ياتري ايه الاسباب الي بتتحكم في الاحساس بالسرعة؟حد يعرف!

[sfi]

السلام عليكم ورحمة الله وبركاته
طبعا كثير مننا عارف الاحساس بالسرعة ومقتنع انه يرتبط بالثبات ويتناسب عكسيا معه ولكن في اسباب ثانية اكيد بس انا معرفهاش
يعني لما تركب عربية وتمشي بيها 120 ولتكن النترا مثلا تحس انك ماشي طبيعي
وبعدين تركب مرسيدس وتمشي نفس السرعة هتحس انك ماشي 60 مش 120
فعاوز اعرف ايه الاسباب غير الثبات الي بتقلل احساسك بالسرعة
عشان في حاجة غريبة في عربية اودي وهي لما بتكون ماشي 120 بتحس نفسك طاير لدرجة ان الالنترا احساسك بالسرعة فيها اقل
يبقي اكيد في حاجة غلط ولا ايه؟!!

[yousefsemsem]

طرق العزل اللي بتبقي جوه السياره حدم الاحساسا بالهوا ولا بالاصوات الخارجيه وطبعا زي ماقولت عوامل الثبات هي الي بتخليك تحس بكده

[aymanshebl]

تصميم السيارة اللى هو الايروديناميك و العفشة و ديه مهمة جدا فى الاحساس بالثبات يعنى العفشة الملتى لينك بتدى ثبات اعلى من العفشة التورشن بيم

[hossam_elwani]

متابع وجه النظر دى فعلا بلاحظها على الواقع زيك

[Al-Farooq]

اعتقد العوامل التالية :-
1- درجة عزل المقصورة عن الاصوات الخارجية.
2- مدي هدوء صوت الموتور.
3- نوع او خصائص الباور ستيرنج.
4- مدي ثبات السيارة فى المناورات و المنحنيات.
5- نوع العفشة تورشن ولا مالتي.
6- ديناميكية تصميم الهيكل الخارجي وتحديد مسارات الهواء.
7- نوع العربية ، جر امامي ام دفع خلفي ام رباعي.
8- نوع الكاوتش ومقاس الجنط.

[sfi]

كلام ممتاز اوي
طيب ازاي عربية بي ام مثلا فيها كل الي قلتوه واحساس بالسرعة غريب تحس نفسك طاير وانت علي 120 يبقي المشكلة فين ولا دا طبيعتها معرفش
طيب حد يعرف العربيات الرياضية والي بتكون واطية عالارض احساس السرعة فيها عالي ولا منخفض ؟ سؤال للعباقرة فقط

[Karim Ibiza]

الأسباب كتير ومش هتصدق لو قولتلك ان وضعية القيادة بتفرق وتنجيد الكراسى

لكن الأسباب الأساسية هى نوع الكاوتش وعرضه والبروفيل بتاعه
وزن العربية ونظام التعليق
العزل
صوت الموتور
صوت الشكمان
انسيابية الهواء ودرجة احتكاكه بالجسم الخارجى للعربية
نظام الدفع
حجم الموتور لأنك لو ماشى 150 بموتور 1000 سى سى غير لما تمشى على نفس السرعة بنفس العربية بس بموتور 1600 سى سى

[Karim Ibiza]

كلام ممتاز اوي
طيب ازاي عربية بي ام مثلا فيها كل الي قلتوه واحساس بالسرعة غريب تحس نفسك طاير وانت علي 120 يبقي المشكلة فين ولا دا طبيعتها معرفش
طيب حد يعرف العربيات الرياضية والي بتكون واطية عالارض احساس السرعة فيها عالي ولا منخفض ؟ سؤال للعباقرة فقط

الألمانى عموما بيحسسك وانت سايق انك بتهد الدنيا وفى الأخر تلاقى نفسك ماشى 120
وده بسبب ان العربيات وزنها تقيل فبالتالى الضغط على الكاوتش بيكون كبير وبالتالى احتكاك الكاوتش بالارض بيكون اعلى ومن هنا الصوت بيعلى
وكمان العربيات الالمانى مش انسيابية زى الأسيوى

المعروف ان كل ما كانت العربية واطية كل ما كان احساسك بالاسفلت والمطبات اعلى وبالتالى احساسك بالسرعة اعلى لكن بتكون متطمن لأن الثبات بيكون أعلى

[aymanshebl]

كلام ممتاز اوي
طيب ازاي عربية بي ام مثلا فيها كل الي قلتوه واحساس بالسرعة غريب تحس نفسك طاير وانت علي 120 يبقي المشكلة فين ولا دا طبيعتها معرفش
طيب حد يعرف العربيات الرياضية والي بتكون واطية عالارض احساس السرعة فيها عالي ولا منخفض ؟ سؤال للعباقرة فقط

الاحساس فى العربيات اللى هى قريبة من الارض بالسرعة قليل يعنى هتكون ماشى على 120 مثلا تحس انك ماشى على 60 ده لان العربيات ديه بتيقى قريبة من الارض يعنى مقدار الجاذبية عليها عالية فيتبقى ثابتة و الاحساس بالسرعة بيقل و كمان الهواء اللى مارر اسفلها يبقى قليلة فبيدى احساس بالثبات و عدم الخفة او التعويم بعكس العربيات العادية اللى بتبقى مرتفعة عن الارض

[Karim Ibiza]

الاحساس فى العربيات اللى هى قريبة من الارض بالسرعة قليل يعنى هتكون ماشى على 120 مثلا تحس انك ماشى على 60 ده لان العربيات ديه بتيقى قريبة من الارض يعنى مقدار الجاذبية عليها عالية فيتبقى ثابتة و الاحساس بالسرعة بيقل و كمان الهواء اللى مارر اسفلها يبقى قليلة فبيدى احساس بالثبات و عدم الخفة او التعويم بعكس العربيات العادية اللى بتبقى مرتفعة عن الارض

الأحساس بالثبات حاجة والاحساس بالسرعة حاجة تانية

طبعا زى ماحضرتك قولت ان كل ما كانت العربية عالية كل ما قل الاحساس بالثبات
لكن الوضع مختلف بالنسبة للاحساس بالسرعة

[aymanshebl]

الأحساس بالثبات حاجة والاحساس بالسرعة حاجة تانية

طبعا زى ماحضرتك قولت ان كل ما كانت العربية عالية كل ما قل الاحساس بالثبات
لكن الوضع مختلف بالنسبة للاحساس بالسرعة

مهو حضرتك الاحساس بالثبات بينعكس على الاحساس بالسرعة و لاحظ حضرتك ده احساس مبنى على شعور الشخص بالشى يعنى لو الثبات وحش على سبيل المثال و يا ريت الناس متزعلش منى الفيرنا مثلا الثبات بتعها بعد ال 100 مش تمام يعنى ممكن تكون ماشى على 60 و تحس انك طاير بيها على 120 مع انك ماشى على 60 انما الالنترا 2010 مثلا ممكن تكون ماشى على سرعة 140 مثلا و حاسس انك على 100 ده صاحب الموضوع يقصده و الله اعلى و اعلم طبعا

[sfi]

طيب مين الصح كلام استاذ كريم ولا الاستاذ ايمن
بس اعتقد كل ما العربية اوطي عالارض احساسك بالسرعة هيزيد ولا ايه؟

[sfi]

عن اذنكوا عندي مشوار كملو مناقشة لغاية لما اجي

[aymanshebl]

انت عامل الموضوع و هتمشى و تسيبنا تتناقش لوحدنا هههههههههههههه

[Karim Ibiza]

مهو حضرتك الاحساس بالثبات بينعكس على الاحساس بالسرعة و لاحظ حضرتك ده احساس مبنى على شعور الشخص بالشى يعنى لو الثبات وحش على سبيل المثال و يا ريت الناس متزعلش منى الفيرنا مثلا الثبات بتعها بعد ال 100 مش تمام يعنى ممكن تكون ماشى على 60 و تحس انك طاير بيها على 120 مع انك ماشى على 60 انما الالنترا 2010 مثلا ممكن تكون ماشى على سرعة 140 مثلا و حاسس انك على 100 ده صاحب الموضوع يقصده و الله اعلى و اعلم طبعا

عندك حق بس اللى حضرتك قصدك عليه ده احساس بعدم الامان
لكن احساس السرعة ده ليه علاقة اكتر بأصوات الهواء والكاوتش والموتور