بالصور حصريا : شيفرولية لانوس مرحبا بكى في مصر !!

[MMamdouh]

اللانوس سيارة قديمة
والموديل الأحدث منها وهو الأفيو موجود في السوق
والفرق بين الإثنين في السعر حوالي من خمسة إلى سبعة آلاف جنيه
والأفيو تتميز عنها بالكثير في الشكل والصالون والمتانة والتكييف والإرتفاع عن الأرض

أتساءل من ذلك مجنون ليلي أقصد لانوس الذي سيترك الأفيو ويشتري اللانوس ولماذا يفعل ذلك
ولكن أظن أن المبلغ المتاح قد يفرض أحياناً على الإنسان إتخاذ قرار مثل هذا

1- واحد معهوش 5 الاف جنية زيادة

2- واحد مش عايز عربية قطع غيارها غالية

3- واحد عايز لما يبيع يبيع بسرعة

4- واحد عايز لما يبيع مسخسرش كتير

5- واحد عايز عربية اكثر ثبات

MMamdouh

[ahmed1981]

إليكم صورة موتور اللانوس الشيفورليه الجديدة
من معرض منصور شيفورليه بشارع فريد سميكه بمصر الجديدة
ولي سؤال : اللانوس زمان كانت دواسة الدبرياش على سلك ولا باكم ؟؟ لأن الجديدة على باكم

المهم إليكم الصورة:

[maka]

ده هو الموتور بالمللى بس ال EGR عندى لونه مصفر زى النحاس هنا شكله

المونيوم او استالس والدبرياج على باكم طول عمره

[MMamdouh]

this is the same A15SMS engine that is on the Daewoo Lanos... nothing has changed

MMamdouh

[Mostafa Taher]

ظاهرة متكررة حصلت قدامى مع 3 من خمسة استلموا شيفرولية لانوس الجديدة منهم 2 كانت معاهم لانوس موديلات اقدم

كانت ملاحظتهم ان عفشة السيارة انشف كتير جدا من دايو لانوس القديمة

وده ميزة انه بيخلى العربية اكثر قدرة على تحمل الخدمة الشاقة

لكن بيدى انطباع غير مريح للناس اللى مشيت بالعربية لغاية دلوقتى خاصة في المطبات

الاخ العزيز MMamdouh

عايزين نبذة عن الحالة الميكانيكية للانوس الجديدة زى ما وعدتنا ..

[M_HaFeZ]

عايز بس افهم حاجه
الاختيارات دى متشابهه جدا
والاختيار التانى والرابع ايه الفارق بينهم + ايه معناها اختيارات متضاده ممكن اختارها مع بعض مش مجرد اختيار واحد

[waleedrahmy]

أمبارح شوفت العربية في معرض علاء الدين بالظاهر ومافيش أي أختلاف الا في اللوجو وال cd وجاري رفع صور لها

[Mostafa Taher]

حد يا جماعة استلم العربية من الناس اللى موجودين معانا هنا او جربها ؟؟

[wlng76]

سعرها مبالغ فيه قوى حتى لو العربية ممتازة, بس تكلولوجيا وشكل قديم

[Mostafa Taher]

اجرى مركز إماك لعمليات دراسات الرأى العام عملية مسح عشوائى لمعدل الاقبال على حجز لانوس وبيريليانس الجديدة في معارض السيارات بالقاهرة والجيزة .. وذلك بناء على طلب من جنرال موتورز مصر
وحتى يوم الخميس 13 نوفمبر كانت ارقام الحجز والاستلام الخاصة بالبريليانس تتفوق على لانوس بمعدل كبير .. يزيد على 14% رغم ان السيارة هاتش باك و كلنا عارفين عقلية المستخدم المصرى !!

معدل حجز البريليانس إلى حجز اللانوس كان 57% إلى 43% ..

يبدوا ان هناك قوى جديدة تولد هذه الأيام في سوق السيارات في مصر ..

اتوقع ان بيريليانس Frv خاصة في حالة نجاحها في اثبات اعتماديتها في الشارع المصرى خلال الشهرين القادمين .. فان تلك السيارة ستحدث نقلة نوعية كبيرة في علاقة المصريين مع السيارات الصينية وهو ما سيبدل حال سوق السيارات داخل مصر تماما !!..

[Mostafa Taher]

سعرها مبالغ فيه قوى حتى لو العربية ممتازة, بس تكلولوجيا وشكل قديم

واضح ان رياح التغيير لم تهب على امريكا بس

بل انها ايضا موجودة في سوق السيارات المصرى

كلنا ملينا وعايزين عربيات جديدة

:wacko:

[Mostafa Taher]

اللى بيروح يسأل على العربية في المعارض ..

يا ريت يقولنا ايه الاسعار اللى بيقولوا عليها بالنسبة للتسليم الفورى ؟؟

[Mostafa Taher]

اغلب معارض مدينة نصر بتزود على ثمن شيفرولية لانوس بفئتيها 1000 جنية
و ذلك في حالة الرغبة في التسليم الفورى

[mido_919]

اعتقد شعبيتها هتقل شويه بس هتفضل تحقق مبيعات عالية

[sh23]

الأختيارات متشابهه جداً
يعني الأول هو الثالث & والثاني هو الرابع ؛؛ طيب كنت خليهم اختيارين فقط