اسعار السيارات المستعملة وصلت الى ( الجشع )

[عبدالله برعى]

اللى مسبب المشكلة فى السوق بالنسبة للمستعمل
التجار

ثم التجار
انا لسة بايع 2010 سيراتو وبصيت على سوق الجمعه وسوق الاحد 90 % تجار وبيشترو بمبالغ زهيدة وبيبيعو مبالغ عالية اوى
التجار فصو السيراتو فئة تانية بس فيها شغل شوية ب 73 الف

ربنا ياخدهم لانهم مفيش سماحة فى البيع وبيعلو بنسبة كبيرة

[SAMEH_FOUAD]

+1
بس ده ميمنعش ان فى ناس بتستعبط زى مثلا بتوع الكرولا 2005 وطالع بيتكلم فى سعر بومة زيرو طب ده تقوله ايه والنبى

هقولك حاجة اكتر عربية بتستفزنى فى سعرها الكورولا 2003-2007

بيحسسونى انهم بيبيعوا مخدرات

يعنى العربية دية بتقدم وسعرها بيزيد مش بينقص حتى لو واخدها هلكانة بردة سعرها عالى

[El Prince]

الزيرو أوفر من المستعمل بكتير من جميع النواحى

[mody112]

بصراحة الزيرو زيرو والمستعمل يغووووووووووووووووور
الفكرة ان الاسعار الزيرو فعلا سعرها بيزيد بطريقة غريبة وبالتالى المستعمل بيجرى وراه
وللاسف فى ناس كتير بتشترى والتجار كمان مولعين الاسعار .
بس بصراحة فى ناس تستاهل اللى التجار بيعملوه فيهم يعنى انا مثلا لما كنت ببيع عربيتى الجولييت وكنت مروقها على الاخر من بوية وجنوط وفرش وطارة اسبور وفاميه وكانت نضيفة جدا وقلت انزل السوق عشان اعرف الاسعار ايه والله لقيت حاجات هبل التجار اللى بره السوق يفصلوها ب 40 الف ولما دخلت السوق لقيت والله عربيات حالة زفت ومتهانة ورخص منتهية وعارضينها ب 50 الف مينزلوش شلن والناس بتتفرج عليها وكانها ببلاش وانا عشان كنت عاوز اخلص بيعتها على النت ب 45 الف وهى كانت تجيب 47 الف مستريح بس انا كنت مستعجل والحمد لله .

[mody112]

كان فى حملة زمان اسمها ( خليها تصدى وموديلها يعدى ) الحملة دى لو اتفعلت الاسعار هتنزل لمستواها الطبيعى

[sameh69]

جميل قوى الشعار ( خليها تصدى وموديلها يعدى ) بس لو الناس تجتمع على تنفيذه
لكن للأسف عندنا فى مصر لا نجتمع ابدا على شيء ودائماً اول من ينادى بالمقاطعة والعزوف او الامتناع ( الزعيم يعنى ) هوه أول واحد برضه ما بينفذهاش من خلف الستار

[Omar Mahmoud]

+1
بس ده ميمنعش ان فى ناس بتستعبط زى مثلا بتوع الكرولا 2005 وطالع بيتكلم فى سعر بومة زيرو طب ده تقوله ايه والنبى

150000 جنيه؟؟؟؟؟

[أبو يوسف]

اللى بيحصل دة ملوش غير مسمى واحد ( استهبال )

[SAMEH_FOUAD]

ماهو ياجماعة الزيرو فى اى بلد اكيد هيبقى احسن وافضل بكتير من المستعمل

لكن معلش تيجى تشترى هنا زيرو تلاقى الاتى :

1- فائدة ضخمة لو السيارة بالتقسيط

2- عيوب صناعة فى العربية , تخليك تلف حوالين نفسك وتكرهة السيارة

3- قطع غيار مغالى فيها جداااااااااااااا و ومطالب انك تتعامل مع التوكيل عشان ماتخرجش برة الضمان

4- عشان تجيب الفئة الاولى تحس انك راكب سيارة حرامى سرقها قبل كدة , مافيش فيها اى اوبشن من اى نوع وسعرها اغلى ضعفين من اى دولة تانية وياريتها بنفس الكفاءة والمحرك

5- توكيل , بيحسسك انة اداك السيارة دية هدية فى كيس شيبسى , بيبيع وبيشترى فيك , وناس جوة مش فاهمة اى حاجة فى اى حاجة , وفى الاخر تلاقى مصنعية بتمن خرافى ولا كأنك بتصلح جاكوار

دة الزيرو فى بلدنا

يبقى عايزين المستعمل عامل ازاى

[mohammed adel]

هقولك حاجة اكتر عربية بتستفزنى فى سعرها الكورولا 2003-2007

بيحسسونى انهم بيبيعوا مخدرات

يعنى العربية دية بتقدم وسعرها بيزيد مش بينقص حتى لو واخدها هلكانة بردة سعرها عالى

والله نفس رأيي بمعنى ان تمن الكورولا يركبنى هوندا مواصفات عالية بس هنعمل ايه بقى فى عدم الفهم !!! وبالمناسبة انا متابع مشاركات حضرتك و معلش عندي شوية اسئلة لحضرتك
1- انا كنت راكب النترا هاي لاين اوتو وبعتها وحاليا انا بفكر اركب حاجة محترمة بس على قدي انا معايا فى حدود من 50000 الى 55000 جم و ممكن ازود شوية وطالب من حضرتك ترشحلي حاجة محترمة تكون على ذوقك لأن كل الناس بتنصحنى بالكوري عالشان اسعار قطع الغيار بس بالنسبة ليا (لو قطع غيار غالية وتعيش افضل واوفر من الرخيص اللى بيتلف بسرعة )
2- انا شاب اعزب وعايز اركب حاجة كدة ثابتة و سحبها يكون ممتاز ( الافضل تكون اوتو بس لو المنول هتكون فيها مميزات اكتر يبقى مافيش مانع )
3- تكون اعتمادية لان بكره اروح لميكانيكي
4- انا فكرت فى عربيات كتيرة زى الجولف و الاسكودا والباسات و الهوندا بس هسيب الرأى لربنا و لحضرتك !!!
مش عارف بقى المبلغ ده هينفع ولا لأ !! ياريت متحرمنيش من النصيحة عالشان انا قاعد من غير عربية و قربت اتعفرت ههههههههههههههههههههههه
الف مليـــــــــــــــــــــــــــــــــــون شكررررررررررررررررر

[yyy]

ياجماعة الزيرو غلى جداااااااااااااااا وبقى اوفر اوى فى السعر بتاعة

طيب لما هو يبيع عربيتة المستعملة بنفس السعر , يبقى كدة هو مطالب انة يدفع فرق السعر اللى زاد فى السيارات الزيرو . طيب هو ذنبة اية يتحمل , يبقى مافيش حل غير انة يرفع سعر العربية دية من 5000 الى 10000 الاف

يعني لما واحد يعرض اوكتافيا 2013 اول فئه ماشيه 30 الف ب 190 و موديل 2015 1600 في المعارض زيرو ب 190 دا يبقي ايه ؟!!!!

[amoor89]

يعني لما واحد يعرض اوكتافيا 2013 اول فئه ماشيه 30 الف ب 190 و موديل 2015 1600 في المعارض زيرو ب 190 دا يبقي ايه ؟!!!!

قول والنبى قول دحنا فحتنا المنطق بكل أشكاله

[Omar Mahmoud]

يعني لما واحد يعرض اوكتافيا 2013 اول فئه ماشيه 30 الف ب 190 و موديل 2015 1600 في المعارض زيرو ب 190 دا يبقي ايه ؟!!!!

في الانيل من كدة
الكورولا الجديدة كان في حد عامل موضوع عن اسعار المستعمل
واحد جايب كورولا و عارضها للبيع اغلي من سعرها زيرو في المعارض ب4000 جنيه ليه اصله رخص العربية
و الكورولا اللي الناس بتشتريها ب130000،140000،150000 يعني بالسعر ده و اقل كمان اجيب عربيات زي الفيكترا سي و استرا اتش و هوندا سيفيك هيمسحوها ده غير الزيرو.
نفسي افهم ليه المصريين بيموتوا في الموديل ده؟؟؟؟

[SAMEH_FOUAD]

والله نفس رأيي بمعنى ان تمن الكورولا يركبنى هوندا مواصفات عالية بس هنعمل ايه بقى فى عدم الفهم !!! وبالمناسبة انا متابع مشاركات حضرتك و معلش عندي شوية اسئلة لحضرتك
1- انا كنت راكب النترا هاي لاين اوتو وبعتها وحاليا انا بفكر اركب حاجة محترمة بس على قدي انا معايا فى حدود من 50000 الى 55000 جم و ممكن ازود شوية وطالب من حضرتك ترشحلي حاجة محترمة تكون على ذوقك لأن كل الناس بتنصحنى بالكوري عالشان اسعار قطع الغيار بس بالنسبة ليا (لو قطع غيار غالية وتعيش افضل واوفر من الرخيص اللى بيتلف بسرعة )
2- انا شاب اعزب وعايز اركب حاجة كدة ثابتة و سحبها يكون ممتاز ( الافضل تكون اوتو بس لو المنول هتكون فيها مميزات اكتر يبقى مافيش مانع )
3- تكون اعتمادية لان بكره اروح لميكانيكي
4- انا فكرت فى عربيات كتيرة زى الجولف و الاسكودا والباسات و الهوندا بس هسيب الرأى لربنا و لحضرتك !!!
مش عارف بقى المبلغ ده هينفع ولا لأ !! ياريت متحرمنيش من النصيحة عالشان انا قاعد من غير عربية و قربت اتعفرت ههههههههههههههههههههههه
الف مليـــــــــــــــــــــــــــــــــــون شكررررررررررررررررر

طيب هو مبدأيا , لو هنتكلم على الهوندا ودة اللى هتكلم عليها ومش هجيب اى اختيارات تانية

عشان ماتبقاش شهادتى مجروحة , فانت ممكن تجمع معلومات من كل قسم فى اكثر السيارات فى المبلغ دة , فيهم اللى انت عايزة

فمبلغ 55 الف جنية , يجيبوا هوندا سيفيك 92-95 , محترمة جداااااااا , وهتبقى اوتو 1600 130 حصان

العربية ثابتة جدااااااااا - ماتور قوى - وناعمة - ورياضية - واعتمادية جدااا - فتحة سقف
بس مشكلتها , انك هتتعب شوية لحد ماتلاقى حاجة نظيفة - ان مش اى حد بيفهم فيها فلازم يكون ليك ميكانيكية معينين عشان تضمن ان العربية تبقى تمام

بالنسبة لقطع غيارها , زى الفل ومافيش فيها اى مشاكل

- لو هتزود شوية بتاع 5 الاف جنية , ممكن تركب موديل 96-98 سيفيك , بس هتكون الفئة ال half option

ودية بردة بتكون كويسة وزى الفل بس ماتور 1500 سى سى قوتة 105 حصان واوبشن قليل شوية

[SAMEH_FOUAD]

يعني لما واحد يعرض اوكتافيا 2013 اول فئه ماشيه 30 الف ب 190 و موديل 2015 1600 في المعارض زيرو ب 190 دا يبقي ايه ؟!!!!

دة المفروض يتسحب منة السيارة والرخص , عشان قانون المرور لايسمح بأعطاء رخصة قيادة لمجنون

او الواحد يجيبلة لمونتين , ويعصرهم على العربية , ويقولة ابقى غطيها وشيل الغطاء بعد 15 يوم , تكون العربية خللت , عشان هتقعد معاك كتير , لحد ماتلاقى مجنون زيك يشتريها