تتكلف كام سمكرة ودهان؟

[mohamed2002]

يوم الاتنين بليل وانا رايح الشغل كان في عربية نص نقل بتحمل بضاعة للاسف حكيت فيها جة واحد شيال قالي استني قايم رافع الباب الي ورا وطبعا دة زاد الطينه بله
بصراحة انا غلطان
لان المفروض اني شايف المكان ضيق وضلمه وقاوحت ودخلت ,المفروض استني السواق يطلع قدام شوية يا اما استناه يوجهني يمين شمال كدة
ودي صورة الحكه

هية محتاجة تترد بمجرد فك فرش الباب ورفع الزجاج لفوق وويردها وخلاص وبعد كدة بتاع الدوكو
رحت لسمكري عاوز 400 جنية !! والعربية حتقعد 4 ايام كلام غير منطقي طبعا
رحت لبتاع دوكو قالي حتتكلف 120 جنية
حيرش الباب
اية رائيكم والتكلفة المعقولة اية؟
اعملها قبل العيد ولا اخليها بعد العيد ,تقريبا تاخد يوم ؟اعتقد انه يوم مناسب لو السمكري جمب البويجي

[rooma2000]

السمكرى بيعتبرها مصلحة لازم يطلع فيها فلوس انا لسه مسمكر جنب العربية كله ومغير رفرف امامى والعتب رديته والباب مكنش باين عندى من الخبطه وخد منى 500 جنيه
معاك انت الراجل ده طماع

[mohamed2002]

السمكرى بيعتبرها مصلحة لازم يطلع فيها فلوس انا لسه مسمكر جنب العربية كله ومغير رفرف امامى والعتب رديته والباب مكنش باين عندى من الخبطه وخد منى 500 جنيه
معاك انت الراجل ده طماع

شكرا rooma2000 علي الرد لكن انت شايف تتكلف كام يعني ؟

[rooma2000]

لو هتترد على البارد مش هتكلف حاجه بكترها 150 لو انت لسه مطلعتش الزكاة لو على السخن نقول 200 عشان الراجل يعرف يشتغل

[mohamed2002]

لو هتترد على البارد مش هتكلف حاجه بكترها 150 لو انت لسه مطلعتش الزكاة لو على السخن نقول 200 عشان الراجل يعرف يشتغل

مش فاهم اية العلاقة بين اخراجي للزكاة والسمكري؟

[rooma2000]

ياباشا يعنى اعتبر ال 150 جنيه كتير جدا اعتبر نفسك بتتدفع زكاة للسمكرى

[mohamed2002]

ياباشا يعنى اعتبر ال 150 جنيه كتير جدا اعتبر نفسك بتتدفع زكاة للسمكرى

مش حنتكلم عن اذا كان السمكري في حاجة الي الزكاة ام لا لكن انا شايف انه صاحب حرفة وليه دخل والزكاة اولي بيها ناس تانية ملهمش دخل ,ايتام ,مكفوفين لكن تقولي السمكري ,المهم انتظر ردودكم يا شباب ودي تتكلف كام عندي السمكري(يردها) والبويجي ؟

[rooma2000]

رمضان كريم وانا مش محتاج اعرف الشرح التفصيلى لمستحقى الزكاة ممكن نرجع لمنهاج المسلم
ده كان مجرد تعليق بسيط
ومع الشكر

[mohamed2002]

رمضان كريم وانا مش محتاج اعرف الشرح التفصيلى لمستحقى الزكاة ممكن نرجع لمنهاج المسلم
ده كان مجرد تعليق بسيط
ومع الشكر

شكرا لردك اخ rooma2000 ارجو متكنش فهمت كلامي غلط انا قصدي ان في ناس اولي بالزكاة عن السمكري لان دة صنايعي وعنده دخل في ناس تانية دخولها تكاد تكون ضعيفة جدااا وفي حاجة الي الزكاة (ايتام,مكفوفين,مرضي السرطان)

[rooma2000]

رمضان كريم وده حاجه كويسة تفكرنا بالزكاة لو كنا نسينا ونحاول نسأل هل العربية عليها زكاة تدفع ام لا

[MotorX]

والله انا عندي نفس مشكلتك بس انا كنت عايز ادهن العربية بالكامل وفيها شوية سمكرة خفيفة ما تاخدلهاش يوم برضه ، وللأسف مش عارف أقع على صنايعي عنده ذمة سواء بتاع دوكو أو سمكري ، بتلاقي الصنايعي بيقول أسعار عجيبة ولما تيجي تكلمه في التفاصيل تلاقي عجب ، يعني مثلا رحت لواحد بتاع دوكو قالي آخد 2000 جنيه أجرة و مونه ده غير السمكرة ولما سألت عن التفاصيل قالي 800 جنيه أجرة إيده بس و الباقي خامات 2 كيلو بوية و 2 كيلو ورنيش كابسي (مع العلم ان العربية لون عادة مش ميتاليك) ، 6 علب معجون استوك وزن 3 كيلو (يعني 18 كيلو معجون وخد بالك قوي من 18 كيلو معجون دي) ...إلخ ، الخلاصة كل الصنايعية يا إما يسرقك يا إما ما يرضاش يعملك العربية أصلا ، واديني اهه مستني ياريت حد من الاخوة هنا يدلني انا وانت على حد أمين وشغله كويس.

تحياتي

[mohamed2002]

والله انا عندي نفس مشكلتك بس انا كنت عايز ادهن العربية بالكامل وفيها شوية سمكرة خفيفة ما تاخدلهاش يوم برضه ، وللأسف مش عارف أقع على صنايعي عنده ذمة سواء بتاع دوكو أو سمكري ، بتلاقي الصنايعي بيقول أسعار عجيبة ولما تيجي تكلمه في التفاصيل تلاقي عجب ، يعني مثلا رحت لواحد بتاع دوكو قالي آخد 2000 جنيه أجرة و مونه ده غير السمكرة ولما سألت عن التفاصيل قالي 800 جنيه أجرة إيده بس و الباقي خامات 2 كيلو بوية و 2 كيلو ورنيش كابسي (مع العلم ان العربية لون عادة مش ميتاليك) ، 6 علب معجون استوك وزن 3 كيلو (يعني 18 كيلو معجون وخد بالك قوي من 18 كيلو معجون دي) ...إلخ ، الخلاصة كل الصنايعية يا إما يسرقك يا إما ما يرضاش يعملك العربية أصلا ، واديني اهه مستني ياريت حد من الاخوة هنا يدلني انا وانت على حد أمين وشغله كويس.

تحياتي

6 علب معجون والعلبة 3 كيلو يعني اجمالي 18 كيلو ! لاتعليق طبعا واصبر لغاية لما تلاقي واحد امين وشغله كويس لانك حترش العربية كلها
علي العموم انا شايف ان شغل السمكرة في الحكة بسيط اوي اوي بس المشكلة في الدهان حيرش الباب ومش عارف التكلفة العادلة اية ؟

[SS]

معلش اعذرنى لو كنت غلطان عشان انا نظرى ضعيف...انا مش شايف حاجة جامدة فى الباب انا شايف حكة و فى البوية يعنى حتى الصاج مش باين...ممكن يكون صاج الباب ريح لجوة شوية..بس مش قادر احدد بالظبط عشان الصور مش و اضحة..فاعتقد انا الموضوع مايستدعيش سمكرة الباب بالكامل ...انا لو هى زى ما انا شايف فرأيى الشخصى تسيبها و كده كده العربيات ما بتسلمش..لو مضيقاك اوى ...ممكن تترد ع البارد بالراحة و واحد يكون بيفهم و تخلى بتاع دوكو يلقط الحتة ديه...تعبان بقى جامد و خلاص مش قادر...ممكن تعملها ع السخن وتحرقها و ترشها بس انا عن نفسي شايفها مش مستاهلة..بس عموما ان شايف ان الموضوع مش مستدعى ان الباب يترش بالكامل....و طبعا الاسعار اللى انت بتقولها...ديه مبالغ فيها...انا بصراحة معنديش خلفية كويسة عن اسعار السمكرة و الدوكوعشان ماتوهكش بس انا شايف انها كتير اوى حتى لو هترش الباب بالكامل.

[mohamed2002]

معلش اعذرنى لو كنت غلطان عشان انا نظرى ضعيف...انا مش شايف حاجة جامدة فى الباب انا شايف حكة و فى البوية يعنى حتى الصاج مش باين...ممكن يكون صاج الباب ريح لجوة شوية..بس مش قادر احدد بالظبط عشان الصور مش و اضحة..فاعتقد انا الموضوع مايستدعيش سمكرة الباب بالكامل ...انا لو هى زى ما انا شايف فرأيى الشخصى تسيبها و كده كده العربيات ما بتسلمش..لو مضيقاك اوى ...ممكن تترد ع البارد بالراحة و واحد يكون بيفهم و تخلى بتاع دوكو يلقط الحتة ديه...تعبان بقى جامد و خلاص مش قادر...ممكن تعملها ع السخن وتحرقها و ترشها بس انا عن نفسي شايفها مش مستاهلة..بس عموما ان شايف ان الموضوع مش مستدعى ان الباب يترش بالكامل....و طبعا الاسعار اللى انت بتقولها...ديه مبالغ فيها...انا بصراحة معنديش خلفية كويسة عن اسعار السمكرة و الدوكوعشان ماتوهكش بس انا شايف انها كتير اوى حتى لو هترش الباب بالكامل.

فعلا هية داخلة سنه بسيطة اوي بس شكلها مضايقني ويا ريت يا شباب اللي يقدر يقولي ادفع في رينج كام يقول لاني سامع حاجات عجيبة انا وجهة نظري 100 جند حلوين دوكو و30 سمكره انتم رائيكم اية؟

[thegoodhacker]

قدر الله وما شاء فعل ........ من رايي كده لومضايقاك خلي السمكري يردها علي البارد و خلي بتاع الدوكو يلقطها ببنة و خلاص....... ده الواحد ممكن لو يرش عربيته النهاردة بالكامل يلاقي الدوكو بتاعها اتجرح اليوم اللي بعديه وممكن في نفس اليوم كمان..........
انا فاكر زمان من حوالي 15 سنة كده كان والدي استلم عربيته السيات بعد ماعملها عمرة سمكرة ودوكو في نفس اليوم عيل غبي كان راكب عجلة اللي فيها سبت صاج في الامام المهم العيل ده كان علي الرصيف و حب انه يلف بالعجلة راح داخل في الرفرف بتاع العربية و طبعا الرفرف اتعوج منه حتة و الدوكو اتقشر كمان !!