إعـــــــلان

Collapse

.

,
See more
See less

ماذا تفعل أذا أضطرتك الظروف لخناقة مع سواق ميكروباص

Collapse
X
 
  • Filter
  • الوقت
  • Show
Clear All
new posts

  • #31
    بص يا غالي ..
    أنا معايا سلاح في العربيه ..
    و مش هقولك هضربه .. لأ .. هيضربني و هضربه أيان كان معاه أيه..
    بس لو في مكانك هسمع منه و ممكن أتأسف له كمان و أمشي عشان المدام .. و عشان خايف علي عربيتي ..
    لو لواحدي بقي عليا و علي أعدائي .. و إعمل ما يحلو لك ..
    و بالنسبه للشتيمه أكيد المدام مش هتكون مبسوطه لو رديت شتيمه بشتيمه و فتج عليك مطوه زي ما بتقول ..
    طبت سالما أنت و سائر أهل بيتك .. ربنا يتوب علينا من البلد دي ..
    تحياتي

    Comment


    • #32
      المشاركة الأصلية كتبت بواسطة amgomaa مشاهدة المشاركة
      هعمل نفسي مش واخد بالي متنزلش لمستوى سواقين الميكروباص
      Sent from my GT-S5282 using Forum Runner


      المشاركة الأصلية كتبت بواسطة smsm199 مشاهدة المشاركة
      كبر دماغك و سيبك الخناق مش هيفيد غير بمصايب


      المشاركة الأصلية كتبت بواسطة Ahmed.Essam مشاهدة المشاركة
      هو الموضوع لو ضرب بس وخناقة واشتباك بالايد كده ده امره سهل لان اغلب سواقين الميكروباص تقريبا من اول بوكس هيقع في الارض بس مش دي المشكلة

      الناس اللي من النوع ده اجبن مما تتخيل بس هما بيعملوا كده لانهم عارفين انهم مسنودين من اهل المنطقة اللي هما فيها او من زميله اللي معاه او لان معاه مطوة او سنجة او او او

      وغير كده هو شايف حضرتك شكلك مش بتاع مشاكل وزوجتك معاك فأكيد مش هيبقى عندك استعداد تنزل تأذيه او تعمل معاه مشكلة
      عشان كده انا متوقع هو قال لحضرتك ايه وعمل ايه وهو عمل كده بقلب جامد لانه جبان وعارف ان حضرتك مش هينفع ترد عليه لاي سبب من اللي كلنا عارفينهم

      يعني بقدر الامكان المفروض اننا نتجنب الناس دي اصلا حتى لو عارف ان في امكانك ترد عليه حتى لو بالشتيمة ودي مفيش اسهل منها بس احنا كناس محترمة بنخاف على شكلنا ومعندناش موهبة الشتيمة وسط الشارع جدا بعلو الصوت


      الإجابة النموذجية لسؤالك هى مجموع الإجابات الثلاثة السابقة .. وهذا هو رأيى الشخصى أيضا
      وربنا يكفينى ويكفيكم جميعا شر سواقين الميكروباص

      وتقبل تحياتى ،،،
      [hr]#ff0000[/hr]
      [CENTER][SIGPIC][/SIGPIC][/CENTER]

      Comment


      • #33
        كلام الناس كلها زي الفل
        بس برضه حابب اسئل لو في خساير وهو الي غلطان 100% هيكون ايه التعامل
        وانتوا عارفين الناس دي بتبقى غلطانه وتنزل تتخانق برضه

        Comment


        • #34
          المشاركة الأصلية كتبت بواسطة k_e مشاهدة المشاركة
          بس برضه حابب اسئل لو في خساير وهو الي غلطان 100% هيكون ايه التعامل
          وانتوا عارفين الناس دي بتبقى غلطانه وتنزل تتخانق برضه
          مش هتاخد منه لا حق ولا باطل بقا بتوع الميكروباص دول اللى هايدفعو خساير !! دول شحاتين .
          [SIGPIC][/SIGPIC]
          [COLOR="Magenta"][/COLOR]

          Comment


          • #35
            إن شاء الله لو الخسائر نص امامي بحاله متتخانقش...معاك مراتك ومن ثم انت في معركة مش نافعة في بلد مفيهاش نخوة وشعب متدين بطبعه وبيحب الدم فلازم متغامرش...

            انا لو مكانك هقوله محصلش حاجة واقلب وشي عليه عشان ميتماداش...وهكون في نفس الوقت محضر في ايدي اي حاجة عشان لو حاول يتغاشم هغفله واطير بالعربية...

            انا لو لوحدي برضو مش هتخانق لانه ياما هيقتلني ياما هقتله وفي الحالتين مش هستفيد حاجة...

            انت تتخانق في حالة واحدة بس، لو حصل ما يستدعي اللي يخلي الموضوع يوصل للقتل! وكل واحد بقا وفكره...

            ارجو انك متكونش اتخانقت والموضوع عدى على خير ان شاء الله...

            Comment


            • #36
              ربنا يرحمنا برحمته
              ويبعد عنا الاشكال الضالة المؤذيين ولاد الحرام
              [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

              [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

              Comment


              • #37
                اتعرضت لموقف مشابه قبل كده
                مش عايز أقولك كانت المشكلة وأنا في قلب الموقف إزاي أدخل حماتي ومراتي العربية علشان أمشي بيهم لأن أول ما الراجل ابتدى يضرب فيا والناس بدأت تتلم من بعيد حماتي نزلت تحوش عني ومراتي قعدت ترقع بالصوت .كان جزار من جزارين الطريق ما عجبوش إني وقفت عنده واللحمة ما عجبتنيش ومشيت من غير ما اشتري... الكلام ده كان قبل الثورة بكام شهر كده..ندمت بعدها إني ما اشتريتش كيلو ولا اثنين ..إيه يعني 100 جنيه طالما قليت عقلي ووقفت ... الحقيقة حماتي هي اللي كانت عايزة تشتري مش أنا وهي اللي ما عجبهاش اللحمة ...كنت اشتريت أنا وخلاص بدل العلقة اللي أكلتها.

                Comment


                • #38
                  السلام عليكم
                  بص أسهل حاجة إنك تنزل تزعق وتتخانق معاه وتشتم بس حتكون ساعتها زيك زيه والناس حتتفرج عليكم بهدلة وقلة قيمة.... أحسن حل تكبر دماغك وتتجاهل الأشكال دية

                  ملاحظة لو زودها أوي أو المشكلة اتفرضت عليك فرض ومينفعش تكبر يبقى تنزل وتمسح بيه الأسفلت
                  [CENTER]Best Regards[/CENTER]
                  [SIZE="4"][FONT="Comic Sans MS"][S][CENTER][B]F.@.®.€.S[/B][/CENTER][/S][/FONT][/SIZE]

                  Comment


                  • #39
                    المشاركة الأصلية كتبت بواسطة د.أبونضال مشاهدة المشاركة
                    اتعرضت لموقف مشابه قبل كده
                    مش عايز أقولك كانت المشكلة وأنا في قلب الموقف إزاي أدخل حماتي ومراتي العربية علشان أمشي بيهم لأن أول ما الراجل ابتدى يضرب فيا والناس بدأت تتلم من بعيد حماتي نزلت تحوش عني ومراتي قعدت ترقع بالصوت .كان جزار من جزارين الطريق ما عجبوش إني وقفت عنده واللحمة ما عجبتنيش ومشيت من غير ما اشتري... الكلام ده كان قبل الثورة بكام شهر كده..ندمت بعدها إني ما اشتريتش كيلو ولا اثنين ..إيه يعني 100 جنيه طالما قليت عقلي ووقفت ... الحقيقة حماتي هي اللي كانت عايزة تشتري مش أنا وهي اللي ما عجبهاش اللحمة ...كنت اشتريت أنا وخلاص بدل العلقة اللي أكلتها.
                    تصدق فعلا انا اكتر حاجة بكره اشتريها هى اللحمه من عند الجزار
                    وبحب اشتريها من كارفور ولا هايبر مع انها بتيقى اغلى من الجزارين بس بتكون حاجة كويسة وبتتعامل مع ناس كويسة
                    معرفش الجزارين ليه دايما تلاقى الواحد فيهم عامل زى الحيطة وكرشه قدامه متر
                    بس حضرتك معملتش محضر او تقرير طبى ضد الجزار
                    الموضوع خلص ازاى
                    [B] ليت الشباب يعود يوما[/B]

                    Comment


                    • #40
                      المشاركة الأصلية كتبت بواسطة hilal مشاهدة المشاركة
                      - لو لوحدك او معاك صديق ، وتقدر عليه بسهولة ، انزل واعمل معاه الواجب
                      أختلف مع حضرتك لأنك لو عملت كده حتبقى نزلت لمستواه
                      تجنب الاشتباك مش معناه الضعف و لكن معناه احترام الذات
                      [FONT=Comic Sans MS][COLOR=blue][SIZE=5][I][U]Ahmed Samir[/U][/I][/SIZE][/COLOR][/FONT]

                      Comment


                      • #41
                        سيبة يعدى وبعدين اشتمه شتيمة خفيفة بينك وبين نفسك هههههههه
                        الاشكال دى اغلبها مسجلين ربنا يبعدهم عنك وعننا

                        Comment


                        • #42
                          رأيي في ظل الظروف المهببة والانحدار الأخلاقي والأمني الرهيب اللي بنعيشه تجنب إنك تتخانق معاه ومتفكرش حتى تفتح باب أو زجاج العربية علشان كتير بيكون ده فيلم بيعملوه علشان يثبتوك وياخدوا منك العربية فانت حاول تخلع منه وتتجنبه وده مش ضعف ولا جبن أبدا ده ترفع عن النزول لمستواه وعدم اكتراث له طالما انت مش غلطان وحتى لو غلطان وخبطته مثلا غصب عنك متنزلش برده من العربية وكلمه من ورا الزجاج وقوله أنا آسف حقك عليا تأمر بإيه عايز فلوس اتفضل وترميله 100 ولا 200 جنيه من فوق الزجاج وتمشي
                          عايزين نعرف بقى حضرتك عملت إيه ؟ :)
                          [SIZE="4"][COLOR="Blue"][FONT="Century Gothic"]Freelancer Web Designer & E-marketer[/FONT][/COLOR][/SIZE]
                          [SIZE="5"] ( --- [COLOR="Green"][URL="http://www.nilemotors.net/Nile/search.php?do=finduser&u=129815&starteronly=1"]جــمــيــــع مــوضــوعـــاتـي[/URL][/COLOR] --- )[/SIZE]

                          [SIGPIC][/SIGPIC]

                          Comment


                          • #43
                            المشاركة الأصلية كتبت بواسطة hosaam

                            ألتقي بكم ثانية بعد أن أعرف رأيكم . حتتصرفوا أزاي ؟
                            ايه يا باشا مش ناوي تطمنا و تقول لنا عملت ايه؟
                            [B][a7la1=#c7c7c7]{ وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ }[/a7la1][/B]
                            [sigpic][/sigpic]

                            Comment


                            • #44
                              هسيبو وأمشى ... لأن الفئه دى من الناس زى مقال الأخوة الأفاضل نادرا مبيكون حد منهم فايق وعارف هو بيعمل ايه (الا من رحم ربى) ... وبالتالى مبيكنش باقى على شيء ... وأنت في الأخر الى هتكون خسران .

                              حسبة بسيطة :
                              سواق المكروباص : اقصى تعليمة بيفك الخط - مبيفهمش - غير حضارى - طول النهار ضباط المرور بتشتمة بالأب والأم وتجرى وراة وتطلع تييييت امه واصبح ده عادى بالنسبة له .... طيب حضرتك طلعت (فان دام) وضربتة ...برضو عادى ... ياما انضرب ..مش فارقة .

                              حضرتك (المحترم) : بن ناس - أهلك صرفو عليك دم قلبهم عشان تبقى انسان راقى محترم - متعلم - بتفهم - أدمى - عمر ماحد شتمك - عمر محد ضربك في الشارع ... الخ.... طيب السواق الهمجى ضربك ... شكلك وحش جدا جدا ... عربيتك هتتكسر - ممكن يعملك عاهه مستديمة تفقدك شغلك المحترم ... أنت عندك اسرة (مسؤلية) .. من الأخر فارقة معاك .

                              ملحوظة : انا قلت (إلا من رحم ربى) ... وأنا طول عمرى بقول (الناس كلها لحين ابداء غير ذلك منهم )

                              Comment


                              • #45
                                المشاركة الأصلية كتبت بواسطة ahmed12345678 مشاهدة المشاركة
                                تصدق فعلا انا اكتر حاجة بكره اشتريها هى اللحمه من عند الجزار
                                وبحب اشتريها من كارفور ولا هايبر مع انها بتيقى اغلى من الجزارين بس بتكون حاجة كويسة وبتتعامل مع ناس كويسة
                                معرفش الجزارين ليه دايما تلاقى الواحد فيهم عامل زى الحيطة وكرشه قدامه متر
                                بس حضرتك معملتش محضر او تقرير طبى ضد الجزار
                                الموضوع خلص ازاى
                                عملت شكوى للمحافظ شخصيا بأطالبه فيها بإغلاق محلات الجزارة المخالفة على الطريق وحكيتله فيها القصة من طقطق لسلامو عليكم .... حول الشكوى على الشرطة واتصلوا بيا وأخذوا أقوالي ...طبعا كانوا عايزين مني اسم اللي عمل كده وعنوانه ورقم بطاقته باين ... أنا كل اللي كنت أعرفه عنوان المحل ,,, أمين الشرطة اللي أخذ أقوالي ما كانش بيعرف يكتب حتى خطه زي الزفت وكتابته كلها غلط ... وبعدين حصلت ثورة 25 يناير واعتبرت إن كل حاجة هتتصلح والبلد هتتحرر من الظلم والفساد .... ثم حدث ما كان

                                Comment

                                Working...
                                X