التاكسى القديم سيتحول الى فيرنا فهل ستصمد هذه السيارة فى شوارع القاهرة؟؟

[MOHAMED ABD EL SHAFY]

عفشة زبالة وبودى ورق وتقفيل غبى ازاى تصمد يعنى الفيرنا ولا الانوس
اللى يصمد الشاهين بجد مش كلام وخلاص
دا غير فرق السما من الارض فى قطع الغيار يعنى خراب بيوت على بتوع التاكسى
الكفة فى صالح الشاهيين طبعا وهنروح بعيد ليه ماه الشاهيين شغالة تاكسى
شوف كدا تاكسى شاهين معدى وشوف هونداى مش محتاجة كلام وفتى

[momoneer]

اتفرجوا على تاكسى الفيرنا ده كمان 5 سنين
هتبقى
بقايا عربيه وهتشوفوا

[Ghamrawy]

مهى دى اللحظة الوحيدة اللى بتمنى انى اكون راكب شروكى او فرونتيرا... تركب بالديفندر على جوز الابواب بالقايم بتوعة.... اعتقد درس صعب ينساه

MMamdouh

ربنا يعطيك و يعطينا يا سيدى بس تصدق فكرة جامدة و مش بعيدة أوى يعنى هو سعر الشيروكى و الفرونتيرا مستعمل كام ؟؟؟ و لا حتى فيتارا قديم كام ؟؟ اسعار فى حدود ال 80 و 70 و 60 الف . بس البنزين بكام بقى ؟؟؟ و لا اللى حانوفره سمكرة و فوانيس و رش حاندفعه فى البنزين ؟؟ و كمان مصاريف التراخيص يعنى حسبة معقدة بصراحة
و انا حاسس انهم بعد ما يركبوا عربيات جديدة و بتجرى و فيها باور حايخبطوا فينا و يبهدلونا برضه و حايبقى الحل ان الايه تنعكس و احنا اللى نركب موديلات السبعينات و الثمانينات بالكتير (السنيين مش الفلوس)

و هو فيه سواق تاكسى بيعمل كدة؟؟؟ لاحظ انى قولت سواق مش صاحب التاكسى لان معظم التكاسى بتشتغل ورديات
MMamdouh

فعلا معاك حق

[mohammedaly]

الحقيقة كل ما اشوف عربية جديدة تاكسى بحس انها بقت عربية عرة عشان واحد تكسجى راكبها

انا فاكر اول مرة شوفت فيها لانوس تاكسى كان رد فعلى عفوى جدا و قلت فى عقلى "عرتونا الله يخرب بيوتكم"

MMamdouh

اعذرنى يا اخى كل ارائك فى الموضوع واخرها هذه المشاركة المقتبسة هنا بتدل ان كلامك فيه تعالى وتكبر و كلام من فوق كتير وبتنظر لسائق التاكسى كانه حشرة وشىء مالوش لزمة وانه زيادة فى الشارع بتقرفك وتنرفزك ,,,,, يا اخى هو انسان وانت انسان ,,, ومش معنى ان ربنا انعم عليك برزق يجعلك يكون عندك عربية ملاكى يعنى استخدام شخصى وهو راجل غلبان يا اما شغال على عربية واحد او شارى عربية بالعافية وبيدفع اقساط مطلعه عينه ,,, انك تنظرله باحتقار وتتضايق لما يكون التاكسى بتاعه نفس ماركة عربيتك ,,,, وباقترح عليك انك تكلم شركة من شركات العربيات يعملولك موديل وبعد ما يخلصوه ما ينزلوش منه تانى عشان ما يجيش واحد حقير يشتريه ويعمله تاكسى و ينغص عليك حياتك تانى ,,,, يا اخى الفاضل من تواضع لله رفعه وياريت نسيبنا بقى من التعالى والغرور اللى موجود بيننا ده ,,,, ولا هى عادة مصرية ,,,, من تواضع لله رفعه

[mohammedaly]

يا جماعه ارجوكم انتوا بتتناقشوا فى العربيات وايه اللى يصلح وايه اللى لا فياريت ما نخرجش عن كده وبلاش الغلط فى السائقين لان هما بنى ادمين زينا وزى ما قولت قبل كده مافيش قاعدة بتقول ان سواق الملاكى بيفهم والتاكسى لا

[Ghamrawy]

و من اكثر المحظوظين من قانون المرور الجديد هو غبور الذى انتهز الفرصة سريعا و قام بعرض سيارات فيرنا تاكسى جاهزة و مدهونة ابيض و اسود بمعارضه
انها فرصة عظيمة له سوف يستغلها ابشع استغلال .

اتفق معاك و اشفق على جميع ملاك الهيونداى من البهدلة و الزحمة اللى حاتبقى فى التوكيل و ادعوهم لبيع عربياتهم لسواقين التاكسى و يقلبوا الدفة على غبور

و من اكثر المحظوظين من قانون المرور الجديد هو غبور

مش لوحده و الحكومة كمان معاه ،علشان التاكسيات دى ما اعتقدش انها كلها حاطحط بنزين 80 (اللى ممكن يتلغى فى اى وقت اساسا) و حاتستعمل ال 90 و بكده يبقى الحكومة ضربت اكتر من 3 عصافير بطوبة واحدة (جمارك مكونات الفيرنا و البنزين ال 90و فوائد الاقساط و رسوم الترخيص للعربيات الجديدة)

[Ghamrawy]

اعذرنى يا اخى كل ارائك فى الموضوع واخرها هذه المشاركة المقتبسة هنا بتدل ان كلامك فيه تعالى وتكبر و كلام من فوق كتير وبتنظر لسائق التاكسى كانه حشرة وشىء مالوش لزمة وانه زيادة فى الشارع بتقرفك وتنرفزك ,,,,, يا اخى هو انسان وانت انسان ,,, ومش معنى ان ربنا انعم عليك برزق يجعلك يكون عندك عربية ملاكى يعنى استخدام شخصى وهو راجل غلبان يا اما شغال على عربية واحد او شارى عربية بالعافية وبيدفع اقساط مطلعه عينه ,,, انك تنظرله باحتقار وتتضايق لما يكون التاكسى بتاعه نفس ماركة عربيتك ,,,, وباقترح عليك انك تكلم شركة من شركات العربيات يعملولك موديل وبعد ما يخلصوه ما ينزلوش منه تانى عشان ما يجيش واحد حقير يشتريه ويعمله تاكسى و ينغص عليك حياتك تانى ,,,, يا اخى الفاضل من تواضع لله رفعه وياريت نسيبنا بقى من التعالى والغرور اللى موجود بيننا ده ,,,, ولا هى عادة مصرية ,,,, من تواضع لله رفعه

بعد اذنك ياأ/ محمد ممدوح عندى سؤال للاخ mohammedaly
هو حضرتك عايش فى مصر ؟ أو عندك عربية أو بتسوق فى مصر ؟؟
و شكرا

[hazem_khidr]

اللي بيسوق 124 و 1300 و العربيات القديمه دي بيبقي محترف و عارف هو بيعمل ايه
لما حيركب عربيه من الجداد مش حيخبط و لا الكلام الفاضي دا بالعكس حيضايق شويه من الكبود اللي مش متعود انه ما يشفهوش لكن الامور حتبقي عاديه جدا
حتلاقي السواقين بيجروا بعقل و بيتحكموا في العربيه كويسه و دركسيون مضبوط و فرامل بتوقفه يعني مش حيعمل مشاكل لان سواق التاكسي دا سواق بجد مش واحد معاه قرشين راح اشتري عربيه يرازينا بيها في الشوارع و خلاص

[mohammedaly]

بعد اذنك ياأ/ محمد ممدوح عندى سؤال للاخ mohammedaly
هو حضرتك عايش فى مصر ؟ أو عندك عربية أو بتسوق فى مصر ؟؟
و شكرا

للاسف يا اخى انا فعلا عايش فى مصر ,,, وفعلا انا ما سوقتش كتير ,,, بس انا عارف ان سلوكيات السواقين فى مصر من الاخر زفت ولكن انا ضد التقسيم بين الملاكى والاجرة والكلام ده لان الحالة عامة يا جماعه ,,, ومعلش لو كلامى كان بيضايق بس انا بيستفزنى الكلام بالطريقة الطبقية الواضحة فى الموضوع ,,,, وبصراحة احسن تعبير عن حالة المرور فى مصر الفيديو الرائع اللى بييجى فى التليفزيون بتاع قانون المرور اللى فيه كل واحد بيعمل مصيبة وفى نفس الوقت بيعيب على اللى سايق جنبه وهو ده اللى بيجرى فى الشارع فعلا كل واحد فاكر نفسه هو اللى بيفهم والباقى فى الضياع

واستفزنى اوى ان الاخ محمدمضايقه اوى ان فى تاكسى من نفس ماركة عربيته طب امال يقول ايه على التكاسى فى نييورك والدول العربية وفى اوروبا ,,, حاجة اخر جمال وعادى يعنى ما هو التاكسى ده بينفعنا وبنحتاجله برده ولازم يكون حاجة نضيفة بدل العربيات اللى بنركبها ونشم بنزين الموتور طول ما احنا راكبين

وعامة انا خلاص مش هاكمل معاكم لو كلامى بيضايقكم يا جماعه

والسلام عليكم ورحمة الله وبركاته

[MMamdouh]

اعذرنى يا اخى كل ارائك فى الموضوع واخرها هذه المشاركة المقتبسة هنا بتدل ان كلامك فيه تعالى وتكبر و كلام من فوق كتير وبتنظر لسائق التاكسى كانه حشرة وشىء مالوش لزمة وانه زيادة فى الشارع بتقرفك وتنرفزك ,,,,, يا اخى هو انسان وانت انسان ,,, ومش معنى ان ربنا انعم عليك برزق يجعلك يكون عندك عربية ملاكى يعنى استخدام شخصى وهو راجل غلبان يا اما شغال على عربية واحد او شارى عربية بالعافية وبيدفع اقساط مطلعه عينه ,,, انك تنظرله باحتقار وتتضايق لما يكون التاكسى بتاعه نفس ماركة عربيتك ,,,, وباقترح عليك انك تكلم شركة من شركات العربيات يعملولك موديل وبعد ما يخلصوه ما ينزلوش منه تانى عشان ما يجيش واحد حقير يشتريه ويعمله تاكسى و ينغص عليك حياتك تانى ,,,, يا اخى الفاضل من تواضع لله رفعه وياريت نسيبنا بقى من التعالى والغرور اللى موجود بيننا ده ,,,, ولا هى عادة مصرية ,,,, من تواضع لله رفعه

معنى كلامك هو حاجة واحدة فقط.. انت فهمتنى غلط

انا عمرى ما احتقرت انسان لانه فقير او غلبان و خلافة... انا احتقر الانسان الهمجى و اللى بيعتدى على حقوقى

و على فكرة انا لا اتولدت لقيت عربية باسمى ولا كان عندنا سواق... انا لحد وقت قريب كنت بركب مواصلات و احيانا بقديها مشى و العربية اللى اشتريتها جايبها مستعملة و فلوسها واخدها قرض من البنك... كلنا ولاد تسعة و اسال عنى اى حد فى المنتدى حتعرفنى كويس

المهم... نرجع للتكسجية...

لما ابقى ماشى فى الشارع و الاقى واحد عايز يخبط عربيتى و يبلطج و يقطع طريقى عشان يلف قبل منى او يدخل ملف من قدامى و يتسببلى فى حادث انا لوحدى اللى حتحمل تكلفتة يبقى اسف... لازم ابص عليه بالشكل دة... و انا لسة حاكى فى موضوع تانى عن التككسجى اللى لف شمال و قطع 3 حارات من قدامى عشان يلف من اليوترن و قبلها ب 3 اسابيع بتاع مكروباص لقى عربية راكنة فى مطلع اكتوبر راح محود يمين و دغدغ باب عربية والدى الافيو و اتكلفت 6 الاف جنية... يا راجل يا طيب دا مرة تاكسى وقف قدامى على كوبرى اكتور عشان واحد شاورلة.... تفتكر دة بنى ادم؟؟؟؟

و سهل اوى تلاقى تاكسى ماشى بسرعة 5 كيلو فى الساعة و كل زبون يشاورلة يقرب عليه و يقف... يسمع المشوار و ميعجبوش و يمشى تانى و يقف لواحد بعدة ب 3 متر و يسمع المشوار برضة و ميعجبوش برضة و يدخل على التالت و هكذا... كل دة و هو حاشرك ورا منة... طيب دة لو راجل بيدور على رزق و اكل عيالة ميرضاش يركب زباين بالشكل دة؟؟؟ و طبعا تبقى ليلة سودة لو مشيت قدام التاكسى و هو مركب زبون و انت ماشى بسرعة اقل من 190 كيلو لان الباشا معاه زبون و عايز يوصلة و الود ودة يطير من فوق الناس عشان يوصل بسرعة

دا احنا بنتكلم عن علاقة بينا و بين بعض على الطريق... تخيل بقى لما تركب مع تكسجى و تحس انه بيتقالط عليك عشان يقفلك و بعد ما تقولة على الحتة اللى عايز تروها يفكر شوية و لو معجبوش المشوار يحط اولانى و يمشى ولا اكنك كيس جوافة واقف... و لو ركبت معاه يقولك عايز 100 جنية فى مشوار ميساويش ربع جنية و ممكن ميرضاش يخش الشارع اللى تقولة عليه ولا اكنك بتشحت من اللى خلفوة

كل دة ان دل فهو يدل على عقلية السواق فى مصر و انا كنت وضحت ان مهنة السواق فى مصر لا تحتاج لاى مؤهل سوى نجاحك فى محاولة استخراج الرخصة المهنية و بالتالى اى عاطل يطلع رخصة يبقى سواق... دة ادى الى ظهور نوعية الشخصيات اللى بنشوفها فى الشوارع و سايقين العربيات الاجرة و المكروباصات

الفقر مش عيب... الجهل ممكن يتعالج... انما البلطجة و فتحة الصدر و العافية ملهاش دوا... و اللى الحاجات دى هى دستور حياتة و اللى معندوش مانع يدوس على الناس و يضرهم عشان مصلحتة يبقى ميستاهلش انه يبقى بنى ادم ولات يتعامل على انه بنى ادم

وصلت الفكرة؟؟

MMamdouh

[MMamdouh]

واستفزنى اوى ان الاخ محمدمضايقه اوى ان فى تاكسى من نفس ماركة عربيته طب امال يقول ايه على التكاسى فى نييورك والدول العربية وفى اوروبا ,,, حاجة اخر جمال وعادى يعنى ما هو التاكسى ده بينفعنا وبنحتاجله برده ولازم يكون حاجة نضيفة بدل العربيات اللى بنركبها ونشم بنزين الموتور طول ما احنا راكبين

وعامة انا خلاص مش هاكمل معاكم لو كلامى بيضايقكم يا جماعه

والسلام عليكم ورحمة الله وبركاته

فى نيويورك و فى كل حتة فى الدنيا مفيش زى تكسجية مصر و فهلوية مصر... مينفعش تيجى على حاجة فى مجتمع مختلف تماما عنا و تعممها علينا

فى بعض الدول المتحضرة انت بتاخد فاتورة باجرة التاكسى و الحساب حسب العداد و السواق بيبقى انسان محترم... لما تتوفر الحاجات دى فى مصر ساعتها مش حزعل

MMamdouh

[Matrixawy]

انا شايف ان دخول الفيرنا لعالم التاكسي هيخلينا في توكيل سي غبرو نتبهدل اكتر واكتر

لان الضغط هيزيد جدااااااا

دة اللى انا خايف منه
اذا كان غبور حاليا يبرر سبب اهماله و سؤ صيانته
بأن لديه ضغط كبير بسبب كثرة السيارات التى يقوم بصيانتها
فما بالك لما التاكسى القديم يتحول الى فيرنا

لا شك ستحدث كوارث فى هذا التوكيل
و سنرى المشاجرات على اعلى مستوى من سائقين التاكسى مع مهندسين التوكيل

لان سائقين التاكسى لن يمر اهمال و نصب غبور عليهم بالساهل مثلنا
و لن يسكتوا و سوف يتركبوا جرائم هناك

[mohamedok]

السلام عليكم ورحمة الله وبركاته

اللادا الروسى فقط

طبعا انا بقول ده لعدة اسباب هى :

1- الهيونداى المصرى كلها مشاكل وكفايه ان كل مالكى الفيرنا الزيرو بيشتكوا من ان العربيه بتحدف يمين وخفيفه وضيقه من الخلف وبتحك فى المطبات عند تحميلها ل3 اشخاص من الخلف ده غير مشاكل التصنيع والذهاب للتوكيل وانتوا عارفين الباقى
طبعا كل الحاجات الى ذكرتها اظن انها تكفى ان تخرجها تماما والى الابد من اعتقاد البعض انها تصلح كتاكسى فى المدن الكبيره والمكسره مثل القاهره والاسكندريه والزقازيق وغيرها وممكن ( مع الكثير من التحفظات ) ان تستخدم فى محافظات اخرى

2-الشاهين بقى زى الفل فى الملاكى وده ليه ! لان الملاكى مش هيحس بمشاكلها اقصد هنا مشاكل التقفيل المصرى تخيل حضرتك راكب عربيه الكاوتش والجنوط والطنابير وتيل الفرامل والفرش وحجات تانيه كتير مصرى
ده حضرتك اول توصيه من مهندسين الشركه انك اول متستلم العربيه تغير الكاوتش والجنوط علشان تحافظ على العفشه !!!
هى العربيه ممتازه للملاكى وهتعيش معاه لكن التاكسى حاجه تانيه

3- اللادا المصرى نفس عيوب الشاهين واكتر شويه نظرا لقله الخبره بالتوكيل عن توكيل الشاهين

4- اللادا الروسى هيه ديه الوحيده الى ممكن تبقى تاكسى ليه علشان الاتى :

1- قويه وتستحمل وصاجها جامد

2-قطع غيارها رخيصه جدا والاصلى كمان

3-سعرها زيرو 52 الف يعنى ارخص الموجود

4- موتورها ميكانيكته بسيطه وسهله جدا جدا

5-عملوا فيها تعديلات بحيث لا تتاثر بالحراره مثل الادا القديمه

6-الكاوتش من اغلى الانواع وتيوبلس

7- اوسع من الداخل من الشاهين والفيرنا

8- عفشتها بتاعت نصف نقل وعدلوا مشاكل البيض باللادا القديمه

9-اى حاجه تحصل فيها تصلحها بنفسك ومش محتاج لا توكيل ولا حتى ميكانيكى

10-التقفيل مش مصرى ( وديه اهم حاجه ) يعنى العربيه هتفضل مع السواق كام سنه على ما تبدأ مشاكلها

11- ممكن تركبلها شبكه وتحملها نصف طن ولا يهمك وشغاله


وحجات تانيه كتير ويعتبر شكلها القديم شويه هو مشكلتها فقط لكن التكنولوجيا القديمه ديه هيه الى تنفع شوارعنا وظروفنا ومستوى الدخل عندنا

واعتقد ان كلنا عارفين كويس قوى ان الكورى ورق والشاهين كمان بسبب ان صاجها تركى وحجات تانيه صينى على حبه مصرى يعنى كوكتيل وكله بيمشى فى مصر

لكن التاكسى عاوز عربيه جامده وتعيش ومش كوكتيل يعنى عربيه اصيله من بلادها علشان تشتغل وتوفر عليه فلوس ده فانوس الفيرنا ب 750 جنيه واللادا ب90 جنيه طبعا الفرق ده هيروح للسواق الى بيلف فى الشوارع المكسره وبيعمله 300كيلو متوسط يوميا

وشوف كمان باب الشاهين ولا الفيرنا ( الشاهين افضل ) هل تعتقد انه يستحمل فتح وغلق اكثر من 150مره يوميا طب وان استحمل شهر ايه الى هيحصل بعد كده انما الادا صاجها جامد جدا ومصممه للاستعمال الشاق وتستحمل كل ده وبالعكس بابها عاوز يتعامل بقوه علشان يقفل تمام !!

اكرر اللادا الروسى فقط

اللادا الروسى فقط

اللادا الروسى فقط

اللادا الروسى فقط

اللادا الروسى فقط


تحياتى وتقديرى

[mohammedaly]

معنى كلامك هو حاجة واحدة فقط.. انت فهمتنى غلط

انا عمرى ما احتقرت انسان لانه فقير او غلبان و خلافة... انا احتقر الانسان الهمجى و اللى بيعتدى على حقوقى

و على فكرة انا لا اتولدت لقيت عربية باسمى ولا كان عندنا سواق... انا لحد وقت قريب كنت بركب مواصلات و احيانا بقديها مشى و العربية اللى اشتريتها جايبها مستعملة و فلوسها واخدها قرض من البنك... كلنا ولاد تسعة و اسال عنى اى حد فى المنتدى حتعرفنى كويس

المهم... نرجع للتكسجية...

لما ابقى ماشى فى الشارع و الاقى واحد عايز يخبط عربيتى و يبلطج و يقطع طريقى عشان يلف قبل منى او يدخل ملف من قدامى و يتسببلى فى حادث انا لوحدى اللى حتحمل تكلفتة يبقى اسف... لازم ابص عليه بالشكل دة... و انا لسة حاكى فى موضوع تانى عن التككسجى اللى لف شمال و قطع 3 حارات من قدامى عشان يلف من اليوترن و قبلها ب 3 اسابيع بتاع مكروباص لقى عربية راكنة فى مطلع اكتوبر راح محود يمين و دغدغ باب عربية والدى الافيو و اتكلفت 6 الاف جنية... يا راجل يا طيب دا مرة تاكسى وقف قدامى على كوبرى اكتور عشان واحد شاورلة.... تفتكر دة بنى ادم؟؟؟؟

و سهل اوى تلاقى تاكسى ماشى بسرعة 5 كيلو فى الساعة و كل زبون يشاورلة يقرب عليه و يقف... يسمع المشوار و ميعجبوش و يمشى تانى و يقف لواحد بعدة ب 3 متر و يسمع المشوار برضة و ميعجبوش برضة و يدخل على التالت و هكذا... كل دة و هو حاشرك ورا منة... طيب دة لو راجل بيدور على رزق و اكل عيالة ميرضاش يركب زباين بالشكل دة؟؟؟ و طبعا تبقى ليلة سودة لو مشيت قدام التاكسى و هو مركب زبون و انت ماشى بسرعة اقل من 190 كيلو لان الباشا معاه زبون و عايز يوصلة و الود ودة يطير من فوق الناس عشان يوصل بسرعة

دا احنا بنتكلم عن علاقة بينا و بين بعض على الطريق... تخيل بقى لما تركب مع تكسجى و تحس انه بيتقالط عليك عشان يقفلك و بعد ما تقولة على الحتة اللى عايز تروها يفكر شوية و لو معجبوش المشوار يحط اولانى و يمشى ولا اكنك كيس جوافة واقف... و لو ركبت معاه يقولك عايز 100 جنية فى مشوار ميساويش ربع جنية و ممكن ميرضاش يخش الشارع اللى تقولة عليه ولا اكنك بتشحت من اللى خلفوة

كل دة ان دل فهو يدل على عقلية السواق فى مصر و انا كنت وضحت ان مهنة السواق فى مصر لا تحتاج لاى مؤهل سوى نجاحك فى محاولة استخراج الرخصة المهنية و بالتالى اى عاطل يطلع رخصة يبقى سواق... دة ادى الى ظهور نوعية الشخصيات اللى بنشوفها فى الشوارع و سايقين العربيات الاجرة و المكروباصات

الفقر مش عيب... الجهل ممكن يتعالج... انما البلطجة و فتحة الصدر و العافية ملهاش دوا... و اللى الحاجات دى هى دستور حياتة و اللى معندوش مانع يدوس على الناس و يضرهم عشان مصلحتة يبقى ميستاهلش انه يبقى بنى ادم ولات يتعامل على انه بنى ادم

وصلت الفكرة؟؟

MMamdouh

بس كده تمام ,,, انت كده بتنتقد الحالة ما انتقدتش الفئة ,,, لان فعلا اللى انت بتقوله ده مشاكل موجودة وبنواجهها كل يوم ,,,, يعنى انا ياما ركبت مع سواقين تاكسيات بصراحة عشرة على عشرة ومحترمين جدا وفى ناس كان بيبقى هاين عليا لولا الحرمة انى اقلع اللى فى رجلى واضربه بيه لانه بيبقى من فئة الى انت بتقول عليهم دول

وعامة الخلاف ما يفسدش النقاش مادام باحترام وانا كل هدفى انى انبهك لحاجة لاحظتها فى كلامك مش اكتر وبرده انا مقتنع ان الحالة عامة بس اللى بيفرق بس ان اللى سايق ملاكى مش بيفضل يركن كل شوية عشان يركب حد ,,,, يعنى فعلا انا ساعات بركب مع ناس بيحسسنى انى راكب ميكروباص مش تاكسى كل اما يشوف حد يميل ويبصله لدرجة خلتنى اتخنقت وانا راكب تاكسى عشان اوصل شغلى بسرعة ,,, بس ما ينفعش انى اقول ان كله من العينة دى

وسلام مؤقت

[mohammedaly]

اقولك برده يا اخ محمد على حاجة كده فى دماغى ,,, انا باعتقد ان قطاع التاكسى فى مصر الحكومة مصرة انها تسيبه كده ماشى بنظام البزرميط ,,, عشان الناس يفضلوا يعملوا مشاكل مع بعض ويلاقوا حاجة يتلهوا فيها وكمان عشان يبقى فى حاجة مميزة اللى هى تاكسى العاصمة وحاجة معفنة اللى هى التاكسى العادى ,,,, وانت عارف ان دى من مميزات بلدنا اللى بيتهيالى مش بتتكرر فى بلاد تانية ,,,, لان احنا بلد المميز والعادة


وربنا يرحمنا من اللى بنشوفه كل يوم يا اما بالهجرة يا اما باللى صعب اوى يحصل وهو انضباط الناس