الاعيب معارض السيارات والوكلاء - خلي بالك

[احمد دودى]

الله يبارك لك بجد على الموضوع ده ومستنى بقيه الموضوع وان شاء الله النوريبقى موجود عشان الموضوع مهم للغايه تحياتى

[ahmed sa3ed]

انا مستلم اوكتافيا ٢٠١٥ مخبوطه من تحت الاكصدام الى قدام بسبب طلعت التريلا ونزولها بس اخدتها طبعا لاتى شايفها قدامى وهى بتتحك وهي نازله وطبعا انا مبسوط انى استلمت العربيه فى نفس اليوم الى طلعت فى من الجمارك يعنى انا اول واحد افتح بابها لا وقفت فى معرض ولا حد قعد يفتح ويقفل فيها ولا تتنقل من مكان لمكان ودا بسبب المخاوف الى عنندى من الى بيحصل فى العربيات الى حضرتك حكتها

[mohammadrashee]

ربنا يرزقك بالحﻻل
كل نواحي الحياه فيها اشتغاﻻت
اي بياع همه العموله في اي مكان

[Driver101]

للمتابعة

ربنا يبارك لصاحب الموضوع ويجعله في ميزان حسناته.

[hi_nmr]

واضح من التعليقات كلها ان معظم الناس خايفه من معظم الناس وعندهم حق
وواضح كمان ان كل الناس متأكده ان مفيش ضمير عند معظم الناس وبرضو عندهم حق
من هما الناس ؟؟!! للاسف احنا
احنا اللي بنعمل في نفسنا كده :(

[ابن حلال]

نكمل حاجة تانية المفروض انها بتبقى واضحة بس برضه الناس بتقع فيها
ناس كتير بتدخل تتفرج على عربية وتعجبها ويقرر يشتري
طيب انا عاوز اخلص من عربيتي الاول ... هنا طبعاً البائع النصاب ((الا من رحم ربي )) هيتبرع ويقوله يافندم احنا عندنا ادارة للمستعمل استني اكلملك المسئول الى بيبقى في الحقيقة تاجر سيارات مستعمل مظبط مع البائع بالعمولة برضه وطبعاً حساب عربيتك الى هتبيعها هيبقى اقل من السعر المتعارف عليه في السوق بقيمة مكسب التاجر + عمولة البائع طيب ليه ؟؟؟
ليه تخلي حد يبيعلك عربيتك لتاجر
بيعها بنفسك ولو مستعجل روح للتاجر مباشرة على الاقل هيبقى قللت العمولة الى هتتعمل عليك

راعي ان بيبقى في ناس ما تعرفش حاجة ابداً عن العربيات غير السواقة ومش مهتمة بتفاصيل البيع والشراء وبيبقوا فعلاً اجمل ضحية للنصب في المعارض والتوكيلات
مصمم وعاوز تبيع عن طريق المعرض او التوكيل يبقى روح لمكان فعلاً عنده ادارة مستعمل وهتتعامل معاهم رسمي

حاجة كمان ناس كتير بتلجاً للنمر التجارية وديه برضه بيطلع فيها مصالح والعداد بيحسب باليوم وبرضه الحساب شيء وهو هيحاسبك بشيء تاني ... هتستلم العربية اعرف ان هتاخد اقرار استلام هتمشي بيه عادي جداً لغاية الترخيص تقريباً معاك 48 ساعة او 72 ساعة .... ما فيش داعي انك تلجأ للنمر التجارية الا في الضرورة القصوى واستعوض ربنا في المصلحة الى هتتعمل عليك

[Omar Mahmoud]

الكلام ده كله بيحصل فعلا
والدي كان شغال في السعودية في معرض اسمه الجميح و ده توكيل لجينرال موتورز بس ماكانش من البياعين و حكالي علي حاجات زي دي و المصيبة كمان إن ده توكيل يعني قطع غيار اصلية و نضيفة و مضمونة لأ بيشتروا قطع غيار عادية من اللي هي بتتباع في محلات قطع غيار عادية و ساعات قطع غيار مضروبة.النصب شغال زي الفل.

[عصام غنايم]

متابع

لأنى شوفت بعينى حاجات من دى كتير

بارك الله فيك وجعله فى ميزان حسناتك

[أبو مالك]

متابع
وربنا يكرمك علي النصايح الجامده دي

[D . a .\ AYMAN]

بارك الله فيك وحفظك منهم ومن أمثالهم وأعانك عليهم

[s7oda]

ربنا يجعل الناصيح والمعلومات دي في ميزان حسناتك لانك بجد افدتنا

[ahmed0maged]

متابع

[Eng.M_Mousa]

يا نهار ابيض يعني الواحد يخاف من الزيرو اكتر من المستعمل
جزاك الله خيرا علي هذا الموضوع الرائع

[kar!m]

ربنا يكرمك و يجازيك خير

[nagy wassef]

اهم حاجة تفضل زى مانت فى شغلك و ماتضغفش
اننت ربنا معاك و تاكد ان حقك هتاخده فى يوم من الايام علشان ربنا مابيسبش حد
السرقة مش شطارة...... اسهل حاجة السرقة
لكن الصعب انك تنجح منغير ماتخالف ضميرك
ربنا معاك و يوفقك فى حياتك