مشكلة كبيرة فى التجديد

[محمد يوسف]

رحت النهارده أجدد الرخصة .. خلصت الفحص ودخلت أجيب شهادة المخالفات...لقيت بلوة مستنيانى... 1950 جنيه مخالفات.....مابقتش مصدق نفسى ... المخالفات جاية كالتالى :

500 جنيه انتظار فى الممنوع وتعمد تعطيل المرور ( من 2012).. ودى فاكرها كانت صف تانى عند مدرسة الولاد وظابط عيل تنك كلمنى وحش واتخانقت معاه جامد وهزأته...صحيح اتصالحنا فى الأخر بس طلع سماوى وهبدنى 500 جنيه

500 جنيه تانية نفس السبب فى يوم تانى..مش فاكر دى بتاعة ايه

500 جنيه تانية نفس السبب فى يوم تالت..مش فاكر دى بتاعة ايه

300 جنيه كسر اشارة مرور...ودى كنت كتبت عنها الموضوع ده

http://www.nilemotors.net/Nile/320436-a.html

100 جنيه عبارة عن 5 مخالفات انتظار فى الممنوع من أم 20 جنيه

47.5 جنيه رسوم قضائية

المصيبة بقى ان كشف المخالفات مكتوب فيه ان الحد الأقصى للمخالفات 8725 جنيه والحد الأدنى
1947.5 جنيه.... وبيقولولى هناك ان ده معناها نها كانت 8725 ورئيس النيابة خفضها للحد الأدنى...وبالتالى بيقولوا لى لو عملت معارضة وكيل النيابة مش حاينزل تانى أو حاينزل 300 جنيه بالكتير وممكن كمان يرفعها عن الحد الأدنى....وبيقولوا لى مش مستاهلة شحططة الدراسة وعطلتها وقرفها

أنا خدت المخالفات ومشيت مادفعتش قلت أفكر يوم ولا اتنين....رأيكم ايه ؟ أدفع وأشترى دماغى ولا أعارض وأمشى معاهم للأخر وأنا وحظى؟

[Adnfalcon]

رقم مهووول !! حاول تخفضه بأي شكل

[haisam ali]

ياباشا شوف موظف من الطيبين إياهم يدخل لوكيل النيابه وباذن الله هيجيبلك تخفيض محترم

[shndoo]

انا كنت مثلك لقيت مخالفات عليا ب 1500 سير عكسى و تعطيل مرور فى " اسوان " :d وانا من الجيزه و العربيه ماكنتش عملت فى 3 سنين 14 الف بس للاسف دفعتهم علشان اتقالى زى ماتقلك مش هاتتخفض الا قليل فدفعت

[محمد يوسف]

ياباشا شوف موظف من الطيبين إياهم يدخل لوكيل النيابه وباذن الله هيجيبلك تخفيض محترم

أنا كنت فاهم زيك كده وكلمت كذا واحد بس اتضح ان النظام ده اتلغى وان المعارضة ع المخالفات بقت مركزية فى الدراسة ومميكنة..ووكيل النيابة اللى فى وحدات المرور مابقاش فى ايده حاجة

[john55]

ادفع وخلاص هتعمل ايه انا زيك خدت مخالفه عكس اتجاه 1007 جنيه من سنتين ودفعت وانا معملتهاش خالص هههههههه

[Mohab.Nabil]

اى حاجة الحكومة تلم منها الفلوس و خلاص

انا حاسس بعد شوية هيقولك ضريبة مشى على رجليك فى الشارع يعنى تبقى ماشى و تلاقى الامين بيقولك 2 جنيه ضريبة مشى فى الشارع !!

[georgedada82]

من حقك تعمل معارضة بتتحول لقضية ومفيش حاجة اسمها يزودها لك ... المعارضة دي بتعمل قضية ويقال في اغلب الوقت انها بتتخفض

[Mohab.Nabil]

اه نسيت اقولك صحيح و انا ببيع العربية لقيت عليا مخالفة عكس سير بـحوالى الف جنيه و انا كنت مسلم النمر فى المرور فى وقت المخالفة عشان كنت مغير المرور ، المهم يا معلم رحت للمرور اللى سلمت فيه النمرة و جبت ورقة ان النمرة داخلة المخزن بتاريخ قبل التاريخ اللى اتحررت فيه المخالفة و رجعت بيها للمرور بتاعى بقوله يعنى النمرة عندكوا فى المخزن و مدينى عليها مخالفة يقولى اه عادى يا باشا و قعدت نص ساعة افهم اللى واقف على باب وكيل النيابة ان النمر متسلمة قبل تاريخ المخالفة يعنى النمر بتتمشى فى الشارع مع نفسها تعمل مخالفات ولا ايه

و المخالفة اتشالت بعد حوالى 5 مشاوير بين مرور فيصل و مرور رابعة و الدراسة بس طبعا كانت حاجة ميصدقهاش عقل و عشان كده اتشالت

و صدقنى انا لو واحد قالى الموضوع ده مش هصدقه بس و الله حصل معايا

اخيرا ابتسم انت فى مصر

[ayman hamdy]

اى حاجة الحكومة تلم منها الفلوس و خلاص

انا حاسس بعد شوية هيقولك ضريبة مشى على رجليك فى الشارع يعنى تبقى ماشى و تلاقى الامين بيقولك 2 جنيه ضريبة مشى فى الشارع !!

هههههههههههه
والله ضحكتنى دا انا رافع العربية فى الجراج بتاع البيت من سنة تقريبا وخايف اجى من السفر الاقيهم عملين لى مخالفات ب 3000 او 4000 جنيه واضطر انى ادفعهم والعربية مركونة فى الجراج وممشيتش وكمان مركبتهاش لان برة مصر ههههههههههههه
تحياتى لصاحب الموضوع والافضل تعمل تظلم علشان يخفضوا لك المبلغ

[Aymanmhran]

حضرتك ممكن تقدم تظلم لو كذا مخالفة في نفس اليوم والساعة في مرور الدراسة
أو تعمل معارضة وتتحول لمحكمة المرور وتقدم ما يفيد عدم ارتكابك للمخالفات دي
وفي كلتا الحالتين لا يمكن ان تزيد قيمة المخالفات
يعني في أسوء الفروض يترفض التظلم او المعارضة وتفضل قيمة المخالفات زي ما هيا

[hesham fawzy h]

اعمل الى علييييك وربنا يوفقك ، و ان شاء الله هيخفضوهالك

[CCIE]

معارضة فى الدراسة

http://www.nilemotors.net/Nile/383233-300.html

عندي يقين تام إن مخالفات السيارات ما هي إلا عن سرقة مقنعة في إطار قانوني للغلابة المحترمين اللي ملهمش في موضوع الوسايط .
عمرك شفت قاضي أو وكيل نيابة أو ظابط أو حتى أمين شرطة جتلو مخالفة جنية واحد حتى !!!!! مع انهم مشين على طول مخالف .

أكبر مثال على إن المخالفات عشوائية عند تجديد الرخصة اكتشفنا وجود مخالفة عكس ١٠٠٠ جنيه مصري + ٣٠٠ جنية مصري تعطيل حركة المرور في يوم واحد في ساعة واحدة يعني مخالفة دوبل
عملنا تظلم شال ٣٠٠ بس في نفس الإسبوع بنعمل بيان مخالفات اكتشفنا واحدة تانية بالظبط بتاريخ من 3 شهور ١٠٠٠ + ٣٠٠ دوبل بردو ، عملنا معارضة كان بعدها بشهر بس خللي بالك بتخش على الماكسيموم يعني ٢٣٠٠ اصبحوا ٤٦٠٠ جنيه مصري !!!! القاضي كان راجل محترم و عارف إللي فيها دفعنا مئة و شوية وعمل كدة مع كتير إللي كان ٣٠٠٠ دفع بردو مئة و شويه
و بعد ١٠ أيام بتاخد بيان مخالفات جديد متصفر .

طيب معلش سؤال جانبي هو احنا لية بندفع ألف جنية و شوية كل 3 سنوات من غير مخالفات !!!! هي فين الطرق الكويسة ولا الاسعاف العادي حتى مش الطائر اللي على الطرق السريعة ولا لازم أكون يسري فودة علشان حد يعبرني و أنا بموت على الطريق !!!!!!

[hateeem]

اعمل تظلم واهو لو وافقوا وشالولك مبلغ انت اولى بيه

ولو موافقوش اديك مش هاتخسر حاجة

[Mohamed A S]

انا فيه نقطة عاوز افهمها بعد اذن حضراتكم .. هو انا ممكن اكون ماشي في حالي واتخبط مخالفة عكس او اي مخالفة طب تيجي ازاي هو اللي مش بيمشي عكس على الاقل بيوقفوه وياخدو منه الرخصة والا اذاي همه يثبتوا ان المخالفة دي اتاخدت وانا ماشي عكس ازاي .. ايه اللي يثبت ان المخالفة دي بتاعتي انا ما يمكن اداها لحد ثاني ولخبط الارقام او الحروف .. معنى كده ان اي واحد ماشي في الشارع ممكن يتخبط مخالفه من غير ما يعرف تيجي ازاي دي ممكن حد يفهمهالي. ايه العك اللي احنا فيه دا يا رب حسبي الله ونعم الوكيل.