حالة الامنطق فى اسعار السيارات

[MOHAMED ABD EL SHAFY]

اثناء تصفحى على النت دخلت على موقع لبيع السيارات المستعملة ويظهر انه سعودى

http://www.arabicmotors.com/Research.aspx

وقد فوجئت بصدمات كبيرة

1- سعر الباجيرو 65 الف ريال موديل 2004 عاملة 180كيلو متر فقط
يعنى بالمصرى ممكن تقول تبقى ب 95 الف جنية فقط!!!!!!!

2- سعر الدايو ليجانزا 13 الف ريال !!!!! يعنى 19 الف جنية مصرى !!!! يعنى بسعر عربية 127 ؟!؟!؟!؟!

3- عربيات مش موجود منها فى مصر (مش منتشرة ) مثل جراند موركرى ب 26 الف جنية يعنى ب 40 الف جنية مصرى !!!!
الجراند موركوى دى شرفت بركوبها اثناء زيارتى للسعودية وكانت ( تاكسى ) دى بقى سيارة اختراع بجد وتحفة

السواق كان ماشى على سرعة 280 عدى يعنى ومسافرين من جدة للمدينة وبيتكلم فى الموبيل قام الموبيل وقع منه على الارض قام ساب الدنيا ونزل يدور علية يجيبة والعربية على سرعة 280 وماشية عادى ولا حصل اى حاجة
تقفيل الطابلوة والابواب خشب ابانوس
الكراسى تتحكم فيها بالكهرباء - الكرسى يلف 90 درجة اثناء انزول جنب السائق ممكن يجلس 2 مستريحين وورا 4 عادى

المهم كل دا ب 40 الف جنية مصرى
طب ازاى!!!!!!!!!!!!!!!!

مستوى دخل الفرد فى الخليج اضعاف دخلة فى مصر
وبالغرم من دا يقدروا يركبوا احسن عربيات بثمن مرتب 4 او 5 شهور فقط من دخلهم
دى بقى مش حاجة تحرق الدم!!!!!
يعنى لو موظف ب 5000 الاف ريال ودا عادى ممكن بمرتب 5 شهور يركب الجراند موركورى عادى

انا دمى اتحرق!!!!!!!!!!!!!!!!!!!!!!!!!!!!!!

[MOHAMED ABD EL SHAFY]

تشارجر دودج مو 2007 عاملة 100 الف كيلو ب 65 الف ريال (يا بلاش)

[Rsarabia]

امال حضرتك كنت مفكر ايه ؟؟ ما دا اللى حاصل هناك و عشان كدا دايما مفيش مستعمل اللى بيبوظ عربيته بربميها و يجيب جديد غيرها لانها حاجة ببلاش تعتبر مع الدخل العالى جدا و السعر المنخفض للسيارة لكن احنا بندفع اتاوة للدولة 60 % جمارك و بتزيد دا غير الحبشتكنات التانية ترخيص و غرامات و و و ودا فى الاخر بيخلى الشعب يركب عربيات اقل جودة و بالتالى عرضة اكتر للحوادث و المشاكل و القرف

[MOHAMED ABD EL SHAFY]

اللانوس ب 7 الاف ريال يعنى ب 10 الف جنية مصرى يعنى بتمن السيات 133 هاهاها

[MOHAMED ABD EL SHAFY]

الفيرنا ب 16 الف ريال يعنى ب 24 الف جنية يعنى بثمن 128
السوناتا ب 25 الف ريال يعنى ب 37 الف جنية
فولفو 98 s40 ب 16 الف ريال ( والله تهريج )

وشكل صور العربيات كانها زيرو مفيهاش حتى خربوش فى الرفارف

[MOHAMED ABD EL SHAFY]

طب ممكن الواحد يروح يشترى مثلا لانوس ب 10 الاف جنية ويقطعها ويجيبها فطع غيار هنا هيكسب ناااار

[MOHAMED ABD EL SHAFY]

هوندا سيتى اللى الناس مموتا نفسها هنا عشان تركبها ب 21 الف ريال موديل 2004
واليارس بقى موديل 2006 عاملة 47 الف كيلو ياحرام بتتباع ب 29 الف فقط
دا غيير الموديلات اللى مش بنسمع عنها
ميباخ
ابيكا
جراند ماركوس
ماكسيما
كراون فيكتوريا

[hamedo0]

يا أستاذ محمد قلبت علينا المواجع ليه

[mahamedaraby]

بجد نفسى ليعملوا وسيله موصلات ادميه للناس تركبها وتقعد فيها وتستريح

ليشيلوا الجمارك عن العربيات وتخلى الناس بقى تركب عربيات

انت لو حسبت بتمن العربيات اللى عندنا دى كنا زمنا دلوقتى من اعلى الاسواق فى الشرق الاوسط لو مفيش جمارك يعنى لو معاك 130.000 الف كنت ركبت باجيور ولا حاجه

[wawoo]

الفيرنا ب 16 الف ريال يعنى ب 24 الف جنية يعنى بثمن 128
السوناتا ب 25 الف ريال يعنى ب 37 الف جنية
فولفو 98 s40 ب 16 الف ريال ( والله تهريج )

وشكل صور العربيات كانها زيرو مفيهاش حتى خربوش فى الرفارف

كفاية يا محمد حرام عليك اللى بتعملة فينا دة , يا اخى سبنا كأننا منعرفش , لازم تحصرنا و تقهرنا يعنى بالاسعار دى ,

ما هوة الناس ساكتة على السرقة بتاعت الجمارك دى نعمل اية يعنى , لو كل الناس عملت اضراب عن شراء السيارت لمدة شهر , اكيد حيحصل مراجعة للجمارك الظالمة دى , انما تقول اية مبيعات السيارات عمالة تزيد كمان .

[Kamal-1]

ياسيدي احنا شاريين أكورد 2008 جديده بسعر 101 الف وستة سلندر فل اوبشن ب 101 الف ريال يعني 145-150 الف جنية بتمن السيفيك الاربعة سلندر عندنا

[MOHAMED ABD EL SHAFY]

انا اتصدمت
مكنتش فاكر ان الفروق كبيرة كدا
كنت فاكرها فروق بسيطة لاتتعدى 20% من تمن العربية
مش فرق 200%
دى الاسعار دى من قبل الفصال يعنى ممكن تنزل كمانقول 10%
لو غلوا العربيات عندهم مش هيتأثروا زينا

[dr_abooody]

و الله اللي بيتعمل فينا دة حرام
مرة واحد زميلنا راح ( الصـــومال ) ايوا الصومال اللي كلها حروب و فقر و ارف بيقول ان اسعار السيارات هناك ارخص بكتيير من مصر زي الاسعار اللي حضرتك ذكرتها و مفيش جمارك و تشتري أجهزة جيه من بلدها مباشرة و كل حاجة رخيصة و اتبسط هناك على الاخر

و المشكلة ان في ناس كتير هنا في مصر معمولها غسيل مخ و فكرا ان البلد بتاعتنا دة فقيرة ؟؟؟
دة بلدنا دة بيخشلها كمية فلوس شوف قناة السويس و شوف كل عربية بتدفع كام هنا و عندنا اكتفاء ذاتي من البترول
المفروض الجمارك دة تتلغي و دة كل البلاد عملاها الا احنا و دة ملهاش علاقة اذا كانت الدولة فقيرة و بتشحت او الدولة غنية
و احنا اقتصادنا اقوى من الصومال بمراحل ممكن 30 ضعف و لا حاجة

طب عندك مثال تاني فلسطين اللي فيها احتلال و منازعات و الاقتصاد صفر شوف التاكسي هناك مرسيدس لو حد بيتفرج على النشرات
و الملاكي هناك كلة مرسيدس و اوكتافيا و بي ام ؟؟؟
اشمعنى احنا احسن بلد و حضارة من زمان و اول بنك في الشرق الاوسط و بيتعمل معانا كدا و بقينا افقر ما يمكن

هو في سر غريب و ربنا يفك ازمتنا يا رب

[pendodo2002]

هههههههه
ميرسيدس 300 موديل 1991 في الامارات بـ 17 الف درهم يعني 25 الف جنيه
نفس الميرسيدس موديل 1989 في مصر بـ 150 الف جنيه يعني 100 الف درهم ....
يعني بتمن الميرسيدس المواصفات المصريه تشتري 6 بالمواصفات الخليجي و احدث من المصري
هههه

[MOHAMED ABD EL SHAFY]

هيا يعنى ملهاش حل انهم يشيلوا الجمارك
وهل اتفاقية الجات اللى مجاتش دى مش هتعمل حاجة
ايه القمع دا