اسعار السيارات المستعملة وصلت الى ( الجشع )

[أبو يوسف]

انا بقالى اكتر من أربع شهور بدور على عربية ماتريكس
روحت السوق ودورت فى جميع المواقع والمنتديات , بسمع أسعار تثير الى ( بلاش أقول )
- عربية موديل 2006 عاملة 140 ألف كيلو وطالب 88 ألف ( ويقولى عربية زيرو ) طب أخرها كام يقولى 87 ألف مينزلوش شلن
- عربية موديل 2008 عاملة 60 ألف كيلو وطالب 105 ألف ( اقوله أومال لو 2010 هاتطلب كام ) يقولى 120 ألف
عربية موديل 2006 عاملة 80 ألف كيلو طالب 90 ألف ( ويقولى أصلها مش رشة ) طب وأخرها يقولى لو مجبتش ال 90 ألف مش هابيع
فقررت الاتى :
1- الصبر لحد ما الاقى عربية كويسة وبسعر مناسب
2- لو أشتريت بالطريقة دى يبقى أنا بدى فرصة للناس اللى زى دى ترفع اسعار السيارات
3- معظم الناس بتدخل على النت وتشوف سعر العربيات كام ومن هنا بيحدد سعر العربية المبالغ فبه طبعاً
4- فكرت فى حاجة ان زى ما أنا عاوز أشترى هو كمان عاوز يبيع ,,, يبقى خليهالك
5- لما العربية تقعد فى اربيزه هايعرف ساعتها ان السعر اللى كتبه مش هيبيع العربية
6- مش هافكر اشترى من على النت واستنى واشترى عربيى بيتى
أبو يوسف

[ahmedfouad]

يا ريت كلنا نفكر كدة
للاسف معظم المصريين جشعيين
شعب سئ
الا من رحم ربى

[AhMeD MeTwAlY]

يا باشا قولناها قبل كدا السوق المصري سوق تجار

[eng.m7md.ali]

كان معايا واحدة والله من اسبوع كحلي فابريكا برة وجوة اوتو ماشية 101 الف موديل 2006 .. خلصت ب 73 الف ومفيهاش غير مقصات قدام بس عشان قعدت معايا فترة ووسافرت بيها ... لو حضرتك كنت جيت بدري شوية كان ممكن يبقى في نصيب

[mahamedaraby]

المشكلة النت فعلا تلاقى اى حد بيعمل اعلان ويحط السعر اللى هو عايزه يجى واحده وراه يشوف السعر يقوم مزود السعر هو كمان علشان اللى هيجى هيفصال يقوم اللى وراه عامل نفس الحركة وتستمر العملية على كدة لحد ما فى الاخر تلاقى العربية سعرها زايد عن سعرها الحقيقى او الفعلى ب 10 او 15 الف جنية

[ashrafwolf]

اللي بيحط السعر بيقارنها بسعرها جديده و سعر السوق و بعدين بيحط سعره
و بما ان العربيات في مصر في ارتفاع اسعار مستمر بغض النظر عن سعر الدولار ولا الدهب ولا الحزب الحاكم ولا سعر السيارات العالمي
و مع سياسة القديم عضمته ناشفه و قطع غياره مرطرطه
فلا امل في انخفاض اسعار المستعمل

[Mohamed.Raafat]

من ربع ساعة شفت اعلان ع النت علربية لانسر كريستالة معمول فيها شوية شغل بس حلو موديل 1998 و عاملة 120000 كم و مطلوب فيها 70000
في حين واحد قريبي مشتري لانسر بومة 1300 موديل 2008 بـ 70000
فين العقل بقى في كده

[Omar Mahmoud]

من ربع ساعة شفت اعلان ع النت علربية لانسر كريستالة معمول فيها شوية شغل بس حلو موديل 1998 و عاملة 120000 كم و مطلوب فيها 70000
في حين واحد قريبي مشتري لانسر بومة 1300 موديل 2008 بـ 70000
فين العقل بقى في كده

يعني ده بايع الكريستالة باكتر من سعرها و هي زيرو؟؟؟؟؟؟
ليه يعني امال لو معاه بومة 1600 سوبر اكشن هيطلب كام؟؟؟
و المشكلة الكبيرة إنك هتلاقي اللي بيشتري

[ramymechanics]

دة غير الكورولا 2006 و 2007 دول عالم خيالى تانى فشخ بيه المصريين المنطق فشخا

[medo_31]

اسعار مستفزة لاقصى درجة وكل واحد بيبيع محسسني ان مفيش غير عربيته لا قبلها ولا بعدها وعلشان كده وقفت بحثي عن عربية مستعملة لحين اشعار اخر مهو مش معقول اشتري عربية موديل تسعينات مثلا ب60 او70 الف ده يبقى جنان رسمي

[egyptiandiver]

Buy BYD model 2015 manual zero 88,000 pounds

[SAMEH_FOUAD]

ياجماعة الزيرو غلى جداااااااااااااااا وبقى اوفر اوى فى السعر بتاعة

طيب لما هو يبيع عربيتة المستعملة بنفس السعر , يبقى كدة هو مطالب انة يدفع فرق السعر اللى زاد فى السيارات الزيرو . طيب هو ذنبة اية يتحمل , يبقى مافيش حل غير انة يرفع سعر العربية دية من 5000 الى 10000 الاف

[amoor89]

ياجماعة الزيرو غلى جداااااااااااااااا وبقى اوفر اوى فى السعر بتاعة

طيب لما هو يبيع عربيتة المستعملة بنفس السعر , يبقى كدة هو مطالب انة يدفع فرق السعر اللى زاد فى السيارات الزيرو . طيب هو ذنبة اية يتحمل , يبقى مافيش حل غير انة يرفع سعر العربية دية من 5000 الى 10000 الاف

+1
بس ده ميمنعش ان فى ناس بتستعبط زى مثلا بتوع الكرولا 2005 وطالع بيتكلم فى سعر بومة زيرو طب ده تقوله ايه والنبى

[hateeem]

كل اللى قابلتهم دول تجار

[احمد المصرى]

احنا مبنعرفش تنشطر غير على نفسنا بس الموضوع ببساطه ان اسعار الجديد غليت جدااااااااااااااااااااااااااااا فوق الطبيعى بمراحل علشان كدا المستعمل سعره بيعلى وفلو قدرنا نخلى العربيات الزيرو سعرها يكون طبيعى ذى دول العالم كله اكيد المستعمل هيكون رخيص


السؤال مين يقدر يخلى الزيرو سعره طبيعى ذى دول العالم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟