تتكلف كام سمكرة ودهان؟

[HeMa_LanCeR]

والله انا عندي نفس مشكلتك بس انا كنت عايز ادهن العربية بالكامل وفيها شوية سمكرة خفيفة ما تاخدلهاش يوم برضه ، وللأسف مش عارف أقع على صنايعي عنده ذمة سواء بتاع دوكو أو سمكري ، بتلاقي الصنايعي بيقول أسعار عجيبة ولما تيجي تكلمه في التفاصيل تلاقي عجب ، يعني مثلا رحت لواحد بتاع دوكو قالي آخد 2000 جنيه أجرة و مونه ده غير السمكرة ولما سألت عن التفاصيل قالي 800 جنيه أجرة إيده بس و الباقي خامات 2 كيلو بوية و 2 كيلو ورنيش كابسي (مع العلم ان العربية لون عادة مش ميتاليك) ، 6 علب معجون استوك وزن 3 كيلو (يعني 18 كيلو معجون وخد بالك قوي من 18 كيلو معجون دي) ...إلخ ، الخلاصة كل الصنايعية يا إما يسرقك يا إما ما يرضاش يعملك العربية أصلا ، واديني اهه مستني ياريت حد من الاخوة هنا يدلني انا وانت على حد أمين وشغله كويس.

تحياتي

أنت ساكن فين ؟

[MotorX]

أنت ساكن فين ؟

أنا ساكن في العجوزة.

تحياتي

[HeMa_LanCeR]

اصل انا اعرف واحد في شبرا بتاع دوكو وراجل بتاع ربنا فعلا
وبينزل معاك يجيب الحاجه وانت اللي بتتدفع حقهم
وكل حاجه بتبقي قدامك

[hazem_khidr]

استاذ محمد ما دخلش نفسك في متاهات
الحكايه مش مستهله خالص انك تفك و ترش و تعمل كل دا
و بعدين البويه بتاعك مش ميتالك علشان ترش الباب كله
دا حتي لو رشيت
حقولك علي فكره تطلع اللون الابيض اللي بالعرض دا
(اللي واخد البابين) دا لو لون العربيه اللي خبط فيها.
هات فوطه و حط عليها ميه و اعصرها
و ترابه نااااااااااااعمه مش خشنه
و تدعك بيها الخط دا حيروح علي طول
و الخط اللي فوق نفس الوضع لو كانت بويه العربيه التانيه.
انما الموضوع مش مستاهل سمكره و دوكو.
لو دا تجريح بقي مش بويه
تجيب 8/1 كيلو بويه من نفس الدرجه
و تخلي البوهيجي بعملهالك بالقلم و مش حتبان
انما حرام سمكره و دوكو علي حاجه زي دي

[MotorX]

اصل انا اعرف واحد في شبرا بتاع دوكو وراجل بتاع ربنا فعلا
وبينزل معاك يجيب الحاجه وانت اللي بتتدفع حقهم
وكل حاجه بتبقي قدامك

لو إنت فعلا مجربه و واثق منه يبقى ياريت تعرفني عليه وأكون شاكر.

تحياتي.

[mohamed2002]

قدر الله وما شاء فعل ........ من رايي كده لومضايقاك خلي السمكري يردها علي البارد و خلي بتاع الدوكو يلقطها ببنة و خلاص....... ده الواحد ممكن لو يرش عربيته النهاردة بالكامل يلاقي الدوكو بتاعها اتجرح اليوم اللي بعديه وممكن في نفس اليوم كمان..........
انا فاكر زمان من حوالي 15 سنة كده كان والدي استلم عربيته السيات بعد ماعملها عمرة سمكرة ودوكو في نفس اليوم عيل غبي كان راكب عجلة اللي فيها سبت صاج في الامام المهم العيل ده كان علي الرصيف و حب انه يلف بالعجلة راح داخل في الرفرف بتاع العربية و طبعا الرفرف اتعوج منه حتة و الدوكو اتقشر كمان !!

والله ما عارف بس شكلها مضايقني وغالبا حعملها بعد العيد ان شاء الله اعملهاا ببنة ولا اخليه يرشها ؟وتكلفة الاتنين كان في نظرك سمكري ودوكو في حالة التلقيط بالبنة وحالة رشها دوكو؟

[mohamed2002]

استاذ محمد ما دخلش نفسك في متاهات
الحكايه مش مستهله خالص انك تفك و ترش و تعمل كل دا
و بعدين البويه بتاعك مش ميتالك علشان ترش الباب كله
دا حتي لو رشيت
حقولك علي فكره تطلع اللون الابيض اللي بالعرض دا
(اللي واخد البابين) دا لو لون العربيه اللي خبط فيها.
هات فوطه و حط عليها ميه و اعصرها
و ترابه نااااااااااااعمه مش خشنه
و تدعك بيها الخط دا حيروح علي طول
و الخط اللي فوق نفس الوضع لو كانت بويه العربيه التانيه.
انما الموضوع مش مستاهل سمكره و دوكو.
لو دا تجريح بقي مش بويه
تجيب 8/1 كيلو بويه من نفس الدرجه
و تخلي البوهيجي بعملهالك بالقلم و مش حتبان
انما حرام سمكره و دوكو علي حاجه زي دي

شكرا لردك استاذ حازم الموضوع ان غالبا حكيت في باب خلفي لصندوق عربية شيفرولية الدبابة ودة الخط اللي بالطول ,الله يسامحة الشيال الي كان بيعتل البضاعة في النص نقل قالي ثواني وقام رافع باب صندوق العربية وباب الصندوق بيكون في شنكلين يمين شمال فلما رفع الباب بتاع صندوق النص نقل عمل العلامة البية اللي فوق دي وطبعا دخلت جوة سنه
ودة صورة للتوضيح

انا مش عاوزها تبقي باينه لانها بصراحة شكلها مضايقني ,انت شايف الصح اية ؟انا سمعت كلام عجيب 450 و200 واخر حاجة 120 جنية دة علي اساس انها تترد وتترش
بالنسبة لمووضوع الفوطة دة اجربة ازاي ؟؟
شكرا واسف للاطالة