هوة ممكن عربية فيها ايموبﻻيزر تتسرق

[eslam34]

يا ريت يا جماعة الي يعرف ما يبخلش عليا بالرد

[baherhassan30]

اكيد لا طبعااااااااااااا ...
الا في حالة واحدة فقط
انه يشيل العربية على ساطحة
او انه يسرق المفتاح الاصلي
غير كده مسسسسسسسسستحيل

[eslam34]

اكيد لا طبعااااااااااااا ...
الا في حالة واحدة فقط
انه يشيل العربية على ساطحة
او انه يسرق المفتاح الاصلي
غير كده مسسسسسسسسستحيل

شكرا على الرد ربنا يطمنك

[ashouhdy]

الا لو معاة نسخة مفتاح اصلي

[abdoumahros]

ايوه ممكن

ايوه ممكن
بدليل ان كيا سيراتو والالنترا فيهم ايمبولايزر وبيتسرقوا عادي جدا

[eslam34]

ايوه ممكن
بدليل ان كيا سيراتو والالنترا فيهم ايمبولايزر وبيتسرقوا عادي جدا

يعني برضو الحرامي بيسرقها بنفس السهولة وﻻ الموضوع بيكون صعب وﻻ ايه وﻻ الواحد ميشتريش عربيات في البلد دي

[M.ABDOU]

ايوه ممكن
بدليل ان كيا سيراتو والالنترا فيهم ايمبولايزر وبيتسرقوا عادي جدا

كيا سيراتوا والالنترا مفيش فيهم ايموبلايزر

النسخه الجديده بس اللى نزلت من شهر هيا اللى فيها

كل اللى قبل كده مفتاح عااادى

[eslam34]

كيا سيراتوا والالنترا مفيش فيهم ايموبلايزر

النسخه الجديده بس اللى نزلت من شهر هيا اللى فيها

كل اللى قبل كده مفتاح عااادى

يعني حضرتك متأكد ان موديﻻت 2015 فيها ايموبﻻيزر وطالما فيها كدة الحرامي مش هيعرف يدورها

[J A G U A R]

ممكن تتسرق عادى جدا .. الايمبولايزر عباره عن وسيله لتعطيل السارق

[sanhory]

لو الحرامي في دماغه نوعية معينة من العربيات

بيبقى معاه كنترول للعربية دي و بيشيل فيش كنترول العربية و يوصل الكنترول اللي معاه و تدور العربية عادي

كل حاجة و ليها حل الحرامية برضه عندهم مخ و بيتابعوا الجديد

زي كده الناس اللي بتعمل كراك للويندوز و الاكس بوكس و اللي بيفكوا شفرات القنوات المشفرة كله بيتضرب

مفيش حاجة في المطلق

[amrelsaqqa]

ممكن تتسرق عادى جدا .. الايمبولايزر عباره عن وسيله لتعطيل السارق

ازاى يعنى !
الحل انه بيجيب كيجينيريتور ويدخل فيه رقم االشاسيه يطلع شفرة المفتاح ويجيب مفتاح يعمله بالشفرة ويروح زي الباشا
والموضوع ده حصل في كيا تقريبا من سنتين لما كانت العربيات اللى بايموبلايزر بتتسرق عن طريق ان الشفرة اتسربت
انما دلوقتى مفيش
ولا قصدك وسيلة لتعطيله يعنى هيسرقها بطرق تانية زي القطر مثلا او الرفع على ونش؟

[amrelsaqqa]

لو الحرامي في دماغه نوعية معينة من العربيات

بيبقى معاه كنترول للعربية دي و بيشيل فيش كنترول العربية و يوصل الكنترول اللي معاه و تدور العربية عادي

كل حاجة و ليها حل الحرامية برضه عندهم مخ و بيتابعوا الجديد

زي كده الناس اللي بتعمل كراك للويندوز و الاكس بوكس و اللي بيفكوا شفرات القنوات المشفرة كله بيتضرب

مفيش حاجة في المطلق

موضوع تغيير الكنترول ده متجرب فعلا ؟ ولا مجرد كلام نظري ؟
اصل بيتهيألى الموضوع اصعب من كدة
ولو كدة يبقى الايموبلايزر ملوش لازمة اصلا
تركيب كنترول جديد مش هيتم بالبساطة دى والعربية مش هتتعرف عليه كدة مرة واحدة !

[ashouhdy]

ازاى يعنى !
الحل انه بيجيب كيجينيريتور ويدخل فيه رقم االشاسيه يطلع شفرة المفتاح ويجيب مفتاح يعمله بالشفرة ويروح زي الباشا
والموضوع ده حصل في كيا تقريبا من سنتين لما كانت العربيات اللى بايموبلايزر بتتسرق عن طريق ان الشفرة اتسربت
انما دلوقتى مفيش
ولا قصدك وسيلة لتعطيله يعنى هيسرقها بطرق تانية زي القطر مثلا او الرفع على ونش؟

+1

دة لو سرق عربية مشفرة يبقي حطك في دماغوا وفعلا لازم يجيب رقم شاسية العربية وفيلم عشان يجيب الشفرة وينسخها علي مفتاح

صعب جدا جدا او تكاد تكون مستحيلة. العربيات المشفرة مبتتسرقش ... بتتقطر

[sanhory]

موضوع تغيير الكنترول ده متجرب فعلا ؟ ولا مجرد كلام نظري ؟
اصل بيتهيألى الموضوع اصعب من كدة
ولو كدة يبقى الايموبلايزر ملوش لازمة اصلا
تركيب كنترول جديد مش هيتم بالبساطة دى والعربية مش هتتعرف عليه كدة مرة واحدة !

والله مقدرش اقول مجرب انا مشوفتش بنفسي بس في كلامي مع بعض الاصدقاء قالولي عالحركة دي
و خلي بالك ممكن يكون كنترول ملعوب فيه و متبرمج انه يتجاهل حاجات زي الامبوليزر

يعني مش مجرد كنترول عادي

[tito29]

كيا سيراتوا والالنترا مفيش فيهم ايموبلايزر

النسخه الجديده بس اللى نزلت من شهر هيا اللى فيها

كل اللى قبل كده مفتاح عااادى

عربيات غبور بس أللي ينطبق عليها الكلام ده لأن أنا معايا ألنترا 2011 خليجي و فيها أموبيلايزر

العربية اللي فيها أموبيلايزر لا يمكن الموتور يشتغل ألا لو الحرامي معاه نسخة من المفتاح الأصلي أو أستطاع أستنساخ مفتاح (عن طريق ال VIN المكتوب علي الزجاج الأمامي و أرساله لموقع في سوريا و سداد مبلغ 350 جنيه قيمة الشفرة) و بعد كده يقدر يصنع مفتاح جديد
و فيه كمان طريقة تغيير الكمبيوتر كله أللي في الكابوت و يكون معاه مفتاح شفرته هي نفسها أللي متبرمجة علي الكمبيوتر أللي بيركبه بدل الأصلي

من الأخر الحرامي المحترف لن يقف أمامه أي شيئ حتي لو أضطر لشيل العربية علي ونش

كل أللي نقدر نعمله هو الأتي:
دائما العربية تبات في جراج و لا تتركها أبدا في الشارع لأن الحرامي بيعدي يأخد رقم ال VIN في يوم و بعدها بكام يوم يأخد السيارة كلها
و برضه لازم تغطي رقم ال VIN بورقة من خلف الزجاج الأمامي
لو تركت العربية في الشارع شوف السايس شكله أيه و أتأكد أنه معروف في المنطقة
تركيب سويتش فصل للموتور برضه حايعطل الحرامي كتير
لو جهاز GPS Tracker أكيد حايفيد

أما الحرامي الغشيم فده للأسف الضرر منه أكتر لأنه بيدمر الدنيا و في الأخر علشان كلام فارغ يعني حتي الكاسيت لو عرف يفكه يبقي كويس

الخلاصة أن أي عربية بتتسرق مهما كانت بس الطلب عالي شوية علي الكيا و الألنترا و اللأنسر و تقريبا مافيش طلب خالص علي قطع غيار مستعملة لمرسيدس حديث مثلا أو بي أم
الأموبيلايزر أحد وسائل مكافحة السرقة و بتجيب نتيجة مع الحرامي المبتدئ فقط