عملت حادثه وحسبى الله ونعم الوكيل

[aldesha989]

السلام عليكم ورحمة الله وبركاتة

عملت حادثه من ساعتين بالظبط وحسبى الله ونعم الوكيل

انا لسه شارى العربيه من اسبوعين وكنت حاسس ان الفرامل فيها حاجه بس كانت بتمسك عادى

المهم النهارده وانا ماشى على طريق البحر وتقريبآ سرعتى كانت 60 والطريق كان يستاهل اكتر

المهم كان فى عربية قدامى هدت مره واحده جامد واخدت غورزه من مكروباص وبقيت انا والمكروباص بس
وحاولت ادوس على الفرامل لحد اخرها الفرامل ما جمعتش والعربيه اتزحلقت وحاولت اناور المكروباص بس العربيه ما رحتش يمين ولا شمال ودخلت فى المكروباص والمكروباص ما اتخدش يا جدعان

قدر الله وما شاء فعل
الكبوت اطبق شويه الاكصدام اتشرخ الفوانيس بصت لتحت وزعلانه :(
الشاسيه من قدام ورق ودخل لجوا شويه والرادرياتر نزل كل المايه اللى جواه وكانت بتنزل من تحت ما عرفتش اوصل للى حصله بس تقريبآ يا اتشرى يا ماسوره وقعت منه
وانا رجعت بالعربيه سايقها بعد ما زودت مايه وكترت المايه فى القربه بس الغريبه ان العربيه ما سخنتش مع ان الطريق كان زحمه مسافه حوالى 20 كيلو

كانت واصله لحد النص بس

بس حسيت اوى النهارده ان العربيه ورق

إنا لله وإنا اليه راجعون

احلى حاجه ان الحاج لما شافنى ما سئلنيش انتا كويس ولا لا قالى خسرت حاجه فى العربيه

يلا ربنا يسامحه

[Khaled Online]

فداك ألف عربية. اللي بيشتري زيرو في بلدنا بيبقى عامل حساب العين اللي بتودي ورا الشمس. وربنا يبارك في الحج :) ضحكتني وأنا مضايق

[aldesha989]

فداك ألف عربية. اللي بيشتري زيرو في بلدنا بيبقى عامل حساب العين اللي بتودي ورا الشمس. وربنا يبارك في الحج :) ضحكتني وأنا مضايق

الحمد لله

العربيه مش زيرو والله العربيه موديل 98 مازدا 121

مش عارف العربيه ورق كده ليه

[AlGazar2]

يا باشا فداك العربية المهم ان انت بخير

و والدك فكرنى بوالدى برضه لما عملت حادثة و لزقت فى مكروباص بس كنت نايم ساعتها مش بجرى :) اول ما جه بص على العربية و قالى بوظت العربية هههههههههه

[amrelsaqqa]

ورق ازاى يعنى يا باشا انت بتقول خبطت وانت على 60 ، اللى حصل للعربية مش مبالغ فيه

الحمد لله قدر الله ما شاء فعل
حصللى نفس الموقف بالظبط وعلى نفس السرعة بس دخلت في ماتريكس وعربيتى كورولا 2001 وكنت لسة جايبها برضه واكتشفت برضه ان الكاوتش مش حلو وخلى العربية اتزحلقت برضه ودخلت في الماتريكس زي الباشا والخبطة كلها جت عندى في الاكصدام وشاسيه الاكصدام وكانت قريبة اوى من فرد الشاسيه والسربنتينة بس ربنا ستر وشاسيه الاكصدام وقف قبل السربنتينة بالظبط

والماتريكس اتسمكرت على البارد وطبعا انا صلحت العربيتين زي الباشا ودفعت اكتر من 2000 جنيه

فداك ولا يهمك انا مقدر شعورك

انت تعرف انا النهاردة كنت لسة سايق عربية لانسر كرستالة مش بتاعتى وواقف في تقاطع طرق وبصيت كويس وطالع من شارع وداخل شمال في الشارع التانى والمهم وقفت وبصيت وكله تمام ويدوبك لسة بعدل العربية لقيتلك عيل غشيم مالوش لازمة بعربية مالهاش لزمة قديمة اتزرع جنبى وماشى طاير وعايز يعدي من ع اليمين من حتة ما تجيبوش اصلا ومش مولع نور حتى ، وفجأة لقيته كأنه قاعد جنبى وقريب اوى اوى من الرفرف اليمين خلاص هيشيل الجنب كله ، المهم حدفت شمال بسرعة والحمد لله العربية ما اتلمستش الحمد لله ، العملية ماكانتش ناقصة خصوصا ان العيل ده مكنتش هعرف اخد منه لا ابيض ولا اسود والعربية مش بتاعتى وكان هيبقى موقف زبالة
المهم انى مخنوق جدا لحد دلوقتى برغم انها جت سليمة الحمد لله !

فانا مقدر شعورك جدا
ومعلش ما تزعلش من الحاج خبطة العربية تزعل برضه ومش معنى كلامه ان العربية اهم عنده منك يعنى هههههههه

روق كدة يا باشا الدنيا مش مستاهلة فداااااك
البلد كلها ماشية تخبط في بعضها ربنا يصلح الحال


المهم العيب اللى عندك ده غالبا من الكاوتش مش الفرامل نفسها ولازم تظبطه بسرعة

[fisha]

طززززززززززز فى العربية الحمد لله انك بخير دى اهم حاجة

[egyptiandiver]

فداك

[abo_lamar]

قدر الله و ما شاء فعل والحمد لله انك بخير .... بس في حاجة عايز اقولهالك بصراحة ...
انت برضو غلطان غلط السنين انك حسيت ان الفرامل فيها حاجة غلط وسيبتها على حالها .. الفرامل مش لعبة يا باشا .
الحمد لله انها جت على قد كده .

[kimokaim]

121 من أسوء العربيات الي عملتها مازدا

خاصة من ناحية الصاج بتاعها فعلا جايب على ورق ههههههههههه

المهم الحمد لله على السلامة وفداك مية الف عربية )(

[aldesha989]

يا باشا فداك العربية المهم ان انت بخير

و والدك فكرنى بوالدى برضه لما عملت حادثة و لزقت فى مكروباص بس كنت نايم ساعتها مش بجرى :) اول ما جه بص على العربية و قالى بوظت العربية هههههههههه

طب انا كنت صاحى :d
هى كلها مكروبصات ولا ايه

ورق ازاى يعنى يا باشا انت بتقول خبطت وانت على 60 ، اللى حصل للعربية مش مبالغ فيه

ﻻﻻ انا كنت ماشى 60 بس على ما هديت كنت وصلت تقريبآ 10 او 20 بالكتير اوى
انا لو كنت 60 اكيد المكروباص كان راح معايا او شنطته كانت دخلت جوا او على الاقل اتخدش سبحان الله بقولك والله المكروباص ما حصلهوش حاجه الحمد لله طبعآ بس ده يثبت ان العربيه ورق يعنى خبطه على 10 او 20 ومش فى حيطه علشان يحصلها كل ده لا ده فى مكروباص وما يحصلهوش حاجه اكيد انا اللى عربيتى ورق

الحمد لله قدر الله ما شاء فعل
حصللى نفس الموقف بالظبط وعلى نفس السرعة بس دخلت في ماتريكس وعربيتى كورولا 2001 وكنت لسة جايبها برضه واكتشفت برضه ان الكاوتش مش حلو وخلى العربية اتزحلقت برضه ودخلت في الماتريكس زي الباشا والخبطة كلها جت عندى في الاكصدام وشاسيه الاكصدام وكانت قريبة اوى من فرد الشاسيه والسربنتينة بس ربنا ستر وشاسيه الاكصدام وقف قبل السربنتينة بالظبط

انا الخبطه عندى جت فى الاكصدام والشاسيه اللى شايل الرادريتير مش شاسيه الاكصدام
وطبق حته من الكابوت خليته زحف لجوا كده
هو تقريبآ فى قطع او الرادرياتير اتخرم الله اعلم

والماتريكس اتسمكرت على البارد وطبعا انا صلحت العربيتين زي الباشا ودفعت اكتر من 2000 جنيه

الله يرزقك ويعوضك خير يارب

فداك ولا يهمك انا مقدر شعورك

انت تعرف انا النهاردة كنت لسة سايق عربية لانسر كرستالة مش بتاعتى وواقف في تقاطع طرق وبصيت كويس وطالع من شارع وداخل شمال في الشارع التانى والمهم وقفت وبصيت وكله تمام ويدوبك لسة بعدل العربية لقيتلك عيل غشيم مالوش لازمة بعربية مالهاش لزمة قديمة اتزرع جنبى وماشى طاير وعايز يعدي من ع اليمين من حتة ما تجيبوش اصلا ومش مولع نور حتى ، وفجأة لقيته كأنه قاعد جنبى وقريب اوى اوى من الرفرف اليمين خلاص هيشيل الجنب كله ، المهم حدفت شمال بسرعة والحمد لله العربية ما اتلمستش الحمد لله ، العملية ماكانتش ناقصة خصوصا ان العيل ده مكنتش هعرف اخد منه لا ابيض ولا اسود والعربية مش بتاعتى وكان هيبقى موقف زبالة
المهم انى مخنوق جدا لحد دلوقتى برغم انها جت سليمة الحمد لله !

عندك حق والله انا بقابل كده كتير على الطريق بس انا اللى عايظنى انى حدفت شمال زيك بالظبط بس العربيه ما حدفتش ولا يمين ولا شمال زى ما تقول كده خلاص بتزحف على بطنها لقدام وبس ومش عارف ليه

فانا مقدر شعورك جدا
ومعلش ما تزعلش من الحاج خبطة العربية تزعل برضه ومش معنى كلامه ان العربية اهم عنده منك يعنى هههههههه

ربنا يسامحه والله زعلنى اكتر من اللى حصلى :(

روق كدة يا باشا الدنيا مش مستاهلة فداااااك
البلد كلها ماشية تخبط في بعضها ربنا يصلح الحال

ربنا يكرمك ويصلح الحال يارب وجزاك الله كل خير

المهم العيب اللى عندك ده غالبا من الكاوتش مش الفرامل نفسها ولازم تظبطه بسرعة


بعد كلامك انا فعلآ وفكرت فى الموضوع حسيت بكده انى لما ضغط فرامل والعربيه اتزحلقت اكيد ده كاوتش لان لو فرامل كانت العربيه اتزحلقت حاجه بسيطه بس الزحلقه كانت كبيره اوى فا فعلآ ده اكيد كاوتش

يعنى فرد الكاوتش كلها تتغير صح ؟

طززززززززززز فى العربية الحمد لله انك بخير دى اهم حاجة

الحمد لله

فداك

جزاك الله كل خير

قدر الله و ما شاء فعل والحمد لله انك بخير .... بس في حاجة عايز اقولهالك بصراحة ...
انت برضو غلطان غلط السنين انك حسيت ان الفرامل فيها حاجة غلط وسيبتها على حالها .. الفرامل مش لعبة يا باشا .
الحمد لله انها جت على قد كده .

اصلها كانت بتجمع قبل كده وماكنتش وحشه للدرجه ولا كانت بتصفر فقولت اغيرهم قدام شويه وخصوصآ انى لسه كان قدامى شويه شغل فى الميكانيكا

الحمد لله

[aldesha989]

121 من أسوء العربيات الي عملتها مازدا

خاصة من ناحية الصاج بتاعها فعلا جايب على ورق ههههههههههه

المهم الحمد لله على السلامة وفداك مية الف عربية )(

الحمد لله انا حسيت بكده فعلآ العربيه خفيفه جدآ وورق

[hossam_elwani]

لعله خير ....... لاتحزن

[aldesha989]

لعله خير ....... لاتحزن

قدر الله وما شاء فعل

الحمد لله على كل حال

اللى عايز افهمه كمان العربيه ما سخنتش مع ان بعد الخبطه الرادرياتر جاب المايه اللى جواه كلها
وحطيت مايه تانى علشان اعرف ارجع

واكيد وانا راجع المايه دى كمان نزلت والغريبه ان العربيه ما سخنتش المؤشر كان ثابت عند النص

ايه المشكلة لان معنى كده ان ممكن العربيه تكون بتغلى منى وانا مش حاسس

[Elawany13]

قدر الله وماشاء فعل
حمد الله على السلامة

[kar!m]

معظم العربيات الياباني كده .. بتتفاوت حاجه بسيطة في المتانه .. واحد صاحبي معاه كورولا 2003 .. لو واحد ركن على العربية بتتطبق.

لو راكب ألماني .. كان ممكن اكصدامك يتحك بس مثلا :-)

أنا كان معايا سوزوكي سويفت كانت برضه أي خبطه تأثر فيها جامد .. بعدها جبت أوبل كورسا سيدان و أوبل فيكترا ..بسم الله ما شاء الله .. حاجه محترمه فعلا.

قدر الله و ما شاء فعل .. و ربنا يعديها لك على خير.