هم يضحك وهم يبكي

[احمد المصرى]

أنا حبيت أحكي لكم علشان نخرج ببعض الإستفادة
أولاً : توكل على الله
ثانياً : أياك وترك إذكار الصباح والمساء
ثالثاً : تذكر دعاء ركوب الدابة
رابعاً : إياك والمشي العكسي
لأني رغم بداية الموضوع الغير موفق
إلا أني والحمد لله شعرت أني ربي بجانبي ( وما توفيقي إلا بالله ) في نهايته

[friendship7897]

لسه البلد ماشيه بالاتصالات برضو زى ماهيا
وعلى فكره لولا انك بنت علشان كده ماتبهدلتيش انما لو راجل كان اتروق مشاوير


كان نفسى اجيلك بالعيش والحلاوه بس مالكيش نصيب تاكليهم
وكانو هيصوروكى من التلات جوانب وتتحط فى الفيش

زي ما بنحكي على الغلط - لازم نحكي كمان على الصح
الظباط بصراحة المسؤلين - كلهم عملوا واجباتهم

والله يسامحك يا محمد
عايزني أتصور من التلات جوانب - مردودا لك في مخالفة مرور

[friendship7897]

انا مش فاهم انتو ليه بتعتبروا اني اما حد من الناس دي يعاملكم كويس انه بيتفضل عليكم بكده بالعكس ده واجب عليه انه يتعامل باحترام وبعدين الناس بقت تمشي عكس من الاستهبال بتاع المرور والدنيا اللي كلها واقفه بسببهم وكونهم يوصلو واحده زيك ملتزمه من 15 سنه معملتش الا مخالفه واحده انها تمشي عكس يبقي العيب من عندهم ومكنش مفروض اصلا تديلو رخصه من غير ما يديكي الوصل وتعرفى هتاخديها منين

أتعودنا على المعاملة اللي مش صح
واللي يعاملني صح بنتوقع أنه حالة شاذة لأنه نادر
وفعلاً قرار أن أمشي عكسي لأني لاقيت الشارع مسدود جداً وأغلبية العربيات قررت تمشي عكسي ( والحمد لله )
بس موضوع إني مديلوش الرخصة إلا لما يديلي وصل دي صعبة شوية
أولاً لأن الموقف المتوتر الأول
ثم ضابط واقف مصمم أديله الرخصة - هقف في وشه وأقول له أديني أنت الأول الوصل - صعب شوية وكان ممكن أصعد الموضوع عن ما هو عليه
وشكراً ليك

الحمد لله انك بخير

الحمد الله انها عدت علي خير
معلش

حمد الله علي سلامتك اهم حاجه المسئول الكبير مايكنش زعلاان مننا ربنا ياخده هو واكبر راس في البلد

هههههه
أكيد زعلان مكنش أمر بالقبض على السائق ( اللي هو أنا )

قدر الله وما شاء فعل

الحمد الله انها جات علي كده

شكراً ليكم جميعاً والحمد لله أنها جت على قد كدة

[friendship7897]

الشعب يريد معرفة مين المسئول ده :d

من حق الشعب أنه يعرف
وبما أنها طلبات مشروعة
تعالوا نعملها فزورة
أكتبوا توقعاتكم !!

[mem]

يا ترى مين المسئول الكبير ده
والف حمد الله على السلامه
وفعلا المثل لم يكذب
امشى عدل يحتار عدوك فيك

[friendship7897]

فكرتيني بمره كنت مزوغ من المدرسه ومسكني مفتش جاي من القاهره يفتش علي مدرستنا ههههههههههههههههههههههه
مكانش فيه واسطه تنفع تتجابله ده الا وزير التعليم هههههههههههه
انتي برضه موضوعك ده مينفعلهوش واسطه الا الريس او رئيس الوزراء

أنت كدة اللي فكرتني بنكتة
مرة واحد ضابط في قسم
عرف إن مدير الأمن هيعدي عليه
فبلغ الأمين اللي واقف على بابه إن أول ما مدير الأمن يجي بلغني على طول
فكل شوية ينادي على أمين الشرطة ويقول له : هو مدير الأمن جه ؟ أمين الشرطة يقول له : لسة !
تعدي نصف ساعة ، والضابط يسأله : هو مدير الأمن جه ؟ أمين الشرطة يقول له : لسة !
وأول ما سيادة اللواء مدير الأمن جه ، أمين الشرطة قاله : أتأخرت ليه يا بن التييييت ، سيادة ضابط المباحث بيسأل عليك

[mado83]

أنت كدة اللي فكرتني بنكتة
مرة واحد ضابط في قسم
عرف إن مدير الأمن هيعدي عليه
فبلغ الأمين اللي واقف على بابه إن أول ما مدير الأمن يجي بلغني على طول
فكل شوية ينادي على أمين الشرطة ويقول له : هو مدير الأمن جه ؟ أمين الشرطة يقول له : لسة !
تعدي نصف ساعة ، والضابط يسأله : هو مدير الأمن جه ؟ أمين الشرطة يقول له : لسة !
وأول ما سيادة اللواء مدير الأمن جه ، أمين الشرطة قاله : أتأخرت ليه يا بن التييييت ، سيادة ضابط المباحث بيسأل عليك

اكيد الراجل المهم ده هو الحاج والد حضرتك

[friendship7897]

هاهاهاهاهاهااها والله عندك حق هم يبكي و هم يضحك ، عموما العقيد اللي في مرور رابعه فعلا اتعاملت معاه راجل محترم لابعد الحدود و قبل كده والدتي كانت بترخص و موظفه خلتها تروح تعمل مشوار ملوش لزمه كان ممكن متعملوش راح للموظفه و غسلها لدرجة ان وادتي قالتله معلش مش مشكله انا مش متضرره من المشوار بس هو اصر انه يعلم الموظفه متتعبش الناس علي الفاضي و موقف ليه تاني مع واحد صاحبي في شرطه كان مرخص عربية واده فيميه زمان وجيه علي العربيه مخالفات و تظلم و الها بقت حاجه بسيطه فراح للمرور علشان يسقط المخالفات دي و يدفعها و لما العقيد شاف الرخصه اللي مثبوت فيها الفيميه اتجنن و جاب الموظفين كلهم و شدهم و خدهم جزاءات و حتي صاحبي منجيش من كلامه ...... مرور الدراسه متعاملتش معاهم بس ربنا يكت من النوعيات اللي بتعرف تعامل الناس و عندها ضمير في شغلها .... الجزء اللي مشتيه مخالف في المنطقه الحره ده تقريبا زحمه علشان المجاري او ماسورة مياه ضاربه في اتجاه و مش ممشيه غير حاره و الكل بياخد الجزء ده مخالف فعلا انا مخدتوش مخالف علشان مكنتش مستعجل بس لو كان ورايا حاجه كنت اضطريت اطلع مخالف برضه .... ده غير ان كان في فتر طويله جدا المياه كانت مغرقه الشارع ده و تصميمه غبي مبيهربش المايه اللي فيه و كان سادد الحرات كلها و العربيه اللي تعدي تبوظ في النص من ارتفاع المياه لدرجه انه في الاخر جابوا عربيه نقل شفطت المايه دي

آه فعلا هو العقيد اللي هناك حد محترم جداً وأغلبية الناس بتشهد له بكدة
والحمد لله شهد شاهد من أهله
واضح أنك كنت في الشارع دا - وأنا مش بحلل الخطأ - بس فعلاً كان الناس عندها حق تمشي عكسي ( وأنا منهم )

[friendship7897]

اكيد الراجل المهم ده هو الحاج والد حضرتك

لأ - مش فاهماك

[Y a r i s]

والف حمدالله على سلامتك ... وتحياتي

[Elawany13]

الحمد لله انها عدت على خير

Sent from my GT-S6500D using Forum Runner

[Khaled Seif]

بسم الله والحمد لله والصلاة والسلام على رسول الله

السلام عليكم ورحمة الله وبركاته

الأخت الفاضلة friendship7897 الحمد لله الذي بنعمته تتم الصالحات

وجزاك الله خيرا على الموضوع

وكما ذكرتي حضرتك خلاصة التجربة أن نتعلم حديث النبي صلى الله عليه وسلم اعقلها وتوكّل

فأولا المواظبة على أذكار الصباح ( قبل طلوع الشمس ) وأذكار المساء ( قبل غروب الشمس )

قال تعالى فسبح بحمد ربك قبل طلوع الشمس وقبل غروبها

ولها شأن عظيم في دفع كل ما يضر المسلم ودفع أذي الشيطان ودفع الهم والغم وإبداهما فرحا

وسرورا

وثانيا لا أخرج من بيتي إلا بعد قول دعاء الخروج من المنزل

( بسم الله ءامنت بالله اعتصمت بالله توكلت على الله لا حول ولا قوة إلا بالله )

وثالثا لا أتحرك بالسيارة إلا بعد أن أقول دعاء الركوب

( سبحان الذي سخر لنا هذا وما كنا له مقرنين وإنا إلى ربنا لمنقلبون )

ورابعا دعاء السفر( حيث أن أي مشوار طويل بالسيارة لو مشيته على قدميك لكان سفرا )

اللهم إني أعوذ بك من وعثاء السفر و كآبة المنظر وسوء المنقلب

اللهم أنت الصاحب في السفر والخليفة في الأهل والمال والولد

وخامسا أن ألتزم بآداب المرور وأخلاق المسلم في الطريق

اعقلها وتوكل

وصل اللهم وسلم على خير الناس خلقا وخلقا

[AhMeD MeTwAlY]

هتلاقي الطريق واقف عشان السيد المهم كان معدي بس
بلد مش هتنضف يعني حضرتك حصلك كل دا عشان الاستاذ السيد المهم معدي انما لو مكنش معدي مكنش حصل حاجه
الناس المهم دول بيعملو الشويه دول عندكم في القاهره
خليهم ينزلو عندنا كدا هياخد ضرب هو والي معاه لو فكر يكلم واحد

[tmz9111]

الحمد الله انها خلصت على كده

[wawoo]

دفعتى غرامة كام ؟؟