صديقي المواطن ( بيان رقم واحد )

[ramyraby]

ربنا يوفقك ياباشا

[amr011111]

ألف مبروك
وبشوف عربيات فى المنطقه عندى احاول اصورها ليك يمكن تكون محتاج حاجه منها

[michohat]

مبروك العربية ربنا يديك خيرها ويكفيك شرها

على ما اتذكر قريب لي من عائلات نجم كان جايب عربية زيها لما كان بيتجوز من ١٠ سنوات تقريبا كانت عربية الزفه بتاعته حسب ما اتذكر انها كانت من ضمن مقتنيات احد افراد العائله ممن يهوى مثل هذه الهوايه حتى انه كان يشتهر بولعه الشريف والنادر لاقتناء كل ما هو اصلي

[ahmed_eng2001]

مبروك عليك العربية ... فى انتظار اخر اخبار الشد و التعديل

[saddam]

مبارك عليك السياره وربنا يعينك ويقويك عليها
وهل العربيه دى ملاكى سوهاج لانى شوفت اختها ونفس اللون هناك وكانت حالتها كويسه برده

صديقي المواطن
شكرا لمرورك الكريم والعربية دي ملاكي القاهرة نمر قديمة وعليها ضرابب متأخرة 5 سنين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

ربنا يوفقك ياباشا

صديقي المواطن
دعوة قصيرة لكنها في المفيد المختصر وجزاك الله عني خيرا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

ألف مبروك
وبشوف عربيات فى المنطقه عندى احاول اصورها ليك يمكن تكون محتاج حاجه منها

صديقي المواطن
وأنا منتظرك بفارغ الصبر وشكرا لمرورك ولجهودك بس رجاء شخصي أي صور إبعتها عالخاص
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

مبروك العربية ربنا يديك خيرها ويكفيك شرها

على ما اتذكر قريب لي من عائلات نجم كان جايب عربية زيها لما كان بيتجوز من ١٠ سنوات تقريبا كانت عربية الزفه بتاعته حسب ما اتذكر انها كانت من ضمن مقتنيات احد افراد العائله ممن يهوى مثل هذه الهوايه حتى انه كان يشتهر بولعه الشريف والنادر لاقتناء كل ما هو اصلي

صديقي المواطن
قريبك ده من غير مشوفه فده قولا واحدا حبيبي نفسي ألاقي حد في مصر يحب العربيات زيي ونقعد نتنافس تنافس أخوي ونروح ونيجي مع بعض ونكبر صداقتنا لغاية منتجنن ونصنع سيارة مصرية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

مبروك عليك العربية ... فى انتظار اخر اخبار الشد و التعديل

صديقي المواطن
أنا يا دوبك نزلت العربية عند السمكري وقعدت معاه ربع ساعة فقط وإديته 1180 من حساب عربيتي رقم 4 اللي قربت تخلص عنده ووجهت تعليماتي بغسل العربية وإصلاح عدد 2 كاوتش عشان نبتدي نخش فيها بعد عربيتي رقم 4 ما تتحول منه عالبوهيجي ولسه لغاية دلوأتي مخترتش الألوان وأنا حغير وأحط جنوط نيكل 20 مع مكنة 8 سلندر وفتيس أوتوماتيك وححط كراسي شبح كهربا وحفصل ليها زجاج ملون وحعمل ليها تكييف بور وحفصل ليها راديتير واﻷلوان بحضر ليها خلطة خاصة من الجواهر البراقة بس عندي أزمة ألوان بس حنتصرف لسه معايه وقت أفكر وأكيد ربك حيفتح علينا بحاجة وهي حغيرلها نظام الورق في العفشة وحخليها يايات وأعمل الدواخل خشب وأعزل الصوت والحرارة وشوية سماعات بره وجوه وشوية 8 كلاكسات مع إكمال وتنكيل نواقص النواكل وتعديل فوانيس شكل 2015 وشوية إنارة دييسكو سفلية وشوية أجهزة إنذار وهكذا حتى يقضي الله أمرا كان مفعولا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

مبروك عليك العربية ... فى انتظار اخر اخبار الشد و التعديل

[lost2008]

ربنا يوفقك وبجد انت من افضل الشخصيات المتميزه والغريبه احيانا اسلويك اكثر من رائع خلى الواحد يدور على مشاركاتك لانى بعتبرك موسوعه وانسان محترم مهذب يستحق ان اعرفه وكما تقول دمت للنضال

ده الى عاوز اقوله بالزبط بجد العضو صدام مكسب للمنتدى , و يا ريت يمتعنا بمجموعة صور للسيارات الكلاسيكية الى عنده .

[hilal]

صديقي المواطن العظيم صدام بك
الف مبروك ، وادعو الله ان يحقق لك السعادة مع سياراتك
التي اشعر انك تعتبرهم ابناءك ، وتتحدث بكل فخر عنها
لقد ملكت قلوبنا قبل ان تمتلك مجموعة سياراتك التي نحس بها كائنات حية تحزن وتفرح معك
ادام الله فرحك وحفظك لعائلتك واصدقاءك

[saddam]

ده الى عاوز اقوله بالزبط بجد العضو صدام مكسب للمنتدى , و يا ريت يمتعنا بمجموعة صور للسيارات الكلاسيكية الى عنده .

صديقي المواطن
شكرا ﻹحساسك النبيل تجاهي وربنا يقدرنا نكون تحت حسن ظنك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

صديقي المواطن العظيم صدام بك
الف مبروك ، وادعو الله ان يحقق لك السعادة مع سياراتك
التي اشعر انك تعتبرهم ابناءك ، وتتحدث بكل فخر عنها
لقد ملكت قلوبنا قبل ان تمتلك مجموعة سياراتك التي نحس بها كائنات حية تحزن وتفرح معك
ادام الله فرحك وحفظك لعائلتك واصدقاءك

صديقي المواطن
دائما مشاعرك وكلامك تجاهي يفرحني أنا أعتبر السيارة هي وسيلة النقل أو اﻷداة التي ساهمت في تربيتي وفيما أنا عليه اليوم فهي من تأخذني لمدن وتجارب جديدة وهي من تأخذني من دنيا لدنيا أخرى وأنظر لرسول الله صلى الله عليه وسلم كيف كان يحب ناقته ﻷنها وسيلة نقله من مدينة لمدينة وكذلك أنا أما مساهمتها في تربيتي فعندما يكون اﻹنسان مراهقا من 15 إلى 22 عاما تحصل مشاكل كثيرة بينه وبين أهله من محاولة إثبات شخصيته المستقلة لتحديه لسلطة والده وهكذا فكانت تحصل مشاكل كبيرة وكان من يردعني عن توسيع المشاكل وتكبيرها هو إني كنت آخذ السيارة ليلا 500 كيلو أو 400 كيلو وأحيانا 1000 و 2000 كيلو لوحدي مع العربية وممكن أعيط بداخلها ساعتها وأسوق بسرعات فائقة وأتكلم مع نفسي داخلها ثم إحساس القيادة في بعض المواقف والقرص لثواني معدودة يعطيك مفعول يشبه مفعول المورفين وبعد رحلة القيادة كنت أهدأ وأتفكر في ملكوت الله وأستغفره وأهدأ وأفرغ طاقتي وأعود للبيت شبه هاديء وكمان كانت بتاخدني لجوامع جديدة وبلاد جديدة وتفتح زفاق شغل وتعرفنا على ناس جدد ولكن لولاها من كان يدري أكان من الممكن في ساعة غضب أستغفر الله أن تضرب أبيك أو أمك أو إخوتك لولاها طبعا تشل يدي قبل أن أفعلها ولكن قولا واحدا لولا تواجد السيارات حولي في نشأتي لم يكن صدام المواطن له وجود أو كما تعرفه اليوم
وأنا بطبعي إنسان لا أحب المشاكل ولا كثرة الكلام وكل محد يزعلني بدوس في تعديل العربيات فأنسى بعض الهموم وينشغل بالي عن الدنيا بحيث من يراني يقول إنت فين والدنيا فين من كتر ميحس إني رايق بس هو مش عارف إن الهموم اللي على صدري باتت كالجبال وصرت سجينا داخل نفسي ولا أعلم متى أجد السعادة كما تمنيتها بطريقتي الخاصة وللأسف ستايل حياتي السابقة لا زال يؤثر على حياتي حاليا ويعتبر كل حياتي معطلة مؤقتا حتى أعود كما كنت وبكده ستظل السيارات مش أهم من أولادي لكن مش حتقل عن ولادي يعني لو بنيت قصر لا يمكن أحط كل عربيتين بأوضة لازم كل عربية فاترينة لوحدها وتوقف على سجاد فاخر وأركب كل عربية يومين وأخش على اللي بعدها بالدور لكن أولادي ممكن كل ولدين في أوضة واحدة وكمان ممكن أجيب لولادي لبن مش شرط سيريلاك بس مقدرش أحط في أي عربية من عربياتي زيت أبو 300 جنيه لازم ميقلش عن 900 جنيه وكمان مش كل العربيات بحبها وأحيانا بقعد كذا شهر مش بسوق لكن إحساسي بإمتلاك مجموعتي وإنها بتكبر كل يوم وإن كل يوم يتضاف عليها تعديلات وتجديد فأكيد حييجي يوم وتخلص وتكون شيء مشرف ومجرد ألمها حواليا وأتفرج عليها عندي أحسن من إني أروح أتفرج على بحر أو جبل وقولا واحدا مش حسمح لولادي يسوقوا عربياتي الخاصة حبقه أجيبلهم ساعتها أي عربية زيرو من عربيات عموم الشعب ساعتها أي كلام زي سيراتو وإلانترا وبيجو 301 وصني وكورولا والحاجات العادية دي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[gade2]

صديقي المواطن
أنا يا دوبك نزلت العربية عند السمكري وقعدت معاه ربع ساعة فقط وإديته 1180 من حساب عربيتي رقم 4 اللي قربت تخلص عنده ووجهت تعليماتي بغسل العربية وإصلاح عدد 2 كاوتش عشان نبتدي نخش فيها بعد عربيتي رقم 4 ما تتحول منه عالبوهيجي ولسه لغاية دلوأتي مخترتش الألوان وأنا حغير وأحط جنوط نيكل 20 مع مكنة 8 سلندر وفتيس أوتوماتيك وححط كراسي شبح كهربا وحفصل ليها زجاج ملون وحعمل ليها تكييف بور وحفصل ليها راديتير واﻷلوان بحضر ليها خلطة خاصة من الجواهر البراقة بس عندي أزمة ألوان بس حنتصرف لسه معايه وقت أفكر وأكيد ربك حيفتح علينا بحاجة وهي حغيرلها نظام الورق في العفشة وحخليها يايات وأعمل الدواخل خشب وأعزل الصوت والحرارة وشوية سماعات بره وجوه وشوية 8 كلاكسات مع إكمال وتنكيل نواقص النواكل وتعديل فوانيس شكل 2015 وشوية إنارة دييسكو سفلية وشوية أجهزة إنذار وهكذا حتى يقضي الله أمرا كان مفعولا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

السيد صدام
سؤال غريب ..هو انت بتشد العربيات دى وتبيعها ولا ايه