الكويت بترحب بالكورولا 2014 ترحيب حار

[برنس الليالي]

الله يبارك فيك ياباشا
قصة العربيه وتفضيلها دي بقالها كده حوالي تسع شهور
أول عربيه فكرت أشتريها كانت الكيا كارينز وفضلت مستنيها ولما نزلت مانزلتش بماتور1600 سي سي زي اللي في مصر فخرجت من حساباتي وبعدها حصلت ظروف وإضطريت تأجيل الموضوع.
وفي شهر تسعه اللي فات ابتديت اتابع الفليونس وأراء الناس عليها واعجابهم بيها فقلت خلاص اتوكل علي الله واشتريها ورحت شفتها لاقيتها مختلفه عن اللي بتنزل مصر وزعلت جدا جدا علي العربيه دي وقلت خلاص مافيش غير الكورولا 2014 الجديده ورحت وشفتها وطلعت مختلفه عن اللي بتنزل مصر
فقلت خلاص مافيش غير إلنترا وعربيه حلوه ومجربها بنفسي ومع زميلي وقلبي كان ميال ليها جامد لكن وأنا في الطريق قلت ماأدخل توكيل كيا أعمل محاوله معاهم انهم يجيبولي كارينز أو حتي سبورتاج بماتور 1600 سي سي كطلبيه خاصه ولكن وقعت عيني علي السيراتو الجديده وشكلها جميل جدا في الواقع عن الصور وقلت أجربها وحصل معايا الموقف اللي انا عملت بيه تقرير عن تجربتها واحترت أكتر بينها وبين الالنترا وقلت أروح اجرب الالنترا تاني وفعلا السيراتو كسبت وفي فرق فعلا بينها وبين اللإلنترا وقمت حاجز السيراتو قبل ماأتردد تاني وأحتار

لكن بصراحه اللي خلاني أختار السيراتو وأسيب الإلنترا هو ان الاتنين كانو بنفس التمن لكن فرق الأوبشنز الكتيره كان لصالح سيراتو وبتفوق وأهمها طبعا التحكم في قوة الدركسيون وتبريد في درج التابلوه وخامات داخليه أفضل بكتير وكرسي السواق افضل من الإلنترا وكاسيت تتش مع كاميرا خلفيه وسنسورز أماميه وخلفيه وجناح خلفي وشفتات تغيير السرعه خلف الدركسيون .
معلش رغيت كتييييير وأسف علي الإطاله.
وإن شاء الله هاعمل تقرير بالصور عن العربيه بإذن الله في أقرب وقت

فعلاً انا لما شفت تجربتك للنيو سيراتو كبرت في نظري وحكاية كراسي السيراتو والالنترا بردو سمعت اكتر من واحد انها مريحة اكتر ومافيهاش نشوفية وبالتأكيد اوبشنز جامد جداً وتتحدى اتخن عربية في الفئة من ناحية الاوبشنز وقوة المحرك

عربية محترمة جداً مش حتندم إنك جبتها والكل بيفضلها على الالنترا طبعاً وايه اللي يخليك تضحي بأوبشنز محترم زي دا... اخترتها بلون ايه ؟ انا بفضل الابيض والفضي

[esam_ayad]

فعلاً انا لما شفت تجربتك للنيو سيراتو كبرت في نظري وحكاية كراسي السيراتو والالنترا بردو سمعت اكتر من واحد انها مريحة اكتر ومافيهاش نشوفية وبالتأكيد اوبشنز جامد جداً وتتحدى اتخن عربية في الفئة من ناحية الاوبشنز وقوة المحرك

عربية محترمة جداً مش حتندم إنك جبتها والكل بيفضلها على الالنترا طبعاً وايه اللي يخليك تضحي بأوبشنز محترم زي دا... اخترتها بلون ايه ؟ انا بفضل الابيض والفضي

الحمد لله ياباشا أنا فعلا مش ندمان علي اني اشترتها
والحمد لله أنا اخترت اللون الفضي
وكان في الفئه الكامله تماما اللي هي فيها كراسي كهربا وزينون وذاكرة أوضاع كراسي بس كانت لون حليبي اللي هو الأصفرالفاتح ده بس ماعجبنيش اللون ولما رحت تاني يوم وقلت أمري لله أخدها علشان المواصفات الزياده اللي فيها لاقيتها اتحجزت ومافيش منها تاني الا بعد شهرين علي الأقل.