الأزمة المالية العالمية وتأثيرها علي أسواق السيارات

[anteelo]

العالم يمر الآن بأزمة مالية طاحنة وسيأثر ذلك علي كل شيء تقريبا. سؤالى إلي الخبراء في مجال السيارات ماهو حجم التأثير المتوقع علي سوق السيارات في مصر بالنسبة للمصنعين والتجار وبالنسبة للمواطن البسيط وهل يفضل الآن عدم الإقدام علي شراء سيارة جديدة حيث أن الاحتفاظ بالسيولة معنا أفضل حيث لا أحد يعرف ماذا يحدث غدا. برجاء الإفادة

[sherif Anton]

الرد في اهرام الجمعة 10/10

http://www9.0zz0.com/2008/10/10/12/286371709.jpg

[ahmad7610]

سألت نفس السوال و محدش رد ....

[د.محمود صلاح]

التداعيات لن يظهر تأثيرها فى الا بعد فترة على ما أعتقد

[anteelo]

الكلام المنشور في الأهرام مش واضح. حالة الركود معناه إن أسعار السيارات ممكن تنخفض وممكن يبقي فيه تسهيلات كثيرة من الصناع والتجار للترويج عن سياراتهم بس الكلام ده مش بيقول حاجة من وجهة نظر المشتري. نشتري ولا نحتفظ بالسيولة؟

[medo_2060]

الموضوع دا فى دماغى من ساعه ما سمعت عن الركود وياريت يا جماعه اللى يعرف اى حاجه عن الموضوع المهم دا يقول وشكرا ليك يا anteelo لانك فتحت الموضوع

[waleedrahmy]

سوق السيارات في مصر لا يتأثر بأي شئ فاكرين لما الدولار غلي العربيات بقي بيتضاعف تمنها ضعف غلو الدولار ولما الدولار رخص بقت العربيات بتغلي برضه الجمارك نزلت العربيات بتغلي برضه اتفاقية الجات العربيات بتغلي برضه اتفاقيه اغادير ودول المغرب العربي حاتغلي برضه اتفاقية محشي الكرنب والملوخية ام تقلية حاتغلي برضه العربيات الصيني ماليه البلد المفروض ترخص العربيات عماله تغلي برضه البورصة انضربت حاتغلي برضه ياجماعة سوق السيارات في مصر لا يتأثر بأي شئ حتي ولو القنبلة الذرية ؟؟؟؟؟؟؟؟؟؟؟؟؟؟؟؟؟؟؟؟ وعجبي

[sherif Anton]

كلام د. محمود صلاح صح ... تأثير الأزمة مش هتظهر نتائجه غير بعد فتره (شهرين او تلاته)

[calipha3]

بطبيعه الحال سيحث حاله من الركود لان قليل سيقدم علي مخاطره الشراء في الظروف الراهنه و هذا ممكن يؤدي الي انخفاض اسعار المستعمل و بشكل عالمي مبيعات السيارات هتقل فهذا هيدفع الشركات الي تقليل التكلفه و خفض النفقات مع العلم ان السوق المصري لا يتاثركثيرا بالعالم لانه يحتكره مجموعه صغيره فلذلك السوق لا يخضع لقوانين العرض و الطلب و عقليه التجار الصغار ايضا هي نفسها عقليه الاحتكار ورفض مبدا تخفيض الاسعار جشع باه بعيد عنك.

[casper2010]

علي فكرة _ فيه حالة ركود جامدة في السوق خصوصا الجديد - و ده مش في صالح التجار ابدا - علشان كده لازم يحركوا الأسعار - و يزودوا الدعاية .. بس بيحاولوا يحصلوا علي اكبر مكسب ممكن ,و ده الشائع في مصر التاجر بيحاول يكسب حتي لو 100 او 200 %,
و ده كلة هيتوقف علي المواطن لو فيه وعي و خايف علي فلوسة هيجبر التجار انهم يخفضوا

[MohabSaeed]

الصح ان محدش يشترى زيرو دلوقتى
و الاصح ان محدش يشترى العربيات " الى كلنا عارفنها " المبالغ فى سعرها بدون لازمه و الماركات و الموديلات معروفه لينا كلنا .

الكل يصبر شويه اعتقادى سوق السيارات " الزيرو " هينهار و بشكل هستيرى ... ليه ؟

ناس كتيييييييير جدا مستثمره فى البورصه و خسرت .... ناس كتير بتمشى مع الموجه يلاقى فى ركود و السوق واقف مايشتريش .

على اد ما الموضوع بيمثل كارثه على اد منا فرحان فى الوكلاء الجشعين و مصانع السيارات الى غلت اسعارها بدون داعى لمجرد الجشع ..... خليهم يشربو عربياتهم .

عموما بعيد عن العربيات فعلا العالم داخل فى كارثه اقتصاديه , بالنسبالنا هنا اكتر قطاع حيتأثر قطاع العقارات . لان اسعار المواد الخام انخفضط بشكل كبير " الحديد عالما انخفض سعره تقريبا 50% " و البترول نزل سعره 40 دولار فى شهر واحد بس .
و لسه بكره حنشوف .

[Nile Heart]

الصح ان محدش يشترى زيرو دلوقتى
و الاصح ان محدش يشترى العربيات " الى كلنا عارفنها " المبالغ فى سعرها بدون لازمه و الماركات و الموديلات معروفه لينا كلنا .

الكل يصبر شويه اعتقادى سوق السيارات " الزيرو " هينهار و بشكل هستيرى ... ليه ؟

ناس كتيييييييير جدا مستثمره فى البورصه و خسرت .... ناس كتير بتمشى مع الموجه يلاقى فى ركود و السوق واقف مايشتريش .

على اد ما الموضوع بيمثل كارثه على اد منا فرحان فى الوكلاء الجشعين و مصانع السيارات الى غلت اسعارها بدون داعى لمجرد الجشع ..... خليهم يشربو عربياتهم .

عموما بعيد عن العربيات فعلا العالم داخل فى كارثه اقتصاديه , بالنسبالنا هنا اكتر قطاع حيتأثر قطاع العقارات . لان اسعار المواد الخام انخفضط بشكل كبير " الحديد عالما انخفض سعره تقريبا 50% " و البترول نزل سعره 40 دولار فى شهر واحد بس .
و لسه بكره حنشوف .

انا اتفق معك فى النقطه الخاصه بالسيارات.
اللى هيحصل ان رأس المال وهو جبان سيخاف من الأستثمار فى الفتره المقبله.. وسيتجه اصحاب الأموال الى تجميدها فى البنوك وعدم وضعها فى مشاريع.. وبالتالى سيحدث ركود فى البيع والشراء وانخفاض فى الأسعار بالنسبه للمنتجات والمواد الخام على السواء

هذا فى العالم المحترم

اما فى مصر, فتخلفنا وبدائية اقتصادنا سينفعنا فى الحقيقه.. فالمستثمرين العرب (فى مجال العقارات) اللذين سيخافون من الأسواق الأمريكيه والأوروبيه والأسيويه سينظرون الى بلادنا باعتبارها سوقآ بدائيه بها طلب شديد على السكن.. وقد يدفعهم هذا الى زيادة نسبه السوق المصرى من اموالهم

انا اتوقع انخفاض سعر السيارات من 5 الى 1- بالمئه فى خلال 2-3 اشهر.. وايضا اسعار العقارات مع زياده الأستثمارات العربيه وخصوصآ مع انخفاض اسعار الحديد والأسمنت والأراضى

[sherif Anton]

الاستاذ Nile Heart
حضرتك بتتكلم عن المستثمرين العرب كأنهم بعاد كل البعد عن هذه الكارثة ... لكن في الحقيقة ان السوق الخليجية والسعودية هم اكثر تضررا منا بكثير ... انظر الرابط التالي:

http://arabic.cnn.com/2008/business/10/10/arab.markets/index.html

هذا بالأضافة الى انهيار اسعار البترول وتراجعها من 130 دولار الي حوالي 80 دولار ( ومازال التراجع مستمر )

[shanodaa]

السوق عرض وطلب

[anteelo]

فيه كلام مطمئن هنا.

http://www.masrawy.com/News/Egypt/Economy/2008/October/1/usa.aspx