الالتفاف للخلف (U turn) نظرة هندسيه

[Chicco]

ألف شكر يا باشمهندس ..الشرح و الصور في قمة الأحتراف ..السهل الممتنع

المشكلة إن تصميم ال-u turn في القاهرة وليد اللحظة ...يعني الشارع ما كانش معمول حساب ال-u-turn فيه و بعدين تفتق ذهن احدهم إنه يلغي تقاطع و يعمل u-turn بداله ...و هوب كسر يا جدع في الرصيف و النتيجة تلاقي نفسك عشان تلف لازم تبقي في عرض الشارع المقابل حتى لو التزمت باقصي اليسار

[boty50]

العجيب هنا بالكويت أن احسن ناس بتخطط طرق
هم مصريين بأدارة المرور أو وزارة الأشغال

شوف مثلا كورنيش الأسكندريه واللفات اللي فيه
تلاقي بداية اليو تيرن تسع ٢ سياره ولكن في
منتصفها بقدرة قادر تلاقيها صفصفت علي
حاره واحده للي يلحق
وده علشان انك لا يمكن تلفها في حارتك بدون
ما تدخل في الحاره الي جنبك
(يو تيرن الشاطبي مثلا)

طبعا دا غير انك تكون ماشي في أمان الله
وتلاقي نفسك ولا بيك ولا عليك داخل في
يو تيرن بكل بساطه

[MoToRiZeR]

الله ينور عليك موضوع و شرح ممتاز
انا بتشل و انا باخد أي يو تيرن علي ما حد يتكرم و يقفلي أعدي لأن لااازم أخش في الحارة الشمال "السريعة" .. إلي جانب الناس اللي بتيجي تلف من جنبي و تكسر و تلاقي 3 و 4 بيلفوا مع بعض .. شوارع مسخرة و الله

خطأ أخر بيضايقني وهي عندما ينقسم الطريق لإتنين واحد بطئ و واحد سريع زي عالمحور مثلاَ .. المفروض جوة الطريق البطئ قبل الفتحة يكون فيه مطب عشان متخشش بسرعتك عالناس اللي داخلة من الفتحة و تلبسوا في بعض .. خاصة إن و إنت داخل بسرعتك من الفتحة بزاوية بيبقي الطريق اللي إنت داخل فيه كله blind spot في المراية فا مفيش حل غير إن اللي وراك يهدي .. مش معمولة غير في فتحة واحدة يتيمة في إتجاه من أكتوبر إلي الحي المتميز .

العجيب هنا بالكويت أن احسن ناس بتخطط طرق
هم مصريين بأدارة المرور أو وزارة الأشغال

بالعكس ده شئ لا يدعو للعجب .. إذا عشت في مصر بسهولة جداَ تقدر تخطط الطرق .. ببساطة هتشوف في إيه معمول في مصر و متعملوش :k37:

[Mystique]

موضوع شيق جدا والرسومات ممتازة فعلا..

أنا مع كل الملاحظات اللي اتقالت من الأعضاء الأفاضل اللي قبلي وهضيف عليهم كمان حاجة عملوها جديد عندنا ف أسيوط..المفروض انها شكل جمالي أو لزيادة السيولة المرورية..صحيح هي ليها بعض المزايا بس للأسف ف أحيان كتيرة بتؤدي للعكس.

الشوارع عندنا معظمها قسموها اتجاهين وعملوا كل 200 او 500 متر U-turn

الشوارع أصلا ضيقة ولما اتعملت من 40 ولا 50 سنة مكانتش مصممة لكدة خالص..فالملف لا يمكن بأي حال من الأحوال يتاخد وانت ماشي أقصى الشمال..لو عملت كدة لازم ترجع بضهرك وتظبط تاني..وساعات لما بيبقى في عربيات راكنة صف تاني أو أول حتى وطالع عن الرصيف سنة..بيخللي الواحد يرجع كذا مرة عشان يظبط نفسه..وف الحالة دي بيقفل الشارع اللي رايح واللي جاي..ومين بقى اللي يستنى..؟؟

الطريقة الأخرى انك تاخد يمين خالص وتاخد الملف على واسع عشان يادوب تعدي من غير ما تجيب مارشيدير..وبرضه بتواجهك نفس العطلة..انك غالبا بتفضل واقف يمين وبتكون قفلت حارة من الاتنين اللي رايحين..والناس تبتدي تتكدس وراك وعايزة تطلع منك..وانت مستني اللي جايين على شمالك لما يخلصوا..وبرضه المقابل وتكبس وتحشر وش العربية عشان تعدي.. وبكدة وانت واخد الملف من اقصى اليمين هتقفل الشارع من الناحيتين برضه وانت بتلف.

بستغرب فعلا من التخطيط ده.

[madoo]

استاذذذذذذذذذذذذذذذذ كبيرررررررررررررررررررررررررررر


بس انا نفسى اعرف بجد حكايه الطرق فى الاماكن الواسعه والجديدة ليه مش بيعملوا جساب الزمن والزيادة فى اعداد الناس والسيارات


كمان انا لاحظت ان فى طريق القاهرة السويس الصحراوى عاملين جزيره كبيرة اوى ممكن تكفى انهم يزودا حارتين فى كل اتجاه . ومش مستغالينها ابدا

[د.محمود صلاح]

الف شكر على مجهودك

[Osama_soliman]

تسلم يا جميل
موضوع جميل حقيقى

[hic]

الف شكر ع الموضوع الرائع

[SAMER_ENGINES]

ألف شكر ليك و شكرا علي مجهودك في الصور التوضيحية.

[hazzan32]

فعلا و الواحد سايق ف مصر بيشوف حاجات عجيبه ف اليو تيرن
ارحمنا يارب

[محمد عز]

فعلا و الواحد سايق ف مصر بيشوف حاجات عجيبه ف اليو تيرن
ارحمنا يارب

علشان محدش بيلتزم بقواعد المرور

[Fadi Ezzat]

مشكور اولا بس فى نقطة هعلق عليها

[mo7a_mo7a]

طب ايه رايك في الناس (دا ان صح وصفهم بانهم ناس) اللي بتروح تركن في ال يو تيرن وتسيب عربياتها وتخلص مشاويرها وبهدين ترجه تاخدها.
بحجة انه واسع ويكفي!!!!!!!!!!!
وشكرا علي المجهود

[islamallam]

شكرا يا اخى ده فعل الوضع فى مصر
مش يو تيرن ده اكس تيرن

[M.Osman]

كلام زي الفل ... لكن هنا للأسف مفيش صح و غلط ... كله بيعدي من كله ... و الله العظيم في يوتيرن بشوف 5 عربيات بتلف فيه مرة واحدة !!! تخيل كمية العطلة اللي بتخل في مكان زي دا ؟؟؟

شكراً