مشكلة كبيرة فى التجديد

[mohamed_selim]

انا فيه نقطة عاوز افهمها بعد اذن حضراتكم .. هو انا ممكن اكون ماشي في حالي واتخبط مخالفة عكس او اي مخالفة طب تيجي ازاي هو اللي مش بيمشي عكس على الاقل بيوقفوه وياخدو منه الرخصة والا اذاي همه يثبتوا ان المخالفة دي اتاخدت وانا ماشي عكس ازاي .. ايه اللي يثبت ان المخالفة دي بتاعتي انا ما يمكن اداها لحد ثاني ولخبط الارقام او الحروف .. معنى كده ان اي واحد ماشي في الشارع ممكن يتخبط مخالفه من غير ما يعرف تيجي ازاي دي ممكن حد يفهمهالي. ايه العك اللي احنا فيه دا يا رب حسبي الله ونعم الوكيل.

حضرتك جديد فى مصر؟

[محمد يوسف]

رحت النهارده وعملت شوية محاولات ودفعت شوية شايات عشان أخش للباشا وكيل النيابة...المهم دخلت له و محصلة الكلام معاه كالتالى:

1- هو مافيش فى ايده حاجة والتظلم فى الدراسة
2- لغاية التظلم مايتاخد فيه قرار مافيش تجديد رخصة ولا حتى تصريح سير مؤقت..وأنا ونصيبى بقى فى اللجان
3-احتمال رفض التظلم 50 % واحتمال قبوله 50 % ولو اتقبل أقصى ما أطمع فى تخفيضه 400 جنيه بتوع ال (5*20) + 300 كسر الاشارة
4- لو أعرف حد ليه سكة فى الشرطة أو الداخلية ممكن الغرامات كلها تتشال وترسى على 100 أو 200 جنيه (ده كلامه)

الخلاصة انه جالى احباط وشكلى حاروح أدفع بكره وأخلص تجديد

[Omar Mahmoud]

انا فيه نقطة عاوز افهمها بعد اذن حضراتكم .. هو انا ممكن اكون ماشي في حالي واتخبط مخالفة عكس او اي مخالفة طب تيجي ازاي هو اللي مش بيمشي عكس على الاقل بيوقفوه وياخدو منه الرخصة والا اذاي همه يثبتوا ان المخالفة دي اتاخدت وانا ماشي عكس ازاي .. ايه اللي يثبت ان المخالفة دي بتاعتي انا ما يمكن اداها لحد ثاني ولخبط الارقام او الحروف .. معنى كده ان اي واحد ماشي في الشارع ممكن يتخبط مخالفه من غير ما يعرف تيجي ازاي دي ممكن حد يفهمهالي. ايه العك اللي احنا فيه دا يا رب حسبي الله ونعم الوكيل.

ايوة عادي جدا
الدليل في 2009 قبل القانون الجديد ما يتطبق بكام يوم (عكس الإتجاه فيها سجن سنة) لقيت مخالفة عكس إتجاه في روكسي مع العلم مروحتش روكسي في السنة دي و لا اللي قبلها.ده غير إن روكسي يتمشي في عكسي إزاي يعني؟؟؟؟
من شهر ماشيين عادي جدا و رابطين الحزام و نلاقي امين شرطة اخد نمرتنا.طيب ليه؟؟؟

[S O P H O S]

ده كده واضح ان الكل هيبقي عنده
مخلفات وهمية وهندفع فلوس !!
ربنا يستر

[Eng . megoo]

ههههههه انا كان معايا رينو سينيك و كان عليها 4800 مخالفات و الرخصه منتهيه من 3 شهور بعتها لمستشار خلص كل الورق في 20 دقيقه و المخالفات بخخخخخخخ

[yyy]

دلوقتى المخالفات ليها حد اقصى وحد ادنى وبيتحسبلك على الحد الادنى ويقولك كدة اتخفضت
فى تجديد العربية السنة اللى فاتت لقيت مخالفة زى دى وقوف فى نهر الطريق وتعمد تعطيل حركة المرور و حاجة كمان كدة ومخالفة تانية صغيرة موظف قالى كدة خلاص وتدفع وواحد تانى قالى اعمل تظلم و ادخل لوكيل النيابة (بس موضوع التظلم عادى كلة كان كدة) وشال المخالفة الاولانية خالص
الكلام دة فى 11/2013 معرفش دلوقت النظام اتغير ولا لا