اطول مسافة سوقتها كانت كام كيلو ؟

[janagabr]

مرة كنا قاعدين علي البحر ومعايا اصحابي والجو حلو والدنيا ليل والنجوم منورة في السماء والهدوء بيصفر ودانا فواحد سأل ايه اطول مسافة سوقتوها قبل كدة
فلقينا اللي بيقولك انا رحت شرم الشيخ متواصل يعني بتاع 500 كيلو واللي راح سانت كاترين حوالي 450 كيلو واللي راح الغردقة حوالي 500 كيلو واللي راح سيوة حوالي 600 كيلو واطول مسافة كان اللي راح مرسي علم حوالي 800 كيلو وطبعا دول اللي كانوا جوه مصر
جينا للي برة مصر كان في اتنان اصحاب في السعودية واحد كان عامل 1200 كيلو وواحد كان عامل 1350 كيلو وواحد كان في قطر كان عامل بتاع 80 كيلو وواحد كان في الامارات عامل 500 كيلو
وكنت انا عامل حوالي 1500 كيلو كان قبل الاجتماع السنوي والكبار كانوا بيحضروا الاجتماع وكان اول اجتماع ليا مع الكبار وكان لازم نعمل التقارير الدقيقة فخدت لفة لوحدي في يوم واحد طلعت من 9 الصبح وراجع البيت 2 بالليل طبعا المشاوير كان يتخللها غداء وعشاء وشوية مقابلات والسرعات تتراوح من 120 الي 200 كم/ س
لحد ما جيت مصر واكتشفت اني عاجز اني اعمل مشوار من القاهرة لاكتوبر
المشوار يا جماعة بيخشلوا رايح جاي في 3 ساعات سواقة يصاحبها ارتفاع ضغط الدم مع الترزيع باليد علي الدركسيون مع انخفاض وارتفاع الحواجب وفي الاخر تلاقي الفانوس علي الاسفلت

ربنا يهدي الناس ويرشدنا الي الصواب

[Haitham Basha]

حبيب قلبي أطول مسافه جوة مصر كانت من القاهرة إلى مرسى علم زي صحبك حوالي 800 كيلو تقريباً و بره مصر كانت من الرياض إلى مكة المكرمة حوالي 950 كيلو و التانيه كانت قريبه منها من الرياض إلى دبي عن طريق الهفوف و دي كانت 1000 كيلو كان في حاجات تانيه في أوروبا و أمريكا بس دي صغيره يعني بالنسبه لدول يعني مثلاً من نيورك إلى بوسطن دي كانت 350 كيلو تقريباً لو أنا متذكر كويس لأني أخدتها في ساعتين و نص تلاته كده ... بالنسبة للفانوس على الأسفلت فيا ريتها تجي على قد كده دى تقريباً أنا نفسي إلى بيبقى نفسي أترمي على الأٍسفلت و أقلو حرام عليك هو انت معندك اخوات صبيان هههههههههههههه حبيبي صباح الي بتغني :)

[M I D O]

ههههههههههههههههههههه مصر غير باقي العالم واطول مسافة انا سقتها كانت 230 كيلو انا عارف انها متوسطة بس بتتعب و السفر الطويل عموما بيتعب اوي

[dr.hazem]

1250 كيلو من الرياض للاردن للعاصمه عمان...
تحياتي

Sent from my Xperia Arc S using Forum Runner

[Silent~Dream]

اكثر مسافه هى 1350 كيلو جوا مصر ولا اى كلام فى الحماده الدائرى - الدولى الساحلى و الصحراوى و طرق عاديه شويه يدوب ريست حوالى ساعتين و الباقى طحن 130 - 210

[misho2008]

3000 رايح و 3000 راجع
قطر الى القاهرة والعكس

[akmm]

700 كم من محافظه قنا لقلب القاهره ................. ليلا .

[حماده المصري]

500 كيلو اسكندريه رايح جاي في نفس اليوم بس كان في راحه طبعا

و 450 كيلو متواصل للغردقه

والحقيقه انه 500 كيلو على الطريق افضل من 100 كيلو جوه البلد بكتيييييييير

والحقيقه كمان انه العربيه بتفرق جدااااااااااا

لما روحت الغردقه بالنيسان صني مرهقه الي حد ما القعده والعفشه

انما لما روحت اسكندريه ورجعت بالالنترا محستش باي حاجه خااااااااااااالص

[x_gomgom]

انا هيه مره واحده و مش هكررها تاني...
الاقصر - الاسكندريه حوالي 1300 كليو تقريباً بدون راحة و كانت بعربيتي القديمة بولونيز 1990...
الله لا يعيد اليوم دا

[lanos2004]

انا ممكن اعمل 10000 كيلو متواصل بس ركبلى محاليل وخلاص علشان لما اجوع منزلش اكل من العربيه
ومتكلمنيش عن النوم لانى سوقت قبل كدة 48 ساعه متواصل مسافات متقطعه اطولها 300 كيلو

[friendship7897]

أصعب مسافة : كانت من مدينة نصر لمدينة نصر برضوا
أيام مظاهرات السنين اللي فاتت (مسافة لا تتعدى 15 دقيقة) آخدت ساعتين وربع
ودي كانت أصعب سواقة في حياتي
أطول مسافة بالنسبة لي : طبعاً بعد الكيلوهات الكتيرة بتاعة المشاركات السابقة ( ما شاء الله ) اللي أنا هقول كأنه ولا حاجة
لكن كانت 450 كيلو من القاهرة للإسكندرية والعودة مباشرة
وتخللها راحة 3 إستراحات ( بسرعة من 120 : 140 )
بس كانت ممتعة والحمد لله
بس كنت بحس بإن العربية بتطير وتأرجح يمنياً ويسراً لما أي عربية نقل تعدي من جنبي
ومش عارفة هي دي ما يسمى بالمطبات الهوائية ولا دا عدم ثبات العربية .

[ahmedfathi]

اطول مسافه سوقتها متواصل بدون اكل بدون شرب بدون استراحات كانت 500 كيلو وكنت ممكن اكمل عادى لو كان الطريق اطول من كده كانت من القاهره - مرسى مطروح وقعدت هناك اسبوع ورجعت تانى نفس الكلام

[Gelgel2004]

مصر - ليبيا - تونس و العوده تونس ليبيا مصر
بس استراحات و بيات فى السكه للفرجه على المعالم و الاثارات اللى على الطريق الساحلى
اجمل طريق ليبيا عامله وقتها شركه سكانسكا السويديه - ملبن و ميول و لون رمادى علشان انكسار الشمس ميجيش و يزغلل عينك
و بعديه تونس
والاسوء طبعا عارفين فين:)

[ahmedfathi]

مصر - ليبيا - تونس و العوده تونس ليبيا مصر
بس استراحات و بيات فى السكه للفرجه على المعالم و الاثارات اللى على الطريق الساحلى
اجمل طريق ليبيا عامله وقتها شركه سكانسكا السويديه - ملبن و ميول و لون رمادى علشان انكسار الشمس ميجيش و يزغلل عينك
و بعديه تونس
والاسوء طبعا عارفين فين:)

كام كيلو الطريق ده؟؟ والعوده كانت بعد اد ايه ؟؟ وخدتها فى كم ساعه ؟؟

[tameraast]

740 كيلو من اسكندريه للغردقه فى 7 سعات :)