حكايتى مع النصاب

[mem]

الحمد لله جت سليمه
وحرص ولا تخون
فالحرص واجب

[amr011111]

مشكلة الموضوع ده ، وكمان ممكن يحصل مع الطرفين
نفسى اعرف ايه الاجراء السليم بالظبط اللى يضمن حق الطرفين
يعنى برضه المشتري لو دفع الفلوس كلها حتى لو معاه العربية بس لسة مش باسمه هيبقى مقلق وممكن برضه يتنصب عليه ، ايه الحلللل ؟

الحل بسيط يتم استلام الفلوس وتسجيل العربيه فى اى يوم صباحا علشان الشهر العقارى يبقى شغال
المشترى يدفع الفلوس والبائع يعمل التوكيل

[emad_2020]

انا حبيت بس انى اعرض مشكلة حصلت معايا علشان كل واحد يخلى باله
وشكرا على اهتمامك كلكم وربنا يسترها

[emad_2020]

الحل بسيط يتم استلام الفلوس وتسجيل العربيه فى اى يوم صباحا علشان الشهر العقارى يبقى شغال
المشترى يدفع الفلوس والبائع يعمل التوكيل

فعلا الكلام الصح انه يكون فى يومها يتم كل حاجة علشان زى ما المشترى ممكن ينصب بردو البائع ممكن ينصب علشان كدا كله فى نفس اليوم احسن

[emad_2020]

السلام عليكم و رحمة الله و بركاته

الحمد لله أنها جت سليمة

عموما, بيع أى عربية بيكون بطريقة من اتنين, لو فرضا أنك بتبيع عربية ب100 ألف جنيه مثلا:

1- تاخد مثلا 97 ألف جنيه و تبقى 3000 جنيه و هنا بتديله العربية و عقد ابتدائى و أصل الرخصة و صورة بطاقتك عادى مفيش مشاكل و تخلى معاك صورة الرخصة و صورة البطاقة بتاع المشترى, عشان تعرف تطلع براءة الذمة و تنقل الملكية أو تعمل توكيل, زى ماتتفقوا, و تخلص الورق ده كله و تديه للمشترى و تاخد منه ال 3000 جنيه الباقيين و لحد هنا أصحاب و حبايب و مفيش مشاكل, لو نقل الملكية أو عمل التوكيل محتاجين أصل الرخصة و صورة بطاقته , يبقى هتضطر تخلى معاك أصل الرخصة عشان تسجل العربية أو تعمل توكيل.

2- تاخد من المشترى 3000 جنيه بس مجرد ربط كلام و تااااااااااااااااااااخد العربية و أصل الرخصة و كوووووووووول حاجة و المشترى مايخدش الا صورة الرخصة, صورة بطاقتك و عقد ابتدائى, لحد ماتطلع براءة الذمة و تسجله العربية أو تعمله توكيل فى الشهر العقارى و تديله العربية و الورق كوووووووووله و قبلها تكون واخد ال97 ألف جنيه على داير مليم.

كده, يبقى أدام أنت راجل محترم و المشترى مش نصاب, يبقوا أنتوا الاتنين أصحاب و كفاءة و تمام التمام, هنا لازم النصاب هيبان, هتلاقيه عاوز يخلف فى الكلام اللى أنا قايله فوق ده.

فعلا كلا صح وشكرا على المعلومات لى كلنا نستفيد منها

[emad_2020]

الحمدلله
بس متزعلش منى انت غلطان ولكنك افترضت حسن النيه
علشان انت لو هتديه العربيه تاخد فلوسك بالكامل وعلى ما اسمع ان العقد الابتدائى لا يعفى من المسؤوليه والله اعلم

والله يا باشا انا ديما بكون مع الناس حسن النيه وسيبها على الله

[el diesel]

اين ذهب الضمير يا سادة
احمد ربنا انك اخدت بالك

[emad_2020]

فعلا قلت ضمير لو كل واحد عامل ربنا فى كل حاجة هنكون احسن بلد

[rahmanboud]

المثل بيقول حرص ولا تخون

والستار موجود

[kokowasfy]

معلش احنا فى مصر و كمان فى بيع العربيات خد وهات دا الواحد ممكن ميكنش نصاب و اول ما يلاقى حد حد حسن النية يستهبل او يتهرب على العموم حصل خير و خلى بالك

[emad_2020]

معلش احنا فى مصر و كمان فى بيع العربيات خد وهات دا الواحد ممكن ميكنش نصاب و اول ما يلاقى حد حد حسن النية يستهبل او يتهرب على العموم حصل خير و خلى بالك

عندك حق كلامك صح
بس لى بيجى حرام بيروح على الحرام

[kar!m]

الشعب المصري متدين بطبعه :-)

[akmm]

الفلوس الحلال ما بتروحش...............

[محمد يوسف]

متهيألى ده مش نصاب لأن النصابين بيبقوا قادرين عن كده..متهيألى بس انه حب يتذاكى وينزل شوية من الفلوس..ربنا يسترها معانا كلنا

[emad_2020]

الشعب المصري متدين بطبعه :-)

هو فعلا كدا بس ده كان زمان دلوقتى الوضع اتغير كتير اوى