معلومة عن العمر الافتراضي لاي سيارة

[S O P H O S]

العمر مش 7 ده سبعين سنة
مش بنعمل صيانة اغلي من ثمن العربية فالتوكيل
يبقي تعيش ! مفيش كلام

[borio1704]

يعني بغض النظر عن ان الموضوع تحول الى نقطه تانيه وهي اسعار العربيات في مصر والزباله والمرور والجمارك والكلام ده كله


انا شايف ان الكلام ده مبالغ فيه الي هو عمر افتراضي5 ل 7 سنين

خاااااالص مش كده لان اوروبا نفسها وامريكا فيها ناس فقيره وبتركب عربيات تعبانه برضو وال american muscles عمرها برضو قديم جدا من التمانينات والتسعينات

ولو العربيه فعلا عمرها الافتراضي كده كانت هتتكهن بص على عربيات 2005 هتلاقيها ماشيه زي الفل

انا ركبت النترا 2005 ف 2011 زي الفل لحد ما بعتها وكان معايا صني برضو 2006 زي الفل لغايه ما عملت بيها حادثه

ولانوس 2000 برضو نفس الكلام وكل الناس بتعمل كده

هو الفكره في الاستخدام والفكره ان في حاجات بتبوز حاجات يعني لو العربيه سخنت منك تجيب جوان وش وممكن الوش كله وممكن تدخل بقى في المتور والشمبر والعمره الكامله

لو المساعد بايز يبوز بقيت العفشه مثلا

حاجات زي كده كتير

انما في الطبيعي مفيش الكلام ده

هو الحقيقة إحنا محتاجين الأول نحدد تعريف "العمر الافتراضي" علشان نعرف نتكلم وما نطلعش برا الموضوع.

المشكلة إن تعريف العمر الافتراضي بيختلف من حاجة للتانية

يعني مثلا.. العمر الافتراضي للإنسان ييبقى65 سنة في المتوسط.. كده نفهم إن العمر الافتراضي في الإنسان هو من أول ما يتولد لحد ما يموت.

المباني عمرها الافتراضي هو من إول ما تتبني لحد ما تقع..

المشكلة إن الماكينات عموما - والسيارات زيها - ما تقدرش تقول إن ليها عمر افتراضي بمعنى إنها تتدمر بعد وقت معين

العمر الافتراضي ﻷي ماكينة تقدر تسميه "العمر الاقتصادي"

وده تقدر تعرفه بالوقت اللي بتستفيد من الماكينة وتاخد منها الفايدة وتصرف عليها مبالغ بسيطة..

بمعنى إن الماكينة تبقى مجدية اقتصاديا.

لو لقيت إنها ما بقتش مجدية اقتصاديا فالمؤكد إنك هتفكر في حلول أخرى تقلل مصاريفك.

الفكرة إن طبيعة أسعار العربيات العالية في مصر بيخلي قرار التخلي عن العربية صعب جدا... وبنحاول نزود من عمر العربية بالصيانة - الرخيصة في مصر - بدل ما نشتري عربية جديدة .



...

[sakr_skoda]

كدا يبقى انا راكب عفريت سيارة مش سيارة ههههههههههه**

[hnh_75]

كان في الماضي فرض ضرائب علي السيارات الجديدة المستوردة لحماية شركة النصر للسيارات ومع مرور الزمن اصبحت هذه الضرائب جزء اصيل في تمويل ميزانية الدولة وشركة النصر للسيارات ذهبت في مهب الريح فلماذا الاستمرار في فرض هذه الضرائب؟؟؟؟؟؟؟؟؟وفي حالة تخفيض هذه الضرائب والضغط علي اصحاب وكالات السيارات باخذ نسبة ربح معقولة مثل وكلاء دول الخليج ستحل مشاكل كثيرة في مصر.......
1 - سينخفض سعر السيارات الجديدة بمقدار النصف او 40 %
2- سينخفض الاستهلاك العام في الجمهورية من البنزين بشكل كبير جدا وقطع الغيار
3- السيارات القديمة تستهلك بنزين بشكل كبير جدا بسبب حالته الفنية السيئة
4- ستتحسن الحالة المرورية بالمدن الكبري نتيجة قلة اعطال السيارات بسبب حالته الفنية
[S

---

#ff0000العيب الوحيد السيارات القديمة هي راس مال لاصحابه وفي حالة انخفاض اسعار السيارت القديمة وهذا لن يحدث ابدا سيخسر اصحاب هذه السيارت مدخراتهم

[automea]

بس هو السبب ان فيه عربيات قديمة عايشة لسة ان المصنعين زمان كان هدفهم انهم يعملوا عربية تعيييش فتقريبا فيه عربيات من الحديد :d مش من الصاج يعني العربية لو عملت حدثة ال فيها يموت بس العربية ميحصلهاش حاجة

مع تقدم التكنولوجيا وسهولة الفك والتركيب بدائو يفكروا ان العربية تتكهن بعد فترة قصيرة عشان الربح وتجديد المنتج

[drcobra]

الناس بتعمل العربيات القديمة عشش فر اخ فى وسط الشارع والحكومة معندهاش تفكير ولا اى طريقة للتعامل مع الموضوع ده

[أبو عاصم]

شعب فاقد الأمل ، يائس ، ليس له أي تطلعات إلا في مسكن وملبس ومأكل وعمل يصرف منه على بيته وأولاده ، وحرية مع كرامة ، إنه لا يريد قصورا ولا عمارات ولا عقارات ، إنه يريد فقط عيشة بسيطة كريمة ، ومع هذه التطلعات البسيطة ، تجد غالب الأبواب مغلقة عمدا أمامه ، وكأنه كُتب عليه أن يشقى طول حياته، رحم الله شعبنا المصري، وأسكنه فسيح جناته.

[automea]

وتقريبا لو حد جاب عربية 128 بيقول انا عندي عربية وتبقى الفرحة مش سايعاه

شعب مسكين

بس بردو ولا 50 سنة لقدام هنعمل كده وواحد مصري يكهن عربيته :d

[automea]

ده الي يكهن عربيته بعد 7 سنين من شرائها والله ده يستحق يدخل موسوعة جينيس للارقام القياسية انه اول مصري يكهن عربيته بعد 7 سنين :d