عاوز ارخص زهقت مش فاهم حاجه!!!!

[ابو لؤى]

بسم الله الرحمن الرحيم
بشكر كل الاخوه الافاضل اللى بنتعلم منهم ديما
ليا سؤال انا اشتريت عربيه ومعايا عقد مسجل والرخصه انتهت لانى كنت بعمل عمره والذى منه دلوقتى الرخصه منتهيه وهيا مرور شبرا الخيمه مكتوب ادارة القليوبيه تقريبا معرفش المرور ده فين
علما بأن العربيه نمر جديده وانا تبع مرور فيصل ايه الخطوات اللى اعملها وحده وحده لانى مش فاهم حاجه خالص يعنى اروح مثلا مرور شبرا بالترتيب كده وياترى اعمل ايه اجيب منها ايه وبالعربيه ولا مواصلات الاول واسف على الاطاله

[aboomar22]

لا هتروح مرور فيصل تشترى نموذج فحص وتفحص العربية المهندس هيطلب مطابقة بصمة على نموذج الفحص هتاخد النموذج وتروح تطابق البصمة فى مرور شبرا الخيمة وترجع مرور فيصل تختم ورقة الفحص وبتخش على الشباك تقدر الضريبة وتدفعها فى الخزنة وتدفع التامين الاجبارى وتسلم الورق فى الشباك لحد مايتنادى عليك تخرج تفك نمر القليوبية الشباك ينادى اسمك ويديك ورقة بالارقام الجديدة تروح شباك اللوحات اللى هو جنب الخزنة اللى دفعت فيها هيستلم منك النمر القديمة ويديك النمر الجديدة ومعاها ايصال باستلام النمر القديمة هتروح لشباك التسليم اللى هو اول شباك وانت داخل تقولة اسمك ويديك الرخصة تخرج تركب النمر بقى فى اى مكان اه نسيت اقولك وانت فى مرور شبرا هتجيب شهادة مخالفات للعربية ونصيحة فى مرور فيصل اما تروح الشباك اللى فيه موظفة شابة سريعة ومش معقدة واما شباك اللى فيه عمك شحاتة راجل كبير شوية وبنظارة بس ابقى شوفه بحاجة برضه هيخلصك على طول

[pharohtemo]

أولا مبروك :)

ثانيا : دى الخطوات اللى لسه عاملها يوم اليبت اللى فات :

http://www.nilemotors.net/Nile/347797-2007.html

بس علشان الرخصة بتاعتك أنتهت يبقى لازم تجيب شهادة بيانات من المرور الأصلى للعربية

[ابو لؤى]

أولا مبروك :)

ثانيا : دى الخطوات اللى لسه عاملها يوم اليبت اللى فات :

http://www.nilemotors.net/nile/347797-2007.html

بس علشان الرخصة بتاعتك أنتهت يبقى لازم تجيب شهادة بيانات من المرور الأصلى للعربية

انا شوفت موضوعك اللى فوق ده كله بس فى نقطه انا مش معايا صوره بطاقه البائع فيها مشكله ؟

[pharohtemo]

انا شوفت موضوعك اللى فوق ده كله بس فى نقطه انا مش معايا صوره بطاقه البائع فيها مشكله ؟

محدش طلبها فى المرور بس كل شىء ممكن .. لازم تكون معاك علشان العقد بيتعمل بيها فى الشهر العقارى !
خليك فى المضمون و حاول تجيبها علشان متخبطش مشوار على الفاضى

[ابو لؤى]

انا معايا عقد مسجل

[pharohtemo]

انا معايا عقد مسجل

انت لما عملت العقد الموظف بيصور بطاقتك و بطاقة البائع أو بيطلب منكم صورهم .
على العموم لو مش حتعرف تجيبها يبقى روح و شوف يمكن فعلا مش حتحتاجها
ربنا يوفقك