقتنع بالكلام ده....
العربية غالبا محتاجة حاجة تاني يا أ. أحمد
مالعربيات الكوري ماليه الدنيا وموديلات من أوائل التسعينات...
لكن اتفق معاك بان ميتقارنش بسن الالماني والياباني نهائي....
تحياتي

Sent from my SE Arc S using Forum Runner

[Ahmed Selim]

تمام , بس طالما حضرتك قولت المعادلة دية يبقى محدش يقول ان ال bmw عفشة مريحة لان ال bmw من اثبت السيارات فى فئتها صح وكلنا عارفين كدة يبقى اكيد ناشفة يبقى انا كلامى صح

محدش قال أنها مش أنشف من الياباني........ده طبيعي.....هي معادلة

ثبات = عفشة ناشفة
نعومة = ثبات أقل.

مع العلم ان الكلام ده مش فى كل الأحوال برضه.

بس اللى محسسك بالنشوفية هى الشوارع.....مش عيب عربية عيب شوارع

لكن ازاى بقى تقولى مثلا عفشة ال bmw حرير وثبات تحفة ,اكيد الكلام دة غير منطقى

وبعدين ياباشا احنا معانا فى الشغل هنا audi a4 موديل 2000 , بركبها كتير فبقول للسواق هية العربية دية عفشتها مش مظبوطة ماتوديها التوكيل قالى لسة معملوها صيانة هناك ومغيرة حاجات فى العفشة , قالى هية العربيات الالمانى كدة عفشتها ناشفة عشان بتبقى طوبة على الطريقة
فقالى اليابانى انعم منها بكتير لان السواق كان معاة قبل كدة تويوتا كورولا 2003 فى الشركة عندنا وبيقولى فرق السما والارض فى العفشة بس الثبات رايح بعد 120 وانا عارف الكلام دة

ودة اللى انا بتكلم فية , السيارات الالمانى ثبات عالى جدا + جنوط كبيرة مقاس 16-17 واحيانا 18 على كاوتش low profile + واطية وقريبة جدا من الارض = كل دة وعايز العفشة تبقى ناعمة طيب ازااااااااااااااااااااااااااااااااااااااى

هي فعلاً فى الشوارع المحترمة مش بتحس بنشوفية و عن تجربة

هقولك حاجة حلوة اركب bmw 320 بال run flat tyre وانت تعرف يعنى عفشة ناشفة

جربتها يا باشا هنا...........مفيش أحساس بنشوفية لسبب أن الشوارع كويسة........يعني مش بتعدي على نقرة ولا حفرة ولا مطب غبي.........يبقى هتحس بالنشوفية فين ؟

الالمانى فى وجهة نظرى ممتاز جدا ( كرفاهية - امان - فخامة - اوبشن - ثبات ) ومحدش يقدر يتفوق علية فى النقاط دية

لكن يعيبة الاتى ( العربية مش ناعمة - محركات استهلاكها للبنزين عالى بعكس اليابانى - تكلفة صيانتها غالية - تكييفها مش بقوة اليابانى - سيارات مش واسعة وخصوصا الكنبة الخلفية )

مش هتكلم تاني عن النعومة

هنيجي لإستهلاك البنزين...........طبيعي يكون أعلى.....العربية نفسها أتقل يعني لو حطيت موتور هوندا على عربية بي أم هتلاقي نفس الموتور إستهلاكة فى البي أم أعلى لأنه بيشد وزن أتقل

صيانة غالية برضه طبيعي.......بس فى المقابل قطع الغيار بتعمر أكتر من الياباني فى معظم الأحوال

أخر نقطة دي أنت بتتكلم على الفئة التالتة و واخدها مقياس........ليه مش عارف :)

هتقارن فئة تالتة بكورولا ؟
ماشي.........لو فيه فرق مش هيكون كبير

وانا ركبت مرسيدس كتيييييييييير بفئتها كلها ( e200 موديل 2002 كتير - e200 موديل 2010 - e280 موديل 2011 وكانت عفشتها انشف على فكرة - s class 2009 - bmw 7 series 2009 - bmw 3 series 2000/2008-2011

وعارف فرق السنين كويس بيعمل اية فى العفشة , انا ممكن اوديك لميكانيكى شغال فى bmw 2002 مغيرلها حاجات كتير جدا فى العفشة مع انة راجل كبير مش بتاع جرى ولا لعب واستخدامة نظيف جدا انا عارفة معرفة شخصية , بس خلاص عفشتها جابت لحد كدة تعالى بقى شوق نظيرتها من الفئات اليابانية هتلاقيهم زى الفل

على فكرة مش مقياس أن الراجل ده غير حاجات كتير جداً فى العفشة أن تكون العفشة وحشة....ما هو جايز يكون أستخدامه مش جري ولا لعب بس فى سواقته مش بيتعامل مع المطبات و النقر صح.......يعني أعرف واحد صاحبي أستااااااااااااااذ فى صيد الحفر و النقر.......يفادي واحدة علشان ياخد أتنين...............بس برضه مش ده الموضوع.

يا باشا أنا كلامي مش بتغير أيه و أمتى..........أنا كلامي عن الفرق فى التغيير من دي لدي.

يعني هات عربية ياباني قديمة غير فيها العفشة و هات عربية ألماني قديمة و غير فيها العفشة........الفرق ساعتها هيكون لصالح الألماني.........مش علشان هو فى الأساس عفشته أثبت.....لأ علشان حاجة تانية أنا مش فاهمها..........و ده اللى حاصل معايا دلوقتي...العفشة أتغير فيها مقصات أمامي و مساعدين خلفي و مش حاسس بتغيير قوي........و زى ما قولتلك الميكانيكي بيقولي فيما معناه تربط عفشة كل فترة علشان عربية قديمة.

فى البي أم القديمة الى كانت معايا مكنش فيه الكلام ده خالص.........كنت بربط عفشة كل كام شهر و لما أغير حاجة بحس أن فيه تغيير فى العفشة.....و تغيير محترم.