بالصور حصريا : شيفرولية لانوس مرحبا بكى في مصر !!

[Mostafa Taher]

الأختيارات متشابهه جداً
يعني الأول هو الثالث & والثاني هو الرابع ؛؛ طيب كنت خليهم اختيارين فقط

الاختيارات متقاربة وليست متشابهة

ويمكن لك القيام بعدة اختيارات في نفس الوقت اذا كان اختيارين معا متوافقين مع وجهة نظرك

[cyberentity]

ال FRV كانت هتاكل اللانوس و افيو و فيرنا فى السوق لولا قرار بافاريان اوتو الذى اعتقد انه غير مدروس بشكل جيد برفع فئتيها 5000 جنيه , انا اعرف شخصيا 3 سحبوا مقدم حجزهم بعد الزيادة (bas kedah gat masla7et mansour)

[Mostafa Taher]

ال FRV كانت هتاكل اللانوس و افيو و فيرنا فى السوق لولا قرار بافاريان اوتو الذى اعتقد انه غير مدروس بشكل جيد برفع فئتيها 5000 جنيه , انا اعرف شخصيا 3 سحبوا مقدم حجزهم بعد الزيادة (bas kedah gat masla7et mansour)

قرار غير مدروس فعلا

عارف لو كان نزلها من الاول بـ 75 كان يمكن يبقى عادى

لكن اللى عملته بافاريا ده تهريج وهيبقى له تاثير سىء جدا على مبيعات العربية لو ما عدلوش السعر تانى ورجعوه زى ما كان

[Mostafa Taher]

ال FRV كانت هتاكل اللانوس و افيو و فيرنا فى السوق لولا قرار بافاريان اوتو الذى اعتقد انه غير مدروس بشكل جيد برفع فئتيها 5000 جنيه , انا اعرف شخصيا 3 سحبوا مقدم حجزهم بعد الزيادة (bas kedah gat masla7et mansour)

قرار غير مدروس فعلا

عارف لو كان نزلها من الاول بـ 75 كان يمكن قولنا ماشى برضه وسعرها كويس

لكن اللى عملته بافاريا ده اسمه تهريييج

انت هيأت السوق على سعر معين وعشمت الناس بالحلق و الناس خرمت ودانها

اعتقد ان ده هيكون له تأثير سىء جدا على مبيعات العربية الا لو بافاريا لمت نفسها واحترمت الحملة الاعلانية اللى عملوها للعربية بنفسهم ..

[Mostafa Taher]

و طبعا المستفيد الاول من الكلام ده هو ........... منصور

[CryptonX]

معلش يا جماعة انا عارف انه مش مكانه و بفكر افتح موضوع مستقل

بس موضوع ان التوكيل يزود 5000 الاف علي الحاجز او غير الحاجز ده شيء طبيعي جدا في راي .. طبعا هي حركة قلة .. بس قانونية و مفيهاش اي حاجة ليه ؟

اولا من اول اعلان نزله هو قايل انه " السعر ده ترويجي لفترة محدودة جدا "

وادي اول تحذير و في ناس كتير استلمت بالسعر الاولاني فعلا ..

ثانيا لو اخدت بقى البروشور بتاع العربية او زرت المعرض حتلاقي مكتوب كدة بخط صغير زي كل اعلاانات برة .

( المواصفات و الاسعار المطروحة قابلة للتعديل او التغيير في اي وقت بدون انذار سابق )

والحتة دي حتلاقيها تقريبا في كل بروشورات اي منتج مش سيارة بس .

طب مالاسبرانزا لما نزلت كانت معولة بسعر ترويجي 59 الف جنيه و بعدين وصلت 65 الف حتى علي الحاجز ..

المشكلة بس ان العرض بتاع اسبرانزا " طول اكتر "

لو حنحسبها صح الFRV بتبتاع بمايوازي 9.000 دولار في الصين ( الموديل الي كان ب 70 الف هنا )

لو افترضنا ان مكسب التوكيل الصيني محسوب بالفعل تعالوا نحسب الجمارك ..

يعني اولا السيارة من غير جمارك تمنها 49 الف جنيه.

الجمارك و الضرائب - 55% ( 40% جمارك - 12% ضريبة مبيعات - 3% سيف وارد )

يعني بعد الجمارك و الضرائب السيارة تمنها 72 الف جنيه مصري ..

يعني هو كان مخفض عن تمنها الاصلي الفين جنيه

لما لقا ان في اقبال رفع السعر عن السعر المفورض ليها 3 الاف جنيه كمكسب ليه هو .

علما بان الناس فاكرة ان مكسب السيارات الصينية كبير بالعكس تماما

عنكم مثلا الشيري QQ السيارة المكتسحة مبيعات السيارات الرخصية في الصين و السنة دي التالتة في مبيعات الصين كلها ( 200 الف سيارة لوحدها )

عارفين مكسب شركة شيري الصينية فيها كام ؟؟

والله العظيم - 52$ !!! 52 دولار في سيارة ! يعني 283 جنيه
يعني مكسب " الموبايل " يمكن احسن :)

طبعا مش ده الوضع في كل السيارات بس لازم تفهموا ان وضع بريليانس مختلف

علي عكس كل الشركات الصينية الي بدات بسيارات رخيصة و بعدين دخلت علي التقيل ( شيري - بي واي دي - جيلي )

بريليانس طرحت الجالينا من 2004 في الصين و معملتش اي موديلات جديدة الي سنة 2007 عندما اعلنت عن السبلندور ليه ؟ علشان شركة بتحاول تحسن سيارتها مش مجرد تحشي السوق بوابل من السيارات المنعدمة الجودة او منخفضة و بعيدن ترقي نفسها ..

يعني الجالينا حدثت 4 مرات كاملة في مدار 4 سنين و السبلندور واضح جدا ان فيها تقدم جامد

فلعبوها صح عملوا ماركة بتحاول تنافس الكوري و الياباني و ليها طابع و برستيج معين و التوكيل المصري البافرية لعبها صح 100%

قدملك البيريلانس كانها احد منتجات BMW مش سيارة صينية تعتمد علي التمن الرخيص و خلاص ..

وقدملك باقة من الكماليات باسامي شيك كيد ( Exclusive - Classic - ) كانها مرسيدس طبعا ..

خلف نوع من البرستيج للسيارة .. الي خلى واحد عاقل يدفع 150 الف الي 200 جنيه في سيارة صيني ؟ اكيد اقتنع ان السيارة ليها رونق .

و طبعا انتوا عارفين في مصر كل مالعربية كبرت يبقى انت غني :) و راجل برستيج .


وبعد كل ده راحوا افتكروا بقى عامة الشعب و الطبقة بتاعة ال 60 - 70 الف جنيه !

و طبعا كله اتهوس بالعربية ليه ؟؟ علشان انت شبه مقتنه من جواك ان البريليانس دي حاجة تانية و ارقى و افخم و من البافارية ..

انما مثلا لو كانت هي هي نفس السيارة بعلامة جيلي مثلا او اي شركة صينية جديدة ولا حد كان عبرها

و دع يعبر عن مدى نجاح علي الاقل القسم التسويقي بالبافارية ..

--

انا مش بدافع علي فكرة انا بس بشرحلكوا اذاي التوكيل ده شاطر جدا و ناجح جدا في نفس الوقت .

انتوا لو زرتوا حتى فرع البافارية في روكسي مش حتلاقوا سيارة BMW واحدة .. كله بريليانس ..

[Mostafa Taher]

الاخ العزيز CryptonX

كل كلامك اللى انت قولته صح و تمام جدا

و مفيش حد قال ان بافاريا عملت حاجة مش من حقها

اللى انا باتكلم فيه عملية نفسية بحتة متعلقة بالطبيعة المصرية

وانا شايف ان فعلا بافاريا عملت شىء هو حق اصيل لاى توكيل سيارات

لكن طريقتهم كانت خاطئة تماما وهتؤثر فعلا على مبيعات السيارة سلبيا وهتشوف كده بنفسك

[cyberentity]

فعلا حتى لو مش هيكسبوا كتير كانوا ينزلوا الدفعة الأولى بس بالسعر ده ياكلوا بها السوق و يثبتوا رجلين العربية فيه و بعدين يرفعوا السعر

[girgis3510]

ياخسارة علامة شيفرولية

[Qamar]

أنا شايف انها حل مناسب للمصري اللى محتاج عربية ماتصرفش كتير و هو بيستخدمها

[egyptianmafia]

Bavarian should have waited a bit more and raise the price....not after 1 or 2 month after the car is in the market......

I have seen more Chevrolet Lanos than the FRV in the past 2 weeks!!!!

[Mostafa Taher]

انباء في سوق السيارات في الساعات الاخيرة تؤكد تراجع البافارية عن قرارها برفع سعر السيارة واعادتة للوضع الاول

بيز لاين - 70

هاى لاين - 75

التأكيد خلال ساعات ..

[MMamdouh]

حاجة كدة لعى الطاير احب اضيفها... كنت عند الميكانيكى يوم الاتنين و لقيت عندة عربية لانوس موديل 2006 (ايوة 2006) و العربية دى بتتاجر و عاملة..... 320000 كيلو.... ثلاثمائة و عشرون الف كيلو... و موديل 2006... يعنى 160 الف كيلو فى السنة يعنى اكتر من 13000 كيلو فى الشهر... و على فكرة العربية كانت جاية تغير طقم دبرياج مش جاية تعمل عمرة و كدة

اعتقد ان اللانوس اثبتت نفسها كعربية تتحمل الاستخدام الشاق و الاسعمال على اراضى مصرنا الحبيبة.... و الدليل عربية ايجااااار (يعنى بيتعمل فيها اللى مبيتعملش) و بتمشى فى المتوسط 13 الف كيلو فى الشهر (ناس كتير بتعمل الرقم دة فى سنة ) و العربية زى الفل... يعنى لما ادفع فيها 70 الف جنية مش ححس انى اخدت مخاطرة

لما ال FRV توصل 320 الف كيلو ساعتها نبقى نتكل عم مقارنتها باللانوس من ناحية التحمل و العمر الافتراضى

و اعتقد صديقى العزيز ناصر يفتكر كويس الصورة دى اللى هو بعتهالى زمان... الموتور دة موتور العربية الاصلى



MMamdouh

[M.Osman]

شوفت حاجة جدامدة جدا النهاردة مش عارف ليه مصورتهاش !!!

واحد عربيته دايوو جولييت سوداء محافظ عليها ( ماشاء الله ) شايل علامة دايوو و حاطط علامة شيفرولية و كاتب Chevrolet كأنها بجد شيفروليه ...

واضح انه عضو فى نايل موتورز :) :)

[hotboja]

ازى شركة كبيرة زاى شيفورلية تقلد الانوس دة شىء متسفز جداااااااا

بجد حاجة زفت دول بقو زاى الصين كدة
يقلدو اى حاجة واسلام على شان نجاحة فى السوق دول حتى معدلوش فية اى حاجة
دى عملية استنساخ
على شان اية يعملو لانوس حد يفهمنى لية ؟؟؟؟