ايه المطب الغبي ده

[pointer]

ايه المطب الغبي ده
الفكره انك تبين موقع المطبات و الحفر و العوائق المميته اللي معموله عموله لحساب المستشفيات
يعني لو العربيه سريعه الله يرحمه مش معموله علي شان تبطئ السيارات
المطب الاول عند جامعه الازهر مدينه نصر شارع يوسف عباس عالي جدا لدرجه ان اي عربيه فيها اتنين بتحك فيه
الهدف تنبيه الاخوه الاعضاء من المطب بدلا من ان يلبسوه وكفانا الله شر الحوادث
وده تحذير كمان من ذكاء الناس اللي بتخدم
يعني بلاعه مفتوحه واحد ذكي يحط امامها حجر بتاع الرصيف علي شان العربيات ما تقعش في الحفره ذكاء صح , ودي موجوده من شهر عند سوق السيارات في اتجه عباس العقاد احذر مش من البلاعه بس من فتات الطوب اللي متكسر من عربيات الناس اللي ربنا نجاهم من البلاعه ولبسوا في الحجر اقول ايه بس

[pointer]

افتكرت كمان المطب اللي عند الجامع اللي في اول زهراء مدينه نصر في اتجاه التجمع الخامس عالي اوي ويحمل بصمات الاف السيارات هو والمنطقه اللي بعده

[Ahmad Allawy]

استني بقي..
انا من اكتر الناس اللي اتأذت بالمطبات.. و الحفر و البلاعات.. :) :) :)
الطريق اللي متجه من مدينة نصر.. للمقطم.. و طريق القطامية .. و العين السخنة..
اللي هو الشارع اللي فيه مستشفي مبارك بتاعت الشرطة..
من اول المكان اللي فيه محطة التعاون بتاعت الشرطة دي.. و انت طالع ناحية المقطم..
امشي علي اليمين خالص.. و اوعي تمشي ف النص ولا حتي الشمال..
خاف علي نفسك انت شخصيا.. مش هاقولك عربيتك..
تقريبا في حوالي 25 بلاعة.. ف النص و علي الشمال..
يعني لو حاولت تتفادي اللي ف النص هتقع ف اللي ع الشمال و العكس..
و البلاعات دي كلها مميتة..
الاطار الحديد نفسه بتاع البلاعة.. بارز جدا عن مستوي الاسفلت..
دو حوالين اطار البلاعة الحديد ده.. في حفرة.. مستواها منخفض جدا عن مستوي الاسفلت خواليها..
وفغي كمان بلاعات غاطسة ف الارض عمق لا يقل عن 20 سم.. و قطرها كبير جدا
و المصيبة بقي ان الطريق ده بيمشي فيه عربيات نقل كتير شايلة طوب و زلط و تكسير و زباله.. و بتلبس البتوع دول..
و النتيجة ايه..؟؟ النص و الشمال عبارة عن تراب و طوب مكسر.. و زلط.. و زبالة.. و في وسطها مش هتشوف كمية البلاعات دي..

المهم بعد البلاعات دي ما بتخلص الحمد لله..
و الواحد بياخد راحته شوية ف الجري بقي و بيطلع ع الشمال او النص..
في فخ تاني بعديها بشوية كده.. منطقة هابطة او خفرة الله اعلم بقي ف النص بالظبط..
و عريضة جدا.. يعني ممكن ببساطة تاخدها بالعجلتين.. و بمعني اصح ال4 عجلات..

هنقول ايه..؟؟ حسبنا الله و نعم الوكيل.. و ربنا يسترها معانا جميعا..

[mohamed2002]

امبارح خدت حفرة مش مطب :) بس جامدة اوي حسيت ان في فانوس او حاجة وقعت هبدت مع اني كنت راكب الادا !
المكان : بين الدخيلة والمكس (قبل امارات مصر وانت جاي من العجمي ورايح المنشية )

[AboELsoud]

فكره جميله جدا
في مطب غبي قوي في الشارع بتاعنا اول ما تخش الطيران من صلاح سالم الشارع اللي فيه المترو يمين (شارع خضر التوني)في مطب كبير لدرجه ان ممكن تقف عليه عربيتين لو خدته براحه جميل لو خدته سريع مش بعيد تلاقي عربيتك طايره من كبره
بس كده

[HeMa_LanCeR]

يا جدعان لو عايزين فعلا تحذرو البشر من المطبات
في حل اسهل انك تقول انهي منطقه سليمه من غير مطب لأن المطبات كتيره جدا والحفر أكتر لكن المناطق الكويسه قليله فا ممكن الواحد يقدر يحصرها لكن المطبات لأ طبعا عددها لا يحصي

[dynamic_alpha]

الطريق اللي ورا الاكاديمية البحرية ... و انت طالع من شيراتون و مكمل على الاوتوستراد
طريق عبارة عن مطلع و منزل ... فيه حوالي 9 مطبات و حفر في النص و على اليمين
امشي على طول على الشمال لأن في الاخر فيه حفرة فعلا ممكن تدمرلك العفشة من كتر ما هي غير مستوية

[SHNORY]

فيه مطب معمول بحرفه جميله وخدعه شيطانيه معقده
وانت نازل من الطريق الدولي في اسكندريه علي وسط البلد
فيه عواميد نور كتير علي الصفين كل عامود رامي شعاع ابيض جميل قدامه
فيه بقي مطب مش جميييييييييييييل خالص لونه ابيض بنفس درجه النور بتاع العواميد برضه يعني من الاخر مش حتشوفه غير بعد ما تقع فيه اخدته علي سرعتي وانا معايا 4 غيري في العربيه والحمد لله ربنا ستر

[OlaOsman]

يا مطباتك يا مصر

فكرة جميلة و مفيدة للجميع :)

متابعة.

[pointer]

فكره جميله جدا
في مطب غبي قوي في الشارع بتاعنا اول ما تخش الطيران من صلاح سالم الشارع اللي فيه المترو يمين (شارع خضر التوني)في مطب كبير لدرجه ان ممكن تقف عليه عربيتين لو خدته براحه جميل لو خدته سريع مش بعيد تلاقي عربيتك طايره من كبره
بس كده

انت فين بقي انا ساكن ادام المطب ده وعلي فكره ده احسن مطب ممكن يتاخد علي 60 لو العربيه عندك كويسه بس ما بيحكش و مبيطيرش شكمنات وخلافه

[badblood]

طب من سنه كان في مطب على كوبري 6 اكتوبر النزلة اللي رايحه شارع البطل احمد عبد العزيز
بس الحمد صلحوه

[pointer]

اللي هو الشارع اللي فيه مستشفي مبارك بتاعت الشرطة..
من اول المكان اللي فيه محطة التعاون بتاعت الشرطة دي.. و انت طالع ناحية المقطم..
..

تصدق بقي ده حفر طالع فيها شارع غلط ده هو ده اللي المفروض ما تمشيش فيه اصلا

[Ahmad Allawy]

تصدق بقي ده حفر طالع فيها شارع غلط ده هو ده اللي المفروض ما تمشيش فيه اصلا

ههههههههههههههه
ده عباترة عن شوية خفر و بلاعات..
و عملوا ممر متعرج كده بينهم..
:) :) :) عشان العربيات تمشي فيه..

[pointer]

امبارح خدت حفرة مش مطب :) بس جامدة اوي حسيت ان في فانوس او حاجة وقعت هبدت مع اني كنت راكب الادا !
المكان : بين الدخيلة والمكس (قبل امارات مصر وانت جاي من العجمي ورايح المنشية )

اوعي العجمي وطريق العجمي علي الهانوفيل والبيطاش بلاعات تلاقي مطبات تلاقي مشروع تلاقي مقطورات تلاقي
اهم من ده كله انك متلاقيش شارع كويس يمكن علي شان الصرف الصحي الجديد والله اعلم

[Karim_Monir]

العجمي الكرولا حكت فيها وكانت اول مرة في حياتي الكرولا تحك وانا بطوللي فيها
كان فاضل انزل منها عشان تخف الوزن وتمشي زق
ها ها
اغبى مطب بس شالوة كان في الشارع الل بين سور جامعة الازهر وبين المنصة
وانت نازل من فوق على طريق النصر كان في مطب صناعي والشارع كلة منزل
مرة 128 نازلة بسرعتة لقى المطب في وشه طار للاتجاه المعاكس ونزلت اتقسمت نصين
ايووووون نصين بدون مبالغة
الصور كانت عندي
وكان في صور ليها على الجروب بتاع صور الحوادث اللي على الفيس بووك وانا معلق عليها هناك