المشاركة الأصلية كتبت بواسطة عزيز محمد
مشاهدة المشاركة
X
-
Comment
-
انا عملت كدة علي فكرة و قلت مش هاخد العربية في كل المشاوير فا طلعلي موضوع إنها بتتخبط و هي واقفة .. لأ و بقي كتير يعني انا عندي في العربية حوالي 10 خدوش و خبطات خفيفة و كلام من ده .. وااااحد بس حصل و هي ماشية .. و الباقي كله و هي واقفة .. فا قلت يعني هي كدة كدة هتتبهدل و كمان مش بستفيد منها بالكامل .. انا أخرج بيها و خلاص و علي رأي المثل إكفي القدر علي فمها يحتار عدوك فيكالمشاركة الأصلية كتبت بواسطة Noha-M مشاهدة المشاركةلا بجد متفكرييش انتى نفذي على طول . مش كل المشاوير تاخديلها العربية و تغامرى بيها كدة فى الطريق . بجد والله حرام
انا قررت ان شاء الله لو فيه مشاوير فى المعادى كدة همشيها و اهى منه رياضة برده
لكن كل شوية هخرج و حاطة أيدي على قلبي من اللى ممكن يحصلي انا كدة هموت و انا فى زهرة شبابي

علي فكرة الموضوع ضحكني جدا و أسلوب عرضه جميل أوي .[COLOR="gray"]
[CENTER]Leadership is based on inspiration, not domination[/CENTER][/COLOR]
Comment
-
دول الوصايا العشر !!المشاركة الأصلية كتبت بواسطة عزيز محمد مشاهدة المشاركةالكلام لصاحب الموضوع:
أول حاجة: أذكار الخروج من المنزل،
خد بقى عنك يا سيدى:
1- لا تهتم بالشكل الخارجى لسيارتك (على رأى أحد الأعضاء: هتتخبط هتتخبط)
2- افترض فى السائقين الآخرين منتهى الجهل بقواعد القيادة، وانعدام القدرة على التفكير السليم
3- سوق صح: إدى إشارات قبل ما تحود، وانتظار عند المطبات والمواقف الطارئة
4- ماتجريش نهائى(السيارة الخاصة وسيلة مواصلات مريحة وليست وسيلة مواصلات سريعة) ولا تغرنك السرعات اللى الناس بتتكلم عليها، مصر زحمة جدا حتى طرقها السريعة (وانت بنفسك جربت الطريق الزراعى بتاع مائدة الرحمن، وطبعا الكورنيش)
5- ماتمشيش ورا أو جنب (الميكروباصات والأوتوبيسات أيا كان حجمها، النقل بأنواعه)
6- المشاة ماعندهمش فكرة عن إمكانيات العربيات، تعامل معهم بمنتهى الحرص.
7- ولع نورك بالليل عشان تشوف كويس، حتى لو اللى جاى قصادك عمل قرد عشان تطفى النور
8- عند أى يوتيرن هدى جدا جدا (حتى لو فى شارع جانبى) سواء كنت بتعدى من اليوتيرن أو مكمل فى طريقك (راجع رقم 2: معظم المشاكل بتحصل عند اليوتيرنات ومشكلة مين اللى يعدى الأول ومين اللى مفروض يهدى)
9- الركن مشكلة لا حل لها، إحمد ربنا إن أصلا عربيتك صغيرة
10- ماتستفزش حد، وماتسمحش لحد يستفزك لا بكلاكس ولا بنور ولا بحركة غباء عملها فيك (المسامح كريم)، وعلى فكرة الناس اللى بتكاسر وتكبس وتجرى ما بيوصلوش بسرعة ولا حاجة، هما بس بيكونوا أقنعوا نفسهم إنهم أحسن من غيرهم (بتوع الملاكى اللى مبيعرفوش يسوقوا دول).
11- من خرج من داره اتقل مقداره، حكمة سبعاوى الشهيرة والصحيحة، مش معنى إن معاك عربية يبقى تخرج بيها فى أى وقت وتروح بيها أى مكان.
12- مش فاكر حاجة تانى بصراحة، هو حضرتك عضو هيئة تدريس فييين؟
بهزر متزعلش منى
بس شكرااا على النصايح الغاليه جدا واحب اضيف حاجه والدى الله يرحمه علمهانى فى السواقه
لو اللى وراك اتنطط و اتشفلب وقعد يقلبلك نور و كلاكسات عشان تعديه وانت مش مستعد متعديهوش الا لما تكون حاسب المسافه بينك وبين اللى جمبك وقدامك تمام بعهد كدا عديه (بس احسبها بسرعه عشان الطريق ميتعطلش:))
لما بتاع اشاره المرور يقوللك عدى متعديش الا لما تتاكد ان الطريق فاضى و يسمح بذللك بلذات فى اليوترنات
الحاره الشمال للسريع وطبعا مش تبع سرعات الحكومه
يعنى اسكندريه الصحراوى بليل السريع فيه هو اللى معدى ال 150 مثلا
وربنا يسترها معاك[CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
[/COLOR][/SIZE][/CENTER]
Comment
-
يا أخى مفيش زعل ولا حاجةالمشاركة الأصلية كتبت بواسطة blazer مشاهدة المشاركةبهزر متزعلش منى
رحم الله والدك الكريم، كلام مضبوط تماما، لإن اللى جاى وراك مش هينفعك بحاجة لما لا قدر الله تخبط فى حد وانت بتوسعلهالمشاركة الأصلية كتبت بواسطة blazer مشاهدة المشاركةلو اللى وراك اتنطط و اتشفلب وقعد يقلبلك نور و كلاكسات عشان تعديه وانت مش مستعد متعديهوش الا لما تكون حاسب المسافه بينك وبين اللى جمبك وقدامك تمام بعهد كدا عديه (بس احسبها بسرعه عشان الطريق ميتعطلش:))
برضه نصيحة فى محلها، لاتثق إلا فيما تراه أنت (أنت وليس رجل المرور أو السايس وانت بتركن مثلا)المشاركة الأصلية كتبت بواسطة blazer مشاهدة المشاركةلما بتاع اشاره المرور يقوللك عدى متعديش الا لما تتاكد ان الطريق فاضى و يسمح بذللك بلذات فى اليوترنات
Comment
-
خبر قوي لميرو ونها :) انا عربيتي سوداا واتجرحت وهيا واقفه.. حاولت بالكمباوند والبولش بس مش راحت.. رحت بالصدفه عند محل اكسسوارات بيشكروا فيه كل المعادي.. عرض عليا فاميه اسود بيلمع لمعه ميتالك وقالي هقطع حته منه واحطها على شكل الخدش بالظبط.. طبعا انا قلتله ايه العك ده ولما تتغسل هتتبهدل وهيبان اللزق..قالي طيب هلزق حته كبيره 15 سنتي كده في مكان عندك في العربيه ولو عرفت تطلعها او تفرق بينها وبين لون العربيه كل الاكسسوارت الي انته خدتها ببلاش مني ليك
المفاجأه كنت هتججن بعد ما دورت وملقتش وهوه بيشيلها قداااااام عيني وانا متنح :) المهم عالجلي كل الجروح هوه قالي فاميه الماني...وغسلتها اكتر من مره ومش عارف والله مكان الخدوش بالتحديد... شعب مصر شعب الابتكااااار :) بقوله بكام الخدوش كلها قالي هات 5 جنيه :) وصباح الفل :embarrassed2:[SIGPIC][/SIGPIC]
Comment
-
المشاركة الأصلية كتبت بواسطة coolsh مشاهدة المشاركةخبر قوي لميرو ونها :) انا عربيتي سوداا واتجرحت وهيا واقفه.. حاولت بالكمباوند والبولش بس مش راحت.. رحت بالصدفه عند محل اكسسوارات بيشكروا فيه كل المعادي.. عرض عليا فاميه اسود بيلمع لمعه ميتالك وقالي هقطع حته منه واحطها على شكل الخدش بالظبط.. طبعا انا قلتله ايه العك ده ولما تتغسل هتتبهدل وهيبان اللزق..قالي طيب هلزق حته كبيره 15 سنتي كده في مكان عندك في العربيه ولو عرفت تطلعها او تفرق بينها وبين لون العربيه كل الاكسسوارت الي انته خدتها ببلاش مني ليك
المفاجأه كنت هتججن بعد ما دورت وملقتش وهوه بيشيلها قداااااام عيني وانا متنح :) المهم عالجلي كل الجروح هوه قالي فاميه الماني...وغسلتها اكتر من مره ومش عارف والله مكان الخدوش بالتحديد... شعب مصر شعب الابتكااااار :) بقوله بكام الخدوش كلها قالي هات 5 جنيه :) وصباح الفل :embarrassed2:
مستني اييييه قول بسرعة فين و عند مين و روحتله ازاى
و في المعادى كمااااااااااااان ؟!!
طيب ما تقولنا فين دة و خلييك حلو
[SIZE="2"]i'll miss everyone[/SIZE]
Comment
-
يا جماعة موضوع مشاكل السواقة فى مصر موضوع بقالة 7 الاف سنة (يعنى من ايام الفراعنة.....هههههههه(
لو نزلت بعربيتك مكمن يحصل اى او كل مما يلى:- هاتتخنق من الطرق الزحمة و الاشارت لدرجة انك ممكن تلعب كل الالعاب اللى على موبايلك و تتكلم بالموبايل لحد ما تخلص الرصيد و تكون لسة فى نص الطريق من الهرم لمدينة نصر (اصحاب الخطوط البيزنس هايتكلموا لحد ما الموبايل يفصل شحن)
- هاتتخبط عربيتك (ممكن توك توك يقرر يعدى من النص متر اللى بينك و بين اللى الرصيف عشان مستعجل او سواق مكروباص يخبطك لانك وقفت فجاءة و انت ماشى على سرعة 20كم/ساعة و فراملة - اللى ماتغيريتش من ستين سنة – ماسعفتوش). و لو عديت من اللى فاتوا اكيد هاتتبلى بسواق اتوبيس لقى الدنيا واقفة قدامة فقرر يستولى على الحارة بتاعتك بطريقة المرايات للجبناء فقط والاشارات تفضح نواياك للاعداء (سائقى السيارات الاخرى)
- ممكن تموت حد لانك ياما هاتتضرب سواق( بتاع التوك توك او بتاع المكروباص او الاتوبيس) يا اما هاتسقط فى اختبارات التفادى اللى بيعملوهالك المشاة فى الشارع فتموت حد فيهم. انا مرة انا على الدائرى رايح المعادى كنت هاخبط واحد بيعدى و هو بيشاور لصحابة الناحية التانية و انا بمنتهى البجاحة قطعت عليهم المشاورة بالكالكس و صوت الفرامل المزعج و لما وقفت ادونى صفر فى امتحان المفاداة و قرروا ان اللى زى مايمشيش فى طرق عشان السرعة الجنونية (80 كم/ساعة) و قرور يمنعونى من السواقة عن طريق تحطيم عربيتى
- هاتكتشف جهلك بقانون المرور(خصوصا قانون المرور الجديد) لما تلاقى رخصك اتسحبت عشان مشغل النور بالليل (اضاءة مبهرة) او عشان استخدمت الكلاكس ده غير ان عربيتك لا تتوافر فيها عوامل الامن و المتانة بما يشكل خطورة على خياتك و حياة الاخرين
- هاتروح مشوارك متاخر و متنرفز و محروق دمك و اكيد مش هاتلاقى ركنة فتضطر تركن صف تانى
- لما تخلص مشوارك مش هتلاقى عربيتك عشان الونش خدها (ما انتا راكن صف تانى)و لو لاقيتها اكيد هاتلاقيها اتخبطت عشان واحد كان بيامرك و حضرتك قافل الطريق
- هاتروح البيت مش هتلاقى ركنة برضة فتركن صف تانى و تلعن اليوم اللى خلاك تنزل من بيتك اصلا
لو قررت تتفادى اللى فوق بانك تسيب عربيتك مركونة و تروح مشوارك مواصلات مش هاتسلم برضة مكمن يحصل اى او كل مما يلى:- هايطلع عينك عشان تلاقى مكروباص او تاكسى يوديك مشوارك
- هاتتخنق من الطرق الزحمة و الاشارت برضه (ما هو المكروباص او التاكسى هايمشى من نفس الطرق اللى انت بتمشى فيها بعربيتك)
- ممكن تموت حد (هاتتخانق مع سواق المركوباص عشان مركب ناس على حجرك على طريقة الكنبة اللى ورا اربعة و عشان قطع المشوار 3 حتت و عايز 3 اضعاف الاجرة و لو كنت راكب تاكسى هاتتخانق مع السواق عشان ركب ناس تانية معاك و مشاك فى سكك ملتوية و زحمة عشان يوصلهم فى سكته و فى الاخر عايز ضعف الاجرة عشان البنزين غلى مع ان التاكسى ده غاز اصلا)
- هاتروح مشوارك متاخر و متنرفز و محروق دمك
- هاتعانى نفس المعاناة و انت مروح(راجع النقاط من 1 الى 4)
- هاتروخ تلاقى عربيتك اتخبطت و هى واقفة و فى حد راكن صف تانى و قافل الطريق عليك
صبرنا يا رب و ارحمناExperience is that marvelous thing that enables you to recognize a mistake when you do it again
[SIGPIC][/SIGPIC]
Comment
-
مرحبا بك فى السيرك المصرى الحلزونى ولا تنسى ان تتسلح بكل ما لذ وطاب ومن ادوية الضغط والقلب والسكرى.[CENTER][SIZE=3][B][FONT=Arial Black]"اللهم يا رب المسلمين والنصارى اجعلنا نحن المسلمين لك وللوطن أنصاراً، واجعلنا نحن نصارى لك، وللوطن مسلمين"[/FONT][/B][/SIZE][/CENTER]
Comment
-
المشاركة الأصلية كتبت بواسطة coolsh مشاهدة المشاركةعند واحد اسمه الزعيم في المعادي روحته وصف هيا حته ضايعه مش المعادي المعادي تبع دار السلام كده روحي هناك واسألي عن حماده او حسن ولاد صاحب المحل وقولي من طرف محمد العدل الي معاه الشارك المتعدله وادعيلي... واي خدمات انا موجود
ميرسي ربنا يخليك يا محمد بس اشرحلى اكتر العنوان عشان مش فاهمة يعني هو فى دار السلام ولا المعادى؟[SIZE="2"]i'll miss everyone[/SIZE]
Comment
-
أخويا الصغير حسام
التزم البرووووووووود في الشارع دي أهم حاجه وخلى أعصابك هاديه خالص افقل ازازك وشغل تكييفك وانعزل عن العالم الخارجي واوعى تعمل زيي انت طبعا عارف أنا بعمل ايه وعايزك تبقي هادي على قد ما تقدر وعايزك تبقى متسامح في الشارع جدا لأقصى الدرجات وربنا يسترها
Comment
-
انا اسف على التأخر في الرد.. بصي يا نها.. عارفه شارع اسمه احمد ذكي.. افضلي ماشيه فيه علطوووووول هتلاقي التوحيد والنور على شمالك بعديها بشويه هتلاااقي محل كبير اسمه الزعيم على شمالك خدي اليوترن الي بعده ولما تروحي هناك اسألي اما عن حماده او حسن بلاش حد تاني يشتغل غيرهم.....المشاركة الأصلية كتبت بواسطة Noha-M مشاهدة المشاركةميرسي ربنا يخليك يا محمد بس اشرحلى اكتر العنوان عشان مش فاهمة يعني هو فى دار السلام ولا المعادى؟
ثانيا انا بفضل اروح متأخر كان بيبدألي شغل الساعه 2 بليل :) عشان مش ليا في اللبش بتاع شارع احمد ذكي ودار السلام كل ما تروحي متأخر احسن... انا بيتي في شارع النادي بطلع على ميدان سوارس ومن ميدان سواروس على احمد ذكي مرورا بمطلع 77 بكون هناك في 11 دقيقه بالظبط واي خدمه...[SIGPIC][/SIGPIC]
Comment

Comment