الالتفاف للخلف (U turn) نظرة هندسيه

[محمد عز]

أعزائي واخوتى أعضاء نايل موتورز الكرام

لفت نظرى موضوع فى القسم التعليمة عن U Turn (الالتفات للخلف)
فحبيت اعمل الموضوع ده بحيث انه يوضح بعض الجزئيات
حيث ان الاخوة الافاضل فى الموضوع ذكروا نواحى تتعلق بالسيارة فقط وقطر دوران كل سيارة واغفله جانب مهم جدا وهو الطريق نفسه

وتانى حاجة حبيت انقلكم ايه هى الطريقة الصحيحة لل U Turn

ما هو ال U turn

اليو تيرن زى اى تقاطع فى الدنيا بس مش بيسمح غير بحركة واحدة بس وهى الالتفاف للخلف بالسيارة
وبالتالى نقدر نقول كلمة تقاطع ده كبيره عليه لان مافيش اى طرق بتتقاطع

طيب هل فيه تصميمات مختلفه للU turn

ال U turn ليه تصميمات مختلفه تبعا للطريق الموجود عليه
يعنى مثلا لو موجود على طريق سريع هيبقاله مواصفات بتحدد ابعاده وطوله نتجيه للسرعه العاليه على الطريق
ولو موجود على طريق داخل المدينه بيبقى ليه مواصفات تانيه

ايه ياعم الكلام الكبير ده

تعالوا نوضح الكلام بصورة



الصورة هنا بتوضح ال U turn لو بصينا من ناحية اليمن هنلاقى اتجاه حركة المرور لاعلى والطريق مكون من 3 حارات فى كل اتجاه وقبل فتحة ال u turn بيتم اضافه حارة اضافيه لدخول السيارت والهدف منها تهدئة السرعه قبل الدخول فى فتحة ال U turn والهدف التانى هو فصل حركة السيارت اللى هتعمل U turn عن الطريق الرئيسى

وزى ما انتوا شايفين العربيه الصفرا بتعمل u turn وبتخرج برده فى حارة اضافيه والهدف منها زيادة سرعة السيارة وتهيئتها للدخول فى الطريق
وعدم تعطيل حركة السير والمرور على الطريق

كلام جميل لحد هنا وده المفروض يحصل لكن طبعا فى مصر وضع تانى من ناحيه تصميم الطرق والسلامة المروريه وبالتالى حوادث الطرق مش بتحصل اعتباطا

ياعم كلمنا عن الوضع الشائع فى مصر

حاضر ياجماعه صبركم عليا نجى للوضع الشاءع فى مصر لل U turn

وده صورة بتوضحه



وهى عبارة عن فتحة بدون اى حارات اضافيه

طب والعمل ايه دلوقتى ازاى نلف من ال U trun اللى عملتنا من حكايه ده

القاعدة المروريه انك لما تلف من الU turn بلتزم الجانب الايسر للطريق وبعد كده لو متجه ناحيه اليمن بتغير الحارة اللى انت فيها وبتتجه ناحيه اليمين
طبعا معظم السواقين فى مصر وبالاخص سواقين الميكروباص بيلف من ال U turn ويقطع الطريق بكامل العربيه ويروح اقصى اليمين وده غلط

طيب شوية صور توضح الكلام ده علشان انا تهت منك

من عينيا الاتنين

ده صور بتوضح ازاى نعمل u turn صح وايه الاخطاء الشائعه



زى ما احنا شايفين فى الصورة اللى فوق
الحالة رقم واحد اللى ناحيه اليمين هى الصح وهو انك تلف بالسيارة وتلتزم اليسار

الحالة اللى فى الوسط وده الخطا الشائع وهو انك تلف بالسيارة وتروح اقصى اليمين وده بيوقف الطريق وبيعرضك لحوادث لو الطريق مظلم وغير كمان رؤيتك للطريق مش بتبقى كويسه

الحالة التالته وهى غلط برده وهو انه سيارتين يلفوا مع بعض وده بيسسب عطله للمرور وغير كمان انهم ممكن يخبطوا بعض ويعملو حادثه والنقط الحمرا بتوضح احتمالات التصادم

وده نتجيه عدم مراعاة شعور الاخرين وان الناس فاكرة ان السواقه عافيه وقلة ادب

يارب يكون الموضوع افادكم

ملحوظة (الموضوع مجهود شخصى والصور من تصميمى ورسمى )

[tutankhamoun]

شكرا يا أستاذ كاسبر
و زي ما أنا وضحت و قلت إن مينفعش أثنين يلفوا مع بعض

بلد تقرف

[ENG\AHMED]

أعزائي واخوتى أعضاء نايل موتورز الكرام

لفت نظرى موضوع فى القسم التعليمة عن U Turn (الالتفات للخلف)
فحبيت اعمل الموضوع ده بحيث انه يوضح بعض الجزئيات
حيث ان الاخوة الافاضل فى الموضوع ذكروا نواحى تتعلق بالسيارة فقط وقطر دوران كل سيارة واغفله جانب مهم جدا وهو الطريق نفسه

وتانى حاجة حبيت انقلكم ايه هى الطريقة الصحيحة لل U Turn

ما هو ال U turn

اليو تيرن زى اى تقاطع فى الدنيا بس مش بيسمح غير بحركة واحدة بس وهى الالتفاف للخلف بالسيارة
وبالتالى نقدر نقول كلمة تقاطع ده كبيره عليه لان مافيش اى طرق بتتقاطع

طيب هل فيه تصميمات مختلفه للU turn

ال U turn ليه تصميمات مختلفه تبعا للطريق الموجود عليه
يعنى مثلا لو موجود على طريق سريع هيبقاله مواصفات بتحدد ابعاده وطوله نتجيه للسرعه العاليه على الطريق
ولو موجود على طريق داخل المدينه بيبقى ليه مواصفات تانيه

ايه ياعم الكلام الكبير ده

تعالوا نوضح الكلام بصورة



الصورة هنا بتوضح ال U turn لو بصينا من ناحية اليمن هنلاقى اتجاه حركة المرور لاعلى والطريق مكون من 3 حارات فى كل اتجاه وقبل فتحة ال u turn بيتم اضافه حارة اضافيه لدخول السيارت والهدف منها تهدئة السرعه قبل الدخول فى فتحة ال U turn والهدف التانى هو فصل حركة السيارت اللى هتعمل U turn عن الطريق الرئيسى

وزى ما انتوا شايفين العربيه الصفرا بتعمل u turn وبتخرج برده فى حارة اضافيه والهدف منها زيادة سرعة السيارة وتهيئتها للدخول فى الطريق
وعدم تعطيل حركة السير والمرور على الطريق

كلام جميل لحد هنا وده المفروض يحصل لكن طبعا فى مصر وضع تانى من ناحيه تصميم الطرق والسلامة المروريه وبالتالى حوادث الطرق مش بتحصل اعتباطا

ياعم كلمنا عن الوضع الشائع فى مصر

حاضر ياجماعه صبركم عليا نجى للوضع الشاءع فى مصر لل U turn

وده صورة بتوضحه



وهى عبارة عن فتحة بدون اى حارات اضافيه

طب والعمل ايه دلوقتى ازاى نلف من ال U trun اللى عملتنا من حكايه ده

القاعدة المروريه انك لما تلف من الU turn بلتزم الجانب الايسر للطريق وبعد كده لو متجه ناحيه اليمن بتغير الحارة اللى انت فيها وبتتجه ناحيه اليمين
طبعا معظم السواقين فى مصر وبالاخص سواقين الميكروباص بيلف من ال U turn ويقطع الطريق بكامل العربيه ويروح اقصى اليمين وده غلط

طيب شوية صور توضح الكلام ده علشان انا تهت منك

من عينيا الاتنين

ده صور بتوضح ازاى نعمل u turn صح وايه الاخطاء الشائعه



زى ما احنا شايفين فى الصورة اللى فوق
الحالة رقم واحد اللى ناحيه اليمين هى الصح وهو انك تلف بالسيارة وتلتزم اليسار

الحالة اللى فى الوسط وده الخطا الشائع وهو انك تلف بالسيارة وتروح اقصى اليمين وده بيوقف الطريق وبيعرضك لحوادث لو الطريق مظلم وغير كمان رؤيتك للطريق مش بتبقى كويسه

الحالة التالته وهى غلط برده وهو انه سيارتين يلفوا مع بعض وده بيسسب عطله للمرور وغير كمان انهم ممكن يخبطوا بعض ويعملو حادثه والنقط الحمرا بتوضح احتمالات التصادم

وده نتجيه عدم مراعاة شعور الاخرين وان الناس فاكرة ان السواقه عافيه وقلة ادب

يارب يكون الموضوع افادكم

ملحوظة (الموضوع مجهود شخصى والصور من تصميمى ورسمى )

+1000
بس انت نسيت فى الصورة بتاعت مصر ان يبقى الطريق كلة عربيات صفرا (العربيات اللى هتدخل U-turn) ويادوب حارة واحدة فى الاخر علشان العربيات اللى مكملة فى نفس طريقها والطريق كلة واقف :cuss:
فى مصر سواقين التاكسى والميكروباصات ونسبة كبيرة من الملاكى بيعملوها L-Turn !!! :D بيقطع الشارع بالعرض ويلف فى اقصى حارة على يمين الطريق

[ahmedsamir79]

تسلم إيدك يا معلم

[محمد عز]

بس انت نسيت فى الصورة بتاعت مصر ان يبقى الطريق كلة عربيات صفرا (العربيات اللى هتدخل U-turn) ويادوب حارة واحدة فى الاخر علشان العربيات اللى مكملة فى نفس طريقها والطريق كلة واقف

طبعا هو جزء كبير من المشكله ده غياب التخطيط للشوارع والتقاطعات
يعنى المفروض يبقى فيه نموذج للتنبؤ بالحركة المروريه لمدينه القاهرة فى المستقبل مثلا لسنة 2020 ول 2030
وبالتالى يشوف فين اماكن الزحام والاختناقات المروريه ويحاول يحلها

لكن التهريج اللى بيحصل فى مصر ده اسمه قلة ادب
انه يقفل كل التقاطعات ويحولها يو تيرن

ملحوظه تم تطوير نموذج للتنبؤ بالحركة المروريه لمدينه القاهرة الكبري بواسطة الوكالة اليابانيه جايكا حيث كان لى الشرف للعمل معهم فى ذلك النموذج ولكن لا يستخدم فى اى تخطيط وكالعادة حبيس الادراج والهارد ديسك

[ENG\AHMED]

طبعا هو جزء كبير من المشكله ده غياب التخطيط للشوارع والتقاطعات
يعنى المفروض يبقى فيه نموذج للتنبؤ بالحركة المروريه لمدينه القاهرة فى المستقبل مثلا لسنة 2020 ول 2030
وبالتالى يشوف فين اماكن الزحام والاختناقات المروريه ويحاول يحلها

لكن التهريج اللى بيحصل فى مصر ده اسمه قلة ادب
انه يقفل كل التقاطعات ويحولها يو تيرن

ملحوظه تم تطوير نموذج للتنبؤ بالحركة المروريه لمدينه القاهرة الكبري بواسطة الوكالة اليابانيه جايكا حيث كان لى الشرف للعمل معهم فى ذلك النموذج ولكن لا يستخدم فى اى تخطيط وكالعادة حبيس الادراج والهارد ديسك

ياباشا تخطيط حركة مرورية لمدينة القاهرة اية اللى بنتكلم فية طيب القاهرة دى خلاص بقت حالة فيها استحالة سيبك منها روح شوف المدن الجديدة نفس الغباء فى التخطيط والنظام , يعنى انت بتقسم فى حتة صحرا فاضية اية المانع ان تبقى الشورع واسعة ومستقيمة بدل الشوارع اللى ماشية عاملة زى الثعبان , للأسف هم بيدورو ازاى لما تبقى عندك حتة ارض متر X متر ازاى تلم منها فلوس على اد لما تقدر فا طبيعى لا هيبصو على نظام ولا تخطيط ولا شوارع
للأسف مشكلتنا مش فى الامكانيات مشكلتنا فى التفكير لو عرفنا ازاى نفكر هنحل مشاكل كتير اوى

[محمد عز]

سيبك منها روح شوف المدن الجديدة نفس الغباء فى التخطيط والنظام , يعنى انت بتقسم فى حتة صحرا فاضية اية المانع ان تبقى الشورع واسعة ومستقيمة بدل الشوارع اللى ماشية عاملة زى الثعبان , للأسف هم بيدورو ازاى لما تبقى عندك حتة ارض متر X متر ازاى تلم منها فلوس على اد لما تقدر فا طبيعى لا هيبصو على نظام ولا تخطيط ولا شوارع
للأسف مشكلتنا مش فى الامكانيات مشكلتنا فى التفكير لو عرفنا ازاى نفكر هنحل مشاكل كتير اوى

عيوب نظام افتقد اهم عنصرين اساسين للتقدم
عدم القدرة على التخطيط للمستقبل لشتى المجالات
عدم القدرة فى حل المشاكل بشكل جذرى وعلمى وازاله كافه المعوقات

ده غير طبعا الفساد واثاره

[ahmed1981]

بارك الله فيك
أظن لو الموضوع راح على التعديلات المرورية يكون مناسب أكثر
المهم كما قلت فإننا في مصر نفتقد لحارة الإقتراب من مكان الدوران للخلف
نتيجة لأن التنفيذ يتم بدون مواصفات قياسية

[HRH_Sameh]

موضوع لذيذ
تسلم الأيادي

[Nile_Storm]

مجهود واضح جدا
شكرا عليه

[fakoussa]

موضوع جميل فعلا . و بالمناسبة مصر برضه هى الدولة الوحيدة اللى فيها اليو تيرن الفاشل دا . اللى مايخليش اى حد يعرف يعدى الشارع على رجليه دا غير بعده عن الشارع المراد الدخول اليه و ايضا عمل اليو تيرن من ناحية واحدة فقط و ليس من الجهتين مما يؤدى الى الدول بالعكس برضه فى اليو تيرن .
اما بالنسبة لتخطيط المدن الجديدة فهو سئ سئ الى اقصى درجة و خاصة فى القاهرة الجديدة و التى ستتحول الى القاهرة القديمة قريبا جدا .

سوء التخطيط و سوء الادارة هو مصر

[Dr. Elsaadani]

متاسف لاختلافى معاكم كلكم
انا من الاسكندرية
لو حد مر من اى يوتيرن فى البلد حيلاقى ان فيه استاندات حديد عالية حمراء متركبة علشان تبعد القادم فى اتجاهك الجديد لمسافة محترمة لحد اما تدخل معاهم فى اتجاهك اللى داخل فيه

اعتقد ان اى حد مشى داخل الاسكندرية اخذ باله

اهم بيحاولوا يعملوا اللى عليهم شوية شوية وباذن الله حنبقى فى يوم من الايام زى الدول المتقدمة اللى عاملة حارة مخصوصة داخلية للقادم من اليوتيرن

هو حياخذذذذذذذذذذذذذذذذذذذذذذذذذذذذذذذ وقت طويل شوية بس باذن الله حنوصل

[marsguy]

أحب أضيف إضافه

يا ريت لو كمان نعمل للحاره التاته دية رصيف يحدها ونخلي طول الحاره بالرصيف مثلاً 30 متر وده هايخلي اللي يعرف يحود هو بس اللي في الحاره المحدده بالرصيف، عشان اللي عاوز يحود لازم غصباً عنه وعن اللي علمه السواقه إنه يخش الحاره دية من بدري حتى لو كانت ماشيه بالراحه أو واقفه، عشان اللي بيحصل هو إن الجماعه الأعضاء في حزب الفهلوه والنصاحه المتناهيه بيفضلوا ماشيين على اليمين أو في النص وأول ما يوصلوا اليوترن يروح رامي شمال من غير أما يبص ويفترض إن الشارع كله متبع خطواته وهايخش شمال معاه.

ممكن يكون ده إختراع مالوش أي أساس من الصحه بس متلائم مع البيئه المصريه، زي إختراع الأبواب الحديدية اللي بتمنع الناس إنهم يعدوا شارع رمسيس اللي عند جامع الفتح.

[TAREK ZIAD]

تسلم إيدك على الشرح و الصور .... طبعا لازم يكون عرض الجزيرة الوسطى عريض بما يكفى لتحقيق السيولة المطلوبة لليو ترن ...و إلا تحولت الى مصيدة للحوادث كما هو الحال فى مصر ...
للأسف ... كما هو العادة فى بلدنا كلها ... لا يوجد أى تخطيط ...سواء قصير الأجل أو بعيد ... كله عشوائى عشوائى ...
مين يصق إن المنطقة خلف النادى الأهلى بمدينة نصر ... التى كانت حتى وقت قريب جدا صحراء جرداء ... لا أعرف كيف تم تخطيط المهزلة الموجودة حاليا ... يعنى فى الصحرا و مش عارفين يعملوا شوارع محترمة ...
و اليو ترن بطريق السويس للمتجه الى مصر الجديدة .... مأساه أخرى من مأسى العشوائية ... يعنى لو معسكر الجيش تمت إزاحته لمسافة 10 أمتار فقط يمكن عمل حل بدل التخلف الحالى ...

للأسف ... مصر عاملة زى واحد لابس قميص قديم كل ما يتقطع يرقع مكان القطع لما بقت كلها رقع شئ مؤسف...

[ENG\AHMED]

عيوب نظام افتقد اهم عنصرين اساسين للتقدم
عدم القدرة على التخطيط للمستقبل لشتى المجالات
عدم القدرة فى حل المشاكل بشكل جذرى وعلمى وازاله كافه المعوقات

ده غير طبعا الفساد واثاره

المشكلة انهم هنا بيعالجوا الاعراض مش اصل المشكلة يعنى عندك مثلا تقاطع عامل مشكلة بدل ميدرسوا الاسباب ويحلوها لأ يلغوا التقاطع ويعملو U بعد 2 متر يبقى هو كدة خلاص حل مشكلة التقاطع ونقل المشكلة لمشكلة العن عن ال U نتيجة الضغط الزيادة على الشارع

واحد قال كلمة عجبتنى اوى كنا بنتكلم عن الصناعة عندنا ومدى التقدم اللى احنا فية!! قال احنا لسة بنفكر نزرع القمح ولا لأ فقدامنا كتيييير اوى عبال لما نتكلم فى المواضيع دى !!!