بتعمل إيه مع سايس العربية

[Dr.A.Nabil]

كله كوم والناس اللي عند سيتي ستار دول كوم تاني

لو جيت تدي الواحد جنيه... يقولك 3 جنيه يا باشا
وهم تحس ان هم عصابه كبيره وعددهم كبير


رينا ياخدهم

اصلا الحوار اللفاشل ده مش موجود غير في مصر


المشكله ان المصريين ابتدوا يعملوه في السعوديه والامارت

تلاقي عند المولات الكبيره في دبي زي سيتي سنتر والجوميرا برضه شوية مصريين بيعملوا الحركات دي !!!

[شاهين - بنز]

مابدفعش نهائيا للسايس في أي حال من الأحوال ولو فتح بؤه ولا شتم بنزل أتخانق معاه

[OlaOsman]

يعني من الآخر شغلة السايس دي بأت شغلة من لا شغلة له.. او بمعنى أصح طريقة تانية للشحاتة

انما أرجع و أقول البلد فيها داخلية و الداخلية فيها ظباط و الظباط تحتهم أمناء شرطة وعساكر و كل دول مهمتهم حفظ الأمن و حماية المواطن العادي من الأشكال دي.. تصوروا؟

[islambana]

انا خالي علمني حركه حلوه قوي في المواقف اللي زي دي كل مايجي سايس
ياما اقوله
1-انا ماكنتش عايز امسح العربيه شكلها كان عاجبني الاول
2- يا اما اقوله احنا شرطه يابني ما بندفعش فلوس(طبعا انا لا شرطه ولا حتي جيش

[Nader]

لو جابلي مكان اركن فية والدنيا زحمة ومفيش اماكن اديلة فلوس

لو جابلي مكان والدنيا فاضية والاماكن كتير وبيستهبل اديلة على دماغة!


مش بحب الاستهبال اصلي ويقولك عجلة للامام وعجلة للخلف بخش فية على طول.

[Noha.M]

كله كوم والناس اللي عند سيتي ستار دول كوم تاني

لو جيت تدي الواحد جنيه... يقولك 3 جنيه يا باشا
وهم تحس ان هم عصابه كبيره وعددهم كبير


رينا ياخدهم

اصلا الحوار اللفاشل ده مش موجود غير في مصر


المشكله ان المصريين ابتدوا يعملوه في السعوديه والامارت

تلاقي عند المولات الكبيره في دبي زي سيتي سنتر والجوميرا برضه شوية مصريين بيعملوا الحركات دي !!!

طيب بجد بتوع سيتي ستارز عاملينلي ازمة نفسية بجد يعني مرة كان اخويا داخل يصلي فى الجامع اللى جنب سيتي ستارز و انا قاعدة مستنية و ركنت كدة و قاعدة فى العربية و الاقي واحد جايلي يقولي راكنة ولا قاعدة قولتله لا ثوانى بس اصل اخو.. لسه مكملتش الجملة لقيته بيقولي يبقي 2 جنيه ! بجد حرق دمى و مبصتلووش بعدين لاقيته بيقولي ما لو حضرتك مش قاعدة ندي فرصة للعربيات التانية اللى هتركن و نخش المووووووووول !! برضه مردتش و قفلت ازازى .. لان بجد الفكرة مش فى ال 2 جنيه الفكرة فى الاتاوة اللى الواحد بيدفعها مجبور و تحس من جواك انك مش مسامح عشان حتى مدانيش الفرصة انى اعمل كدة بنية كويسة .بس بجد بتوع سيتي ستارز دول لازملهم حل جزرى

[M.Mokhtar]

طيب بجد بتوع سيتي ستارز عاملينلي ازمة نفسية بجد يعني مرة كان اخويا داخل يصلي فى الجامع اللى جنب سيتي ستارز و انا قاعدة مستنية و ركنت كدة و قاعدة فى العربية و الاقي واحد جايلي يقولي راكنة ولا قاعدة قولتله لا ثوانى بس اصل اخو.. لسه مكملتش الجملة لقيته بيقولي يبقي 2 جنيه ! بجد حرق دمى و مبصتلووش بعدين لاقيته بيقولي ما لو حضرتك مش قاعدة ندي فرصة للعربيات التانية اللى هتركن و نخش المووووووووول !! برضه مردتش و قفلت ازازى .. لان بجد الفكرة مش فى ال 2 جنيه الفكرة فى الاتاوة اللى الواحد بيدفعها مجبور و تحس من جواك انك مش مسامح عشان حتى مدانيش الفرصة انى اعمل كدة بنية كويسة .بس بجد بتوع سيتي ستارز دول لازملهم حل جزرى

طول مافى حد بيديهم هيكتروا وهيعملوا اللى هم عايزينه
لكن لو كل واحد عمل كده اتصلنا بالشرطه تيجى تخده (مش هيتحبس ولا حاجة اخرهم هيظبطوه شويه ويخرجوه :))
هيخاف يعمل كده تانى

انا مره كنت فى مرسى مطروح وراكن عربيتى على الشاطئ يعنى المايه هتلمس العجل خلاص
وانا نازل من العربيه لاقيت واحد بيقولى حمدلله على سلامتك يا باشا
قولته الله يسلمك
انا مش عارف شاطئ ايه اللى عليه سايس ده :)
طبعا واقف متصدرلى عشان اديله اى حاجة فقولتله لما اطلع بقى عشان لو فى حاجة حصلت للعربيه اعرف احسابك
وانا طالع لاقيت كذا واحد راكن جنبى وطلعت بصعوبه
لاقيته بعد كده جايلى ادتله جنيه قالى يا باشا هنا معروفه ب 5 جنيه
قولتله طيب هات الجنيه وبحط ايدى فى جيبى فهو فكر انى هجيبله ال 5 جنيه اخدت منه الجنيه وقولته سلام عليكم :)

ده حتى الشحاتين بقوا لازقه وكل واحده يجبلها زربة عيال مممسكه كل 5 منهم شارع
ويفضلوا ماسكين فى رجلك من اول الشارع لاخره
انا مره زهقت من بنت رخمه ومعفنه وامسكه فى رجلى فرفستها وقعتها على الارض لاقيت شاب جنتل بيقولى مش حرام عليك ومعرفش ايه وكان هيمسك فيا
المصريين قلبهم طيب اوى وبكده مش هنعرف ناخد موقف من كل السلبيات دى

[mohamed ibiza]

احلقله و نفضله و قصر :d:d:d بجد ده احسن حل للبشر دي

[Noha.M]

طول مافى حد بيديهم هيكتروا وهيعملوا اللى هم عايزينه
لكن لو كل واحد عمل كده اتصلنا بالشرطه تيجى تخده (مش هيتحبس ولا حاجة اخرهم هيظبطوه شويه ويخرجوه :))
هيخاف يعمل كده تانى

انا مره كنت فى مرسى مطروح وراكن عربيتى على الشاطئ يعنى المايه هتلمس العجل خلاص
وانا نازل من العربيه لاقيت واحد بيقولى حمدلله على سلامتك يا باشا
قولته الله يسلمك
انا مش عارف شاطئ ايه اللى عليه سايس ده :)
طبعا واقف متصدرلى عشان اديله اى حاجة فقولتله لما اطلع بقى عشان لو فى حاجة حصلت للعربيه اعرف احسابك
وانا طالع لاقيت كذا واحد راكن جنبى وطلعت بصعوبه
لاقيته بعد كده جايلى ادتله جنيه قالى يا باشا هنا معروفه ب 5 جنيه
قولتله طيب هات الجنيه وبحط ايدى فى جيبى فهو فكر انى هجيبله ال 5 جنيه اخدت منه الجنيه وقولته سلام عليكم :)

ده حتى الشحاتين بقوا لازقه وكل واحده يجبلها زربة عيال مممسكه كل 5 منهم شارع
ويفضلوا ماسكين فى رجلك من اول الشارع لاخره
انا مره زهقت من بنت رخمه ومعفنه وامسكه فى رجلى فرفستها وقعتها على الارض لاقيت شاب جنتل بيقولى مش حرام عليك ومعرفش ايه وكان هيمسك فيا
المصريين قلبهم طيب اوى وبكده مش هنعرف ناخد موقف من كل السلبيات دى

بظبط في ناس تيجي تحسسك انك معدوم الضمير و الرحمة اتشالت من قلبك مع ان والله انا بيصعب عليه ان الواحد يعمل خير فى ناس متستاهلش و و واخدينها سبوبة والله لدرجة انهم بينسو انهم جولك يشحتو منك قبل كدة و يجولك تانى عشان نسيو انك اديتهم اوففففففف بجد انا الاول كنت بتعاطف معاهم و قعد اقول بطلي هبل دة الواحد بيصرف فى هبل و كلام فاضي اد كدة بس بجد بقيت بفكر انه لا لازم بجد الدعم يوصل لمستحقيه زى الحكومة ما بتقول

بعدين في ناس تستفزك اكتر و تفرض عليك هتدفع كام يعني بتاع الخمسة جنيه دة بتاع ايه ان شاء الله . دة فى مارينا قدام فيش ماركت مقاليش حتى ادفع كام .. حاجة استهبال

[aratux]

اللى يغيظ اساسا إن ده شارع
شاااااااااااااااارع
يعنى ماحدش ليه حق يعمل أى حاجة فيه
و اللى يغيظ أكتر, إن فى الشارع اللى جنب مسجد أسد ابن الفرات فى الدقى, الشارع عليه يافطة من الحى بتقول الركنة ب اتنين جنيه
ليييييييييييييييييييه
ده شااااااااااااااااااااااارع
يخرب بيوتكم

[Dr.A.Nabil]

انا كان بيجيلي زمان واحده شحاته في الصيدليه كل يوم بالليل

كانت بتجيبلي الفكه اللي بتلمها وتصححها عشان احنا بنحتاج الفكه وهي تاخده مجمدين على قلبها
كانت بتجيبلي ايام 100ج وايام 150 في اليوم !!!


يعني اجدع من اي موظف فيكي يا نايل موتورز

[abou_ruqi]

ايـــــــــــــــــوووووة آنتوا جيتوا علي الجرح (انا اسكندراني)


يا جماعة الموضوع ده مزهقني في عشتي مزهقني وجايبلي عقدة
يا جماعة انا بعمل مشاوير كتير كل يوم و بركن بتاع 12 مرة في 12 حتة مختلفة و كل حتة فيها واحد عاوز جنية 360 يعني جنيه في الشهر ، اكتر من مرتب دكتور امتياز في مستشفي عام

طبعا ده هبل وقررت مادفعش ، وطبعا كل يوم خناقتين تلاتة حاجة تقرف

مرة واحد عند جامع ا براهيم بيقولي حمد الله علي السلامة يا باشا هنا موقف و احنا علي باب الله

قولتله هو موقف ولا انت علي باب الله ؟؟؟

قالي الاتنين ، قالتلوا لو موقف انا حدفع وحاخد تكت ، لو ممعكش دفتر يبقي ده مش موقف وانت كذاب وانا مش حديلك فلوس يا كداب


مرة تانية كانت العربية متربة وكنت راكن ووانا طالع لقيت واحد ماسح الازاز
قالتلوا انت اللي مسحته؟
قالي ايوة يا باشا (وفرحان قوي) قالتله مين قالك تمسحه ؟؟ انا طول الليل قاعد بحط في التراب علي العربية و في الاخر تيجي بسلامتك تمسحه ؟ (والشرار بيطير من عينيه )

طبعا الراجل سابني ومشي وفي عينيه تعجب فظيع وماشي ومتاكد ان انا راجل مجنون

ماهي بلد مجانين جات عليا

اللي يستهبل عليك استهبل علي مامته

الحل ان كلنا نبطل ندفع بالاكراه لان احنا مش جبنا للدرجة دي بتدفعوا ليه وانتوا مش راضيين هما ماسكين علينا ذلة ؟؟


يا جماعة يالا ننشر فكر مقاطعة العصابات دي بين ناسنا واهلنا !!!!!

[دموع الثلج]

السايس ده فيلم دراما غبى

مش مشكله السايس اللى واقف قدام شركه ولا بنك ولا اى مكان هتسيب العربيه وترجع تلاقيه واقف جمبها

اللى يغيظ ويموت من الغيط اللى بيبقوا واقفين عند مطاعم التيك اوى يا سلام بئه لو غلطت ووقفت فى جامعه الدول عند اتوماركت ولا حتى المالكى يعنى ممكن تكون راكن بتاكل سندوتش ولا بتشرب حاجه وتلاقى ميه واحد نط لك على الزجاج الامامى والنظافه حبكت بقى متبقاش عارف تاكل ولا تهش اللى اتلموا على العربيه ولا تعمل ايه

لو هتدى سايس بس يكون محترم مش البلطجيه دول اعتبرها صدقه لوجه الله على فقير

بس الناس الرخمه الثانيه دول اديهم على دماغهم وامشى

[tamohsen]

اه
فكرتوني بالذي مضي
ايام لما كنت خاطب كنت ممكن انزل اعمل 3 ولا 4 مشاوير كل يوم
يني حسبه 100 -150 جنيه في الشهر
حاجه تقرف
ماهو لو كان فيه امن كانو منعوا بلاويهم عننا

[abou_ruqi]

اه
فكرتوني بالذي مضي
ايام لما كنت خاطب كنت ممكن انزل اعمل 3 ولا 4 مشاوير كل يوم
يني حسبه 100 -150 جنيه في الشهر
حاجه تقرف
ماهو لو كان فيه امن كانو منعوا بلاويهم عننا

الامن مش حيعمل حاجة طالما احنا سلبيين
الامن هيهشهم يوم و حيرجعوا تاني يوم
انما لو بطلنا مش حيرجوا تاني ابدا