الي متي سيستمر استغفال الناس بتسمية الزيت بعدد كيلومترات !!؟؟

[Hegazio]

زيت عشر الاف !
زيت خمس الاف !!
زيت ثلاث الاف !!!

مين اللي حط عدد الكيلومترات دي؟!
و هل هو عارف العربية ماشية في زحمة ولا طريق سالك ؟
في بلد حار ام بلد بارد ؟

الزيوت ثلاث انواع و دمتم :
* تخليقي لا تتغير خواصه بسهولة
* نصف تخليقي
* معدني

و تضاف لهم اضافات مصرح بها من api و مواصفات من نفس الجهة " المعهد الأمريكي للبترول "

تم تجربة زيت تخليقي علي مسافة 65 الف كيلو متر في الامارات قبل ان يلزم تغييره
و هناك سيارات تمشي في طريق يدور فيه المحرك مليون لفة في الكيلومتر الواحد

افيقوا يرحمكم الله .. لا تجعلوا اصحاب البنزينات و العاملين في الزيوت يخدعوكم

[kar!m]

طول عمري بقول كده و محدش بيصدقني.

[Hegazio]

حبيب قلبي

[borio1704]

محدش بيقرا الكتالوج..

وعلى الأقل لو حد قرا الكتالوج كان فهم إن الكيلومترات دي تختلف من موديل لموديل ومن ظروف تشغيل عادية لأخرى قاسية.. وكان فهم أصلا إن مش أي زيت يشتغل في أي موتور.

العلم هو أقوى سلاح... بس احنا ما بنحبش المدرسة..

اسأل أي حد في كلية نظري واسأله عن معلومات عن المواد اللي بيدرسها... هيبصلك وكإنك جاي من كوكب تاني.. وكإن عيب أصلا تكون عارف حاجة !!!

اللي احنا فيه ده مش من فراغ.



...

[Mecha]

حضراتكم دا في العالم كلو
زيوت السيارات توصف في الصيانه بعدد الكيلومترات والمعدات بعدد الساعات ,
هنا السيارات الركوب للزيت المعدني 10,000 كم ,موبيل1 التخليقي 60,000 كم
المعدات كل 250 ساعه
وفي مصر لظروف الغش والشك ,السيارات للمعدني 3000 كم والمعدات 150 ساعه

ملحوظه : الصيانات دي لزيت المحرك

[Mecha]

المفروض لو محتار في مواصفة الزيت وكيلومتراته تتصل بالشركه زي موبيل و شل يردواعليك
اكتر من كدا في كتاب من الشركه بيوزعوه علي اي حد ,جايب كل انواع السيارات والشاحنات والمعدات والزيت المخصوص ليه محرك او فتيس او كرونه او هدروليك
طبعا المهندسين اللي متعينين في الشركات دي مصر جيين بوسايط وبيقبضوا حلو الحلو بس معندهمش معرفه كافيه ولا بيشغلوا نفسهم بمواصفات للسوق والجو في مصر,وكنا في مصر بنجتهد نلاقي الزيت الصح للمعدات المستورده. وناس يدوروا علي د.سعد قاسم في هندسة القاهره للاستشاره ,كعادتنا في مصر الحبيبه كل حاجه بتعب ووجع دماغ ههههه
افتكر زيت محرك ديزل من اسو جبنا براميل والزيت زي مابتحطو زي مابتنزله اصفر مفيش cleaning additives
وشركه اسو في مصر بجلالة قدرها ولا هنا , دواير هيدرليك كتير كان فيها مشاكل بسبب الزيت ومفيش دعم فني اياميها وتضطر تدور علي الزيت المناسب بنفسك

[Hegazio]

انا مش محتار علي فكرة..انا عارف طريقي كويس جدا
انا نفسي الناس يبقو فاهمين بس

[hugan]

شخصيا قررت اني اغير الزيت التخليقي علي 15 الف

[besso]

قولنا الكلام ده قبل كده بس تلاقي ناس كتير مش بتعمل بيه وبتفكرنا بنفتي وكان فيه موضوع قريب هنا علي المنتدي اكد الكلام ده وفيه بحث اومقال تريبا علي ما اذكر صادر من معهد البترول الامريكي بيحذر الناس من انهم يمشوا وراء ادعاءات الشركات وانهم يغيروا الزيت حسب حالته وطبعا فيه اعتبارات كتير تاني زي اللزوجه وظروف القياده ... الخ

[sanhory]

الموضوع مش غش ولا حاجة بس هم مبسوطين كده عشان في تدوير للبضاعة يعني لو سيادتك حتغير الزيت كل 20الف او سنة يبقى مش حيبيع نفس الكمية اللي كان بيبعها
و نفس القصة في كل السلع حتى الشامبو يعملك حريمي و رجالي عشان بدل ما تجيب واحدة ليك انت والمدام تجيب 2 و كله واحد اصلا

دا فكر تسويق خبيث
انا عن نفسي قررت احط زيت تخليقى على شهر 11 و انزله اول الصيف الشديد على شهر 7 مع بداية سفريات الصيف و كده والجديد يكمل الصيف كله و هكذا

[tata2011]

معلش ممكن اعرف الفرق بي التخليقى والمعدنى واجيب انهى واحد لعربيتى

[svneleven]

المشكلة في المدة اللي الزيت بيعدها في العربية. ناس بتقول سنة واحدة علي الاكثر من تاريخ فتح العبوة. مش مشكلة عملت بقي 100 كم و الا 10000.

[عمرو الشريف]

متى يجب تغيير الزيت ؟ هل بعدد الكم ام بطريقة اخرى ؟

زيت عشر الاف !
زيت خمس الاف !!
زيت ثلاث الاف !!!

مين اللي حط عدد الكيلومترات دي؟!
و هل هو عارف العربية ماشية في زحمة ولا طريق سالك ؟
في بلد حار ام بلد بارد ؟

الزيوت ثلاث انواع و دمتم :
* تخليقي لا تتغير خواصه بسهولة
* نصف تخليقي
* معدني

و تضاف لهم اضافات مصرح بها من api و مواصفات من نفس الجهة " المعهد الأمريكي للبترول "

تم تجربة زيت تخليقي علي مسافة 65 الف كيلو متر في الامارات قبل ان يلزم تغييره
و هناك سيارات تمشي في طريق يدور فيه المحرك مليون لفة في الكيلومتر الواحد

افيقوا يرحمكم الله .. لا تجعلوا اصحاب البنزينات و العاملين في الزيوت يخدعوكم

شكرا" على الافادة
متى يجب تغيير الزيت ؟ هل بعدد الكم ام بطريقة اخرى ؟
بمعنى اخر الطريقة السليمة التى بها اعرف ان الزيت يجب تغييره

[aymanabdelwhab]

هو ايه الفرق بينهم بس عشان اابقي عارف

انا بحط شيل الاصفر ال 5000 وبنزله علي اربعه ونص

شيل ده بقي معدني ولا نص تخليقي

وايه هي انواع الزيوت التخليقيه في السوق

[ehab_mansour]

صدقت
انا بنزل الزيت التخليقي علي سنة او من 15 الي 20 الف كيلومتر
الزيوت التخليقية :- هي زيوت مشتقة 100% و ليس لها اساس حفري اي انها مكونه من مجموعة مواد تضاف الي بعضها البعض لتكوين الزيت و كل ماده منهم لها وظيفة تؤديها
الزيوت النصف تخليقية :- يوجد بها نسبة في اساسها حفري (مشتق بترولي ) ثم مجموعة اضافات
الزيوت المعدنية :- اساسها حفري و مضاف اليها مجموعة اضافات لتحسين ادائها

من الاخر بيتم استخدام اساس للزيت مشتق من البترول فقط لرخص سعره و بالتالي تكلفة زيت اقل ثم سعر اقل لكن الزيوت التخليقية فهي مصنعه من مواد كيميائية بنسبة 100% و بالتالي تزيد تكلفتها و بالتالي سعرها

كلما زاد استخدام الاساس الحفري في الزيت كلما قلت قدرته علي الصمود كثيرا امام الاستخدام الشاق خلال فترة زمنية طويلة لذلك بينصح بتغييره لفترات اقل من التخليقي

هناك بعض المصنعين مش بيستخدموا اساس للزيت حفري نهائيا و بيصنعوا زيوت تخليقية 100% لكل الدرجات من اول 0w20 و حتي 20w50 و كلهم مش بيتغيروا قبل 10 الي 15 الف كيلومتر و هناك زيوت منها بتتغير علي 30 و 35 الف كيلومتر

للامانه اللي بيحدد فترات تغيير الزيت اتنين : يا مصنع الزيوت ... يا مصنع السيارة و كلاهما بيكمل الاخر
لكن طبعا اللي بيحصل هنا في مصر ده مبالغ فيه جدا جدا و اسلوب تسويقي بحت
و بالتوفيق ان شاء الله