اتعرضت لحادث بلطجة !!

[ahmedamgad18]

قدر الله وما شاء فعل .... الحمد لله ...

واكيد هو مش حاسس باللى كان بيعملوه اكيد كان ضارب اى برشام وطلبت معاه انه يقرفك ...

انا حصل معايا كده بس من واحد راكب ملاكى وحبط لى المرايا بس الحمد لله مكسرتش مع ان الطريق كان فاضى جدا الساعة 6.3 الصبح على طريق البحر والواضح انه كان سكران من طريقه قيادته للعربية .

[Elkordy2000]

نفس الموقف من يومين اتعرضت عربيه الشركه عندنا لموقف مشابه ., عربيه ميكروباص زنقت علي العربيه وخبط له الجنب علشان يوقفه بالعافيه , المهم وقفوه ونزلوا السواق من العربيه بالعافيه ونزلوا ضرب فيه وخدوه وعايزين يركبوه العربيه معاهم , وواحد تاني عايز يأخد المفاتيح من ايده علشان يأخد العربيه , ولما الناس اتلمت وحاسوا ان الموضوع هيكبر , خدوا عربيتهم ومشيوا , المهم ان القصه ده حصلت علي بعد خطوات من كمين المظلات وفي عز الظهر الساعه 2 , من الاخر عليه العوض كله واحد يحمي نفسه بالطريقه اللي شايفها صح ( ده شعار الامن هذه الايام ) للأسف الامن مش فاضي , الامن بيجري ورا الطلبه في الجامعه والناس اللي بتهتف , وسايب الشعب للبلطجيه يوجبوا معاه .... حسبي الله ونعم الوكيل

[mahmoud_ali]

قدر الله وما شاء فعل الحمد لله.

انا حصل موقف قدام عينى اول امبارح.... عربيه ميكروباص جاى عكسى وعربيه ملاكى مخدش باله من الميكروباص وقام كسرله الفانوس الخلفى قام سواق الميكروباص نزل ومعاه اتنين اصحابه ونزلوا الشاب من عربيته وهاتك يا خناق لولا الصدفه عربية بوكس كانت ورانا نزل منها اتنين مباحث مسكوا التلت عيال بتوع الميكروباص بصراحه العيال اول لما شفولهم سابوا الشاب ووقفوا وبتوع المباحث ادوهم علقه وهما الاشكال الوسخه دى مبتجيش الا بكده

[K_E]

المشكلة انه البلطجية والاشكال ال****** دول بيشيلوا سلاح وعادي جداً
انما لو واحد محترم شال سلاح فالعربية اليكتريك ولا غيره واتمسك بيه بيتبهدل ومش بعيد توصل لحبس :)

[Elawany13]

البلد بقت لا تطاق .... عايشين فى غابة فى وسط حيوانات
اللهم ارفع مقتك وغضبك عنا
اللهم انتقم من الظالمين
حسبنا الله ونعم الوكيل

[EngAhmedSayed]

الموضوع يحرق الدم على الصبح
و اللى انتا عاملته عين العقل
سيبك من قصة انتا خواف و انتا جبان و القصة الفشلة دى
انتا احترمة نفسك و ذاتك
و انتا عارف مقدار نفسك فى المعركة يتسد يا تنسحب و انتا قرارة الانسحاب يعنى انتا الكسبان مش خسران
و كبر دماغك و لما حد يزنق عليك خليه يغوووووووووووور فى داهية
يبنى دول عندهم حقد طبقى
هو حاسبه ازاى انتا راكب عربية و معاك واحده بيقولك قاعد بيروش و انا طلعان عينى من الصبح
فا هيطلع غلبه فييك
انا مرة راكب ميكروباص لانى زهقت من السواقة ورايح الشغل و لقييت واحده ماشية على 50 كيلو كدة المهم الباشا لازق الاكصدام فى عربيتها و يقلب فى نوووووووور و كلاكسات حبة حبة هيشيلها من قدامه مع العلم اليمين فاضى متنزل يمينك لالالالالالالالالالالا
فا صحبه اللى متلقح جنب منه بيقولو بعد ماهى نزلت فى اليمين و انا شايفها مرتبكة جدااااااا و خايفة جداااا دة انتا طيب و صبوووووووووور قوووووووووووى دة انا لو مكانك كنت لبستها فوق الرصيف و فى داهية هما يركبو عربيات و بيمشو بيها فى الشارع بيقرفونا
الصراحة الحوار استفزنى روحت رديت عليه و بيقولو طيب اعمل حساب ظروف البنى ادم بيقولى نعم بقولك اعمل حساب البنى ادم و اعمل حساب ظروفه و اللى شايفه انى اليمين فاضى او تستنى عليها الدنيا مش هطير بقولك اية بت نجم و بيجحش فى صوته و بيطخن فى صوته قولتالو انا بقالك اية نزلنى على جنب راح راكن ونزلت وهو بيبصلى و انا بكل برود روحت نازل
دول البرشام و البانجو و الحشيش للحس دماغهم خلاص فى الكلام مش هيجيب نتيجة

دة انا عندى قصص تتعمل فى كتاب

وربك يسترها
وربك يهدى

[Medo007]

الحمدلله على سلامتك وطبعا ده كان قاصد يعمل كده عشان يتخانق معاك وطبعا لما خبطتك وانت معملتش حاجة اتنرفز اكتر وحب يزودها وربنا يستر علينا من الاشكال القذرة دي

[moh_faheem]

الحمد لله على كل شى
وتصرف محترم جدا من حضريتيك
وقدر الله وماشاء فعل

[S O P H O S]

بص انت اتصرفت صح جدا
لان شكله في هدف فدماغه
متزعلش نفسك الوضع بقي كده فعلا

[Samir Elshahawy]

لو كنت وقفت كان هايتلكك بأي حاجة و ممكن تلاقي كل الميكروباصات و التكاتك أتلموا عليك
أحسن حاجة عملتها أنك زوغت منه

[J A G U A R]

تصرف حضرتك صحيح
والحمد لله انها عدت على خيـــــر

[bassemali]

أدي الثوره والقرف ... بقالنا 4 سنين أهو ف القرف ده .. زمان كان سواق الميكروباص ولا التوكتوك ده تنزل تكش فيه تلاقيه هيبوس أيدك عشان عارف إن الحكومه هتنفخه ... إنما دلوقت عليه العوض .. وأوعى حد يقولي لا وقبل الثوره كانت الدنيا كده .. لا يامعلم قبل الثوره كان في دووووووووووله.

[amada68]

الحمد لله انها جت على كده
انت اتصرفت صخ با دكتور
وخصوصا ان زميلتك كانت معاك
صحيح الواحد بتصعب عليه نفسه, علشان بيسيب الأشكال اللى زى دى و ما بيربيهاش, بس النوعيه دى الواحد مينزلشى لمستواهم, ما هينوب الواحد الا قلة القيمة معاهم , وممكن كمان يطلع شارب ولا مبرشم ومعاه سكينة او مطوة
فانت عملت الصح وما تلومشى نفسك
ربنا يرحمنا ويهدينا جميعا

[SYD]

حمدلله علي سلامتك يا ابو حميد
احسن حاجة انك نفدت بجلدك

والله المستعان
،
،

[sakr_skoda]

يسلااااااااااااااام انا شايف الردود كلها لصالح البلطجية وتشجيعهم يجماعة لابد من الايجابة لمواجهة تلك المشكلة يعنى احنا لو سبنا البلطجى يبلطج ويفرد عضلاتة على الخلق كدا يبقى احنا فى غابة وهذا لا يليق على الفكرة البلطجى اجبن مخلوق على الرض هو بس لو شافك مخربش حيبعد عنك لأنك بتبقى فريسة صعب ابتالعها وممكن لو بلعها تقف فى زورة حو بيدور على اللقمة الطرية دى فلسفتى فى الحياة مش مهم العربية مش مهم اى حاجة المهم ماسيبش واحد مايسويش 3 مليم يحطم نفسيتى**