معلومات عن جمارك جديدة للسيارات

[جندى مجند]

Re: فعلا

• والمتضرر من الموضوع ده اللى اشترى قبل التخفيض
  
  يعنى يبقا شارى مثلا لانسر ب95000 وبعديها بشهرين ولا ثلاثة ولا 6 شهور يلاقى تخفيضات
  
  الجمارك نزلت وباقت العربية ب75000 كده يجيلو سكته قلبية العربية اتخفس بيها الارض

لأ مش حيبقى متضرر و لا حاجة لأنه لو باع النهاردة قبل التخفيض حيكمل مبلغ "س" مثلاً و يشترى حاجة زيرو ... بعد التخفيض برضة حيكمل تقريباً نفس المبلغ "س" عشان يشترى زيرو فالموضوع متساوى فى الحالتين ...

اللى حيتضرر فعلاً اللى حيكون مثلاً لسة شارى حاجة مستعمل قبل التخفيض على طول و يلاقى نفسه فجأة المبلغ اللى كان دافعه كان ممكن يجيب بيه زيرو بعد التخفيض ... و دة طبعاً لو باع بعد التخفيض حيخسر فعلاً ساعتها مبلغ كبير ...

[معاذ الشرباصى]

اللى هيبيع عربيته قبل التخفيض, المبلغ اللى معاه قوته الشرائية هتبقى اكبر بعد التخفيض

لكن لو استنى لحد التخفيض و باع, القوة الشرائية هتبقى تقريبا هى هى

[sokasoon]

Re: فعلا

• والمتضرر من الموضوع ده اللى اشترى قبل التخفيض
  
  يعنى يبقا شارى مثلا لانسر ب95000 وبعديها بشهرين ولا ثلاثة ولا 6 شهور يلاقى تخفيضات
  
  الجمارك نزلت وباقت العربية ب75000 كده يجيلو سكته قلبية العربية اتخفس بيها الارض

لأ مش حيبقى متضرر و لا حاجة لأنه لو باع النهاردة قبل التخفيض حيكمل مبلغ "س" مثلاً و يشترى حاجة زيرو ... بعد التخفيض برضة حيكمل تقريباً نفس المبلغ "س" عشان يشترى زيرو فالموضوع متساوى فى الحالتين ...

• ازاى
  
  يعنى انا مثلا اشتريت لانسر ب95000 جنية وبعد شهرين مثلا نزلت تخفيضات الجمارك
  
  بقت العربية ب75000 جنية يعنى 20000 جنية راحو من مبلغ العربية اللى ادفع
  
  يعنى خسرت فى عربيتى 20000 جنية وكمان هخسر حوالى 5000 جنية
  
  من بيع السيارة لانها تعتبر مستعملة يعنى خسارة 25000 جنية فى العربية
  
  علشان ابيعها بعد التخفيضات يعنى التخفيضات هتعمل خسارة كبيرة
  
  للى اشترى عربية جديدة وجه يبيعها بعد التخفيضات

[sokasoon]

اللى هيبيع عربيته قبل التخفيض, المبلغ اللى معاه قوته الشرائية هتبقى اكبر بعد التخفيض

لكن لو استنى لحد التخفيض و باع, القوة الشرائية هتبقى تقريبا هى هى

• مظبوط يا استاذ معاز بس هنعرف منين ان التخفيضات نازلة بالتالى نلحق نبيع العربيات
  
  الموضوع هيحصل فجأة

[معاذ الشرباصى]

Re: فعلا

انا سمعت الكلام ده بيتردد كتير فى اكتر من مكان .
خاصة ان احنا فى بداية سنة مالية جديدة..... وكل شيىء متوقع
-
ال 25 % دى حتحصل حتحصل سواء فى 2007 او فى 2008
و اكيد حيكون معاها تخفيض ال 2000 سىسى .. بس اخر كلام سمعته ان ال2000 حينزل ل 60% ؟؟؟ حد سمع الكلام ده برضه؟؟


-
ببساطة كده لو ده حصل ..
يبقى مثلا اللانسر 1600 بدل 95000 حتبقى ب 75000 :)
والفكترا بدل 160000 حتبقى ب 135000 :)
-

والعربية ال 2000 الى سعرها 450000 حتبقى ب 300000 :) معقول!؟!؟!؟!؟

هو بس انا عاوز الفت انتباهك يا احمد ان التخفيض هيبقى 15 من تمن العربية الاصلى, اللى بيبقى اسمه سيف وارد

ده بيضاف عليه الجمارك و ضريبة المبيعات و ضريبة تنمية تقريبا

فمينفعش احسب ال 15% من تمن السوق بتاع العربية

[amrnader]

Re: فعلا

انا سمعت الكلام ده بيتردد كتير فى اكتر من مكان .
خاصة ان احنا فى بداية سنة مالية جديدة..... وكل شيىء متوقع
-
ال 25 % دى حتحصل حتحصل سواء فى 2007 او فى 2008
و اكيد حيكون معاها تخفيض ال 2000 سىسى .. بس اخر كلام سمعته ان ال2000 حينزل ل 60% ؟؟؟ حد سمع الكلام ده برضه؟؟


-
ببساطة كده لو ده حصل ..
يبقى مثلا اللانسر 1600 بدل 95000 حتبقى ب 75000 :)
والفكترا بدل 160000 حتبقى ب 135000 :)
-

والعربية ال 2000 الى سعرها 450000 حتبقى ب 300000 :) معقول!؟!؟!؟!؟

على فكرة انت عندك غلطتين فى الحسبة دية:

الاولى ان سعر العربية 95000 داخل فيه الجمارك يعنى 1.4 مرة سعر العربية، لو الجمارك نزلت ل 25% هيبقى السعر الجديد 95000/1.4*1.25 يعنى حوالى 85000

الغلطة التانية ان ال 40% مش بتتحسب على كل البنود، فيه حاجات ثابتة فى فى حالة اختلاف الجمارك زى الشحن و رسوم و كلام من ده معرفش تفاصيلها، المهم مبيضفش عليها الجمارك و عشان كدة التخفيض مش هيبقى زى المتوقع،

طبعا الواحد نفسه العربيات ترخص بس هو ده الواقع اللى هيحصل لو الجمارك نزلت

[Nile Heart]

lمعلش يا جماعه بس انا عايز اوضح تفاصيل الجمارك بدقه اكتر شويه لآن الرقام اللى اتقالت مش دقيقه

بالنسبه للسيارات حتى 1600 سى سى فالرسوم عليها كالآتى
-جمارك 40% على القيمه سيف (قيمه العربيه بالشحن والنولون)
-ضريبة مبيعات 15% على القيمه سيف + الجمارك (لاحظ انه على المجموع)
-3% رسوم اضافيه على المجموع

يبقى المحصله:
تمن العربيه لو 100 الف
-جمارك 40 الف
- ضريبه مبيعات 15% من ال 100+40 تطلع 21 الف
- رسوم 3% من المجموع اللى هو 100+40+21 تطلع 5

يبقى كل الرسوم = 40+21+5 = 66 الف جنيه
تبقى تمن العربيه النهائى 166 الف

اما بقى لو ال40% دى نزلت الى 25% (مع بقاء الضريبه الرسوم كما هى) فستهبط الرسوم الى 48 الف فقط

يعنى العربيه تمنها هاينزل من 166 الى 148 الف

[wawoo]

l

اما بقى لو ال40% دى نزلت الى 25% (مع بقاء الضريبه الرسوم كما هى) فستهبط الرسوم الى 48 الف فقط

يعنى العربيه تمنها هاينزل من 166 الى 148 الف

تمام يا اخ نايل هى دة الحسبة الصح يعنى فى الاخر التخفيض الفعلى المتوقع اذا كانت دى فعلا النسبة المقترحة حيكون فى حدود 11% من الاسعار الحالية ,
هى طبعا نسبة مش جبارة يعنى بس برضو 11% مش وحشين خالص و حتعمل شغل كويس و ممكن فى هذة الحالة الواحد يفكر فى سيارة احسن او على الاقل بكمليات مهمة زى الاير باج و ال ا بى اس مثلا .

المهم ان الحكومة المرة دى تكون واضحة معانا و تعلن التخفيضات المقترحة دى فى الوقت المناسب عشان كل اللى بيتشرى او اللى بيفكر يكون عامل حسابة مش يلاقى تانى يوم بعد ما اشترى العربية نزلت 11% كدة من غير مناسبة , الفلوس دى فى ناس كتير تعبانة فيها يعنى احنا مش بلاقى الفلوس فى الارض ,
فياريت الحكومة تراعى الكلام دة , عشان اللى حصل قبل كدة ميتكررش تانى .

[جندى مجند]

المهم ان الحكومة المرة دى تكون واضحة معانا و تعلن التخفيضات المقترحة دى فى الوقت المناسب عشان كل اللى بيتشرى او اللى بيفكر يكون عامل حسابة مش يلاقى تانى يوم بعد ما اشترى العربية نزلت 11% كدة من غير مناسبة , الفلوس دى فى ناس كتير تعبانة فيها يعنى احنا مش بلاقى الفلوس فى الارض ,
فياريت الحكومة تراعى الكلام دة , عشان اللى حصل قبل كدة ميتكررش تانى .[/b]

صعب أوى للأسف ان الحكومة تعلن قبلها بفترة لأن تخيل مثلاً ان الحكومة قالت يا جماعة الجمارك حتقل كمان شهر يبقى معنى كدة مفيش ولا عربية واحدة حتتباع طول الشهر دة لا فى الزيرو و لا حتى فى المستعمل ... يعنى سوق السيارات حيحصل فيه شلل تام ... انما لما بتعلن فجأة عن التخفيضات نسبة قليلة من الناس هى اللى بتضرر فالبنسبة للحكومة الناس دى بتبقى كبش فداء أسهل شوية من احداث شلل تام بالسوق لمدة شهر مثلاً ..

و على كل حال كل تصريحات مسئولى الحكومة كانت بتتكلم عن عدم وجود أى نية لتخفيض جمارك السيارات فى 2007 و الكلام دة يفهم منه ضمنياً ان فى تخفيضات حتحصل فى يناير 2008 و بالتالى مفيش حد حيبقى عنده حجة يقول ان الحكومة عاملاها مفاجئة و لا حاجة!

[Mina W]

زى ما قلت يا جماعة اهو مكتوب فى موقع الجزيرة

كنت قلت انه لو الجمارك على العربيات هتنزل يبقى اسعار البنزين هتعلى علشان حاجتين 1- تقليل نسبة الدعم على اسعار البنزين و خاصة مع الزيادة المتوقعة فى اعدادها، 2- تعويض التخفيض فى الجمارك من ناحية تانية

http://www.aljazeera.net/NR/exeres/601CAEC6-B196-4AE5-8D02-C8E43ACC2672.htm

و باختصار
"وكان وزير المالية يوسف بطرس غالي أشار في وقت سابق من هذا الشهر إلى أن الحكومة بصدد الإعلان عن خفض للدعم الذي تقدمه للمحروقات في الثلاثة أو الأربعة أشهر القادمة."

اصلهم من امتى خفضوا سعر حاجة لله :?: :?: حسبى الله و نعم الوكيل فيكى يا بلد :!:

[wawoo]

Re: زى ما قلت يا جماعة اهو مكتوب فى موقع الجزيرة

و باختصار
"وكان وزير المالية يوسف بطرس غالي أشار في وقت سابق من هذا الشهر إلى أن الحكومة بصدد الإعلان عن خفض للدعم الذي تقدمه للمحروقات في الثلاثة أو الأربعة أشهر القادمة."

اصلهم من امتى خفضوا سعر حاجة لله :?: :?: حسبى الله و نعم الوكيل فيكى يا بلد :!:

[b]يعنى اللى حيخفضوة من هنا هيخدوة من الناحية التانية لاء نصحين والله , بس معنى كدة ان فعلا التخفيضات الجمركية دى ممكن تحصل خلال الاشهر القادمة فعلا , بس انت طلعت استاذ يا مينا .[/b]

[Mina W]

لا استاذ و لا حاجة

كلك ذوق يا باشا بس هو زى ما بيقول كتر بكى يعلم النواح او حاجة زى كده، فالواحد لما بيسمع انه فى حاجة حترخص بيروح يدور ايه ممكن يغلوا علشان يعوضوا، اصلها بقت حاجة مفقوسة خلاص

[Nile Heart]

Re: لا استاذ و لا حاجة

كلك ذوق يا باشا بس هو زى ما بيقول كتر بكى يعلم النواح او حاجة زى كده، فالواحد لما بيسمع انه فى حاجة حترخص بيروح يدور ايه ممكن يغلوا علشان يعوضوا، اصلها بقت حاجة مفقوسة خلاص

معلش بس انا مش معاكوا فى التشاؤم ده

احسبها كده
انت بتحط بنزين فى الشهر بكام الأن ؟ ب 150- 250 جنيه؟
البنزين هايزيد كام 20-40%؟؟ يعنى هاتدفع زياده اقصاها 100 جنيه شهريآ
يعنى 1200 سنويآ
يعنى 12 الف فى عشر سنين

لما الجمارك تنزل من 40 الى 25% ده معناه وفر فورى فى تمن عربيه زى الانسر مقداره 10 الف جنيه! ده أفضل طبعا

[h_hezzah]

هى بالحسبة دى افصل للطرفين.

الى هايشترى عربية جديدة يوفرله 10 الاف جنيه ويدفع 1200 براحته كل سنة
وللحكومة لأنها هاتتنازل عن ال10 الاف جنيه من القلة اللى هاتشترى وتزود 1200 جنيه على كل الشعب اللى راكب واللى مش راكب لأن طبعا الاجرة حاتزيد برضه :twisted:

[Mina W]

بص انا معاك فى اللى قلته

انا معاك ان الزيادة فى البنزين مش هتكون خراب بيوت، بس اللى هيستفيد من الجمارك الاقل هو اللى بيشترى جديد سواء كانت ماروتى صغيرة، او هامر كبيرة ، انما اللى اتظلم هو اللى هيدفع زيادة فى البنزين بعد دفع الجمارك العالية زينا كده