ايه المطب الغبي ده

[Noha.M]

كان فى حفرة مش مطب وحش اوى اوى اوى اوى اوى و ايام ما كنت بروح الكلية و انا طالعة

من المعادى كنت باخد الكورنيش بعدين ادخل على الدائري و انزل البحر الاعظم الحفرة المنيلة

دى باة كانت عند اول فتحة الدائري و كنت لازم كل مرة اخده و العربية تتخبط منى

[pointer]

و كنت لازم كل مرة اخده و العربية تتخبط منى

كل يوم كل يوم طب فوتي يومين ولا حاجه ريحي العربيه
المفروض لا يقع مؤمن في حفره مرتين
ربنا يحفظلك عربيتك وعربيات الناس السامعين
حاجه تانيه التوقيع عندك تحفه بجد وياريت كلنا نقتضي به اهو اقله هاناخد حسنات

[Noha.M]

كل يوم كل يوم طب فوتي يومين ولا حاجه ريحي العربيه
المفروض لا يقع مؤمن في حفره مرتين [/COLOR][/SIZE]

لا والله كنت لازم اخده كل شوية

[SIZE=5][COLOR=blue]
[SIZE=5][COLOR=#0000ff]ربنا يحفظلك عربيتك وعربيات الناس السامعين
حاجه تانيه التوقيع عندك تحفه بجد وياريت كلنا نقتضي به اهو اقله هاناخد حسنات

ربنا يكرمك و الف شكر عالدعوة الحلوة :)

[pointer]

وبمناسبه الحفره اللي فاتت افتكرت اني كنت جي من العين السخنه والطريق كان لسه بيتعمل في مراحله الاولي -تاريخ من حوالي 10 سنين - المهم وانا داخل علي مدينه نصر وكان فيه عربيه نقل رخمه سده السكه فوسعت اتريها بتوسع علي شان حفره لغايه النهار ده ما اعرفش كان عمقها اد ايه المهم كانت معايه العربيه الاصيله الشاهين واللي حصل ان دماغي اتخبطت خبطه جمده جدا في سقف اي والله سقف العربيه والعربيه عدت من الحفره وانا اللي لسه دماغي وجعاني اقول ايه ربنا يهدي

[Defender]

الحمد لله البلد مليانه مطبات وحمدالله يكون في الرخاء والشدة

البلد مش حرمانا من حاجه

[pointer]

حاجه غريبه جدا وملاحظه رهيبه ليه المطبات متركزه في مدينه نصر ومسمعناش عن مطبات اخري يعني نطفش منها ولا ايه كمان احنا بنتكلم عن المطبات الخطيره و الكل قال انها في مدينه نصر ليه معرفش
لو حد يعرف يقول

[د.أحمد سمير]

حاجه غريبه جدا وملاحظه رهيبه ليه المطبات متركزه في مدينه نصر ومسمعناش عن مطبات اخري يعني نطفش منها ولا ايه كمان احنا بنتكلم عن المطبات الخطيره و الكل قال انها في مدينه نصر ليه معرفش
لو حد يعرف يقول

مدينة نصر يميزها عن غيرها المطبات العنيفة
لكن الأحياء الأخرى يميزها الحفر ، والنقر والبزابيز (يعني عدم استواء الطريق)
وجايز علشان السرعة في مدينة نصر أعلى من مثيلاتها في بقية أرجاء القاهرة فخطورة المطب بتكون متضاعفة

[bishoo33]

لى صديق عنده لانوس 2004 يوم الخميس الماضى 7/8/2008 واثناء توجه للعمل فى حوالى الساعه السابعة صباحا وامام بنزينه totalبأبى يوسف العجمى اسكندريه فى الأتجاه من 21 الى البلد خد بليعه مفتوحه نص فتحه ادت الى تلفيات كبيره جدا بالسياره (كسر الجيربوكس _ قطع كل الخراطيم السفليه _ الأسكترا - سربنتينه التكييف - الريدايتير - الكبالن وغيره ) وبالسؤال المبدئى عن الأصلاحات فى التوكيل بالأسكندريه 11500 بدون الجيربوكس اه والله بدون مبالغه
اه منك يا بلد بتأخد وما بتديش

[pointer]

اهو ده اللي بنقول عليه يا اخونا اللي في العجمي ياريت يتبعوا ويقولوا ايه اخبار البلاعات هناك و الرصف والتصليح وصل فين علي شان محدش باذن الله يقع فيها زي زميل سيادتك ودي لانوس و 11000 امال لو حاجه تانيه كانت كلفت اد ايه ربنا يصبره ويعوضه عنهم خير

[AboELsoud]

يعني ينفع انت تقولي :
(انت فين بقى؟)

و لما اقولك :
(عند سونستا و انت ؟)
تقولي
(كفايه كدا بقى )
على العموم براحتك

[pointer]

يعني ينفع انت تقولي :
(انت فين بقى؟)

و لما اقولك :
(عند سونستا و انت ؟)
تقولي
(كفايه كدا بقى )
على العموم براحتك

لا ماينفعش طبعا انا جاوبتك ان انا بشوف سونستا والمطب يعني في الحته دي كمان بس اعفيني من اني اقول لك عماره كذا والدور كذا و التليفون كذا ممكن سياتك تكلمني علي الرسائل الخاصه ونتقابل وتحت امرك بس ما اقدرش اقابل المنتدي كله صحيح كلهم حبيبي ونفسي اقابلهم بس برضوا اسمح لي بشيئ من الخصوصيه
صح
وممكن نتقابل كلنا باذن الله تعالي في المقابله الجايه ياريت اكون عرفت اوصل لك وجهه نظري بس والخاص تحت امرك ويشرفني اني اتعرف عليك

[mrghost]

ياجماعه وانت رايح طريق السويس من شارع الثوره بعد دار الاشاره خليك فى الشمال وماتمشيش فى اليمين لان الطريق مليان حفر مميته
ولو انت جاى على الدائرى من ناحيه المعادى وانت رايح على مدينة السلام بعد ماتعدى من فوق طريق السويس هدى قوى علشان الطريق بيضسق مره واحده وممكن تنزل فى الفاصل اللى بين الطريق (نزلت فى الرمال مرتين وتالت مره جيت افاديه كنت هاقلب عربيتى وعربيه نصف نقل ماشيه جانبى )

[AboELsoud]

ماشي يا باشا معلش انا فهمت غلط
و لو عايز اي حاجه اؤمر بس

[samehafez]

طب و بذكر مدينة نصر ........ البلاعات اللي في الشارع اللي ورا جنينة ... تلاقي غطي البلاعة متجه لاعلى جاهز لشق شاسية اي عربية مش عالية ويا سلام لو دخلت فيه بكاوتش العربية .............
انا بفكر اعمل مشروع ... جامد .. هاخود الجي بي اس و افكس عند كل المطبات و الحفر و البلاعات و انزل الاحداثيات دي عشان الناس تبقي عارفه اماكنهم ...
و مين عارف مش ممكن تضرب معايا و ابيع و اكسب وبعد كده اعمل او خريطه لمطبات و حفر مصر وابقي اغني من بيل جيتس .... ( و ادي فايدة كبيرة للمطبات )

[MohabSaeed]

فى فوهه كبيره على كوبرى قصر النيل " اتجاه الاوبرا و الدقى " بعد اسد قصر النيل بحوالى 30 متر فى النص بالظبط ..... لازم تاخد شمالك على الاخر خالص علاشان تفاديها ..... انا حاسس ان الكوبرى ده فى خطر و حيقع قريب ... لان مافيش ادنى صيانه ليه .. و الغريب انهم سامحين للاوتوبيسات انهم يمشو عليه !!! .

كوبرى 6 اكتوبر " بالكامل " لا يصلح لسير السيارات ... خصوصا الحزئيه الى بتمتد من التحرير الى غمره " اتجاه مدينه نصر " الفواصل بجد مدمره لعفشه اى عربيه .. وديه ملهاش حل انك تمشى شمال ولا يمين ... لان الكوبرى كله متدمر .. كأنه اتعرض ل قصف جوى . صلاح سالم احتمال يكون بديل احسن للكوبرى المتدمر ده .