بلطجه عيني عينك

[S O P H O S]

حضرتك تفتكر انه ممكن يعمل كل ده هو وغيره
من غير ما يكون في حد سانده وعارف انه مش هيحصله شئ

[chicobon]

الاشكال ديه في كل مكان حتي علي كبري قصر النيل مافيش مكان تقف فيه تشم هواء و تلاقي حاطين كراسي بلاستك و بيبيع حمص شام اخر مرة كنت واقف هناك في مكان مافيش فيها كراسي راح جه واحد جالي وسع شويه عشان هنفرش كراسي هنا اكن الكوبري ده خصوصي ليهم طيب انا مش فاهم الشرطة هتشيل الناس ديه امتي و هل ده منظر حضاري
و مش بشوف الشرطة غير في الاماكن النضيفة زي منطقة مصر الجديدة عشان عارفين ان محدش هيعملهم قلق و سايبين شوارع وسط البلد الناس تاكل في بعض حاجة صعبة

[Omar Mahmoud]

الاشكال ديه في كل مكان حتي علي كبري قصر النيل مافيش مكان تقف فيه تشم هواء و تلاقي حاطين كراسي بلاستك و بيبيع حمص شام اخر مرة كنت واقف هناك في مكان مافيش فيها كراسي راح جه واحد جالي وسع شويه عشان هنفرش كراسي هنا اكن الكوبري ده خصوصي ليهم طيب انا مش فاهم الشرطة هتشيل الناس ديه امتي و هل ده منظر حضاري
و مش بشوف الشرطة غير في الاماكن النضيفة زي منطقة مصر الجديدة عشان عارفين ان محدش هيعملهم قلق و سايبين شوارع وسط البلد الناس تاكل في بعض حاجة صعبة

اخر مرة مشيت علي الكوبري كان من سنتين في شم النسيم
اتفرج علي الفوضي بجد مولد و صاحبه غايب كان كويس إن الناس سايبة حارة للعربيات تمشي اظن لو اللي حصل ده بلد عندها قانون كان هيبقي في كلام تاني.وللعلم الشرطة كانت واقفة هناك.

[demonarundo]

الشرطة فى أى بلد موجودة عشان : تقبض على الحرامية - تأمن المبانى والمنشآت الهامة - حل الشكاوى بين الجيران - حل المنازعات بين الناس - لم الكلاب الضالة

يعنى واحد جارك بيرمى كيس الزبالة قدام باب بيتك أو معلى الكاسيت وعامل دوشة , أو واحد قافل عليك فى الركنة ومش عارف تطلع , أو خبطك , أو عربيتك عطلت فى وسط طريق عام

هنا دور الشرطة

حتى الإشارات برا فهى أوتوماتك ومش محتاجة ظباط او عساكر مرور

[help4me]

السلام عليكم و رحمة الله و بركاته
احب احيى كاتب الموضوع على مرؤته و انه قام برد فعل شهم في وقت الكل منفض للكل
الموقف ده حصل معايا " انا انسة " عند مشيخة الازهر و كان عايز ياخد منى 10 جنيه . انا مش لاقيت نفسى غير و انا بارد عليه بص على العربية " 127 بلا فخر " و قلتله بالعشرة جنيه دى اجيب فانوس ده احنا موظفين حكومة و انا كنت بادفع 2 جنيه بالكتير . المهم شديت معاه و راح نادى لى الريس بتاعه . المهم صعبت عليه لانى كنت لواحدى فراح قاللى خليها علينا المرة دى . و برده حصلت لى تانى قرب جراج الازهر فانا برده رفضت و قلت له الساعة في الجراج ارخص و مشيت و سيبته بس لفيت كتيير عقبال ما ركنت .
انا الحقيقة كنت بارد لانى حسيت انهم بيبالغوا نظام استغفال على اساس انى واحد بنت و لوحدى بس الظاهر ان دى بقت التسعيرة دلوقتى بس ده كتير انا لو كده كده حادفع في ركنة 10 جنيه ازود عليهم 5 كمان و ارحم نفسى منن قرف السواقة والبلطجة و كمان اوفر بنزين
حسبى الله و نعم الوكيل

[Land_Cruiser]

خطوره الموضوع ده اكبر من كونها حد بياخد فلوس من الناس بدون وجه حق لانها وسيله سهله للكسب بدون مجهود و بالتالي فهي بتشجع حتي اللي بيتعب و يشتغل فعلا انه يسيب شغلته المتعبه اللي مرتبها قليل و يشتغل في البلطجه دي زي مثلا الصنايعيه بجميع انواعهم ،عمال الدليفري، العاملين في السياحه ، البوابين و غيرهم و ده يمكن السبب في تزايد عدد بلطجيه الباركينج يوم عن يوم . لأ و كل كوم و اللي بيلبسوا يونيفرم و في ايدهم عصايه بتنور و صفاره تلاقي نفسك و انت بتركن في الشارع طالعين يجروا عليك و لو الرصيف طويل تلاقيهم بيصفروا لبعض علشان الفريسه ما تجريش منهم وواحد فيهم يلحقها. انا شفت واحد فيهم بيتكلم مع سائح بيركن بالإنجليزي كمان من كام يوم :b4_237: