صديقي المواطن ( بيان رقم واحد )

[saddam]

ده الى عاوز اقوله بالزبط بجد العضو صدام مكسب للمنتدى , و يا ريت يمتعنا بمجموعة صور للسيارات الكلاسيكية الى عنده .

صديقي المواطن
فاضل 3 أو 4 عربيات أضمهم لمجموعتي الخاصة بإذن الله وساعتها أكون تملكت مجموعة أقدر أفتخر وأتباهى بيها في عالم ألكلاسيك ﻷن معظم الكلاسيك اللي عندي ستينات ومعنديش غير 2 خمسينات بس داخل على عربيات أربعينات وثلاثينات لزوم إكتمال تسجيلي كمقتني سبارات كلاسيك رسمي نظمي فهمي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

السيد صدام
سؤال غريب ..هو انت بتشد العربيات دى وتبيعها ولا ايه

صديقي المواطن
داخل جمهورية مصر العربية عمري ما بعت عربية غير مرة واحدة فقط رجعت عربية لصاحبها بخسارة كنت شاريها منه قسط وإتسرقت وقعدت سنة ورجعت شديتها وجددتها ورجعتها لصاحبها عشان كانت ظروفي لا تسمح بدفع قسطها وكانت عربيتي رقم 4 وحتى هذه اللحظة عملالي دربكة في حياتي ومش عارف أعمل إيه لرقم 4 الفاضي عندي هل أجيب عربية وأكتب عليها مثلا رقم 4 / 2 ولا أكتب 4 b ولا أكتب 4 الجزء الثاني ولا أرجع أشتري نفس العربية نفس اللون والله مش عارف أما أبيع ﻷ بس بفكر في يوم مثلا أخلص عربية من عربياتي أوائل الخمسينات أو أواخر اﻷربعينات وأطلع بيها عمرة للسعودية لو حد وقفني وإشتراها مثلا بمليون جنيه يعني مثلا 15 ضعف لقيمتها ممكن أفكر أبيع بشرط آخد الفلوس أعمل أختها وبالباقي أجيب حاجة مفيدة زي 200 فدان أرض مثلا أما حد أتعب في عربية سنتين وتلاتة وييجي يديك مكسب 50 أو 60 ألف فمش طموحي ومش حتسد خانة ولا حتحل مشكلة وحزني عالعربية ساعتها حيكون أكثر من فرحتي بالفلوس اللي جتني من وراها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ahmed_eng2001]

صديقي المواطن
أنا يا دوبك نزلت العربية عند السمكري وقعدت معاه ربع ساعة فقط وإديته 1180 من حساب عربيتي رقم 4 اللي قربت تخلص عنده ووجهت تعليماتي بغسل العربية وإصلاح عدد 2 كاوتش عشان نبتدي نخش فيها بعد عربيتي رقم 4 ما تتحول منه عالبوهيجي ولسه لغاية دلوأتي مخترتش الألوان وأنا حغير وأحط جنوط نيكل 20 مع مكنة 8 سلندر وفتيس أوتوماتيك وححط كراسي شبح كهربا وحفصل ليها زجاج ملون وحعمل ليها تكييف بور وحفصل ليها راديتير واﻷلوان بحضر ليها خلطة خاصة من الجواهر البراقة بس عندي أزمة ألوان بس حنتصرف لسه معايه وقت أفكر وأكيد ربك حيفتح علينا بحاجة وهي حغيرلها نظام الورق في العفشة وحخليها يايات وأعمل الدواخل خشب وأعزل الصوت والحرارة وشوية سماعات بره وجوه وشوية 8 كلاكسات مع إكمال وتنكيل نواقص النواكل وتعديل فوانيس شكل 2015 وشوية إنارة دييسكو سفلية وشوية أجهزة إنذار وهكذا حتى يقضي الله أمرا كان مفعولا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ربنا يباركلك و يوفقك ...
لى سؤال عند حضرتك ..... اجيب من فين كراسى الشبح الكهرباء الى حضرتك ذكرتها ؟؟؟ انا عاوز كرسيين لعربيتى و يكونوا كهرباء .. فيه ناس نصحتنى بكراسى البى ام دبليو !!! حضرتك ايه رأيك ؟

[khaled_sabry]

اسلوب جميل و متميز و عربيه جميله تنمى الى زمان كانت تدعى فيه السياره بالاوتومبيل و كانت مقصوره فقط على الاقطاعيين
و هى تذكرنى "بأتومبيل" مركون بجوار محل اقامتى فى عين شمس بيجو 203 و هذا الموديل ينتمى لنفس الحقبه الزمنيه (انتاج 1948 الى 1960)
Peugeot 203 - Wikipedia, the free encyclopedia
وفى الواقع انا لا اعرف ان كانت هذه السياره معروضه للبيع ام لا لكنها مركونه بجوار معرض سيارات و اعتقد انها تتبعه - فإن كنت مهتم بشن حمله لفحص هذه السياره فانا على استعداد لكى اسألك لك عنها و ان كانت تتبع معرض السيارات ام لا - و هذا مقابل (لفه) بها لمده زمنيه لاتقل عن نصف ساعه

[ASSASSIN]

ربنا يكرمك وتطلع احسن من الصورة ان شاء الله

[mahmoud_ali]

فى عربيه فى الحرفيين موديل قديم جدا موجوده عند الميكانيكى اللى كنت بتعامل معاه ايام اللانوس لو ليك مزاج تشوفها قولى وانا اقولك هوا فين بالظبط

[Abdulrahman M]

اللهم صل على محمد وعلى آله وصحبه أجمعين

برنس

[saddam]

فى عربيه فى الحرفيين موديل قديم جدا موجوده عند الميكانيكى اللى كنت بتعامل معاه ايام اللانوس لو ليك مزاج تشوفها قولى وانا اقولك هوا فين بالظبط

صديقي المواطن
شكرا ﻹهتمامك الكريم ولكن قولا واحدا العربية ما دام عرفت طريق الحرفيين فكده ملناش عيش فيها يعني مرت على كل مواطني الدرجة التانية والتالتة والرابعة والخامسة وصولا للتاسعة وكل واحد ملوش لازمة حيخش ويكبر دماغ صاحب العربية على ما فيش وعشان كده بشتري من إثنين يا إما ملاكها يا إما ورثتها يا إما من سماسرة يا إما من معارض في أماكن فقيرة غير كده متشتريش عربية في معرض شيك عشان عارفين قيمتها وحيقعدوا يغنوا علينا ظلموه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

ربنا يكرمك وتطلع احسن من الصورة ان شاء الله

صديقي المواطن
صورة إيه يا راجل يا طيب لو أحيانا الله حتطلع أحلى وحده في العالم من هذا الصنف ده اللون بصدفة الجواهر اللي ححطه لوحده كفاية يخلي كل الوجوه تتلوح وهي معدية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

اسلوب جميل و متميز و عربيه جميله تنمى الى زمان كانت تدعى فيه السياره بالاوتومبيل و كانت مقصوره فقط على الاقطاعيين
و هى تذكرنى "بأتومبيل" مركون بجوار محل اقامتى فى عين شمس بيجو 203 و هذا الموديل ينتمى لنفس الحقبه الزمنيه (انتاج 1948 الى 1960)
peugeot 203 - wikipedia, the free encyclopedia
وفى الواقع انا لا اعرف ان كانت هذه السياره معروضه للبيع ام لا لكنها مركونه بجوار معرض سيارات و اعتقد انها تتبعه - فإن كنت مهتم بشن حمله لفحص هذه السياره فانا على استعداد لكى اسألك لك عنها و ان كانت تتبع معرض السيارات ام لا - و هذا مقابل (لفه) بها لمده زمنيه لاتقل عن نصف ساعه :copy of new:

صديقي المواطن
شكرا لعرضك اللطيف بعرض المساعدة ومن ساعة ما قولت حضرتك جنب معرض جائني إحباط وإمساك في المعدة ولكن إسأل عسى الله محدش غاويها وتطلع بسعر معقول ونتواصل على الخاص ومنتظر ردك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[saddam]

ربنا يباركلك و يوفقك ...
لى سؤال عند حضرتك ..... اجيب من فين كراسى الشبح الكهرباء الى حضرتك ذكرتها ؟؟؟ انا عاوز كرسيين لعربيتى و يكونوا كهرباء .. فيه ناس نصحتنى بكراسى البى ام دبليو !!! حضرتك ايه رأيك ؟

صديقي المواطن
في بورسعيد مفيش في الحرفيين موجودة بس حسب مزاج صاحب المحل ممكن تاخدها ب 2500 بالزراير وممكن يقولك 5500 وممكن يقوللك 4000 حسب هو مسنرزق ولا محتاج فلوس أما كراسي البي إم فأقل من بتاعت الشبح ولكن فيه ناس تبيعها أغلى ومش حتلاقي الحاجات الفخيمة حتلاقي الحاجات الكفتة بتاعت العربيات الفئة الثالثة أي كلام كوبس بس صغير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[أحمد الجندى]

استاذ صدام ياريت لو تعدى على وسط البلد وتحديدا عند جراج دار القضاء العالى فيه حوالى 3 عربيات كلاسيك منهم واحدة شبه اللى انت اشتريتها دى وواحدة تانية مرسيدس برضو شكلها من الخمسينات والثالثة مش عارف هى ايه

وفيه مقابلة لاصحاب العربيات الكلاسيك حاتبقى من القاهرة للاسماعيلية حبيت اقولك عليها

https://www.facebook.com/events/1446787145537649/

[S O P H O S]

هههههه بالتوفيق اخي الكريم

[saddam]

استاذ صدام ياريت لو تعدى على وسط البلد وتحديدا عند جراج دار القضاء العالى فيه حوالى 3 عربيات كلاسيك منهم واحدة شبه اللى انت اشتريتها دى وواحدة تانية مرسيدس برضو شكلها من الخمسينات والثالثة مش عارف هى ايه

وفيه مقابلة لاصحاب العربيات الكلاسيك حاتبقى من القاهرة للاسماعيلية حبيت اقولك عليها

https://www.facebook.com/events/1446787145537649/

صديقي المواطن
شكرا لمرورك الكريم وشكرا للمعلومة المفيدة ولكن مش عاوزك تشيل هم العربيات دي عارفها وحافظها بتاعت حبيبي بطاح الحرامي وده بيشتري وبيجمع برضو بس مهمل يشتري ويرصها عند المحل وفي الساحة دي وكمان معندوش أخت دي بالظبط عنده حاجة أقدم وعنده حاجة أحدث وعنده مرسيدس أنا عندي منها 2 ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[شادى عبدالمنعم]

مميز دائما ولك أسلوبك الخاص