رسالة من عامل البنزينة

[Yoyo.yasso]

السلام عليكم

طبعا كلنا سامعين عن ازمة البنزين والسولار الموجودة دلوقتى

انا كل ما اخرج اراقب البنزينات اللى حواليا علشان خلاص التانك كان بيفضى بس للاسف بلاقى طوابيـــــــر طويــــــلة او بلاقى البنزينة قافلة اصلا ومافيهاش بنزين

النهاردة كنت نازلة وقلت اشوف اى بنزينة وأقف فى الطابور وامرى لله
رحت البنزينة اللى بعد فلفلة واحنا راجعين من ميدان الرماية
اكيد سكان الهرم يعرفوها
هى بنزينة كبيرة وفيها on the run

المهم وقفت طبعا طابور كبير فضلت تقريبا نص ساعه او ساعه الا ربع
اول ما قربت خلاص على ماكنة البنزين كان ادامى عربية واحده لاقيت عامل من العمال واقف جنبى
المهم بسأله هى الازمة دى هاتفضل لحد امتى كده ؟
قاللى بالنص

قاللى يا مدام احنا اللى عاملين الازمة
قلتله ازاى ؟
قاللى انتى معدية على كام بنزينة وانتى جاية
قلتله بصراحة انا جايه عليكم على طول بس امبارح عديت على كذا بنزينة فى شارع الهرم منهم اللى فيها طوابير اد كده منها اللى كانت قافلة اصلا
قاللى بالظبط
المشكلة فى اللى قافلة اصلا دى
قاللى احنا سلبيين
قلتله المفروض اعمل ايه يعنى
قاللى بلغى
قلتله ابلغ عن ايه ومين
قالى بصى يا مدام احنا ربنا مدينا وزير تموين زى الفل ومش مقصر فى شغله ده بيمشى يوزع ارقام تليفوناته الشخصية على الناس و المساعدين والمندوبين اللى فى الوزراة كلهم بتلاقيهم فى الشارع هما والمفتشين بس الناس دى مش هاتشتغل لوحدها ..البنزينة اللى قافلة دى ممكن تكون بتبيع حصتها فى السوق السودا يا مدام الوزارة بتنزل بنزين ومنتظمة بس التجار واللى شغالين فى البنزينة بياكلوا فى جيبوهم واحنا بالسكوت بتاعنا ده بنساعدهم على كده
مفيش حاجة اسمها بنزينة تقفل
دى يا اما اخدت حصتها وبتوزعها سوق سودا
يا اما ممتنعه عن الاستلام لظروف بأه انا معرفهاش
اللى اعرفه ان فى بنزين ومفيش ازمة بس اللى زى دول وغيرهم هما اللى بيعملوا الازمة اتصلى بلغى وهما هايبعتوا مفتش ولو ثبت انها بتاخد حصتها وبتبيعها سوق سودا هايتعمل لها محضر

قلتله تمام جزاك الله خيرا انا فعلا هابلغ

انا نقلت لكم الحوار اللى حصل بالظبط لانى حسيت انها امانة

انا رجعت ومقررة انى فعلا هاجيب رقم مباحث التموين وابلغ عن اى بنزينة قافلة ومش هاسكت

ده الخط الساخن انا هاكلمهم بكرة
19468

ياريت محدش يسكت لو شاف بنزينة قافلة


ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

3 ب
5:56 PM
2013/6/14

[dr.hazem]

لو الكلام ده حقيقي يبقى جزاكم الله خيرا لان فعلا الموضوع عجيب غريب وربنا وحده الليعالم ايه اللي بيحصل...
تحياتي

Sent from my Xperia Arc S using Forum Runner

[p r i n c e]

جزاك الله خير
هوا فعلا لو الواحد فكر فيها بالمنطق كدا
ازاي أي بنزينة هتسكت لو مجتلهاش الحصة بتاعتها؟ اومال هيا فاتحة ليه لو هيا هتسكت لو حصتها مش بتجيلها او حصتها نقصت؟
بالمنطق كدا مش هيسكتوا و يقفلوا البنزينة كدا من غير ما يعترضوا إلا إذا حصتهم بتجيلهم و بيبيعوها كلها أو جزء منها سوق سودا والله أعلم مش عاوز ارمي حد بالباطل، الواحد مش ناقص ذنوب
بس دا بردو ميشيلش المسؤولية من على الريس و الحكومة
سواء بقى اصحاب البنزينات بتبيع حصتها سوق سودا أو لأ

[rompo10]

جزاكي الله خيرا انا هاعمل كدع وابلغ عن اي بنزينه

[M.Ayman]

لو كده فعلا طبعا ياريت كلنا منستناش و نبلغ علطول ... مع ان برضه مكنتش دي مسئوليتنا لأن الرقابه عندها عين و شايفه الأزمه كان المفروض يتحركوا قبل ما نبلغهم و ربنا يسهل تطلع دي المشكله و تنفرج الأزمه

[MohammedAladel]

مهو لو الناس تبطل سوق سودا وكل واحد يبلغ فى تاجر سوق سودا مكنش زماننا وصلنا لكده

[AHMED12345678]

طيب سؤال بسيط
دلوقتى انا مقيم بمدينه منيا القمح بمحافظة الشرقية واعمل بمدينه التل الكبير بالاسماعيلية
وخط سيرى منيا القمح ثم الزقازيق ثم ابوحماد ثم التل الكبير
وطول هذا الطريق يوجد حوالى 10 او 12 بنزينه ولا اجد طوال فترة الازمة الحالية سوى بنزينه واحدة او اتنين بالكتير فيهم بنزين
مع اننى قبل ذلك كنت اجد بنزين فيهم كلهم تقريبا قبل الازمة
فاية السبب الى خلاهم كلهم يتفقوا فى وقت واحد على المتاجرة بالحصة فى السوق السودا او عدم استلام الحصة
مع العلم ودة الشئ الاغرب ان السولار متوافر فى معظمهم وان كان بيكون فى طوابير علية بس موجود
فانهى الاولى بالمتاجرة بالسوق السودا بنزين 92 ولا السولار
حاجة مش مفهومة

[khaabas]

هههههههههههههههههههههع لحظة أبكى ترانى تأثرت ؛)

[abou-yahia]

وبتوع وزاره التموين مش عارفين ان فيه بنزينات قافله

الكلام ده مش صح للاسف

الازمه حقيقيه والوزاره عارفه سواء تموين او بترول

عشان كده حتلاقيهم هما الاتنين ساكتين ولا يتبادلوا الاتهامات ذي زمان فاكرين

Sent from my GT-P5100 using Forum Runner

[mahmoud85]

هو كلام جميل وبيعطي امل ان الناس الوحشه هي اللي مانعه البنزين
طب بصي حضرتك جربي تشتري من السوق السوده كده ... هتدوخي علي ما تلاقي اصلا بنزين في السوق السوده
وبعدين هو الوزير التمام ماحلش ازمه البنزين والسولار زي العيش والغاز ليه ؟
وهي الوزاره مش عارفه ان الناس بقالها اسبوعين بتتحرق عشان تلاقي نقطه بنزين ؟
وهي الوزاره ماكنتش بتشوف الناس وهي بتتحرق علي نقطه سولار ؟
وازاي الوزاره بتطمن الناس لما الازمه بتحصل لانهم طبعا عارفين ان فيه ازمه
والناس دايما بتقطع الطرق والسكك الحديد عشان السولار والبنزين معناها ايه معناها ان الوزاره عارفه
اللي يبلغ بقا او مايبلغش هو حر
مافيش فايده

[mohamed_selim]

طيب سؤال بسيط
دلوقتى انا مقيم بمدينه منيا القمح بمحافظة الشرقية واعمل بمدينه التل الكبير بالاسماعيلية
وخط سيرى منيا القمح ثم الزقازيق ثم ابوحماد ثم التل الكبير
وطول هذا الطريق يوجد حوالى 10 او 12 بنزينه ولا اجد طوال فترة الازمة الحالية سوى بنزينه واحدة او اتنين بالكتير فيهم بنزين
مع اننى قبل ذلك كنت اجد بنزين فيهم كلهم تقريبا قبل الازمة
فاية السبب الى خلاهم كلهم يتفقوا فى وقت واحد على المتاجرة بالحصة فى السوق السودا او عدم استلام الحصة
مع العلم ودة الشئ الاغرب ان السولار متوافر فى معظمهم وان كان بيكون فى طوابير علية بس موجود
فانهى الاولى بالمتاجرة بالسوق السودا بنزين 92 ولا السولار
حاجة مش مفهومة

عشان حنفية التهريب اتقفلت بالكروت اللى مع عربيات نقل البنزين و فى شركات لقو عندها بنزينات وهميه فبيوفقو اوضاعهم و الكميات اللى نازلالهم قلت او هم بيرفضو الاستلام (لوى دراع)

نفس قصة اصحاب المخابز مع نظام الدعم الجديد ... لما حنفبة السرقه بتتقفل بيفلفصو و بيصدرو المشكله للناس

[Ahmed_Ramadan]

يا جدعان فيه أزمة فعلا بلاش التقليل منها و لازم الإعترف بيها .... طيب لو مفيش أزمة حد يقولى بنزينات وطنية معندهاش بنزين ليه ؟؟!! بتهرب و لا بتمتنع عن الإستلام برضه ؟؟!!

[medo111]

لا الموضوع مش كدا الموضوع فيه كذا سبب
1-البنزينه الي بتبقي قافله دي وارد انها تكون جاتلها حصتها وخلصت وقفلت واغلبيه البنزينات الي في المنصوره كدا تلاقي عليها زحمه وبعد خمس ست سعات قافله
2- غير كدا الي كان بيدخل البنزينه يحط عشره عشرين لتر كان زمان الوقتي كلو داخل يفول فا البنزينه بتخلص بدري
3- الناس ابتدت تخزن البنزيين

الخلاصه ان مفيش وافره

[abou-yahia]

تبرير تبرير تبرير

اقسم غير حانث اننا سنسمع نفس هذه التبريرات كمان عشر سنوات

احنا شعب طيب بنعرف نحلي الصبر

[أحمد جودة]

السلام عليكم

طبعا كلنا سامعين عن ازمة البنزين والسولار الموجودة دلوقتى

انا كل ما اخرج اراقب البنزينات اللى حواليا علشان خلاص التانك كان بيفضى بس للاسف بلاقى طوابيـــــــر طويــــــلة او بلاقى البنزينة قافلة اصلا ومافيهاش بنزين

النهاردة كنت نازلة وقلت اشوف اى بنزينة وأقف فى الطابور وامرى لله
رحت البنزينة اللى بعد فلفلة واحنا راجعين من ميدان الرماية
اكيد سكان الهرم يعرفوها
هى بنزينة كبيرة وفيها on the run

المهم وقفت طبعا طابور كبير فضلت تقريبا نص ساعه او ساعه الا ربع
اول ما قربت خلاص على ماكنة البنزين كان ادامى عربية واحده لاقيت عامل من العمال واقف جنبى
المهم بسأله هى الازمة دى هاتفضل لحد امتى كده ؟
قاللى بالنص

قاللى يا مدام احنا اللى عاملين الازمة
قلتله ازاى ؟
قاللى انتى معدية على كام بنزينة وانتى جاية
قلتله بصراحة انا جايه عليكم على طول بس امبارح عديت على كذا بنزينة فى شارع الهرم منهم اللى فيها طوابير اد كده منها اللى كانت قافلة اصلا
قاللى بالظبط
المشكلة فى اللى قافلة اصلا دى
قاللى احنا سلبيين
قلتله المفروض اعمل ايه يعنى
قاللى بلغى
قلتله ابلغ عن ايه ومين
قالى بصى يا مدام احنا ربنا مدينا وزير تموين زى الفل ومش مقصر فى شغله ده بيمشى يوزع ارقام تليفوناته الشخصية على الناس و المساعدين والمندوبين اللى فى الوزراة كلهم بتلاقيهم فى الشارع هما والمفتشين بس الناس دى مش هاتشتغل لوحدها ..البنزينة اللى قافلة دى ممكن تكون بتبيع حصتها فى السوق السودا يا مدام الوزارة بتنزل بنزين ومنتظمة بس التجار واللى شغالين فى البنزينة بياكلوا فى جيبوهم واحنا بالسكوت بتاعنا ده بنساعدهم على كده
مفيش حاجة اسمها بنزينة تقفل
دى يا اما اخدت حصتها وبتوزعها سوق سودا
يا اما ممتنعه عن الاستلام لظروف بأه انا معرفهاش
اللى اعرفه ان فى بنزين ومفيش ازمة بس اللى زى دول وغيرهم هما اللى بيعملوا الازمة اتصلى بلغى وهما هايبعتوا مفتش ولو ثبت انها بتاخد حصتها وبتبيعها سوق سودا هايتعمل لها محضر

قلتله تمام جزاك الله خيرا انا فعلا هابلغ

انا نقلت لكم الحوار اللى حصل بالظبط لانى حسيت انها امانة

انا رجعت ومقررة انى فعلا هاجيب رقم مباحث التموين وابلغ عن اى بنزينة قافلة ومش هاسكت

ده الخط الساخن انا هاكلمهم بكرة
19468

ياريت محدش يسكت لو شاف بنزينة قافلة


ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

3 ب
5:56 pm
2013/6/14

أولا بشكر حضرتك على الموضوع الجميل دة

ثانياً يا جماعة تعالو نحكم العقل شوية معقولة كل العدد دة من محطات التموين هتقفل فى وقت واحد
أو هتبيع حصتها فى وقت واحد بالمنطق مينفعش

الموضوع وما فيه ودة أخبار من داخل وزارة البترول ونازلة بجريدة الشروق اليوم

خلالالالالالالالالالالالالالالالاص مفيش دعم

البنزين 80 سوف يتم إلغاءه
هينزل 85 بدلا منه وهيكون بسعرة العادي داخل الكارت الالكتروني اللي هايتعمل
سعرة الحر ( 2.75) ودة لما رصيد حضرتك يخلص من البنزين المدعم
الـــــ 90 أعتقد تم الغاءه بالفعل
الـــــ 92 هيكون 4.75 معرفش ديبقي داخل ضمن نظام الكارت الالكتروني ولا لاء

ياجماعة الفترة الجاية صعبة جداً وربنا يسترها على البلد
لان الموضوع دة لو اتنفذ بالفعل هتكون مجاعة بجد وناس كتييييييييييييييير هتموت من الجوع

استرها يارب

واحد بيحب البلد