عملت حادثه وحسبى الله ونعم الوكيل

[aldesha989]

قدر الله وماشاء فعل
حمد الله على السلامة

الله يسلمك الحمد لله

معظم العربيات الياباني كده .. بتتفاوت حاجه بسيطة في المتانه .. واحد صاحبي معاه كورولا 2003 .. لو واحد ركن على العربية بتتطبق.

لو راكب ألماني .. كان ممكن اكصدامك يتحك بس مثلا :-)

أنا كان معايا سوزوكي سويفت كانت برضه أي خبطه تأثر فيها جامد .. بعدها جبت أوبل كورسا سيدان و أوبل فيكترا ..بسم الله ما شاء الله .. حاجه محترمه فعلا.

قدر الله و ما شاء فعل .. و ربنا يعديها لك على خير.

والله العربيات دى حاجه زفت تبقى مش عارف تجيبها ومتعذب ولما تجيبها هى تعذبك

[S O P H O S]

قدر الله وما شاء فعل
الحمد الله انك بخير ..

[original]

ألف سلامة والحمد لله كلله يتصلح..

[aldesha989]

صورة العربيه :(



صورة الكاوتش

[Elawany13]

قدر الله وما شاء فعل

الحمد لله على كل حال

اللى عايز افهمه كمان العربيه ما سخنتش مع ان بعد الخبطه الرادرياتر جاب المايه اللى جواه كلها
وحطيت مايه تانى علشان اعرف ارجع

واكيد وانا راجع المايه دى كمان نزلت والغريبه ان العربيه ما سخنتش المؤشر كان ثابت عند النص

ايه المشكلة لان معنى كده ان ممكن العربيه تكون بتغلى منى وانا مش حاسس

تم الرد فى موضوعك فى الورشة

http://www.nilemotors.net/Nile/330738-a.html#post3874757524

[aldesha989]

بص ياباشا ... علشان حساس الحرارة توصله الحرارة ويحس بيها محتاج وسيط ينقل ليه الحرارة وهيه مياه دورة التبريد ... فأكيد العربية سخنت وحساس الحرارة موصلتلوش الحرارة بالذات لو الحساس ده موجود بعد الكوعة أو بالقرب من الرداتير ... ومش عند وش السلندر

ده رأييى الخاص والله اعلم

انتا تقصد اللى هى بيقول عليها الميكانيكى الساعه ؟
الساعه دى عند اول طلعه فى الكوعه بتاعت الردياتير
الردياتير انا لقيته دلوقتى مخروم وطبعآ سقط كل المايه اللى جواه

ودى صورته

ما تعرفش كده اغير الردياتير ولا لا وسعره كام واشترى ردياتير نوعه ايه

[Elawany13]

انتا تقصد اللى هى بيقول عليها الميكانيكى الساعه ؟
الساعه دى عند اول طلعه فى الكوعه بتاعت الردياتير
الردياتير انا لقيته دلوقتى مخروم وطبعآ سقط كل المايه اللى جواه

ودى صورته

ما تعرفش كده اغير الردياتير ولا لا وسعره كام واشترى ردياتير نوعه ايه

فعلا بيسموها الساعه وهيه التيرموميتر اللى بيقيس درجة حرارة الميه
هتلاقى طالع منها سلك وداخل على الطابلوه عند مؤشر الحرارة
وانت بتقول انها عند الكوعة يبقى تفسيرى كده صح
كده الساعه ديه بعيده عن اى حرارة تذكر ... لو كانت فى وش السلندر كان ممكن تحس بالحرارة
بالنسبة للرداتير معنديش فكرة والله ومش عاوز افتى شوف حد بتاع رداتير .. أو شوف الأخوة اللى عندهم خبره فى العربية بتاعتك

[aldesha989]

فعلا بيسموها الساعه وهيه التيرموميتر اللى بيقيس درجة حرارة الميه
هتلاقى طالع منها سلك وداخل على الطابلوه عند مؤشر الحرارة
وانت بتقول انها عند الكوعة يبقى تفسيرى كده صح
كده الساعه ديه بعيده عن اى حرارة تذكر ... لو كانت فى وش السلندر كان ممكن تحس بالحرارة
بالنسبة للرداتير معنديش فكرة والله ومش عاوز افتى شوف حد بتاع رداتير .. أو شوف الأخوة اللى عندهم خبره فى العربية بتاعتك

ربنا يكرمك وجزاك الله كل خير وانتا فعلآ كده يبقى معاك حق
طب ما ينفعش نحرك الساعه دى لانها كده بتقيس درجه حرارة المايه مش الماتور وبتهيئلى اهم حاجه هو انها تقيس درجه حرارة وش السلندر صح .؟

[Sehsss]

الحمد لله إنك بخير، قدر الله وما شاء فعل

[Elawany13]

ربنا يكرمك وجزاك الله كل خير وانتا فعلآ كده يبقى معاك حق
طب ما ينفعش نحرك الساعه دى لانها كده بتقيس درجه حرارة المايه مش الماتور وبتهيئلى اهم حاجه هو انها تقيس درجه حرارة وش السلندر صح .؟

جزانا الله وإياكم
لا اعتقد انها يمكن تغير مكانها
تصميمها كده

[أبو يوسف]

ألف سلامة عليك , وحمد الله على سلامتك .

[Hondawy_2008]

حمد الله على سلامتك يا باشا و نصيحة غير الكاوتش ضروري ضروري ضروري ده منتهي ده مات و اندفن ده أنت شاريها من واحد محلف الكاوتش مش ممكن يعني :)))