الاعيب معارض السيارات والوكلاء - خلي بالك

[abou-yahia]

طيب

ممكن قائمه بيضاء لمعارض او توكيلات او ماركات

انا عارف انها واسعه شويه بس حاول تضيق علي قد ما تستطيع

Sent from my SM-N900 using Forum Runner

[Dr.Taher]

متابع جزاك الله خيرا

[mohamedsngo]

متابع ربنا يسترها علينا

[hi_nmr]

يانهار مكعبل
ارحمنا برحمتك يارب

[modygamal2000]

متابع وشكرا

[ابن حلال]

اولاً : اعذورني لاني مش بكتب الموضوع مرة واحدة والكتابة مش متواصلة لاني اكيد مش متفرغ للكتابة هنا وعندي مشغال ما بصدق اخلص وافضى
ثانياً : اني بحاول اتذكر كل التفاصيل الصغيرة الى ممكن تعدي عليا لو كتبت الموضوع بسرعة انا مش عاوز احذركم من النصب وخلاص انا عاوز اديكم امثلة في كل الحاجات الى بقولها عشان الدنيا تبقى واضحة باذن الله

واهه امبارح فعلا كان فيه شوية حاجات الواحد عاوز يكتب عنها وطارت من دماغه لما افتكرها هبقى اكتبها في بند البائع

نتكلم عن التأمين : طبعاً انت بتشتري العربية واول حاجة بتفكر فيها التأمين وده برضه بيبقى سبوبة للبائع .... البائع عامل باسمه حساب في شركة تأمين ومظبط مع موظف شركة التأمين
ازاي
موظف مبيعات المعرض بياخد عمولة من شركة التأمين على كل بوليصة تأمين
ياعني البياع بقنعك انك تأمن في الشركة الفلانية ويقنعك انها افضل شركة وانك هتاخد رقم تليفون الراجل ولو احتاجت اي حاجة هيوصلك طلبك بالتليفون :) ... وانك مش هتروح الشركة والمندوب بتاعهم هيعملك كل حاجة وانت هنا باشا
فين السبوبة : زي ما قولتلك البائع ده بياخد عمولة ... هتقولي ما انا باخد البوليصة وفيها المبلغ مكتوب هقولك ان البوليصة بتطلع مثلاً ب 4% على عربية ب 200 الف تبقى 8000 والبوليصة بتطلع من شركة التأمين بالمبلغ ده بس المسدد فعلياً هناك 3.2% ياعنى 6400 جنيه والباقي بيجي في ظرف للبياع وكل سنة وانت
بعض البائعين مش بيكفيهم النسبة ديه فبرضه بيزود المبلغ على المشتري وخصوصاً لو العميل بيقسط مع بنك تبع البائع وبيدي البوليصة مباشرة للبنك و((الزبون )) ما يعرفش
بعض شركات التأمين سيئة السمعة والى قفلت كانت بتوصل بالعمولة لنسبة كبيرة بتوصل 50% من المبلغ من الاخر انصب على الزبون وبالنص يامعلم (( بس ديه قفلت الحمد لله )) فاضل الى بيطبقوا النظام المذكور

يبقى انت بتأمن في الشركة الي بتدي مصلحة للبائع مش الشركة الافضل ليك
ياعني انت بتدفع مبلغ تقدر تقلله لو اتعاملت مع شركة التأمين بشكل مباشر ولو ما حصلش وانك عرفت تقلل المبلغ يبقى على الاقل تسأل عن افضل شركة تأمين وتأمن فيها بنفسك والموضوع سهل وبسيط

[mohamed handy]

اقول اقول الواحد بقى بيخاف يتعامل مع اى حد كله بيعمل سبوبه على كله

[DEVIL333]

طب حضرتك انا حاجز كيا اسبوتاج 2015 من التوكيل كيا موتورز فى ابو رواش هستلمها كمان شهر
حضرتك شايف انى اشتريها من التوكيل و لا الغى و اشتريها من معرض واية اهم النقط التى اراجعها فى السيارة عند الاستلام

[minicooper20]

اشكرك طبعا و يحترم تنبيهك
بس مش كلها سواد كده
و مش كلها بالنصب في ناش شغاله بسيستم و ميقدرش يغش
و لو بيتباع في مصر كل يوم الف عربيه جديده فا ممكن الغش يكون في عشره
مش بالمبالغه دي
تحياتي

[amirz]

جازاك الله خير والله بس ياريت تقولنا على الماركات والمعارض المحترمة

[samehlila]

الكلام ده صحيح و انا كل العربيات اللي بتيجي تفحص اعطال عندي جديده بيبقي بسبب ان المعرض شايل فيشة ال abs علشان العربيه ماتحسبش كيلومتر في النقل و مشاوير المعرض

[ابن حلال]

با جماعة انا مش بقول ان كل الناس نصابة في المجال والموضوع الغرض منه انه ما يتنصبش عليك
(( الا من رحم ربي ))
وانت مش هتبطل تتعامل مع النصابين والحراميه الفكرة انك ما تبقاش مغفل وتخليه ينصب عليك
كل الحاجات الى ذكرتها قولت طريقة النصب وازاي بيتنصب عليك فيها وتعمل ايه عشان ما يتعملش عليك مصلحة

ثانياُ : انا مش بدي للناس نصائح مباشرة ولا بتكلم على توكيل او معرض بعينه انا بتكلم في العموم المطلق وعن خبايا المجال ده وانت يبقى في ايدك الاختيار

ثالثا: بعتذر عن الرد عن اي استفسار يخص اي شركة او تاجر او موديل سيارة .... شوف الكلام الى كتبته ومنه اعرف انت المفروض تعمل ايه وربنا يوفقكم ويرزقكم بعربيات ممتازة وما يتنصبش عليكم في الشرا

رابعاً : الى بيتنصب عليه دايماً بيبقى متقمص دور الباشا الواثق من نفسه ومن البائع الى ادامه استلم عربيتك صح وادفع صح وركز في الخطوات الى بتعملها وما تبقاش مهمل في حقك وبس

[dedi]

با جماعة انا مش بقول ان كل الناس نصابة في المجال والموضوع الغرض منه انه ما يتنصبش عليك
(( الا من رحم ربي ))
وانت مش هتبطل تتعامل مع النصابين والحراميه الفكرة انك ما تبقاش مغفل وتخليه ينصب عليك
كل الحاجات الى ذكرتها قولت طريقة النصب وازاي بيتنصب عليك فيها وتعمل ايه عشان ما يتعملش عليك مصلحة

ثانياُ : انا مش بدي للناس نصائح مباشرة ولا بتكلم على توكيل او معرض بعينه انا بتكلم في العموم المطلق وعن خبايا المجال ده وانت يبقى في ايدك الاختيار

ثالثا: بعتذر عن الرد عن اي استفسار يخص اي شركة او تاجر او موديل سيارة .... شوف الكلام الى كتبته ومنه اعرف انت المفروض تعمل ايه وربنا يوفقكم ويرزقكم بعربيات ممتازة وما يتنصبش عليكم في الشرا

رابعاً : الى بيتنصب عليه دايماً بيبقى متقمص دور الباشا الواثق من نفسه ومن البائع الى ادامه استلم عربيتك صح وادفع صح وركز في الخطوات الى بتعملها وما تبقاش مهمل في حقك وبس

باشا انا بعت لك على الخاص من فضلك تواصل معى

[ahmed.Elashy]

موضوع جميل جدا ومن اهم المواضيع
بس للاسف اللي انت بتحكي عليه دا بيحصل ف كل مجالات الشغل وف الحياه عامه ف مصر لانعدام الضمير
الزبون اللي بيتنصب عليه بيكون هوا نفسه بيسرق من شغله او فاتح تجاره و بيغش فيها او واخد قرض بالربا
اللي متاكد منه اللي فلوسه حلال ربنا بيباركله فيها

[amhhma2003]

حصل لى حاجه مشابهه لكدة فى المصريه للسيارات
بعد متفقت معاه على السعر
اخد البطاقه يصورها لتكمله الاوراق
وبعد 5 دقائق خرج الموظف يقول . يا بشمهندس لسه جاى فاكس حالا والعربيه ذادت 2500 جنيه . طبعا بعد مشاف المسمى الوظيفى فى البطاقه ..
قلت له لا مش عايزها .
المهم بعدها بساعه اتصلت بيه وقلت له انا فى معرض تانى وقدامى نفس العربيه واقل الف جنيه من السعر الاساسى اللى انت قلت عليه فى الاول . احجزها ولا هتدينى اللى عندك .
قال لى تعالى يا باشا وانا هكلم لك مدير المبيعات
وفعلا اخدها اقل الف جنيه عن السعر الاساسى