حالة الامنطق فى اسعار السيارات

[MTAK]

و عندنا اكتفاء ذاتي من البترول

تصحيح صغير "عذرا خارج الموضوع"

لا يوجد عندنا اكتفاء ذاتى من البترول
و نستورد بترول خام من الكويت "و مش عارف هل فى ناس تانيه بنستورد منها و لا لأ"

[wawoo]

المفروض الجمارك دة تتلغي

يارت احنا مش عوزنا تتلغى , بس على الاقل تكون معقولة , يعنى مش معقولة 60 و 80 % دة غير الضرائب يعنى لازم برضو يكون فى توزان مع مستوى الدخل , السيارة لم تعد الان رفاهية او كمليات باى شكل , و هى ضرورية لاى نهضة اقتصادية عوزنها تحصل .

يعنى معقولة المواطن الخليجى اللى دخلة اضعاف الدخل المصر تكون دى الاسعار عندهم و عندنا بهذا الشكل , لية و هل الواحد طول عمرة حياخد خدمات بكل هذة الجمارك . طبعا لاء
لازم نتكلم يا جماعة , السكوت على الوضع دة سىء جدا و ظالم جدا , و خصوصا انهم زودو اسعار البنزين , يعنى مش معقولة الحكومة هات هات و مافيش اى تحسن فى الخدمات او المرافق بل كلة من سىء لاسوء فى معظم الخدمات .

و العجيب كمان ان كبار الشخصيات ورجال الاعمال بيركبو عربيات بدون جمارك و ذلك بحيل خاص , يعنى معقولة كدة

[tmz9111]

ليه فكرتنا أحنا كنا ناسيين

[Adham]

ال bmw الدبانة (اول التسعينات) في السعودية ب 4000 ريال و حالتها انضف من حالة موديلات الالفينات في مصر
و بسعر مايجيبش سيات 133 موديل 78

[bassemali]

دي الأسعار اللي أنت بتقول عليها دي ياأستاذ محمد كمان مبالغ فيها أنا هنا في السعوديه أشتريت كيا أوبتيما 2002 و 2000 سي سي فول أوبشن ب 10000 ريال يعني 14000 جنيه وحالتها زي الفل ماشاء الله بس نقول أيه على مصر غير حسبي الله ونعم الوكيل بس خلي بالك أن في كتير من الدول الأوروبيه أسعار العربيات فيها غاليه جددددددددااااا عن مصر كمان رغم أرتفاع أسعار البنزين واحد صاحبي قاعد في أستراليا وقاللي العربيات عندنا غاليه جدا جدا جدا

[دموع الثلج]

فكرتنى انا كنت جايبه هـــــوندا سيفــــك موديل 2002 مانيوال ب 30 الف ريال

بس هلكـــــــــونى تربتك ومخالفات نظـــــــام الجمارك فى مصر فااااااااشل

[MIS]

المشكلة في الجمارك ,, لو ماكنتش الجمارك مبالغ فيها كان كلوا جاب عربيات من برا ..

يعني مثلا لو جبت عربية تمنها في مصر 100 الف وهي بتبتاع برا بـ 60 الف ..

علي ما توصل مصر بجماركها بسلطاتها بابا غنوجها هتوصل لـ 120 الف :)

[tutankhamoun]

السلام عليكم
أنا لن أتحدث عن دول الخليج لأنها ليست معيار لنا
لسبب بسيط
دول غنية جدا و عدد سكان قليل جدا

يبقى المعيار بتاعنا يكون دولة ظروفها مشابها لظروفنا

نقول مثلا فرنسا ......... أنجلترا ........... المغرب

طيب أخبار أسعار السيارات أيه في هذه الدول ؟؟؟
الجديد زي مصر بالظبط
بعد اضافة الضرائب ........ و الشحن و الذي منه و مصاريف الترخيص

طيب القديم أخباره أيه ؟؟
طبعا سعره ضايع !!!!!!!!!!!
طيب أنا قلت المثالين دول ليه
علشان مثلا في انجلترا ممكنتجيب عربية موديل 2004 مثلا بربع سعرها و هي جديدة و ده مش بيحصل في مصر
بس هل تعتبر العربية كدا رخيصة ؟؟؟؟
لا ......... لا ............ لا ............ لا ...........لا ............. لا

لأن العربية مش ثمنها بس
العربية علشان تشغلها
عايز تدفع ضرائب عليها سنويا
عايز تدفع لها بنزين ( غير مدعم ) يوميا
عايز تدفع تأمين إجباري ( ممكن يوصل لثمن العربية و هي مستعملة )
مفيش تصليح هناك ......... اللي بيبوظ ....... بيشلوه و يرموه و يحطه مكانه جديد

-----------------------------
طيب معلومة تانية
البترول في مصر أصلا مدعم .......... و أحنا كمان مش مكفينا إنتاجنا و بنستورد من الإمارات و ليبيا أو بنشتري من حصة الشريك الأجنبي بالسعر العالمي و الحكومة بتدعم الفرق و في الآخر بنشتري البنزين بسعر رخيص جدا عالميا

حالة الطرق ......... و المدن المصرية و العقلية المصرية
بجد لا تسمح بزيادة عدد السيارات عن الموجود حاليا

كمية الإنتاج للبترول لا تسمح بزيادة السيارات
التلوث الناتج عن الزيادة في عدد السيارات له عواقب وخيمة جدا على البيئة المصرية و العالمية


-------------------------------------

يبقى خلاصة الكلام ......... كل بلد و ليها ظروفها المختلفة عن البلاد الأخرى

لو عايزين تشتروا عربيات من غير جمارك
مستعدين تدفعوا ثمن لتر البنزين كامل و هو الذي لن يقل عن 6 جنيه مصري أو أكثر ؟؟؟؟؟؟؟؟؟

يبقى لازم ننظر للموضوع نظرة شاملة علشان نحكم حكم مظبوط

--------------------------------
أنا شايف إن الحكومة المصرية مهملة في موضوع المواصلات العامة جدا
و لو أهتموا بالمواصلات العامة و تحسين الخدمة زي أوروبا
ناس كتير من أصحاب السيارات ستتجه إليها لتوفير البنزين و عناء ركن السيارة و قطع الغيار

[aif]

لكن لو ما فيش جمرك والعربيات رخصت ....ح تكتر اوي ....ومش ح يلاقو طرق يمشو فيها .....
زيادة عدد السيارات في بلد به ازمات مرور خانقة ومشاكل وفشل تنظيمي رهيب ولامبالاه زي مصر ..... يبقى كارثة .... انتم متخيلين لو لغو الجمارك والضرائب على السيارات وفجأة العربيات في مصر عددها اتضاعف ...... مش ح نلاقي مكان نركن فيه بالليل .... ومش ح نلاقي مكان نمشي فيه الصبح ......

مشهد من زاوية عكسية .... لكنه للأسف .... حقيقي

[polo61]

فى السعودية بورا المانى رائعة فول اوبشن موديل 2005 ب 20 الف ريال يعنى 28 الف ج

[blazer]

لكن لو ما فيش جمرك والعربيات رخصت ....ح تكتر اوي ....ومش ح يلاقو طرق يمشو فيها .....
زيادة عدد السيارات في بلد به ازمات مرور خانقة ومشاكل وفشل تنظيمي رهيب ولامبالاه زي مصر ..... يبقى كارثة .... انتم متخيلين لو لغو الجمارك والضرائب على السيارات وفجأة العربيات في مصر عددها اتضاعف ...... مش ح نلاقي مكان نركن فيه بالليل .... ومش ح نلاقي مكان نمشي فيه الصبح ......

مشهد من زاوية عكسية .... لكنه للأسف .... حقيقي

كلامك تاما بس هل دى هى مشكله الشعب الغلبان
اللى كل اما يقولوا له ادفع بيدفع وامره لله
يبقى طالما احنا بندفع فلوس للحكومه يبقى هى بقى تتصرف تعمل طرق وكبارى وانفاق و محطات خدمه
البلد مش ناقصه فلوس بس هى السرقه بقى نعمل ايه حسبى الله ونعم الوكيل

[wawoo]

لو عايزين تشتروا عربيات من غير جمارك
مستعدين تدفعوا ثمن لتر البنزين كامل و هو الذي لن يقل عن 6 جنيه مصري أو أكثر ؟؟؟؟؟؟؟؟؟

مستعدين يا توت عنغ امون ندفع تمن لتر البنزين كامل , بس كمان لازم الحكومة و القطاع الخاص يكون مستعد يدفع مرتبات حقيقية مش الاعنات اللى بتتاخد فى الحكومة و ملاليم القطاع الخاص , و كل واحد يشوف مرتبة مقابل شغلة الحقيقى لازم يكون كام , و كدة يبقى العدل تمام , يزودو بقى الاسعار زى ما هما عوزين , لكن كل واحد ياخد حقة .
انما النظام الاشتركى اللى ماشية بية الحكومة دة خرب الدنيا .

[Chicco]

انما النظام الاشتركى اللى ماشية بية الحكومة دة خرب الدنيا .

الحقيقة يا wawoo باشا لا هو نظام و لا هو اشتراكي ..و لا أي حاجة أصلا

[wawoo]

الحقيقة يا wawoo باشا لا هو نظام و لا هو اشتراكي ..و لا أي حاجة أصلا

ههههههه على رايك يا د. شيكو , و تقريبا هى دى المصيبة الحقيقة ان مافيش نظام و مافيش قانون "غير على الغلابة" .

[tutankhamoun]

مستعدين يا توت عنغ امون ندفع تمن لتر البنزين كامل , بس كمان لازم الحكومة و القطاع الخاص يكون مستعد يدفع مرتبات حقيقية مش الاعنات اللى بتتاخد فى الحكومة و ملاليم القطاع الخاص , و كل واحد يشوف مرتبة مقابل شغلة الحقيقى لازم يكون كام , و كدة يبقى العدل تمام , يزودو بقى الاسعار زى ما هما عوزين , لكن كل واحد ياخد حقة .
انما النظام الاشتركى اللى ماشية بية الحكومة دة خرب الدنيا .

طيب هاقولك على حاجة يا عسل

في انجلترا مثلا المرتبات بتتراح ما بين 1500 إلى 2500 جنيه أسترليني شهريا

هل تفتكر إن ده مرتب عالي ؟؟؟؟

طبعا لاءة
لو لواحدك بتشتغل متقدرش تفتح بيت أساسا
لازم أنت و زوجتك تشتغلوا ........... أو تكون مشارك في اسكن بتاع 3 أنفار على الأقل علشان تقدر تحوش حاجة

و المصاريف غالية جدا
لو عايزني أفنطهم بند بند أنا تحت أمرك


أنا شايف إن مشاكلنا الأساسية هي
الزيادة السكانية العالية التي لا تتماشى مع كمية الإنتاج السنوي و مساحة الأرض التي نعيش عليها





و في الآخر الأستاذ أحمد إبراهيم قال حاجة مهمة قوي

لو الناس كلها ركبت عربيات
لا هانلاقي أماكن نركن فيها
و لا شوارع نمشي فيها

و يبقى الحل دائما و ابدا
في إستخدام المواصلات العامة بعد أن تقوم الحكومة بتوفير مواصلات آدمية و حظر البناء في القاهرة و الإسكندرية و المدن الكبرى الأخرى