و ماذا بعد انخفاض سعر الدولار ؟

[د.اشرف هنداوى]

الدولار سعره نزل في السوق السوداء الي 7 جنيه و 40 قرش و متوقع ينزل اكتر _علي حسب تصريحان محافظ الينك المركزي_ بعد وصول الاموال القطرية


هل

هل

اسعار العربيات حتنزل ؟؟

و الله العظيم لو فعلا انخفض سعر الدولار و لم تخفض التوكيلات اسعار السيارات - اصل احنا شاريينها و الدولار غالي و الكلام الفاضي ده - نبقي مش رجالة و ما نفتش بقنا بكلمة واحدة عن اي شيء سيء بيحصل في البلد .

ما رايكم ؟؟؟

[S O P H O S]

المنطقي ان السعر ينزل ده حق لينا
لكن هما مش هينزلوا السعر مدام احنا بنشتري بردوا كل ما تغلي اكتر !!

[Sehsss]

لأ طبعا، ولا حاجة هاتتغير، هو في حاجة بتغلى بترخص تاني

[hany63]

الاسعار في مصر وان واي
فاكرين لما الالبان و الدقيق ايام الازمه العالميه لما السعر العالمي نزل ٤٠ في الميه حته واحده
الناس استنت ان ده بنعكس علينا قالوا معلش ياجماعه لازم نستنى ٦ شهور عقبال ما نبتدي دوره جديده و عدت الشهور ولا الهوا
ولو كان زاد السعر و البهوات شاريين بالسعر الرخيص تلقى السعر زاد في نفس اليوم
باختصار لازم هيدبحوك زاد السعر قرش يزود ٢ و ٣
رخص السعر يحط الفرق في كرشه

[hossamalsadik]

الامر هنا بيد الناس لو بطلت شراء هينخفض السعر
عشان هنا أغلب التجار بتستهبل وتسوق فيها ويقلك الناس بتشترى والموضوع عرض وطلب والى معهوش ماليزموش مش فاهم ان الناس مضطره لى ده ولو الناس وقفت ضد الغلاء فى اى شيء عارض السلعه هيجرى وراك بالمشوار يتحايل عليك
وأحنا بنتكلم عن عربييات مش أكل وشرب فالموضوع سهل لو فى أيرادة وثقافه

[Mo7eb1]

الى هيحصل ان الاسعار هتفضل زى ما هى.... ولا حاجه هتنزل!!!

[maskeen]

معلش بس مين اللى قال ان الدولار نزل؟؟
حضرتك الاسترلينى ب 12 جنيه (السهر الرسمى 10 ونص)...ده اللى انا باحتاجه كل شويه
لو الدولار نزل اللى 740..كان الاسترلينى نزل ل 11

ولو حضرتك تعرف تجيب دولار ب 740 ..اشتريه منك ب 750 ف يومها

[youssef_u]

لما السعر يثبت من المتوقع الاسعار تنزل ،، بس فين بقا احنا في مصر

[zangry]

مافيش اي حاجة هترخص كلعادة .. تجار حرامية !

[د.أبونضال]

7.10 سعر النهاردة في دمياط

[amadiuo]

السلام عليكم
ورحمة الله وبركاته
على فكرة سعر الدولار اليوم 7.00 جنية ومفيش طلب علية ولسة هينزل كمان.

[mohamed_selim]

تستحضرنى كلمة الاستاذ محمد صبحى لما حد كان بيساله سؤال شبه جه و قاله:

مش فاهم وجهة نظر سيادتك يعنى ....

ولا حد هيفتح بقه و الاسعار هتفضل هى هى و ممكن حد ذكى يعمل تخفيض مؤقت كعرض و يرجع للسعر الغالى بعد ما يكون باعله شويه

[JOKER_KLEN]

ربنا يسهل للبلاد وعلينا جميعا

[Abo Yasso]

انهارده ب 7 فعلا بس على اخر الاسبوع هيزيد تانى

[د.اشرف هنداوى]

الدولار فعلا ب 7 جنيه النهاردة و حينزل مش حيزيد او علي الاقل حيفضل ثابت

البنك المركزي نزل عطاء ب 600 مليون دولار -- العطاءات قبل كده كانت في حدود 40 - 100 مليون بالكتير

و المحافظ صرح انه في طريقه لاتخاذ اجراءات غير معلنه للقضاء علي السوق السوداء

سؤال تاني :

اللي حاجز النهارده عربية علي سعر الدولار 8.5 جنيه لما ييجي يستلم و الولار سعره كان اقل (و خاصة لو حيستلم بعد 3 شهور زي نيسان او فلوانس) حياخد العربية بسعر اقل؟

زي ما التوكيلات مطلعين عينينا دلوقتي : العربية كل يوم بسعر مع انه بيكون بعت الدولارات خلاص من فترة لكن بيوقف البيع و يحاسبك كل يوم بسعر ؟

الهدف من الموضوع ده ان منتدي زي نايل موتورز -من اقوي منتديات السيارات و متابعيه بعشرات الالاف من

جميع فئات الشعب و كلهم ناس محترمة بتحاول تفيد بعض و تفيد البلد- لااااااااااازم يكون له دور ايجابي

و نحاول كمنتدي و كأفراد يكون لنا دور ----- مش قادر ابلع ان المنتدي القوي ده و اعضائه بكل كفائاتهم و

اماكنهم في المجتمع ما يدوش مثل للايجابية .

- زي ما عملنا حماة خلوها تصدي و موديلها يعدي احنا داوقتي في حاجه اكبر لحملة زيها - اذا استمر سعر الدولار في الانخفاض و لم تقم التوكيلات بنفس الشيء-

- نيسان تيم -مثلا- بما له من نشلط فعال اكيد ممكن يكون له دور

و هكذا...

انا بافكر بصوت عالي مع اخواتي في المنتدي --- الواحد زهق من الاخبار السلبية و المحبطة كل ثانية و نفسه في

فعل ايجابي للبلد و للناس.

و تقبلوا افكاري ... و احترامي