ياتري ايه الاسباب الي بتتحكم في الاحساس بالسرعة؟حد يعرف!

[aymanshebl]

عندك حق بس اللى حضرتك قصدك عليه ده احساس بعدم الامان
لكن احساس السرعة ده ليه علاقة اكتر بأصوات الهواء والكاوتش والموتور

هههه ما هو حضرتك الاحساس بعدم الامان نتيجة احساسى الزيادة بالسرعة عن معدلها الطبيعى اللى مسجل على عداد العربية تجيبها كده تجيلها كده هى كده ههههههه

[buddha]

كل ما الوزن بتاع العربية زاد كل ما الاحساس بالسرعة بقى اشد
واحد صابى معاة مرسيدس clk
لما بيشى مثلا 80 ولا 100 بحس ان اكنى طاير
بس تقريبا عشان الهورس باور عالى ممكن هو ال بيدى الاحساس دة

[M.Ayman]

السلام عليكم ورحمة الله وبركاته
طبعا كثير مننا عارف الاحساس بالسرعة ومقتنع انه يرتبط بالثبات ويتناسب عكسيا معه ولكن في اسباب ثانية اكيد بس انا معرفهاش
يعني لما تركب عربية وتمشي بيها 120 ولتكن النترا مثلا تحس انك ماشي طبيعي
وبعدين تركب مرسيدس وتمشي نفس السرعة هتحس انك ماشي 60 مش 120
فعاوز اعرف ايه الاسباب غير الثبات الي بتقلل احساسك بالسرعة
عشان في حاجة غريبة في عربية اودي وهي لما بتكون ماشي 120 بتحس نفسك طاير لدرجة ان الالنترا احساسك بالسرعة فيها اقل
يبقي اكيد في حاجة غلط ولا ايه؟!!

اودي ايه بالظبط انا ركبت عربية صاحبي Audi A4 صاحبي كان ماشي ١٩٠ و انا مكنتش حاسس انه ماشي بسرعه اكتر من ٩٠ اصلا !!!!

[haitham fares]

عن تجربة ..كل اما ارتفعت العربية عن الارض احساسك بالسرعة بيقل يعنى تبقى ماشي على سرعات عالية واحاساسك ان السرعة منخفضة ..

[mhf_77]

اودي ايه بالظبط انا ركبت عربية صاحبي Audi A4 صاحبي كان ماشي ١٩٠ و انا مكنتش حاسس انه ماشي بسرعه اكتر من ٩٠ اصلا !!!!

نفس التجربه ونفس الانطباع بس كنت انا اللى سايق وكاسر ال 200 وحاسس انى راكب (فلوكه) ساعة عصارى ( ملحوظه - الفلوكه شيئ يمشى فى البحر ويعتبر نفس استخدام الحنطور على البر )

[sfi]

انت عامل الموضوع و هتمشى و تسيبنا تتناقش لوحدنا هههههههههههههه

ههههه انا جيت علي طول اهه هههههه

عندك حق بس اللى حضرتك قصدك عليه ده احساس بعدم الامان
لكن احساس السرعة ده ليه علاقة اكتر بأصوات الهواء والكاوتش والموتور

شكرا علي التوضيح استاذ كريم

كل ما الوزن بتاع العربية زاد كل ما الاحساس بالسرعة بقى اشد
واحد صابى معاة مرسيدس clk
لما بيشى مثلا 80 ولا 100 بحس ان اكنى طاير
بس تقريبا عشان الهورس باور عالى ممكن هو ال بيدى الاحساس دة

هوا ده الي قصدي عليه وشكله كدا طبيعي ولا ايه

اودي ايه بالظبط انا ركبت عربية صاحبي audi a4 صاحبي كان ماشي ١٩٠ و انا مكنتش حاسس انه ماشي بسرعه اكتر من ٩٠ اصلا !!!!

ال 190 احساسها عادي لكن انا بتكلم ف 120 بحسها اسرع من 120

عن تجربة ..كل اما ارتفعت العربية عن الارض احساسك بالسرعة بيقل يعنى تبقى ماشي على سرعات عالية واحاساسك ان السرعة منخفضة ..

تمام يبقي السبب ممكن انخفاض العربية

نفس التجربه ونفس الانطباع بس كنت انا اللى سايق وكاسر ال 200 وحاسس انى راكب (فلوكه) ساعة عصارى ( ملحوظه - الفلوكه شيئ يمشى فى البحر ويعتبر نفس استخدام الحنطور على البر )

طيب وال 120

[monamize4]

الأسباب كتير ومش هتصدق لو قولتلك ان وضعية القيادة بتفرق وتنجيد الكراسى

لكن الأسباب الأساسية هى نوع الكاوتش وعرضه والبروفيل بتاعه
وزن العربية ونظام التعليق
العزل
صوت الموتور
صوت الشكمان
انسيابية الهواء ودرجة احتكاكه بالجسم الخارجى للعربية
نظام الدفع
حجم الموتور لأنك لو ماشى 150 بموتور 1000 سى سى غير لما تمشى على نفس السرعة بنفس العربية بس بموتور 1600 سى سى

+11111111
رد وافى

و احب اقول ان imo مرسيدس هى الافضل ف الحوار دا (اكيد انا مجربتش ال RR او ال Maybach ) و خصوصا من ال E class فما فوق ,,,, بجد مش هتعرف السرعة غير من ال speedometer ,, و يساعد على كدة طبعا ان مرسيدس بتتفوق ف موضوع ال drag coefficient

فعلا ,,, مرسيدس بتطلع عربيات A-1 لا غبار عليها

[4fun14]

اعتقد عوامل كتيييره اوى
اهمها اللى ذكرها الاعضاء
واضيف عليه :-تمهيد الارض نفسها
اكيد الشارع الجرى على شارع مدغدغ يحسسك انك ماشى بسرعه غير لو شارع حرير وماشى بنفس السرعه
-قوه الرياح واتجاهها
-سرعه وكثافه العربيات اللى حواليك
يعنى لما تمشى على 100 فى شارع مكركب شويه وغرز وحركات..غير لما تمشى فى طريق سريه لوحدك خالص
-بالمناسبه دى مش معلومات او حقائق بس محاوله انى اشغل مخى معاكوا مش اكتر وممكن تكون فيها اخطاء

[S O P H O S]

العزل والتصميم ونسب احتكاك العربية بالطريق الخ

[el diesel]

اعتقد ان الاحساس ده بيبقى مقصود من الشركات ذات نفسها
يعنى لما تركب عربية رياضية وتسمع صوت الموتور وجسمك يحس بالسحبة على الاسفلت وصد الهوا وانت ماشى على 120 غير لما تركب عربية بنفس الامكانيات بس الهدف منها اعلى مستوى من الثبات و الراحة بحيث انك تبقى ماشى برضه 120 بس مش حاسس بحاجة
تختلف بقى التفاصيل من عربية للتانية و من شركة للتانية من حيث تصميم المقدمة و انظمة التعليق و اداء الموتور و العزل الداخلى