بتعمل إيه مع سايس العربية

[Sherif Sharaf]

أنا خلاص يا جماعة مش طايق ......
أنزل اشترى حاجة من أى محل أرجع ألاقى المساحات مرفوعة، وواحد طول بعرض يقولى:"مع ألف سلامة يا بيه" .
طبعاً هو لا مسح العربية ولا حاجة وبالكتير رسملى خط بالفوطة على القزاز، وطبعاً لازم تدفع يا معلم.
أنا فى أحيان كتير أوى بطنش،بس المشكلة إن فيه ناس بتدفع، وده بيطمع ناس تانية أنها تقف الوقفة دى ولا شغلة ولا مشغلة، كل اللى بيعمله أنه يرفع المساحات (وساعات كمان بيكسل يرفعها) ويقولك "كل سنة وانت طيب يا باشا"..

أنا بأطالب بمقاطعة الشحاتين بالإكراه (قصدى السياس) عشان نقلل شوية من الظاهرة دى، لحسن دى بقت حاجة تخنق...

[hotboja]

ايوة عندك حق دة كمان المشكلة ان فى اماكن كتير غريبة بيقفوا فية

زاى مركز البولنج فى مدينة نصر وارة البنورامة 6 سنين بروح هناك مفيش اى سايس

بس من اسبوع خلاص احتلو المنطقة هناك وبعد ما تلعب بولنج اتطلع هتلقى انتن هناك

كل سنة وانت طيب

مش مفاهم يعنى بعد كدة الوحد ينزل من اى حتة يتوقع سايس مستنيية مترابص بية

[MMamdouh]

ولا اى حاجة... اكن مفيش اى جثة بتتكلم من اصلة... الا اذا الراجل بجد وسعلى مكان عشان اعرف اركن او وسعلى مكان عشان اخرجز

MMamdouh

[drhaytham]

ولا اى حاجة... اكن مفيش اى جثة بتتكلم من اصلة... الا اذا الراجل بجد وسعلى مكان عشان اعرف اركن او وسعلى مكان عشان اخرجز

MMamdouh

بالضبط ده اللي لنا باعمله الحلااااااااااااااااااااااااااااااااااااااااااااقة

[iBiZa]

التجاهل التام (كأنة هوا يا سامح)

[شريف]

مرة لقيت واحد شكلة غلبان اوى ماشى و السايس واقف مستنى اديلة فلوس رحت مدي للغلبان و نفضت للسايس اكيد اتفرس جدا D: . بجد ممثلين جدا و تلاقية بيعمل شوية حركات كانة معوق

[ArafatEHegazy]

فعلا الموضوع زاد عن حده ....
حتي اللي بياخد مقابل انه بيخليك تركن ولا لأ ...بأ دلوقتي في جشع وكل يوم بتلاقي السعر عمال يزيد ...اللي كان بياخد جنيه دلوقتي عايز اتنين وثلاثه وموش عاجبه. تحس انهم فاكرين اللي راكب عربيه ده بيطبع فلوس في بيتهم وموش تعبان فيها ....يعني لو خارج كذا مشوار في اليوم وعندك كذا ركنه .....هتعمل ميزانيه مخصوصه للركن.

فعلا أحسن حاجه الواحد يطنشهم

[جمال]

لو عمل حاجة مثل وسعلى مكان علشان اركن او ساعدنى فى الخروج يبقى اديله اللى فيه النصيب ( نص جنيه بحالة مثلا )
لو ماعملش حاجة و بيرمى جتته يبقى لما يقوللى كل سنه و انت طيب ارد عليه وانت بالصحة و السلامة و خلاص

[Noha.M]

على حسب لو قدام النادى بتاعنا مثلا و عارفنى و دايما بيوسعلى مكان فبديه اللى فيه النصيب لكن نظام رمى الجتة دة بيحرق دمي اوى بس و بنفض طبعا
بس الحق يتقال انا بقيت بصطاد العيال الضغيرة اللى بتلمع العربية و اخليهم يلمعو و اقوله لو هتنضف نضف بجد و انا حاجى اعاين و هشوووف كل حتة انت حر بقا

[M!NA]

السايس حسب نوعه و اسلوبه.... لو بلطجي و بيستهبل مش بستكفى أني مديلوش فلوس و بس ... لأ بحاول أرزعه أي كلمة
و لو ذوق بديله مبكسفوش

مرة كنت راكن عند السلاب - مكرم عبيد - لقيت حركة المساحات ديه معموله و لقيت الراجل جاي يجري أول ما شافني بفتح الباب

رحت اتنرفزت عليه و قلتله مين الحيوااااااااان اللي رفع المساحات كدا؟؟؟؟ قاللي دا واحد بيمسح عربيات في الشارع يا باشا
قلتله و هو فين
قاللي كان لسة هنا دلوقتي
قلتله دا حيواااااااان و رحت راكب و ماشي :d (طبعا كدا النتيجة واحد - واحد بيستعبط اسنعبطت أنا كمان)


مرة تانية بأة سايس و هو بيرجعني كان مادد رجله فدست عليها غصب عني... و الحمد لله محصلش حاجة... قلتله آسف مشفتكش
قاللي و لو دست على رقبتي كمان فداك

بصراحة الراجل ده من ذوقه كان نفسي أديله كل اللي معايا بس اديته جنيه يومها (من 6 سنين تقريبا)

[M_ashraf]

حسب الاسلوب
لو نضف العربية ولا لأ
بيساعدك تلاقي ركنه في مكان صعب ويطلعك منها

[ahmedezzat78]

بادفع بس لو جابلى ركنه فى مكان زحمه

[MoToRiZeR]

انا مرة في مدينة نصر وقفت علي جنب أركب واحد صاحبي كان مستنيني .. وقفت و علي بال ما فتحت السنترال لوك لقيت واحد بيمسح الإزاز و بيقولي ألف سلامة يا باشا!

باراشوتااااااااااااااااات يا جدعان نفسي أعرف بيطلعوا منين
عامة انا مبديش فلوس لحد إلا لو عمل حاجة بالفلوس دي .. فا علي حسب الأسلوب فعلا إنما باراشوت .. ولا مليم

[amir]

انا بشوف الموضوع ده من منطلق تاني
دي اسمها سرقه بالاكراه
و في حديث شريف بيقول:
قال رسول الله صلي الله عليه و سلم: ما اخذ بسيف الحياء فهو سحت
صدق رسول الله صلي الله عليه و سلم

الناس دي بتتعامل من منطلق رمي الجته و البلطجه و لو انت مدفعتش ممكن يتشاكل معاك و الموضوع يقلب بخناقه
فهما بيلجئو انهم يرمو جتتهم و ممكن من كل 10 اشخاص 8 يدفعو
و الاتنين التانيين ميدفعوش او يتخانقو
العيب مش عليهم العيب علي المستوي المتدني لاداء الامن العام (مش هو ده تعريف الامن العام اللي هو الامن اللي الواحد يلاقيه في الشارع ؟!!)
مش عايز اقعد احسب الناس دي بتكسب كام بس لو الواحد حط حسابات تقديريه هيلاقيهوم بيكسبو كويس جدا جدا من ورا الموضوع ده خصوصا ان مصاريف المشروع ده لا تتجاوز فوطه صفرا و طاقيه و كام كوبايه شاي و علبه سجاير
عن نفسي بحاول مدفعش و ساعات بدفع متضطر بس بكون مش راضي عن الفلوس دي, اضعف الايمان

[Noha.M]

انا بشوف الموضوع ده من منطلق تاني
دي اسمها سرقه بالاكراه
و في حديث شريف بيقول:
قال رسول الله صلي الله عليه و سلم: ما اخذ بسيف الحياء فهو سحت
صدق رسول الله صلي الله عليه و سلم

الناس دي بتتعامل من منطلق رمي الجته و البلطجه و لو انت مدفعتش ممكن يتشاكل معاك و الموضوع يقلب بخناقه
فهما بيلجئو انهم يرمو جتتهم و ممكن من كل 10 اشخاص 8 يدفعو
و الاتنين التانيين ميدفعوش او يتخانقو
العيب مش عليهم العيب علي المستوي المتدني لاداء الامن العام (مش هو ده تعريف الامن العام اللي هو الامن اللي الواحد يلاقيه في الشارع ؟!!)
مش عايز اقعد احسب الناس دي بتكسب كام بس لو الواحد حط حسابات تقديريه هيلاقيهوم بيكسبو كويس جدا جدا من ورا الموضوع ده خصوصا ان مصاريف المشروع ده لا تتجاوز فوطه صفرا و طاقيه و كام كوبايه شاي و علبه سجاير
عن نفسي بحاول مدفعش و ساعات بدفع متضطر بس بكون مش راضي عن الفلوس دي, اضعف الايمان

كلمتين ميه ميه