مساعده في نقل ملكيه و ترخيص سياره

[goofy_in_love]

السلام عليكم احلي شباب .
طالب مساعده من لهم خبره في المرور و قواعد ترخيص السيارات المستعمله و نقل الملكيه .
انا اشتريت نوبيرا 2005 مش عارف استيراد و الا محلي 1600 مانيوال و الرخصه هتنتهي في شهر 10/2013 يعني كمان 3 شهور و اشتريتها بتوكيل في الشهر العقاري ! مع العلم الفحص الفني في 2016 يعني كمان سنتين و نصف تقريبا !
انا بجد مش عارف ايه الخطوات و ابتدي منين ؟
العربيه مرور الهرم و انا رخصتي مرور العجوزه فا بجد مش عارف و حيران اروح فين الاول.و اعمل ايه و هل هحتاج افحص ؟ والا لا بما ان العربيه فحصها في 2016 ؟ بجد محتاخ نصيحتكم ضروري علشان انا رايح المرور بكره .

شكرا جزيلا ياشباب و جزاكم الله خيرررر :)

[monamize4]

http://www.nilemotors.net/Nile/222134-a.html

http://www.nilemotors.net/Nile/139366-a.html

http://www.nilemotors.net/Nile/78171-a.html

[url=http://dvd4arab.maktoob.com/f41/2367293.html]

[goofy_in_love]

الف شكر ياباشا .
بس انا ليا استفسار بخصوص الفحص ! هوا انا كدا لازم افحص ؟ انا الرخصه فحصها في 2016 ؟ ارجو الرد للاهميه علشان لو كدا هبقي محتاج اعمل ترييحه في الرفرف اليمين :(

[monamize4]

حسب ما اعرف ان نقل المليكة بيتطلب فحص و اتاكد من حد تانى

[svneleven]

يا باشا طالما سجلت في الشهر العقاري و هتنقل ملكية في المرور (الرخصة تكون باسمك يعني) يبقي لازم تفحص العربية في المرور بتاعك (العجوزة) و بعد كده تروح تطابق بصمة في المرور الأصلي بتاع العربية (الهرم) و بعد كده ترجع المرور بتاعك يختم علي مطابقة البصمة و تكمل خطوات الترخيص العادية. أنا عامل الكلام ده من حوالي أسبوعين.

[احمد المصرى]

هتروح الاول مرور العجوزه ال انت تابع ليه هتفحص هناك وطبعا يكون معاك عقد بيع مش توكيل من الشهر العقارى وبعد الفحص هيقولك عايز مطابقه باصمه من مرور فيصل ( المرور القديم ) هتروح تجيب مطابقه باصمه ( مطابقه باصمه مطابقه ورق مش فحص ) وتجيب معاك بالمره علشان مترحش تانى شهاده مخالفات وبعد كدا تروح لمرور العجوزه تكمل اجرائات التجديد


طبعا دا كله لازم الرخصه تكون ساريه لو منتهيه لازم تروح الاول تجيب شهاده بيانات

[محمد بازيد]

السلام عليكم ورحمة الله وبركاتة
أولا الف الف مليون مبروك على العربية ربنا يديك خيرها ويكفيك شرها
ثانيا :- انت حضرتك بالتوكيل دة لو الشخص ثقة يبقى ممكن تمشى بالعربية لغاية قبل النهاية بتاعة الرخصة وبعدين تنقل مع انى مش بحبز الموضوع دة
الحل التانى ان سيادتكتعمل الاتى :-
- تجيب شهادة مخالفات العربية من المرور اللى هى موجودة فية
- تروح على المرور بتاعك من شباك الاوراق تشترى رق نقل ملكية
- لو العربية لسة فيها ضريبة ممكن تدفع رسوم نقل ملكية فقط بالاضافة الى ورق فحص + بوليصة تامين
-لو مزاج الموظف رايق والعربية شكلها نضيف مش هيطلب منك مطابقة بصمة وانت تظبطه
- لو طلب منك مطابقة لاقدر الله يبقى انت هتاخذ النموذج من المرور بتاع وتروح المرور بتاع العربية تتطابق هناك
- وترجع للمرور بتاعك تقدم المطابقة وبعدين تدفع انت وامكاياتك ممكن تدفع ضريبة سنة بالمرة وترخص سنة بالاضافة للمدة الباقية فى الضريبة القديمة او لو مش فى نيتك بيع والكاشات تمام ادفع 3 سنين وريح دماغك من قرف المرور
- بعدين هتنزل تفحص مع العلم تشيل فامية والانوار تمام والطفاية بتاعة الحريق يكون صلاحيتها جديدة ميكونش عدى علىيها 5 سنوات لو 3 سنوات بتعمل لها فحص عند بتاع بافريا جنب المرور ويختمهالك تانى
-ممكن يقولك تسلم اللوح وتستلم عادى بتشترى نموذج استلام وتسلم لوحات عادى جدا
- ممكن الموظف لو رخم يديك تصريح سير لو الوحدة بتاعت المرور بتاعتك مش مربوطة بالكمبيوتر المركزى لغاية لما الملف يوصل ولا تزعل ولا تعكنن نفسك دة اجراء عادى
- تفحص وتاخذ الرخصة وبعدين تعزمنا عزومة تمام والف مبروك عليك الرخصة
تقبل تحياتى
واسف للاطالة

محمد حامد بازيد

[Magoda]

الف شكر ياباشا .
بس انا ليا استفسار بخصوص الفحص ! هوا انا كدا لازم افحص ؟ انا الرخصه فحصها في 2016 ؟ ارجو الرد للاهميه علشان لو كدا هبقي محتاج اعمل ترييحه في الرفرف اليمين :(

يابوب ولا تعمل تريحه ولا تتعب نفسك انت كدة كدة بتكيش الراجل 20ج فهيعديها متشغلش بالك

[aldesha989]

لازم فحص انا لسه فاحص امبارح وناقل ملكية ومغير الرخصه بأسمى ما تقلقش ان شاء الله كلها بسيطه واظبط الرفرف هعمل موضوع اشرح فيه كل حاجه ان شاء الله وكلها امور سهله ما تقلقش انا كنت مرعوب زيك :d

[samo9992003]

طب لو انا عندى خبطه فى الباب لازم اصلحها قبل ما اروح افحص ولا ايه

[aldesha989]

طب لو انا عندى خبطه فى الباب لازم اصلحها قبل ما اروح افحص ولا ايه

على حسب لو المهندس شافها ورخم عليك لكن فى العادى ممكن ما يشوفهاش وتعدى

وعلى حسب حجم الخبطه ولو ممكن تترد فك الفرش وردها بأيدك او ردها من غير ما تبوظ البويه عند اى سمكرى

[aldesha989]

انا شرحت اللى عملته هنا الحمد لله

http://www.nilemotors.net/Nile/367661-d.html